جينيس انت معونتش بتغني ليه؟ وفين التراكات الاقديمة في تراك فيهم عايزه وناسي اسمه🤦

التراك دا ناقصو عمو الجو اقسم بالله

كالعاده مش شايف جديد :) دايما بتبهرنى

احا يا جدع ايه الفجر ده عمرو سعيد وجاجور ف تراك واحد ...فشيييييييييييخ ❤❤

إكتبوا باين كدبكوا في كل كلمة هتكتبوها بيبيعوا أوهامكوا ليكوا وفي كل مرة بتشتروها

واضح في العيون تحدّي وفي القلم بخل الكتابة

اسمع التراك كامل على يوتيوب من اللينك ده:
https://youtu.be/0sFHvx2K1dw

Listen to the full track on Youtube through this link:
https://youtu.be/0sFHvx2K1dw

RASDAK

Rasdak - راصدك

اه يا حال سكران فوق شوف حالنا " إحنا بقالنا سنين شوف اجيالنا 

احنا بلدنا بتولع وإحنا في دنيا تمامها , ورقتين دايرين ورا دخانها 

إنت تقسي " وانا الف كتير عشان أنسي , كل حاجة فيك وسخة وفاكسة 

انا لسه " بشوف قدام عيني طريقك الجميل ! , مليان تماثيل ونخيل ونجيل 

مناظر تبهرني " عيون تسحرني , لكن ده مش مكاني وانا عابر سبيل 

إحنا الإنسان صحاب المكان مش ذنبنا إننا جينا والحال سكران 

بعنادك أرجع مخمور " في الليل الأخير ,وخمورك سبب إحتراقي 

في شوارع الف وادور , ويطول المسير , وإنت ولا حاسس ولا داري 
ـــــــــــــــــــــــــــــــــــــــــــــــــــــــــــــــــــــــــــــــــ
اهم مافيك بني واوراق , ودواير حمرة تجري سباق

رمل ابيض سيطر ع الاسواق " اه ياحال سكران الحال معروف 

خدنا و ودينا جرينا وراك , لو سكران عيشنا في دنياك 

بيني وبين الاحلام مسافات , وبقرب ليها بصباع ملفوف 
ـــــــــــــــــــــــــــــــــــــــــــــــــــــــــــــــــــــــــــــــــــــــ
ولا مركب عندي لكني أعلنت التحدي وسأمضي وأعدي أعماق البحار 

طول ما فإيدي قلمي يرفرف علمي ويدي إشارة لكل صاحب قرار 

ده الحال سكران مليان توهان والدنيا جنان لو الدماغ عمار 

إرفع إنذار هنا وهنا وإحتار وإختار بين دنيا وجنة ونار 

امشي المشوار إكتم اسرار" الحال يبني سور إبنيلوا اسوار 

إعمل نكتار الخمرة فطار, ياحال سكران انا صاحب البار 

ده كحولك نساني إسمي , كل كيميا فيك بتدمر جسمي 

انا بحبس كبتي إنت بتحبسني , خليتني بقول للدنيا ياخصمي إتهزمي 
ـــــــــــــــــــــــــــــــــــــــــــــــــــــــــــــــــــــــــــــــــ
اهم مافيك بني واوراق , ودواير حمرة تجري سباق

رمل ابيض سيطر ع الاسواق " اه ياحال سكران الحال معروف 

خدنا و ودينا جرينا وراك , لو سكران عيشنا في دنياك 

بيني وبين الاحلام مسافات , وبقرب ليها بصباع ملفوف 
ـــــــــــــــــــــــــــــــــــــــــــــــــــــــــــــــــــــــــــــــــــــــ
ياه لو نبقي انا وإنت صحاب ,متاخدش حساب مني في طلبات اطلبها 

تفضل كده سكران او مش دريان وحياتي أخدها اظبطها 

ياتري إنت بعيد ولا أعمي !! ,, بتشوفنا او تسمعنا ؟! ـ

نفسي اعرف انا عنك معني يخفف حتي علينا اوجاعنا إشمعني 

إنت تملي عارفنا , ولا انت واخدنا خاطفنا 

ولا إحنا سجارة لاففنا وكل شوية تيجي تولعنا 

كله ليه نصيب بالدور , اللي بيحترق فينا بيغور

هموما روتينك دموعنا خمور , رج فينا براحتك وإحنا نفور """" شور 
ـــــــــــــــــــــــــــــــــــــــــــــــــــــــــــــــــــــــــــــــــ
اهم مافيك بني واوراق , ودواير حمرة تجري سباق

