الله يا سما والله يسلم احساسك 🧡

القائك جميل جدًا يا سما وحقيقي تسلم اختياراتك ❤❤

كل مرة بتبهرينى 🥀⁦❤️⁩⁦❤️⁩⁦❤️⁩⁦❤️⁩⁦❤️⁩

😭كل كلمة تؤثر علي "مشاعر مدركة" احترم مشاعري  )العبرة تحكي قصة القصص الحزينه كثيرة ومؤلمة ولكن ما المغزى منها... 

بسم الله ماشاء الله تبارك الرحمن صوت ملائكي مميز جدا ربنا يزيدك نعمه وفضل من الله

اشعار

كُل يومٍ تزدادُ غُربتي وغرابتي، أُوقِنُ أنني لا أنتمي لموضعٍ بعينه، ولا لشخصٍ بنفسه، أعيشُ خفيفة الوطء في الأماكِن والقلوب، ولا أستوطِن، أخشى الثِقَل، أمُرُّ مرورَ الكِرام، قد أتلمّسُ الإيناس في الناس، أتندَّرُ بنادرةٍ مع أحدِهم فنضحكُ سويًا مِلئ قلوبنا، أو أشارِكُ آخَـرَ بيتَ شعرٍ حزينٍ كمواساةٍ له في حُزنه، وأذكرُ آخَـرَ في دُعائي سِرًا ثم أعود لمناكفته قائلةً أني لا أُحبه ولا أذكره أبدًا، وقد أتحسَّسُ أخبارهم -دون علمهم- فإن وجدتهم بخيرٍ وَلّيتُ عنهم.. 
مِثلي كائنٌ مُتنقِّلٌ بين الناس وقلوبهم، غِبَّ الزيارة والإقامة، غُربته تكمُن في نفسه،  وغرابته تكمُن في حبه، إن سُئِلَ: "من تُحِب؟ عَدَّهُم"، وإن سُئِلَ: "من يُحبُك؟ فَقَدَهُم"؛يُشبعه ما يَبُثُّه من حُبه لهم حتى إذا نَفِد؛ اختلى بنفسه شاكيًا أمرَ وَحشَتَه والناسَ معًا، لتؤنّبه قائلةً: "تُبدّد شأنك في كل مرةٍ، أنّى لغريبٍ بأحِبَةٍ؟ فلا تَذهب نفسُك عليهم حَسراتٍ".

يجلسُ وحيدًا، مُنزويًا -حتى عن نفسه- مُتمتِمًا:

"إني غريبٌ تعالَ يا سَكَني
فليسَ لي في زِحامِهِم أحدُ"

-مُنى بنفسج.

غربة رُوح _ منى بنفسج

الليل ملاح
تايه سواح
لا يبوصل شط
ولا بيرتاح

الليل مشحون أسرار وشجون
وألم ونغم
وكاسات ونايات ودموع وآهات
وعبر وحكم
***
ومشيت في الليل
خجلان مكسوف
إكمن الليل عريان مكشوف
أفراح الناس
وجراح الناس
على صدر الليل عناقيد وصفوف
وعيون الليل والظلمة جبال
فاردين على وش السما غربال
ألماظ مبدور
في كاسات بنور
يفرش للنور ع الأرض خيال
***
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول
يا طبيب قلبك طيب
إسمعني
ح أقولك أسراري
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي ف قلبي
ح تقوللي بتشكي امال من إيه؟
ولا من أوجاع
ولا شوق لمتاع
ده انا عمري إن ضاع
مش ابكي عليه
أبدا يا طبيب
يا طبيب ده انا جرحي ملوعني
وساقيني الحنضل من كاسي
والنار في ضلوعي بتلسعني
وأنا لسه صغار
والعيا قاسي
ولا عمر الليل مرة سمعني
عليت الآه على أنفاسي
أبدا يا طبيب

