This song describes the life story of a gay man who fell in love with his straight best friend. 


KAHEL AT BUGHAW
Music and Lyrics by JEROME CLEOFAS
Copyright 2015

Ang taglay niyang kulay ay bughaw
At sa kakisigan niya ako’y napukaw
Ako nama’y kahel na marikit, isang baluktot na yagit
Na hindi maituwid kahit ano’ng ipilit

Musmos pa lang nang kami’y magkalaro
At sa mga kalaba’y ‘di sumuko
At kahit na ako’y sinasaktan, dahil ‘di pangkaraniwan
Sabi ni bughaw ako ay kaibigan, at siya ang aking pananggalang

At mula noo’y ibinigay ang puso ko
Sa isang pangarap na hindi magkakatotoo
Dahil ako’y isang kahel na ligaw
Na umiibig sa isang bughaw

At noong kami’y magbinata
Sa aki’y meron siyang pinakilala
Isang babaeng marikit, na maganda at mabait
Kaya si bughaw kay pula naakit

At sa altar siya’y naghintay
Sa babaeng aalayan niya ng buhay
Ako nama’y naro’n lang sa tabi, nakangiti kahit masakit
Ngunit ang makita siya na maligaya, ay sapat na upang ako ay sumaya

Dahil sa kanya pa rin tumitibok ang puso ko
Siya ang tanging pangarap kong hindi nagkatotoo
Ngayon ako’y isang kahel na uhaw
Na umiibig sa isang bughaw

At ang mga tao’y lumipas na
Siya ay nagkamilya at ako’y tumandang mag isa at

Sa huling hibla ng aking buhay
Si bughaw sa aki’y naka akay
Sabi niya kahel kong marikit, sa palad mo nakaguhit
Ang pangakong ako ang ‘yong kaibigan, nandito lang ako kailan pa man

At hindi ko man ibinigay ang puso ko
Sabay naman nating tinupad ang mga pangarap mo
Salamat kahel at hindi ka bumitaw
Salamat, nagmamahal, bughaw

Kahel at Bughaw [Music and Lyrics by Jerome Cleofas]

I am an amateur musician. I sing, play the piano and guitar. I am also a songwriter, who expresses stories and advocacies through music and lyrics. 