رمل ابيض سيطر ع الاسواق " اه ياحال سكران الحال معروف 

خدنا و ودينا جرينا وراك , لو سكران عيشنا في دنياك 

بيني وبين الاحلام مسافات , وبقرب ليها بصباع ملفوف 
ـــــــــــــــــــــــــــــــــــــــــــــــــــــــــــــــــــــــــــــــــــــــ
مراكبك ماليها شراع وجناح , مايمشيها غير الرياح 

إرتاح , كل مراكبية بحرك نشيدهم نشيد جراح 

جوة المركبة تجربة متعبة ’ خلصت الاسئلة وخمورك أجوبة 

كحتك أتربة حياتك شقلبة ,, علي بعض إنت جيبتنا عملت بينا كركبة 

دفعتنا بدماغنا التمن , بقينا بنعيش علي سكر الزمن 

مين فينا تقل سكر إتركن , ده اللي فينا فاق جوة منك إتسجن.ـ






Ya 7al SaKran - YouseF JoKer \ يوسف جوكر - يا حال سكران

Lyrics :

عمرك ما هتبقي كـ لحن موسيقتي مهما حاولت أعزِفِك
ومهما قلّل يأسي أملي .. هفضل برضه أوصِفِك
لفّي الكون على حد محتاجلِك في حياته قدّي
مهما مُت في كل مرّة في مرّة هتبقي بتاعتي
_____________________________________________

لأوّل مرّة أحلّل المشكلة و اختار حلول
إزّاي هتنبّت بذرة و أنا زارعها فـ أرض بور
سنة و ستّة شهور .. درست فيهم دور واكتَمَل
إزّاي هيعيش الحب لـ قلب في قلب بـ غيره اتقَتَل

ارتباط بذرة بـ زارعها و علاقة نبتة بـ ساقيها
لو تحتاجني بـكون جنبها و كل ما بـحتاجلها بلاقيها
زي ما ميزة اللمبة النور .. إنتي الميزة في أرض تدور
فترة تنوّر فترة تضلّم .. نفسي في نورها نعيش على طول

طول ما شايفِك جنبي حالتي دايمًا مُستَقِرّة
بـ رغم كل عيب .. علاقتنا لسّه مُستَمِرّة
مشكلة شكِّك إنّي بحبِّك صدّقيني مُضِرّة
هفضل مُصِرّ على ارتباطي بيكي لو مُصِرّة

فكّرتي في يوم أنا قد ايه في كل يوم بعاني
بحتاج أمل يساعدني أهزِم كل اللي اتحدّاني
عشاني .. فكّرتي تحُطّي نفسِك مكاني ؟
قِناع القوّة في وشّ الكل .. لوحدي الوشّ التاني

فيه أكتر من إنّي أبقى قادر في لحظة أبدّل قلبك
بـ قلب يضحّي بـ نبضه في سبيل إنّي أبقى جنبك
لكنّني رافض فكرة جمع قلوب الناس بـ إشارة
ايه فايدة إكسير الحياة و أنا محبوس في المغارة

كرهت كل حاجة كانت سبب في مقابلة بيننا
لو يرجع الزّمن تكرار محاولة مش هـيفيدنا
رغم إنّ القافية جامعة بيني و بينك إلّا إننا
مفيش حاجة واحدة قادرة تربط بيننا إلّا أيدنا
_____________________________________________

و فين وفين بـ تِسأل .. إنتَ فين ما تبقى تِسأل
و أتقلّ عليها أقول مصيرها يوم فـ يوم هـتعقَل
عارف مكاني عندِك .. اللي حجزته بـ مفتاح قلبِك
اللي اتصَنَع .. لمّا اتجَمَع .. كل تراك كتبته عنـِّك

