ات

LyLy ♡

الرأس و مونما

"فهمي الرياحي، صبري مصباح: "مظلومة يا دنيا

رجَعّلها
رجَعّلها, هكّا حسّيت و احساسي ما يخونني
رجَعّلها, و انا فنيت
و تحبّيت و ما خلّيت حدّ يحوزني
 
رجَعّلها و ما قالّيش
و يحسابني ما في علميش
السيّد يحبّ يعيش
وحدة بركة ما تكفّيش
 
رجَعّلها و خلّاني 
في غرامو نعاني
و عندك بيه ينساني 
و يخلّي قلبي وحداني
 
رجَعّلها و ما قالّيش, أما انا ما يخفى عليّ شيّ
انا للّة بنت البيّ
 
خلّاني نتبّع في ادبارو 
و نعسّ على اخبارو
حرت فيه و فيّ حاروا
و ما تلهيت بحدّ, كان هوّ عطيتو كارو
 
!رجَعّلها ولد المي*ون
هكّا عشرتنا تهون؟؟!!
هكّا بعد الحبّ يخون؟!
هكّا يبكّي هالعيون؟
 
بكّاني
بكّاني كي مشالها و خلّاني
بكّاني هالمجنون الشهواني
 
رجَعّلها
رجَعّلها, هذا أكيد
و حبّو ليها رجع يزيد
 
رجَعّلها و صوتو مازال بين وذنيَّ
رجَعّلها و بوستو مازالت على خدّيَّ
رجَعّلها و ريحتو مازالتلاصقة فيَّ
رجَعّلها و داري مازالت بحوايجو معبيّة
رجَعّلها, رجَعّلها و ما خمّم فيَّ
 
رجَعّلها و الليلة بش نحكي معاه في الموضوع
رجَعّلها و الليلة بش نفتحلو قلبي الموجوع
رجَعّلها و الليلة موش بش نعطيه الطوع
رجَعّلها و الليلة بش نرقد, موش بحذاه, دمعتي على خدّي, و راسي مرفوع.
 
 
 
16/05/2014
17:29
 
PS: أحداث هذا الفيلم لا تمتّ للواقع بصلة و هي ليست إلّا من خيال المخرج.
 و شكرا.

رجَعّلها


ما فهمتكش
حيرتني و ما نجمتكش
وين غبرت ما عوايدكش
توحّشتك, توحّشت حديثك و ضمارك الي ما يفارقكش
أما اسمع!! يمشيش في بالك نحبّك! لا راني ما نحبّكش
أما ما فهمتكش
 
و انا نحب نفهم كلّ شيّ
و ما نحبّ يخفى عليّ شيّ
و انت مالناس الّي تحكي كلّ شيّ
و ما تحكي حتّى شيّ
و غموضك الواضح يعذّبني عذاب الحيّ
 
انت ما تضوّيش
على أمورك ما تحكيش
المخبّي ما تورّيش
و عمخرك ما تهبّط فريش
 
و هذا الّي علّقني بيك
خلّاني نخمّم فيك
و نكتب عليك
على خاطر كي نتوحّشك ما نجّمش نجيك
 
اما انتِ تجيني
عمرك ما وحدي تخلّيني
ديما تجيني
و في همومي تنسّيني
ترسم الضّحكة على خدّي و تمسع الدّمعة من عيني
منّك عطشانة انا.. و انت مالشّهوة تسقيني
منّك جيعانة انا.. و انت مالحبّ ما تعطيني
و ديما تجيني
 
تجيني و عيني ما تشوفك
و وذني ما تسمع صوتك
و بدني ما يحسّ بوجودك
ديما تجيني
 
تجيني و ما نشمّ ريحتك البنينة
و ما تلمسني يدّك الحنينة
و لا نتهندملك و لا نعملّك زينة
على خاطر
تجيني في الخيال
انت وهم هبال
حقيقتك فال
ما تخطر على بال
 
إيجا.. أمان إيجا و يزّينا ماللّعب
إيجا نحكيو على هموم الشّعب
إيجا اتّكّى في شوني و نحكيو عالبلاد
و علّي عامل معاها الدّوني و هاززها للواد
إيجا العبلي بشعري و احكيلي عالثّورة و النّظام
و نتناقشو في السياسة و نتفرّجو عالأفلام
 