لكن يا طبيب أنا بابكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا اقول له يا روح القلب
آهين
بس أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوى محروم
أهودا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
ولا فرحت معاه
ولا هنيته
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
***
وينام الصوت
والكون حواليه
ساكن نعسان
وكأنه مات
رمي تقله عليه
سكت العيان
***
الكاس له ناس
والليل مجالات
والحان مليان والناس مزاجات
ومجال الكاس
أشكال أجناس
مليان حواديت
مليان روايات
***
ونزور في الليل دنيا الخمار
ونلاقي الكاس
ع الناس دوّار
ويموت الليل على باب الحال
حيخش ازاي والدنيا نهار
ونفوس وقلوب كده ع المكشوف
عريانه تمام
وتعالي نشوف
***
شوف دا اللي هناك
قدامه كاسين
مع إنه لوحده
ما هوش اتنين
والناس بيبصوا
ومش فاهمين الكاس دا لمين
والكاس دا لمين
أهودا اللي بنظرة عين
شبكوه
وفاتوله الكاس مليان
وفاتوه
وحكايته طويلة
وهمه تقيل
وح اقول لك إيه وأعيد لك إيه
رايح يملا عيونه بحلم جميل
بياع السهد ملا له عينه
***
وترن ف جوالحان
ألحان
نشوانه تخلي المولد هس
وغزاله بتتغزل ف حصان
بتقول له
احبك أنت وبس
ويفز هنا سيدنا المنظور
ويطب الكاس ف إديه
مكسور
ويقول غشاشه
حتلعب بيك
ويرد التاني عليه بفتور:
طب وانت مزعل نفسك ليه
حشري وسخيف
وح قولك إيه
ومانولي يقول
” موش أندك خق”
والسامر يضحك لما يطق
ويحط الحشري عنيه
في الأرض
وكأنه لحن في الدين
والفرض
ويقوم
يطوح مرة يمين
ويميل زي البخت شمال
وف جوف الليل
يغرق مسكين
لا يغير حال
ولا يشغل بال
***
الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند  وسيكا  ورست وصبا
وحجاز وبيات
يا  خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

قصيدة الليل - أحمد فؤاد نجم

ida2at.com/forgotten-details-in-a-simple-marriage/

أداء الصوت: زينب سليم.

هندسة الصوت: أسماء راشد.

تفاصيل منسية في زواج ساذج - هبة عبد الجواد

نحن لا نكف عن السير ندفع أنفسنا  بالأمل دفعًا.. نرجوه ونلعنه، نتعلق به تعلق غريق وحيد في لجج بحرٍ تقاذفته أمواجه، بقارب نجاةٍ مُهتريء، أنهكته الأمواج ذاتها.. 
لاهو يقدر على مدافعة الموج وحدَه، ولا هو يرضى تسليم روحه للغرق.. نحن نحبُ الحياة وإن أنكرنا، وإن تناكرنا..

نحن نحيا بالأمل ونسير به، ننام متكئةٌ عليه مضاجعنا في المساء، وتنفتح مستندة به أجفاننا  في الصباح، نحن نلعنه كلما حل المساء أو جاء الصباح..

نحن ندرك عبثيةَ خطُواتِنا، تلك التي تسوقنا إلى اللاشيء، لكنه وحده الذي يدفعنا لنستحث الخطى، ملبين نداءاته التي لا يسمعها أحدٌ سوانا، ويكفر بها أكثر المحيطين.. نحن فقط من آمن وصدّق.

نداءاته التي لا تكف.. نداءاته التي بها يحيا كلُّ ذابلٍ فاقدٍ لرمق الحياةِ فينا.. نداءاته التي ننجو بها من كل خوفٍ وخيبةٍ يتربصان بنا.. نداءاته التي لولاها لعلقنا لأنفسنا المشانق كل صباح!
 أن ثمة بريق يلمع من على منأىً وبعد.. فتنتفض لأجله خطواتنا من جديد.
أن شيئًا مما نرجو ينتظرنا بحق.. لا كما تخط يد العابثين أن ما ننتظره لا ينتظرنا.. خابت أيمانهم.
أن الحبَّ الذي به نؤمن، وله نسلم.. ينتظرنا..
أن من نحبه.. يحبنا.