بـ يزيد خيالي كل ما أفكّر فكرة و تعيشيها
و أشوف بلّورة في عينِك كنت زمان أنا عايش فيها
بس أنا مش هـكدب أنا مش بـ أرسم كل رسمة ليكي
بـ اسرح بـ اشخبط أركِّز في الخطوط .. أشوف عينيكي

بـ اقابل كل غلطة في حقي بـ حُسن في المُعاملَة
بـ احافظ على كرامتها مبتحافظش و لو مُجاملَة
رغم دفاعي عن قصّتنا وسط مشاكل شاملَة
شايفة نقصي في كل حاجة و أنا شايفها كاملَة

مش هـجبِرِك تقولي حاجة مش عايزة تقوليها
لو طلبتي كنت هـعمل أيّ حاجة تطلبيها
لكن أعمال العالم متساويش مُفرَد من اسمِك
دا العقل بـ يقنع قلبي حالاً إنّه جزء منـِّك

فكراني مبسوط بـ المَكسَب لأ بـ العكس أنا مش عايزهم
عايزينِك تفضلي رفضاني عشان يفضل كلامي لامسهم
بـ يزيدوا في آلامي و رغم القدرة رفضت اؤذيهم
حجّتهم .. غير كلامي في مِحنتهم مين هـيواسيهم ؟

لو إنتي الروح في كل حاجة و أنا اللي مُمتَلِكهم
فـ لا عُزت في يوم أكون مَملوك و لا عُزت أكون مَلِكهم
انتقلنا من اختيار غلط .. لـ بلا اختيار أساسًا
زهقت من رِضاك بـ لبس عمره ما كان مقاسَك
_____________________________________________

لازم نحدّد حَبكَة .. قبل ما يوصل آخر الفيلم
يا إنتي فعلاً هيَّ .. يا إمّا بـ نحلم نفس الحلم 

بـ أجمع قلوب العالم اللي حبّي ساكِن فيها
و أعمل من أجسادهم سِلِّم و أطلع يمكن أوصل ليها
 
و كأنّي كنت بـ أبني أحلى عِشّ لأحلى طير و طار
فـ عِشت أحلم لوحدي فيه و وقفت في نُصّ المشوار
_____________________________________________

Three Stories III
Mfesh Amal ?! II
Isabelle

Sad Romance Imagination Track.

Isabelle

راسمين في خيالنا كل خطوة قبل ما بنمشيها
وبتجمعنا أماكن مش متفقين نتقابل فيها
كان ممكن أشاور من مكاني وأكمل المسلسل
بس لو الماضي كافي ليه خلقلنا المستقبل ؟
____________________________

بتأخر عن معادي ! بضمن بالمقابلة أفيدك
إيه ميزة الجديد لو محتواش مضمونه جديدك ؟
سايبك تقرر الهدف مقابل الاتجاه
مش هسيبك تاخد خطوة في سكة قبلك فيها تاه

فكرتك عن الحياة عبارة عن إجابة سهلة
تتعب فتبقى أعلم ولا تعيش مرتاح في جهلك ؟
طول ما هدفك أصعب يبقى طريق الصعب ممهد
مواضيع منفرطة وبيجمعها علاقة بشكل مركب

لو أوهام صدفها هتفقد قوة الارتباط
كل موقف كونه مترتب بين مليون دليل محاط
الإنسان بين كل المخلوقات جمع كل الصفات
لإمتى هتفضل كاره الزرع ومستني الحصاد

كل ما زاد خيالك فكرة .. زادت الأصفار
إنتاجك في الواقع بيضيف على العدد أرقام
ودي فكرة في حد ذاتها قبل ما تبقى سطور تهمك
الثقة المطلقة في فكرة بتغري الفكرة تستغلك
_____________________________

مهما اختلفت فكرة وغيرها بينهم ممرات
كل ما اختلافهم زاد .. زادت التعرجات
اربط كل خيط بغيره ساعد غيرك في الإنتاج
أو نسيبها للنظام ينتج نسيج تصادفات
_____________________________

مهما فاقت ناس خبراتك .. إنت بطل حياتك
طريق و فيه لوحدك ! أحسن من القطر اللي فاتك
شوف ميزاتك .. اكسر ثباتك .. واعرف إن طريقك زادك
فرصة أكبر .. إنك تقدر .. وبدون ذاتهم .. تبني ذاتك