و إيجا
 
إيجا نشطحوا راقدين
و نتمايلو عالفرش زاهيين
و موش كان يدينا متشابكين
و توشوشلي كليمتين
بيهم نجنّح و نطير يسار و يمين
و نحفظ فيك و تحفظ فيّ كلّ شبرين
و نعبّيو البيت فلّ و ياسمين
و احنا ساهرين
من خمرة الغرام  شاربين
و نباتو مصبّحين
 
و تدخل الشّمس مالشّباك
و نغير منها كي تجي بحذاك
و كي ترسم على بدنك نورها و نوّارها
نتّرما عليها و نقطعلها ادبارها
 
و نسكّر الشباك نخاف لا تقوم
و نعشق هواك مواتيك حتّى النّوم
 
و نحسبك وليدي
نبنّن عليك بيدي
و نحسبك محبوبي
نبوس جبينك العروبي
 
و كيف تصحى و تفيق
نعرفك توّ تمشي و ما تحبّ هالرّيق
أما إيجا بركَ شيّ ما يصير
إيجا نفرشلك زربيّة حرير
 
إيجا و ما يهمّكش
إيجا راني ما فهمتكش
 حيرتني و ما نجمتكش
وين غبرت ما عوايدكش
توحّشتك, توحّشت حديثك و ضمارك الي ما يفارقكش
أما اسمع!! يمشيش في بالك نحبّك! لا راني ما نحبّكش
 
 
05:19
28/05/2014

إيجا.. أما راني ما نحبّكش

نتفـكِّر - رؤوف بن عمر

الأصوات من الشارع و الفيديو اللى رفعه خالد سعيد 
غاز مشروع جنين و وادى 


أرب/عة

بيبه -تريز سليمان و  صوفيا ومحمود ماهر الخطيب

https://www.facebook.com/notes/ichraq-matar/%D8%AF%D8%A8%D9%91%D9%88%D8%B2%D8%A9-%D9%85%D9%83%D8%B4%D8%AA%D9%8A%D9%91%D8%A9/608796359178609


دبوزة مكشتيّة

الوحش..

الوحش و لا الأذية

الوحش عملها فيا

عمالي قلبي و عينيا

ربطلي يديا

و علاش! شفما؟

هكاكا، غمة

علاش شصار؟

شي، ريق صغار

طلعة مالطلعات

تحب تاخذ قد و الا أكثر ملي عطات

في ليلة و نهار

و شي ما صار

شوية هبال

برشا دلال

تلوج على فال

تحلم في الخيال

و الزين؟

زين و عين

و الدين؟

يلعنلو الرب و الوالدين

و السنين؟

تتعدى في رمشة عين

و العينين؟

عمرهم ما كانوا كذابين

بكاية، مساكين

أما اسألني عالقلب

اسألني عالقلب و قلّي شنوّة الذنب؟

شنوة ذنبو كي يغزر لفوق

و تحت القاع يحس روحو مخنوق

شنوة ذنبو كي يحب يعمل جوانح

كي يحب يطير و هذاكا فاش فالح

شنوة ذنبو كي ما يرضاش بالقليل

و فيسع ما يفدّ و دموعو تسيل

شنوة ذنبو كي يرى روحو ياخذ في أقلّ ملي يستحقّ

و مقهور و شادد غصتو و كاتم و ما نطق

اسالني عالقلب الأسير

الّي ما حب يعمل تغيير

الّي مكبّش و ما نجّمش يسلّم

و الّي كان يمشي يمرض و يتألّم

و الّا, لا, ما تسألنيش

و في مواجعي ما تفكّرنيش

خلّيني هكاكا, هاني, تقريبا, نعيش

و نستنى في حلمة ما تجيش..

