The Choir Project

موشح چادك الغيث

آه يالاللي

افراح القبة -. انهيار وبكاء طارق

"آدى أيّام العجب والموت
جات بسرعة زى غمضة عين
ليه ماقلتش زىّ لمح البصر
كنت باتقلّب على الجنبين
والكابوس من كل جنب يجيبني
زىّ أعمى يحسّ لمّا يجسّ
ألقى نفسي واللا اشوف نفسي
بالتفت من آخر الدنيا
الحمير بتجرجر العَربَات
السما اللى تحت منها حابات
عند كوبرى أبو العلا بتشتي
أنكمش فى جتّتى من البرد
لسّه حارجع طفل تحت المطر
وأنحنى ع الأرض وافضل عجوز
اتوهمت الخوف دهسنى الخطر
كل شيء إلا الخيانه يجوز
ألبس التوب اللى مش توبى
أعمل الممكن مع المستحيل
أمشى زي الخنفسة وألبَد
جنب حيطة فى رُكن ع السلّم
الحجر الاصفر بيتألّم
فيه أثر للعشرة مهما تهون
أقبل الظلم اللى في الأشياء
والليالي بخدّها المدهون
والحياة والناس وحتى في نفسي
واقرا في الجرنال كلام تاني
وانتقل في الماضى واستغرب
وابكى ع المستقبل الفاني
واحمل الضلمة على عينيّا
وانتبه من نومي واسمع نعي
الزميل جودة سعيد الديب"

أيام العجب والموت - فؤاد حدّاد

فؤاد حداد - مفتتح أيام العجب والموت

Proverbs Choir - Choral el Amthal
El She2 en Zad 3an 7addo
by The Choir Project, December 2010
a result of a group writing & composition workshop directed by Salam Yousry

To view the choir's work: www.youtube.com/thechoirprojectegypt

Choral el Amthal - The Choir Project كورال الأمثال - مشروع كورال

رثاء الشيخ يحيى لـ مليكة ـــ واحة الغروب

من ورشة الإعلانات
إيقاعات: مو الأركان

The Ads workshop
Percussions: Mo Al-Arkan

A7eih  أحيه

من ورشة اسكندرية


أيها المواطنون
في ظل هذه الظروف العصيبة
قرر الرئيس تمسكه بمنصب الرئيس 
وئلك حفاظاً على الأمن والأمان
والله الموفق والمستعان 

الريّس مش ماشي
يا خراشي
بيقولوا الريّس قاعد
بيقولوا الريّس قاعد على قلبنا قاعد
والكرسي بتاعه شاهد


هتافاتكوا خلاص خلصت
ثورتكوا خلاص فشلت
تحريركوا خلاص لغيناه
وهانبني سجون في الصحرا
ونلم شباب الثورة
ونبهدلهم جواه ..ونعذبهم جواه
وهاننفخهم جواه

يا حلاوة على جواه يا جماله يا جواه يا صغنن يا جواه

ونشيدكوا الوطني يذيع
عاش الرئيس عاش الرئيس
عاش الرئيس وبيحميه البوليس
عاش الرئيس عاش الرئيس
عاش الرئيس والشعب راح فطيس
عاش الرئيس عاش الرئيس
والاعلام بتاعنا يمجد في الرئيس
عاش الرئيس عاش الرئيس
والقنوات الفضائية بتقول للظلم 
peace

مافيش عاش الرئيس .. ومش هانروح فطيس
احنا الشباب السيس

من أسوان لاسكندرية
إحنا الثورة المصرية
مش بنتاجر بالمصري
ولا بايعين القضية

الثورة لسة عايشة هافضل أعيد وازيد
والعيد لما ييجي مش هالبس جديد
الثورة لسة عايشة
عايزين حق الشهيد
الثورة لسة عايشة
مانستش خالد سعيد

Revolution Fantasy فنتازيا الثورة

(بنات)
عندنا دوشة للبيع.. و رصيف مليان بلاليع-
 و كلاكس للعربية .. بيزمّر صوته مريع
عندنا بياع روبابيكيا .. بصوت جاهوري فظيع-
 و ميكروفون بيوشّ .. بنشاز عمال بيزيع
(شباب)
عندنا دوشة للبيع .. و رصيف مليان بلاليع-
 و كلاكس للعربية .. بيزمّر صوته مريع
عندنا بياع روبابيكيا ..بصوت جاهوري فظيع-
 و ميكروفون بيوشّ .. بنشاز عمال بيزيع
(بنات)
عندنا إيد السواق و تكاتك الوراق  (1)
و ميكروباصات في سباق بتنادي بولاق جلاء (2)
(صولو)
عندنا إيد السواق و تكاتك الوراق  (2)
و ميكروباصات في سباق (موّال)
 بتنادي بولاق جلاء
(الكلّ)
بتنادي بولاق جلاء - بتنادي فيصل ورّاق
بتنادي الحي السابع .. 
التامن.. التاسع..العاشر.. احداشر.. اتناشر
عندنا عيّل بيزيّط - و البتّ اخته بتعيّط
و امّه واقفة بتشلّأ - علشان مش عارفة تحلّق
لو ماشي في وسط الزيطة حبعتلك جملة بسيطة
لو كل دا حواليك الجملة دي حتلهيك - (2)
 انا مش سامع حاجة أنا جوة التلاجة (صولو)
الشباب: أنا مش سامع حاجة
البنات: أنا جوّة التلاجة
(دوشة)
موّال أنا مش سامع حاجة - أنا جوّة التلاجة