متتّبعش شخص بعينه .. اتّبع أفكار
بعد ما بنفسك تشوف إن اتّباعها أصح قرار
صدقني عليك وحقك إنك تدرس كل شيء
عشان ربنا مبيحاسبش شيء ملوش حق اختيار

مبقارنش إبليس بآدم .. بدمج آدم مع عزازيل
مع فقدان ذاكرة مؤقت خلق الفارق من التبديل
فكرة .. مهما بانت ساذجة بنسى .. غيرها وبيها ببدأ
كن حيادي مرة وقولي .. غير وجودك ايه مؤكد ؟

جرّب تدّي فرصة بلاش تتماشى عكس السير
الشر مش هيرضى يخلص إلا لو هيبقى الخير
بدور على الحقيقة مش على دور بطولة أخده
صدمة المسيخ بعيسى كفيلة ينسحب لوحده
______________________________

مهما اختلفت فكرة وغيرها بينهم ممرات
كل ما اختلافهم زاد .. زادت التعرجات
اربط كل خيط بغيره ساعد غيرك في الإنتاج
أو نسيبها للنظام ينتج نسيج تصادفات
______________________________

قرّرت أكمّل الكتابة يمكن لمّا أزيد تزيد
أحبال الصمت متنتظرش منها متسلق جديد
هتكلم .. هتعب نفسي .. يمكن الأمل يرجعلك
طول ما صوتي شامل صوتك طول ما تعبيراتي حقك

Naseeg El-Tasadofaat

got this beat from stain in vain discord lol

racketeering (prod. kezromani)

Record nd Mixing by : Fidro Records
https://www.facebook.com/fidrooo

الكلمات
انت اللى إتغيرت انت اللى للفرقة إخترت
من سابع سما نزلتنى لسابع أرض
أيام ما كنت محتاجاك مش لاقيانى مش لاقياك
بعد ما كنت مآمنة بيك انا كفرت
انت مش طريق مش معايا فى الطريق
مهما يضيق وقت الضيق حبك مش بيضيئ فيه
كنت عايزنى أعمل ايه وانا شايفانى بضيع
خلتنى أفكر كل ثانية امتى وليه هتبيع
انت السبب فى كل ده انت مش انا
انت اللى مفهمتنيش فمتبكيش دلوقتى يا
اسمك مش ناسياه بس حبك مش فاكراه
انا لوكنت بعدت من الأول مكنتش هحس بالألم اللى زاد
كنا انا و انت فى بداية المشوار
سبتنى فيه ليه وحدى بعد ما غاب النهار

قلبى ماعدش حمل لكل ده
يا الفرح مالوش صوت يا انا مش سامع الندا
ماشى فى طريق شايف آخره مش انا
لقيت نفسى فيه قبل اما أفهم الحياه

لأ مش انا اللى هد اللى إتبنى مش انا اللى إخترت
على الأقل مش لوحدى اللى إتغيرت
من إمتى حسستينى انك بتحتاجينى
ليه زعلانة مش انتى اللى ياما حاولتى تغيرينى
ليه مقبلتنيش زى ما انا على طول كنت مش عاجب
ياما فهمتك كتير ان حبك مش واجب
من إمتحان لإمتحان عمرك ما إديتى الأمان
انا اللى كان لازم أبعد من زمان
يوم حلو و عشرة مٌرين مين هيطيق
قلتى حبى مش مضئ بعد ما طفيتيه
الألم كان لازم تاخديه لأجل ما تفوقى
لا انا اللى الصح ولا انتى اللى غلط بس كان لازم تتقبلى فروقى
فيكى عيون و مش بتشوفى
غير اللى ظاهر من عيوبى
وانا حبيتك على عيوبك
كان لازم أوريكى غروبى


