‏الزله اللي ضيقت صدري وانا صدري وسيع
‏من واحدٍ ماكنت متوقع علي يزلها
‏لو انها ماهي منه قلت شرهاتي تضيع
‏لكنها جت من قريب والدروب تدلها
‏نويت اعديها لكن القلب عيا لايطيع 
‏وادور لمخرج لها واحلها و املها 
‏لقيت حل اني اعديها لو اني ما استطيع
‏واعلمه اني رضيت بها وهو يفطن لها ‏
ماقصدي اني احسب الزلات للراس الشجيع 
‏ولا قصدي اني اكسر الرياجيل ولا اذلها
‏لكن عشان افهمه راسي ترا راسٍ رفيع
‏ماكل زله جاتني اقول ميده خلها
‏الاوله والثانيه والثالثه في ذب ريع
‏والرابعه بعرف علومه دقها من جلها
‏والخامسه والله لاعرضها على الخط السريع
‏الكبد ماهي فاضيه في كل ليل يعلها

الزلّه إللي ضيقت صدري وأنا صدري وسيع / عبدالله بن هندي الغامدي

777