" Qalbk Yasa' - قلبك يساع " 

 " غنيت عشان الغنوة روح و لحم و دم .. يرضيكى يعنى اسكت ف يموتوا ناس جواى " 

اول البوم ل جاوي

بالتعاون مع دريم ستوديو م/ مفدي ثابت

عشان تعرفوا منافذ بيبع الالبوم ادخلوا علي صفحتنا في فيس بوك من هنا
https://goo.gl/sLmvoA

تم تسجيل جميع اغانى الالبوم باسلوب اللايف هاى كواليتى من حفل الفريق بــ  درب 1718
من الاخر .. مش هينقصكوا احساس اللايف فى التراكات
هتحسوا انكوا معانا جوه الحفلة

غناء : محمد عبد اللطيف
اداء شعرى و كلمات : أحمد الجمل 
باص جيتار : بباوى رأفت 
اليكترك جيتار : فادى ويصا
بيانو/كيبورد : جيسون
ايقاعات : أحمد حنكش 
درامز : نديم نخلة
قانون: تقى الهجرسى
مدير الفريق : محمود القاضى

توزيع : جاوى

تصميم الغلاف: جرجس بطرس 

ميكساج و ماستر : م/ محب صفا باستديوهات دريم م/ مفدى ثابت

our Facebook Page: https://goo.gl/sLmvoA
our Youtube Channel: https://goo.gl/q2wKBq

Qalbk Yasa' - قلبك يساع

كل القصايد إليها
كل الوجع كانلي وحدي
مديت فسحبت اديها
فرد الغراب ريشه ناحلى

قلبك يساع ياالجدع
قلبي يمام قطفوا ريشه
رفرف جناحك حضني
حضن الونيس لونيسه

كحلة عيونك سما زرقة
طل القمر حين مابصيتي
نزلت ملايكة من الجنة
من نن عينها تجليتي

عين الشبابيك سنانير
عيني ف عينك دواير
وشك مرايا على البير
سحرت عيوني الضفاير

أدي المواني وادي الليل
ولا حيلتي غير القصيدة
لاانا حيلتي مركب ولا خيل
عارفة البلاد البعيدة

كلمات / احمد الجمل  
 الحان / جاوى
توزيع / فادى ويصا & جيسون

our Facebook Page: https://goo.gl/sLmvoA
our Youtube Channel: https://goo.gl/q2wKBq

Kol El-Qasead - كل القصايد

بحبك اذان.. واحبك كنيسة.. واحبك هرم
بحبك يمام بيطوف ع العلم
بحبك مصانع.. واحبك مناجم.. واحبك بيوت
بحبك اثار حضنا خيط عنكبوت
بحبك صراخ واحبك سكوت
للاتي بضعفي وظلمك بموت
وساكن شوارعك كأني ف تابوت
بحبك ملامح عجوز انكسر
ف عينه ابتسامة لطفل انتصر
بحبك خطاوي بتبصم ع الشطوت

حين فك زراير صدره عشان يتنفس
انا شفت ف قلبه بيوت وحواري و ناس
بتصب الدمع وتسقي الزرع
وعيال بتشاور للطيارة عشان تستناهم
يرسموا جناحات طباشير
ويسابقوا الطير
ويهاجروا حيطان صدره الشايخ
ويعودوا ف أخر الليل
انا شفت ف صدره غيطان
تشبه للأرض اللي فردها الرحمن ف عيون زينب
مليانة نخيل.. لكن خايخ
بلحات خضرة.. ورمان أصفر
يمامات جناحاتها ماتسعفهاش
فبتزحف زحف العطشان ف الصحرة البور
عميان بيخافوا الضلمة
ويخافوا يواجهوا النور
نسوان باعوا الشعرات علشان أيوب
ولكنه مالمش حق التأشيرة
صندوق غاطس بالنبي موسى لقاع اليم
وأمه وأخته
واقفين ع الشط يشقوا الهدمة ويشكوا الهم
على صدره اتنين أمناء ماسكين طالب
وبيسرقوا منه كرامته ف عز الشمس
الناس موجوعة ف صمت
بيبكوا ف صمت
يغنوا ف صمت
بيحيوا الحاكم ويشاوروله يعيش و يعيش و يعيش
ويسبوا الدين لفخامته ف صمت
على صدره بنات
معرفش غناهم كان بيبة أو عدودة
معرفش اذا كانت غنواهم
قادرة تعافر وتزاحم طير
وتفك ضفاير ملك اللحن
وتتسرسب من بين القضبان اللي اتنصبت فوق صدره
وإن أمكن يعني وفلتت من حراس الموت
ازاي هتغطي الأغنية نواح الجعانين
في بطونهم عصافير بتصرخ
ويوماتي بيسمعوا نفخ الصور
كان أولى بملاك الرحمة
حين فك زراير صدره يطفي النور