حلمة ما تجيش

عسلامة يا حمامة يا أم الشعر مشبشب و الراي مدبدب و الضحكة فضيحة و الرقعة صحيحة ...شنحوالك؟ شنحوالك و كيفنّك و ما أحنك وحقارة انت متلّفة الجرّة و كان نحلّ الصّرة نلقى خيط من شعرك متسرسب و مكتّف عشرة ملايين مرابيط والتّهمة حبّك بالسّيف و أنا لاني سارق لاني مجرم و حتّى مالتّحليل نظيف.. أما مدمن، مدمن و مستعرف و نعرف إلي بش نباسي، أما الله غالب راسي صحيح و ما عندي وين يدور الريح. كي تاقف قدامي بالروبة الخضرة، و تجري في دمي كي شرارة حمرة، نبوسك لا حشمة لا جعرة، وشماتة في الشعر المسبسب و الغصة ألي خنقتني. خاطرني كافر بيهم و ممن بيك، و البوسة منك ركعتين لعينيك، أما نمن ألي الحب مش في الكتب، الحب في الشوارع، حب الدنيا في ضلام الليلة، يزعزع و يزلزل و يزرزق، و يلمها شليلة و مليلة. زبل بقطاطسها، مراكز بكلابها، تتلم بقرطاسها، تتبع بسوردي في الحفصية، و المعلم يغني "الشعب يا ليلى يعاتبني"، و ينقز يقطع من سور القصر، ونحفلوها من قرطاج لباب بحر. على حجرك ممدود و نمد العود، تولي إنت ليلى ، و أنا رباني مجنون، و نغطسو للرقبة في العز، أما طز ! منين العز و انتي المشكل و الحل، إنت الحرية و الربطية، في الغناية انتي الضرورة الشعرية. و عسلامة يا حمامة، قلي منين هاربة منك ليك، وانا لا نحبك لا نصبر عليك.

عسّلامة يا حمامة - (A peine j'ouvre les yeux)


مشي في بالي ليا سنين 
انت الغالي انت لحنين 
تبعت ثواني و توه لوين 
شقيت غوابي و ماني حزين
خليت الفاني القلبي قريب
و القرب شواني خلاني بعيد
 
مشي في بالي ليا سنين 
انت الغالي انت لحنين ... ليا سنين

قدي و كاري و جبلي العالي 
ضبابي و ناري و اهلي و داري
قوت نهاري و سقفي و جاري 
ضهري العاري و وحشي الضاري ... ليا سنين

جرا في حالي و ملكي خفيف 
انت الشمعه انت الخريف
شربت جوابي و قلت نشيح 
فوسط سحاري تفكرت مليح  ... ليا سنين

صغري و صاري و لون حباري 
شطر كلامي و كاس نواري
ضحكت ثاري فخري و عاري 
شفرة عيني و حلمي الساري  ... ليا سنين


Laya Snin - ليا سنين

توحشت امي وفرشي الدافي و خويا 
زين ايامي و صغر احلامي و بويا
توحشت الليل و ريحت الياسمين 

زنقت داري قوايل حس و دوه 
جري شوارع كبر اقواس الحومه 
توحشت الليل و الكرمه كيف تميل

خزره وغمزه و عشق الطفله لولي 
وقت الكلمه عسل يدين محلوله 
توحشت الليل و ريحت الياسمين

توحشت امي و خرافات الغوله
قهوة اختي و ضحكه موش مغصوره 
توحشت سنين و ريحت الياسمين

توا ساكن بر الناس براسي 
بري بعيد و باقي الحسره نواسي 
توحشت سماك و نفني بش نلقاك


Smek - سماك

أنا يالي سنينك دايرة بيا
ما خطيت ثنيّة
واقف وسط الريح و أنا يالي عبادك هدرو فيا
ماشي بالنيّة
طريق واعر و صحيح
و أنا يالي بيني و بينهم ضايع
و عمري لكاسي بايع
ناسي الأحقاد
و أنا يالي في سحابهم سارح
ليومهم عشتو البارح
الناس الكساد 
مادام زماني فيهم فاني
انا ذنبي بيد العالي
ما نخاف حسّاد 
مادام نعيش غريب و حالم
و لطاعة الوالدين خادم 
نموت سيد الأسياد
كلمات : عبدو السعداوي
موسيقى : صبري مصباح


صبري مصباح - سيد الأسياد *** Sabry Mosbah - Sid L'asyed

Sanfara - Bad Boy 2   [Freestyle]
Follow Me On :
Instagram : Montovish
Facebook : الحاج منتوفيتش أون برسون 
Twitter : Jebali Sp Montovish
Youtube : Montovish The Computer Geek
Skype : jebali.montassar
Like & Repost & Follow me :) :)
Follow Me On :
Instagram : Montovish
Facebook : الحاج منتوفيتش أون برسون 
Twitter : Jebali Sp Montovish
Youtube : Montovish The Computer Geek
Skype : jebali.montassar
Like & Repost & Follow me :) :)

Fagri ✪ فڤري ✪ Mortadha

كرهتك اما مازلت نحب نشمّ الياسمين..