Single

انت مش انا

Dinho - Enta Msh Ana | انت مش انا

Rec . Mix . Mastring : Mahmoud Afif ( Ar - Studio ) ♥
Lyrics
أرجوك متعايرنيش بأصلى اصل انا مصرى وانت مصرى
كل واحد فينا فى طبقه فمستحيل تعرف مشاكلى
انت متوفرلك فيزا انا متعود اخد فيها
انت مشاكلك كتر فلوس انا مشكلتى بحاول احميها
عندك بدل الفيلا اتنين عندك عربيتين غاليين
انا عندى الضغط وعندى مرارة اتفقعت عدى عليها سنين
انت تعليمك لغات قادر انك تلف بلاد
انا بتذل طول اليوم عشان امشى ب 30 جنية
لا متقولش مصر حلوة او توصفها ف يوم بجنة
هى حلوة للى زيك انما احنا ياعم مالنا
سيبنا فى حالنا وفى عالمنا شربنا من كيعانا
انت قادر تبنى عيلة وانا مصاحب المخدة
الصورة اللى انت شايفها غير اللى انا شايفها
اللى حاكمنى و حاكمك ظالم عمره فيوم ما عدل بينا
معاك فلوس هيئلك طريق خيرك تكون
غرقنى فى هموم بعد نجوم المغربية
-------------------------------------------
ارجوك متعايرنيييييييييش فيوم بحالتى
دة احنا مصريييييييييييييين يابن بلدى
اه مش نفس الطبقة ولا نفس المستوى المادى
بس دة بأيدى وفقرى مكانش ذنبي
____________________________
انت معاك فلوس انا معييش انت دايخ من الحشيش
انا دايخ بلف وادور على شغل تانى مبلاقيش
انت وسايط وعلاقات علشان كدة مدخلتش جيش
اصل بابا رافض انك تتساوى بابن الغفير
كل واحد فينا فى وادى كل واحد له اهداف
انت هدفك تشقط سالى انا بتمنى العيش الحاف
احنا بشر اه بنخاف كل واحد فينا خواف
انت خايف انك تتساب وانا بخاف انام جعان
مستحيل نتساوى فى مصر احنا طريقين عكس بعض
انت دايما المظلوم وانا مكانك فى طابور العرض
مش حرية لا ده غصب علشان عندك اللى يحميك
واانا اللى حامينى يمهل ولا يهمل دايما بقول يارب
فهمت يابن الباشا ليه بتشوف الصورة اجمل ؟
مش كلام أغانى لآ علشان انت فى طبقة اعلى
عمرك يوم ما وقفت فى لجنة واتشمت بكل لهجة
انت تهزق وتعدى وانا باخد الطريحة بدلك

SubZero / ارجوك متعايرنيش

⁠⁠⁠تعبت من إحباطك ومع الوقت شغفي قل
بطل ندم عالمشكلة وإبدأ تفكير في حل
باحتاج سياسي بارع قبل ما بتحتاج لفارس
علشان أوصل للسلام احتجت أعيش طول عمري

دارس مشاعركوا فمش باؤذيها .. بكون فيه حاجات عمري ما اعديها
رغم كون أخطائكم دي أنا أخسر أهل الأرض فيها
ومشاكلي أنا عارفها .. بأبسط غلطة أنا مقترفها
وفيه حواجز كتير مابيننا باعترف إن أنا اللي بانيها

فاكر كل غلطة في حقي .. وكل عقاب ل"ماكنش ذنبي"
مازلت فاكر كل موقف فيه بحكمة وقفتوا جنبي
فاكر كوني معاكوا أبعد .. بيكوا أو من غيركوا هكسب
دي واحد في الميّة مقابل قناعات كون وجودكوا الأنسب

متنصحونيش أكون في أبهى صورة .. محدش فيكوا شافها
هبدأ أحل مصايبي لما تحلوا مشكلاتكوا التافهة
متفقدوش الأمل فيا .. مهما عاندت خافوا عليا
سامعكم بس بأنفذ دايمًا اللي شايفه أصلح ليا

من صغري مبنصحش العارف .. بألفت نظره وأسيبه يقرر
حقي لو غلطان في حقي متطلبوش مني إني أبرر
اتعلمت لو هأكذب .. أداري بضيق رد فعلي كذبي
فبقيت وأنا صادق مبتدايقش ولا بادافع عن نفسي

الحالة اللي إحنا فيها مبتسمحش بالمجادلة
المناقشة بين رموز مبتأثرش في المعادلة
علاج الحال محال لو الثبات هيكون المبدأ
مش هدافع عن حقيقة لو أنت مش عايز تصدق