نحن نذكر جيدًا كل خيبات الأمل السالفة، ولم ننس آلامَها.. لم تنمحِ بعد من تلك الذاكرة اللعينة التي تأبى إلا أن تسجل كل شيء، ما نحب وما نكره، ماكنا نرجو وما كنا نخاف، ما انتشينا به وما سخطنا عليه، ما أسعدنا، وما أوجعنا.. 

ولم تزل بعدُ أشباحها تطاردنا في النوم واليقظة، أشباح خيبات الأمل والسقطات المدوية، تلازمنا ملازمة الخيال لنا.. تقف ماثلة أمامنا في كل خطوةٍ نخطوها..
نحن مازلنا نخاف، ومازلنا في حذر، وما زلنا نخبيء الدمعات بضحكات عالية، تكذبُ حينًا، وتبلغ أقصى درجات الصدق حين.. 
نحن ما زلنا ننام مضجعةً جنوبنا على الأمل، ومتوسدةً رؤوسنا الرجا، وما زالت جفوننا تستيقط مستندة عليه، راجية فيه، مؤمنةً به.. نحن ما زلنا في أمل.

ويبقى الامل- صوت يحيى سيد - كلمات منى أحمد

قصيدة الشاعر تميم البرغوثي 
قالولي بتحب مصر
____________________________________________

قالولي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف

ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل

قالولي بتحب مصر فقلت مش عارف
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور

وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي

وأمي حافظة السِيَر أصل السِيَر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها

أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد برة
يا ناس يا أهل البلد شارياه وشاريني
من يعترض ع المحبة لما ربّي يريد

كان الجواب ان واحد سافر اسرائيل
وانا أبويا قالوله يللا ع الترحيل

دلوقت جه دوري لاجل بلادي تنفيني
وتشيِّب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني

قالولي بتحب مصر فقلت مش عارف

بحب أقعد علىالقهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها الزلزال
بحب لمعي وحلابِسَّة ومُحِّب جمال
أروح لهم عربية خابطة في تروللي
كإنها ورقِة مِسودّة مرميّة
جوّاها متشخبطة ومتكرمشة هيّه
أو شلّة الصوف، أو عقدة حسابيّه
سبعين مهندس ولا يقدر على حلي
فيجيبوا كل مفكّاتهم وصواميلهم
ويجرّبوا كل ألاعيبهم وتحاييلهم
ساعات كمان يغلطوا ويجربوا فيّه
بس الأكيد أنهم بيحاولوا في مشاكلي
وإنها دايماً أهون من مشاكلهم

أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بلكونتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد

قالولي بتحب مصر فقلت مش عارف

قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور

عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وسِتّها شعرها أصفر وكلّه بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نبوت
تحكم وقطر الندى تسمع لها وتئن
أصل البعيدة وليّة أمرها، عجبي
على الهوا بحجة الكسوة يقيموا له سور

قالوا لي بتحب مصر - تميم البرغوثي

النص دة عني - أميرة البيلي من حفل ساقية الصاوي

السبيل

عمرو حسن  خلينا صحاب

"على ما يبدو أنه ليس بالامكان الا أن ينقذ أحدنا الاخر .."
كلمات : رانيا عادل 
أداء صوتي : دينا عطا 
edit tracks : Ahmad Essam

على ما يبدو

مقتطف من رواية ( تنهيدة ) لـ "يوسف الدموكي" | سما الأشقر✨

احنا ولاد الكلب الشعب - عبد الرحمن الأبنودى

بصوت الراوي: عبد الرحمن عبيد
هندسة صوتية: محمد صدقة

منشورات | اختيار ما نحب - بلال علاء

باودّعكم 
وانا معكُم
وبطلب تسمعوا شوية
 انا طول عمري باسمعكم 
بقلب يجوز يزعّلكم 
لكن عمره ما يخدعكم 
بودّعكم 
واودّع كل ما بيننا 
وكافة ما رأت عيني 
فمن كان منّكم ضدي 
وعاش معاديني وآذيني 
فماتمناش يودعّني ولا ببكاه يصدّعكم
ومن كان له ف قلبي نصيب
فهذا حبيب 
وحاوطوا دعاه بأسماعكم 