كلمات/ أحمد الجمل 
الحان و توزيع / جيسون


our Facebook Page: https://goo.gl/sLmvoA
our Youtube Channel: https://goo.gl/q2wKBq

Bahbk Adan - بحبك آدان

لحظة ماكت بتبوش خطوته ف الارض
 وتشد عينه الشمس سرسوب ضي
 كان ينطلق جواه كلام ياما
 يحبس أنينه ف ضحكته بشويش
 وتسوقه رجله لرحلة ع الكورنيش
 مطرح ماكان شعرها بيغازل العصافير
 بيولي ضهرة للبشر.. ويتجه للنيل
 بيشوفها فوق الموج بشال احمر
 تشبك لعاب السمكة للصياد
 تضحك ف وش المركب..
 البيضة فتزيد بياضها بياض
كدب خطاوي الناس تجاه الموت 
أمن بإن الوحدة ف الغيبة
في ناس بتزحم قلبها الدنيا
وناس بتكسر نفسها الطيبة


يا شط البحر متكحل بخطوينا 
مين قاسى على قلوبنا 
و مين بالضحكة يروينا 

و يشهد موجك السكران 
ما شاف منا غير الاحضان 
و ترسى  .. فى ايها مينا 
و نلقى .. فيها اسمينا 

يا مركب .. و الشراع مكسور 
دايرة .. بين بلاده بحور 
و مرقية بعطور و بخور 
و نحتى بالدموع جرحى 
امانة عليكى لا تسامحى 

كلمات /أحمد الجمل 
الحان/ جون خليل 
توزيع / فادى ويصا

our Facebook Page: https://goo.gl/sLmvoA
our Youtube Channel: https://goo.gl/q2wKBq

Shat El-Bahr - شط البحر

يا ليل يا ليل يا ليل
ع المبالي طويل يا ليل

سافر حبيبي وجاه خلي يودعني
بكى وبل المحارم جولت ليه يعني؟
أنا جلت دا فراج يا أخي ولا جلع يعني؟
جلي إنت داري بالفرجة وما فيها
والله فراج الحبايب مر يوجعني
يا ليل يا ليل 

الصاحب اللي يكون لك ف الوداد كن له
حافظ على الود لو منه الأسى كله
جدم لك الزاد بصافي نيتك كل له

قضيت عمري على غير الكرامي ما سال
لو صابني ضيم دمعي على الخدود ما سال
الكار متنساش جالوا الفنانين أمثال
لو كان حبيبك عسل متخلصوش كله
يا ليل يا ليل
خسارة الحر لو داسه الزمان ورماه
مما جرى له يروح عند الخسيس ورماه
بيبكي وينوح عيونه من البكا ورماه
أسالك يا رب تعدلي الزمان من جاه
وأجود بروحي وأنفج ع الفجير من جاه
يا ولدي الردي عار ميعلاشي بكبر الجاه
أنا أجولك الجد يا أخي سيب الخسيس ورماه

من روائع فن الكف الصعيدى للفنان الراحل أحمد برين و العجوز 
"فرش و غطا"
كلمات و لحن / تراث صعيدى
توزيع / جيسون 

our Facebook Page: https://goo.gl/sLmvoA
our Youtube Channel: https://goo.gl/q2wKBq

Ya Leal Ya Leal - يا ليل يا ليل

مدنا وشجرة طيور وسحاب
وردة و ورقة ف قلب جواب
يا مستر الليل ع الاحباب
اجعل حبيبتي تدوب فيا

يا موج مهاجر و مغرب
مهما بعدت انا رح أقرب
هجر الحبيب داء متجرب
كل النجوم شهدة عليا

هلكت كعوبي ف أرض الله
الرزق يجري وانا اجري وراه
لا حصلت يوم على مال ولا جاه
ولا يوم هترتاح رجليا

بالله تدلوني يا رفاقة
أقدام على أقدام متساقة
والدنيا جامعة و فراقة
وانا فالتة مني خطاويا

يابيوت بتشبهه للقضبان
يا حيطان بتقسم ضهر حيطان
لا عمري خفت من السجان
ولا عمر سجنكو كان ليا

يا شارعنا يا لعب الكورة
كان حلمي واضح في الصورة
بعشقها توكة وتنورة
تعشقني لعب وتسلية

كلمات/ أحمد الجمل
الحان/ محمد عبد اللطيف و فادي ويصا
توزيع/ جيسون

our Facebook Page: https://goo.gl/sLmvoA
our Youtube Channel: https://goo.gl/q2wKBq