بشوف أخطائكوا في أي كلام بتحاولوا بيه تقنعوني
وكل ما أحاول أطلع من جوا الحفرة بتشدوني
مانكرش كونكوا جنبي لما احتاج مساعدة منكوا
بس مازلتوا .. بتهدوا فيا رغم إن أنا بابنلكوا

عجزت عن المرور في طريق ولقيت التاني سالك
زاد عليا إن الجميع حوليَا هد جدار مبادئ
مقتنعتش .. بس قلت عادي أجرب مش ممنوع
كنت بأرسم أسهم عكس عالحيطان لأجل الرجوع

فكروا بس تتصلحوا .. والخطوات قمت بترتيبها
مش ضعيف اللي مطبق مبادئ الضعيف اللي يسيبها
بيهددها فصيل بغض الأصيل وفوق دماغه بيشيل
نظام بنى أسوار لنار وخلَى سهم فوق يميل

تحكَم الأفكار الدارجة خطئًا فيكم بقى يحبطني
لو مصدر نصايحك ضدي متستناش إنها تفيدني
استحملت فصغري آلام العالم كله بابتسامة
فبقيت مبيشغلنيش ألم مش هيسبب علامة

الحالة اللي إحنا فيها مبتسمحش بالمجادلة
المناقشة بين رموز مبتأثرش في المعادلة
علاج الحال محال لو الثبات هيكون المبدأ
مش هدافع عن حقيقة لو أنت مش عايز تصدق

وبرغم كل دا .. وبنظرة من أقصى المدى
شفت إن اللي اختار سعادته وحزنه فكل يوم أنا
شفت اللي اتبنى .. شفت زارع .. شفت مين جنى
شفت ناس خادمين نظام .. بسببه كل شيء فنى

سهل عليا الصح وأسهل عندي إني أبعد عن الغلط
باختار الصعب مبتعالجش قبل أما أدرس المرض
شفتك بتحاول وبتفشل .. حقي فرصة أجرب
فمتقلقش عليّا من الفشل لو كنت ليه بأقرب

اهتميت فبدايتي بفهم البشر بس نسيت أفهمني
تركيزي فحل همومهم أثر على إدراكي لهمي
ساعد نفسك هتساعدهم دي النصيحة لو تسألني
زي ما علشان أكتبلك أقنعني إني أحكي قلمي

هزاركم وقت ضيقتي ساعات بيزود اكتئابي
تأثير نصايح الإصلاح أحيانا مش إيجابي
اتعودت لو هتوه .. مرجعش من طريق مشيته
فبقيت باتعلم شيء جديد لو الأول نسيته

فهمت بقى مشاكلنا شبه بعض قد ايه؟
محتاجني أشرح لسه بأجرّب المجرّب ليه؟
فهمت تأثير الفراشة في حل مصيبة بكل سهولة؟
صلاح الكون دلوقتي فأيد دايرة معارفي الأولى

El Dayra El Oula

Jaguar - El Dayra El Oula | جاجوار - الدايرة الأولي

قعدة بريئه 
تسجيل و هندسة صوت استديو #صوت_القاهرة 
توزيع #اسامة طارق 
لو عجبك اعمل شير لكل الناس 

فكرة جديدة و مجنونة و هستناكم فى الحفلة الجاية لينا تابعونا
#المثلث

قعدة بريئه(Shams El-Deen Ft El 3afreet)2017 Prod By Osama Tarik #المثلث

محدش فينا أقرب مهما كانت النتيجة
ايه يثبتلنا الأمل؟ وايه يثبتلك الحقيقة
ناس بتفكّر في الخليقة وناس بتفكّر في المعيشة
يمكن نارهم أقرب بس الجنة مش بعيدة
_________________________________________

أيوة اقتنعت، بكوني أقوى مصدر ضعف
يحسم اللي بيننا بكرة ذكريات مركونة عالرف
هتعدّي باللي عدّى بيّا، أُقف في آخر الصف
إسأل الحقيقة تقولك قد ايه طريقكوا صعب