exeeding limits الشيء ان زاد عن حده

يا فرعون إيه فرعنك؟ (2)
مالقيتش حدّ يلمّني (4)
إن كنت حرامي .. حرامي ..إتّقي الله
في صنعتك (4)
و ايش يعمل الترقيع .. 
في التوب البالي (1 -صولو)
و ايش يعمل الترقيع .. 
في التوب البالي  (2)
دوسنا الأرض اللي ماتنداس ..
بوسنا اليدّ اللي ماتنباس (2 شباب)
دوسنا الأرض اللي ماتنداس ..
بوسنا اليدّ اللي ماتنباس (2 بنات)
و لا نابنا دهب.. و لا نحاس (1 صولو)
و لا نابنا دهب.. و لا نحاس (2)
ما اللي أكله مش من فاسه.. 
يبقى رأيه مش من راسه (2)
آدي البضاعة.. الناس جواعى
و الضرب في الميّت حرام (2)
 الضرب في الميّت حرام  (4)
(موسيقى)
ما اللي اضّرب بالكفّ.. 
يستحمل ميّة و ألف (2 بنات)
و اللي مالوش شغلة تشغله ..
يفتح الباب و يقفله (2 شباب)
جاي عليك الطوفان (صولو - المجموعة ترد)
جاي عليك الطوفان (المجموعة -الصولو يرد)
ان جه عليك النيل طوفان.. 
حطّ ابنك تحت رجلك يا إنسان (1 صولو)
ان جه عليك النيل طوفان.. 
حطّ ابنك تحت رجلك يا إنسان (2)
دا طوفان جانا (صولو)
أهلاً يا طوفان (المجموعة)
قولوا معانا  (صولو)
حنروح شخّة ف حمّام (المجموعة)
حمّام بلدي  (صولو) 
و افرنجي كمان (المجموعة) 
حمّام بلدي  (صولو) 
و افرنجي (المجموعة)
كمان  (صولو)
(موسيقى)
ضربوا الأعور على عينه.. 
قال ماهي خسرانة خسرانة (2 بنات)
نحدف طينة ع الحيطة
إن ما لزقتش تعلّم (2 شباب)
(4 الجملتين مع بعض)
ضربوا الأعور على عينه / نحدف طينة ع الحيطة
(الجميع) إن ما لزقتش تعلّم



Pharoe فرعون

(2 موسيقى)
صحي م النوم فرحان مبسوط .. 
فتح شبّاكه و بوزه مفرود (2)
الشمس طالعة و الهوا النضيف ملو البيوت..
ندهت عليه مدينته و الأمل مالهوش حدود (2)
--- (2)
يا صباح جميل و جماله باين على كلّ الوشوش ..
مزيّناها ضحكة حتى للّي ما نعرفوش (2)
وعيال بتبوس الجايّ و تحضن اللّي راح ..
و الناس غناها مِدّي للشارع براح (2 صولو)
(موسيقى 1)
بيباننا مفتّحة  (بنات)..ولا سور و لا دستور (شباب) 
و قصب ساقع بيتوزّع عند إشارات المرور (الكلّ) -(2)
--الذوق منوّر فترينات ..و نكت بدال الإعلانات (صولو 2) 
بيباننا مفتّحة  (بنات)..ولا سور و لا دستور (شباب) 
و قصب ساقع بيتوزّع عند إشارات المرور (الكلّ)
بيباننا مفتّحة  (بنات)..ولا سور و لا دستور (شباب) 
و قصب ساقع بيتوزّع (الكلّ)
عند إشارات المرور (صولو)
(م،سيقى)
الخوف مافيش  .. مافيش شاويش ..
مافيش خالص كلمة مافيش (2)
دمك نضيف مش بس خفيف (بنات)
و مافيش طابور علشان رغيف (شباب)
دمك نضيف مش بس خفيف (بنات)
و مافيش طابور علشان رغيف (شباب)
(موسيقى)
النيل فايض فراولة ومانجة و برتقان (صولو)
النيل فايض فراولة ومانجة و برتقان (الكلّ))
النيل فايض فراولة ومانجة و برتقان (صولو)
يطرح جرجير و مشمش  (3)
وكمان قمح ورمّان

Egyptian Utopia يوتوبيا مصرية

اتوب ازاي - تقى طارق

صاحبى يا غريب فى الزمن

مين طفا النور و انا ! 
و انا لسه يادوب باقول 
بسم الله و اقرا و اشوف 
مانشيت الصفحة الاولى
فى حياتنا المش معقولة ! 

مين طفا النور ؟ 
مين طفا النور و انا فى الحمام محشور...

مين طفا النور و انا ! the choir project مشروع كورال

يمه ذكرينى ... من تمر زفة شباب
من العرس محروم وحنتى دم المصاب 
شمعة شبابى من يطفوها 
حنتى دمى والجفن دار التراب 
يمه ذكرينى من تمر زفة شباب 
من ثدي النيبا راضع بصافى الحليب 
وبهالشهادة صار اللى قسمة ونصيب 
حوفتى بدمى خل يفرشوهاا
حنتى دمى والجفن دار التراب

يمه ذكريني ..... مريم صالح  من فيلم عين شمس

إلى روح/ محمد أحمد أبو صبيحة
في الجنة إن شاء الله

باب الجنة - ضياء فريد - إلقاء صفاء أبو صبيحة

مسائك (او صباحك ) سعيد :) 
منوَّر :)
https://www.facebook.com/ghaidaa.kotb

مين طفا النور و انا ! the choir project مشروع كورال

ghaidaakotb

Recent comments

Ahmed Nasr

Shorouk Mokhtar

Noor Al-wahsh

Beshoy George 1

Related tracks