Fist Single --- Free download 
Video : http://vimeo.com/32337032
FB : https://www.facebook.com/a5tuna.tunis

Tir El 7ouma/طير الحومة

Pinacolada

نعتذر على البحّة في صوتي و على رداءة التّسجيل، كان تحبّو، النّصّ موجود هوني: 
https://www.facebook.com/notes/shams-radhouani-abdi/%D9%86%D8%AD%D8%A8%D9%91%D9%83/10151224064041359

صفحة كلام شارع: 
https://www.facebook.com/KlemChere3?fref=ts

نحبّك

حضرة حرّة/ بن علي طلع برّة/ إذا كانت ليلى مرته بتكون النهضة ضرّة/تونس إمامي والجبة نار لا إسلامي لا يسار كافيار/فلاغة لقاء بين سيدي ريس البحار والاخ سيمون بوليفار/مش ياسمين صبّار/ ومش فرنسا اللي بتختار/أحلامي/الحمامة طلعت وطواط ظلامي بحجة حماية الثورة شكل سلك إجرامي/روبن مساعده بس بالسرّ في قصة حب ممنوعة/كل التطرفات من كبت مصنوعة/من عقل غير راشد رغم اللحية البيضة/مش مهم إذا كان عريض وللأسود حبيب صيد/ فهمت اللعبة؟ عم ناور عالتشابه/ مثلاً كيف دجاجاته هني ذاتن صاروا كلابه؟/ وصلت يا خفيّف؟/ حلوين حفلات المرسى بس بدنا يدعونا الشباب نعمل حفلة بالردّيف/

حضرة للشابي عملنا حضرة
أنا وارث شعر تونس والقلم حبره حبرها
حضرة للبوزيد عملنا حضرة
أنا جذر الأرض الحيّ صمودي من صبرها
حضرة للكافي عملنا حضرة
أنا سفح الجبل العالي من تاريخي خود العبرة
حضرة للعاشور عملنا حضرة
أنا منبع للإسلام أنا المؤمن بالفطرة
حضرة لجوغورتا عملنا حضرة
أنا اللي عروبتي بوسع مزيجي صدرها
حضرة لبشيرة عملنا حضرة
التونسية الحرّة دار الوطن عخصرها
حضرة لبلعيد عملنا حضرة
الثورة مستمرة والسلطة بعدها بقصرها

نداء تونس أتقل من كتاف موميا/عدوهم مشترك ثورات تونس وسوريا/ نظام أمني قديم وعصابة جديدة سرقت الأصوات باسم الدين/رفع صور بشار بغذي السلفيين/ حنين البعثيين مش بديل عن الإخوان/نوستالجيا الليي كان خيار المحبطين/ خلافة مين يابا؟ تحالف كوكا كولا مع عصابة علي بابا/ من كتر النفاق الملائكة أسست نقابة وبكرا رح تعلن رسمياً إضرابها/ اعتصام بالزيتونة وملاك بيحرق حاله لهلدرجة جننتونا/قد ما بدكن كفرونا/ إذا كان شكري بجهنم فنحن اللاحقون/الشهيد مش قديس بالعيد/ بس القاتل شيطان أكيد/فتوى التكفير والعقل ورا التدبير مش بس الفرد والايد/بتحاسب القواد مش العبيد/ وحشي قتل حمزة بأمر هند بنت عتبة/ عمذكرك بتاريخك شكلك نسيت مين عقبة/ الهوية رحم مش عقدة بالمعدة/العروبة آفاق فوق الأعراق تاخذ بعدها/ أبو لهب بالأساس جار الكعبة/ أبا جهل عطيني كعبة/الراس ردّ اللعبة/مجاهد بلا جعبة/سمّي تدخل سافر شعوذات كافر صوفي عابد مقابر/ بس ما تشبهني بظافر/والعود/ في البدء كانت تونس وإلى تونس نعود

	


حلمة ما تجيش

Ichraq Matar