حفظت الوصفة، بصيت في مرايتك نفس البصّة
هتعدّي أي صعب سهل تلقى بعده أصعب
فاهم وجهة نظرك، صدقني أنا مش بأعارضك
يفضل كلامي صح، والصح دايمًا إني بغلط

بأثبت كلامك، بكرة الرسمة تبان قدّامك
مهما حاولت تبني برضه طوفانك هيغرك أحلامك
بسذاجته فاكر كلامه قادر يخلّي الواقع أحسن
فاكر جمال ألوانه هيغيّر معالم الرسمة

حافظ ردودك، مرّيت من ألف سنة بيومك
بقلمك غيّر واقع في أملك إمسك مش بألومك
صدقني في يوم هتعرف إن دورك بين سطورك
بأيديك لوّن طريق سبق وهمّا اللي رسموهولك

إكتبوا باين كدبكوا في كل كلمة هتكتبوها
بيبيعوا أوهامكوا ليكوا وفي كل مرة بتشتروها
ظاهرة الحقيقة في عنيكوا ولو عن نفسكوا هتداروها
عارف المعركة خسرانة وبرضه نفسي تكسبوها
______________________________________________

والكارثة.. توهم الناس دي بيك.. وتصدق
واقف في الصحراء ماسك صنارة ومنتظر من الرملة سمكة
رغم إتاحة الاختيار في ظل عواقب ثابتة
تمشي في طريق لوحدك، وجودها مش مؤكد
______________________________________________

رغم كل ذكرى صرخت بعد جملة سمعتوا صوتها
؟لسّه برضه رأيكوا إن اللي بيحصل مجرّد صدفة
بأتعب عشانكوا وأنا ما بينكوا مجرّد كاتب
رد يا مصدر أفكاري بمعجزة على كل إهانة اتقالت

مش هفضل ساكت، هوصف كل فكرة قصادي ماتت
إوعى تربك نفسك بالحسابات، مفيش معدّل ثابت
بتقرّب سنة، هتكلّم وهيمنعك تسمعي
سلاحك ثقتك في إن أنا عمري ما كنت في يوم بأدّعي

اتمتّعي بكلّ نظرة بتعكس ضعف في المضمون
حتّى لو لاحظوا انتقامي هيفضل في نظرهم دا جنون
قادر أشرح معجزاته، قادر أشوف عيوب ميزاته
قادر اترشّح مكانه، وأجمع أصوات اللي ماتوا

واضح في العيون تحدّي وفي القلم بخل الكتابة
مهما عاندتني الظروف هغيّر في السيناريو حاجة
ياما قلت الكون صاحبنا، وإن بقائه في مصلحتنا
ولو مبطّلناس نواجهه، هيفضل السواد صفحتنا

لو هتقدر الحقيقة في يوم تبص في مرايتها
تفتكر هتشوف من نقطتين نفس انعكاس حقيقتها؟
مش هأكدب عشان مصلحتك، ولا بأحاول أخفي اللي ضدّك
بأشرحلك قدراتك، وبعقلك إنت المسئول تختارلك
_______________________________________________

شايف نفسي ماسك قلمي لوحدي في أوضة ضلمة
بأشكي لنفسي كتر شكوتي إن الدنيا ظالمة
أصعب صعب وقتها بقى أسهل حاجة صعبة
وقتك دلوقتي تفوق الموت في الاستسلام لضعفك
_______________________________________________

حاولت أدوّر، على مصدر، يلهمني أكتر
مجرّد كونها فكرة تهدم معنى كل جوهر
كاتب وصفي ليكي بين السطور بألف معنى
تبان الرسمة سهلة، بس الحقيقة أغمق

كنتي ولا تزالي أقوى مصدر طاقة إيجابي
في حين محدش كان متخيّلنا في الوضع الحالي
وإن غابت عني الفكرة لحظة، في لحظة باستدعيها
أضعف أمل أقوى سبب لكون الحلم حقيقة

صعب أنساك أقوى الذكريات ماكانتش غير معاك
أيام وفاتت، حتى السنة وماتت، مش مهم فداك
محاولة نص ناجحة! وهم الواقع أصدق
من كلامهم الدموع فى عيونهم مش هتستناك 