Madna Wa Shagra - مدنة و شجرة

لا انا ابويا كان اراجوز
ولا امي كانت مريونت الشاشة والمسرح
تاجر ملوش ف اللت والحواديت
وأمي مايشغلهاش غير اكلنا ونضافة المترح
أخواتي جوز مصابيح.. لم تخضر شنباتهم
لكنهم.. مسند و مقوا من الزمن والناس
أحرار ولاد أحرار مننحنيش ل جنيه
ستي اما كانت تدعيلي كات تقول
يجعل رقبتك فوق اوي
ويحشرك مسكين
ولا يحوجك للخلق
ستي اللي لم تقرا ولم تكتب
ولم يكتب لها يوماً زيارة البيت
كانت تشوف الكعبة ف أحضان السحاب
وتطوف مع الطير ف الفضا
بينها وبين بيتنا بيوت وحطان
لكنها كانت تقوم م النوم
لو كح ابويا ف اوضته آخر الليل
وانا اللي اوضتي جنب اوضته مسمعوش
رباني ابويا ع الكرم
أن كان ف ايدك قرش
رفه بعزم مافيك
واطرف عيون السما
ولا تنتظرش انه يعود لإديك
خليك إمام الفقرا يابني متغتنيش بالكدب
صاحب قلوب تهوا السجود لله
متخفش م اللي يكشر كل ميشوفك
خاف من صديق كذاب يكلك إذا شافك رغيف
الله دليلك.. كل متتوه بصله.. تلائيك وصلت
السكة يابني قصيرة
لاكننا اللي ضعاف نظر
بنشوف على حدود المفيش
فنخاف نموت.. و نخاف نعيش
بنخاف تجوع الأرض تبلعنا
ونخاف يمد العمر فنعجز
امي اللي مبتسمعش غير قرأن
اول ما عرفت اني بكتب شعر
حلفتني.. ماكتب إلا اللي ف ضميري
واللي قلبي يسوقني ليه
يمكن ساعتها.. فكرتني هرتسمها قاهرة
أو برج إيفل. أو حمام على كتف طفل ف ليل باريس
مكنتش تعرف.. اني كل ما بفتكرها
تنطلق ف عيوني ارض
والعروق اللي ف اديها
زرع عاجز يستقيم
فاندفن م الضعف فيها
يمكن.. لو كنت اعتدت اشوفها بعيد عن شغل البيت
أو حتى عنيها بتلمع فرح ومبتبكيش
كنت اقدر اسيب ألمي يكمل واختتم النص

امى عيونها كحال 
و اكرم كتير من النحل 
يوم سقف بيتنا مال 
سندت كتافها النخل 

لمت عيون الشمس 
شدتها جوا الشال 
ضلل خيالها الخلق 
سحرة و بحار و جبال 

يوم طل نورها ع البشر 
غنى الشجر موال 
و اما بكت دار القمر 
بينوح و يشكى الحال

العمر فوق الاربعين 
لكن قوامها غزال 
اغنى الخلايق كلهم 
من غير لا جاه ولا مال 


كلمات /أحمد الجمل 
الحان/ جون خليل 
توزيع / فادى ويصا

our Facebook Page: https://goo.gl/sLmvoA
our Youtube Channel: https://goo.gl/q2wKBq

Omey Oyounha Kahal - أمي عيونها كحال

الصبر و المعجزة و الحكمة كان ايوب
لا خفت م ال اتحكى و لا خفت م المكتوب
ادي العلم منحني للي ف ايديه الطلق
رغم ان قلب البندقية بيترعب م الطوب

يما مويل الهوا يما مويليا ضرب الخناجر ولا .. حكم الندل فيا  
و مشيت تحت الشتا .. و الشتا راوانى 
و الصيف لما اتى .. ولع من نيرانى 
بيضل عمر الفتى .. رهن للحرية
يما مويل الهوا يما مويليا ضرب الخناجر ولا .. حكم الندل فيا

يا ليل صاح الندى .. يشهد على جراحى 
و انسل جيش العدا .. من كل النواحى 
و اللى شاف الردى .. عم يتعلم فيا
يما مويل الهوا يما مويليا ضرب الخناجر ولا .. حكم الندل فيا

باروده الجبل .. اعلى من العالى 
مفتاح درب الامل .. و الامل برجالى 
يا شعبنا و يا بطل .. افديك بعينيا 
يما مويل الهوا يما مويليا ضرب الخناجر ولا .. حكم الندل فيا 

كلمات و لحن / تراث فلسطينى  
توزيع / جيسون 

our Facebook Page: https://goo.gl/sLmvoA
our Youtube Channel: https://goo.gl/q2wKBq

Yamah Maweal El-Hawa - يما مويل الهوا

Gawy is an independent Egyptian band that has been an active participant in the local artistic scene since September 2015
Since it had first been formed, Gawy has been performing an alternative form of art, a unique artistic state blending the power of words with distinctive tunes, putting them into a contemporary musical form.

Things really got underway in March 2017 when the band released its first album “Albek Yesaa” (Your Heart is Big Enough) that included seven tracks recorded at a live concert held especially for the album.

Qalbk Yasa' - قلبك يساع

Gawy جاوي