وأما بعد 

فهذا ما رأيت اليوم
ف ساعة نوم 
صحيت منها بعين أوسع وبال مرتاح 
أنا هاخرج من المشهد بنفس دخولي وانا عريان 
وأكبر حلم حققته مروري ف الغابات انسان 
لا يدّي كسّرت شباك 
ولا قدمي ف يوم خطت على جثه 
دخلت المدرسة الدنيا وخدت نصيبي م الحصه 
وقد الفهم والتحصيل 
قد ماكنت وغد جميل 
وديب طيّب 
بحُط دماغي آخر اليوم 
وانا مظلوم ومش ظالم 
ولو فيه حد كدّبني فيعلم ربنا العالِم 
ف عن مالي ماخدتش شيء
وعن بالي ماسيبتش شيء
وعن وقتي 
فانا ولحد دلوقتي مخلص مُجمله ع الناس 
زهدت ف كل شيء فيها 
وعشت حياتي بلاغيها 
واصاحب كل بلاويها وأقول معلش 
مانابنيش من بياض القلب 
غير تجاعيد نَمِت ع الوش 
ودُقت ف دربها الضدين 
من الكافيار لحد المش 
وعدِت رجلي ف دروبها 
خفيفه وقابله مكتوبها 
ومرت روحي جواها متاهة تودي لمتاهة 
وأقول دنيا ومتكلمش 
نهاية الدنيا ابسط من وقوع الرمش 
وكل اللي اتحكى عني كلام باطل 
انا دلوقتي ف مساحة ملفش فيها ولا اماطل 
كلامي زي ماهو بدون تذويق
واي كلام ماقولتوش يعتبر تلفيق

ف أوصيكم 
تمر جنازتي من ناحية ما انا مرّيت 
وترمولي السلام ع البيت 
وماتخلوش صحابي يتعبوا ف المشي 
كفاية سيبتهم هما هناك ومشيت
وأما الدمع لو ليّن 
ف هيّن واتركوه ينساب 
واما لو بُكا عالي فحاسبوا وسطكم كدّاب 
وعلى قبري دقيقة صمت 
وتدعولي بأن يشفعلي ما أصلحت لما أجرمت 
تلاتة يمشوا ف وداعي بقلب سليم 
يزيدوا عن الاف يمشوا بكدب عظيم 
وراعوا وسطكم واحدة ف شالها ريحتي وغيابي 
وشاوروا لأمي على بابي وقولوا البار 
وحاوطوا القبر بالياسمين مش الصبّار 
ومروا في هدوء بيليق على المشهد 

وأوصيكم 
عيون كلبي ماتدمعشي
وعصافيري ماتسمعشي كلام عن موت 
وأوصيكم توطّوا الصوت ف وقت الحزن 
وتسقوا زرعة النعناع لحد الريحة ماتحاوط نواحي البيت
وحاجتي تتقسم بالعدل ع الأصحاب 
موبايلي يتكسر ف وجود تلاتة شهود 
ومش عاوز ف يوم حفلة بكا وتأبين 
هتلقوا فيه ناس ومش عارفين بينعوا ف مين
وهتلاقوا اللي قتلوني بيبكوني على الشاشة
ف شاوروا ع اللي كان منّي وقولوا ده حق
وشاوروا ع اللي جاي يكدب وقولوا ده لأ
أنا جيت الحياة لوحدي 
وماشي منها لوحدي 
وأصحابي اللي عاشروني يادوب كام فرد 
فمش هبلع كمان الكدب تحت الأرض
وف عزايا اذا حبيتوا تتقابلوا 
فياخد دمعتي صاحبي ف بدء الصف 
وهتحسّوه لوحديكم ف بسط الكف 
وهتبصوا ف عنيه تلاقوه بيسند نفسه م الوقعه 
وقلبه السخن هيخلي ايديه ساقعه
ف مروا عليه وبصوا ف عينه تلاقوني 