من فضلك! الكدب خلّى نص وشّك أصفر
نفسي في يوم تفكّر إنّي عشت معاها مدّة أطول
غريبة.. عدّيتى المراحل الأولى بسرعة رهيبة 
مش شايف فيك الحاجة اللي تخلّيك متمسّك بيها

تعبان أنا في تفسيرها، في بطني لوحدي المعنى 
قلبي يشوفها أحسن من غيرها، و بتطلب منّي استعمى
رسمة السيناريو بتبهت، كون الكون دا مش بتاعنا
بأصرخ في ودنك إحنا في المستقبل اتسمعنا
______________________________________________

لعبة، وفي كل مرّة بيخسر مخترعها
يصنعها بأصعب طريقة، وبأرخص تراب يبيعها
الفكرة مش مانعها، في عقولهم كان زارعها
لكن أذكائهم عند قبل آخر خطوة رجعها

Future Memories II

سايب الجمل بما حمل ملعون ابوكوا انا ماشي
ملعون ابوه الوطن اللي يعاملنا كمواشي
هفشخ نفسي شغل لحد ما الم الملمين
هستحمل الذل هتعلم لغة واتنين
هشتغل علي نفسي جامد لحد ما اطلع منها
كل العواطف والحنين هدوس عليها وادفنها
القسوة دي صنعكوا القلب مات وسطكوا
مش هسيب نفسي للبؤس مش هبقي مسخ زيكوا
العايط علي الفايت نقصان من العقل
كل اللي عدي انساه زعلك علي الماضي جهل
النجاح صعب مش سهل خد كل خطوة علي مهل
ابني نفسك طوبة طوبة انت لسا شباب مش كهل
اللي عيشته هنا يشيب هيفشخوك لو طيب
بلدنا زي الغابة ناسها كلاب عليك تتسيب
ميز نفسك عنهم 
 انجح في مجال خضهم
الناس دي فاشله جدا
اياك تقعد هنا وسطهم
احنا اللي فهمنا الفولة يا بلاد بدماغ مقفوله
مفيش منكم امل مش هنعيش في بلاد مذلوله
وجودي في البلدي ظلم وغضب الهي
مش هتصلب زي عيسي
وامثل اني في الملاهي
انا موجوع وبقولها بصوت مسموع زهقت من الخنوع
لا عندي ايمان محمد ولا هستحمل زي يسوع
مش مستحمل الكبت في قلبي معشش 
من امتي كانت القوة اني ابقي بهيم مبحسش
خدنا الشهادة عياقه خدنا التعليم افيون 
بلدنا مش محتاجه لا ثقافه ولا حتي فنون
ولا مكتبات بغداد ولا كلام ابن خالدون
علمونا في البلدي ازاي نكون منافقون
البلطجه بقت شجاعه والنفاق سموه لباقه
الغش بقي مساعده والاجتهاد استنفاذ طاقة
عايشين علي الهامش بنلوش كل الابطال سنيدة 
ابناء الزحمه والهيصه والخبث والمكيدة
لو واحد فينا مات مبنزعلش نقول ساب ايه؟
الم البعاد ميهزناش ويهزنا الجنيه
لو اللقطات دي متعادة انا اموت دلواتي أولي
صنايعي بيغزل سجادة مملكش الا المحاولة
منتجي سيء جدا متلومنيش انا لوم الدولة
اجيال بتسلم بعض علي القهاوي بتلعب طاولة
نص الوطن اوجاع
نص الوطن متباع
نص الشعب اتباع
والباقي بسهوله ينصاع
حيوانات منوية ضعيفه تايهه مش لاقيه البويضه
الليلادي الخميس ها وبلدنا حايضه
كل من هب ودب يا شعب ضعيف غزاكوا 
من اول الهكسوس لحد جنود هولاكو
الانجليز ايام زمان ليهم حكايات معاكوا
ببص لحالكم دلواتي كل الحكومات فشخاكوا
انا مش نيلسون مانديلا ولا حتي ماهتما غاندي
انا بواجهك بالحقيقه لو عايز نفاق مش عندي !

Future Memories II

GenIus

Recent comments

OJInstrumental

Aser Ahmed

♐︎

Ibrahim Mansour

Related tracks