وأوصيكم 
ف ساعة ماتركتوني تقولوا سلام 
ما احبش ف الختام اترك دموع والآم
وتنقلوا اسفي للناس اللي طيبة قلبي جرحتهم 
وتعتذروا لادويتي اللي ايدي بعنف فتحتهم 
وتضحكوا وقت ما اجيلكم ف يوم ع البال 
انا فايت ورايا خيال يساع الأرض ويساعكم 
باودّعكم

سلام ياصحاب 
سلام يابيوت
ياخطاوي 
معدتش اضايق العالم بازعاجي 
ورايح يعني مش هاجي
ومش هاخلف معاد مع حد بمزاجي 
ومش هاقضي الحياه تبرير ف شيء ماحصلش 
ومش هدوش جيراني بصوت اغانيّا 
ومش هازعج مسايا بطول لياليّا
ومش هاهلك جزم تانيه ولا قمصان 
ومش هاخرج وانا مبسوط 
ومش هارجع وانا قرفان 
اديني رحمتكم مني 
ومن زّني
ياريت وانتوا بعيد عني تحسوا بفرق للأحسن 
وانا احسن 
ومرتاح ف الغياب وسعيد 
لكن يوجعني ان فيه ناس هتبقى بعيد 
واخر القول 
باوصيّكم 
بلاش تفترضوا سوء الظن مع غيري 
يجوز غيري بسيط زيي 
وحاصرينه ف دور شرير وهو بجد أجدعكم
بلاش نفس الغلط تاني 
أذاكم حلّى موتي عن الحياة معكم 

وخلاني وانا بينكم أودعكم 

بوّدعكم

#الوصية

قصيدة الوصيه عمرو حسن لاول مرة

لو بكرا نهاية العالم ...

الكاتب : يوسف الدموكي

أداء : أسامة الشبلي 

رسم الخط : picssafaa

لو بكرة نهاية العالم - يوسف الدموكي | أسامة الشبلي

يبدأ كل شيء عندما أضع رأسي على الوسادة في أخر الليل.. أرى سحبًا فوق رأسي، وعاصفةٌ تتأهب لي وحدي..
أكاد، لو تحركت، أن أسقط في هوّةٍ عميقة. أرى الحلم نفسه كل ليلة، دائرة سوداء تتسع حتى تغطي كل شيء. لا ينتهي الكابوس بالصحو منه. هو معي، أراه أينما وجهت بصري.. 
في قهوة الصباح المَعدّة على عَجل، في الوقت الذي يمر بطيئًا فوق كتفي، في الطرق التي تلف وتدور، ولا تنتهي.. 
كنت، قبلكِ، أمشي مثقلاً بذاتي، لا يخطر لي أن يتبدل حالي، وددت لو أنني، ولو لمرة واحدة، أرى حلمًا جميلًا.. أراكِ.
كيف أُحدّق في الشمس ولا تؤلمني عيناي؟.. أدنو منكِ محاذراً أن تمسّكِ ظلمتي، غلب نورُكِ ظلمتي.

أريد أن يكون بيتنا صغيرًا، منعزلًا، محاطًا بالورد، تنيره الشمس ولا يعرف طريقه إلا من نحب. له شرفة مطلة على حديقة صغيرة وسماء واسعة، أريد أن أتوسد حِجرك وأن أغلق عينيّ علي وجهك، أريدكِ في الحلم وفي الحقيقة.. 
لما مسستِني بيدكِ تبدّل شيءٌ في صدري، أنار لكِ، نورٌ أبدي هادئ، صرت أفتح عيني في الصباح خفيفًا لا أشعر بوزن العالم كله فوقي، وأذكركِ، أنا أمنٌ مني بكِ.
أرى بكِ نورًا في كل شيء.. كل شيء.

- فريد عمارة 



غلبَ نورُكِ ظُلمتي - فريد عمارة

قصيدة على لسان الوجع و فضفضة معاه
مكتوبة بعد 5 سنين فى السجن

الوجع

ستظهرُ أجنحةُ روحي يوماً ما.. 🦋"

مقتطف من رواية ( تنهيدة ) لـ "يوسف الدموكي" | سما الأشقر✨

Sama Alashkar

Recent comments

abozaid K Megahed

عبد الله محمد ألماظ

Hossam Bakry

Ganat Elrawda

Related tracks