Maha_Ftouni_mix

سورة  الطور | الشيخ حاتم فريد | صلاة التراويح 1446هـ - 2025م | Surat-At-Tur | Hatem Farid
🖥لمشاهدة السورة كاملة علىYoutube 🖥👇
https://youtu.be/uqJfPnI2qkg
🎙لتحميل السورة كاملة جودة عالية mp3 🎙 👇 
https://t.me/hatemfaridelwaaer/1643
#القرآن_الكريم #حاتم_فريد #سورة_الطور #تلاوات #قرآن  #رمضان #صلاة_التراويح #اكسبلور #quran #راحة_نفسية #quranrecitation

سورة  الطور | الشيخ حاتم فريد | صلاة التراويح 1446هـ - 2025م | Surat-At-Tur | Hatem Farid


لو كنت بس ساعتها عارف ان دي المرة الاخيرة.... مية مية كانت هتفرق فالوداع
كنت هحضن سندس اللي فـ تانية تالت عالمشاع... واحنا طالعين ماللجان بعد اخر امتحان
واسالها لو بتشوف فلان ... طب فاهمة مادة ميس ايمان؟
طب ينفع ابقى اجيلكو عادي ؟... قصدي يعني البيت يساع ؟
لو بس كنت ساعتها عارف ان دي المرة الاخيرة.... مية مية كانت هتفرق فالوداع

كل الشوارع والمباني اللي مش هدخلها تاني
والاغاني اللي لما سمعتها ودندنتها من مرة واحدة مالسماع
مية مية كانت هتفرق فالوداع
يا كل حاجة كسبتها او سيبتها
ملحقتش اشبع منها اكمنها
قالت هنروح من بعض فين
يا ناس يا عبط يا عشمانين
فيه فرصة تانية للقى؟... بطلو اوهام بقى
وكفاية احلام واسمعو
عيشو بزمة وودعو كل حاجة بتعملوها وكل حد بتشفوه
وكل كلمة بتقلوها وكل لحن بتسمعوه
عيشو مشاهد كل مشهد زي ميكون الاخير
اشبعو ساعة الوداع واحضنو الحاجة بضمير
داللي فاضل مش كتير ...اللي فاضل مش كتير

KANET HATFRE2 F EL WADA3 - Cover | احمد ناجي - كانت هتفرق فى الوداع - ع القهوه

جوابي ده الاخير ليكي - لعمرو حسن.mp3

خلينا صحاب 
شايفاك انسان طيب حسّاس 
راجل ورقيق 
تنفع كصديق ، لكن كحبيب ؟ عمري مافكرت 
تستاهل أحسن مني كتير 
والله ياواد لاهجيبهالك 
عاوزين بقا نفرح بعيالك 
وبحبك جداً صدقني وجوايا حاجات 
بس احنا اخوات 
سِكتِتْ وسكِتت
مشيّت ووقِفتْ 
وكإن الدنيا بتتحول اسود بهتان 
لون أنا مش عارفه لحد الآن
وكإن فيه خيط مزيكا حزين 
طالع من مطرح وقفِتْها 
هل حبيتها ؟ أم ان الأمر بحاله سراب 
قولتلها : انا رافض نبقى صحاب 
ياتكوني معايا يامتكونيليش 
سِكتِتْ لحظة .. علشان كانت هي ملاحظة 
ان انا مكسور وبهددها 
مدت إيدها مسكت ايدي 
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب 
والصعب حبيبتك تتعاطف علشان تواسيك
فأخدت قرار اني انساها 
من يومها وانا بدونها معاها 
براقبها بعين عيّل محروم 
وباقول ما اطلبش باكلمها 
وبفكّر هي بتعرف مين 
ضحكتها لمين 
وباموت لو كانت بصاله 
أصبحنا لاننفع متصاحبين ولا عُدنا صحاب 
وبقينا برغم اللي مابيننا 
شخصين أغراب
تسعين في المية من الأشخاص المكتئبين 
بيحسّوا حنين لقلوب بتحِّن لناس غيرهم 
الواحد ضيّع وقت كبير مع ناس مش شاغل تفكيرهم 
هذا التفكير الغير صحيّ
هو المتسبب في القهوة 
ف عمر خيرت وtrio goubran 
وف قلب نظام النوم للعكس 
وصداع القولون العصبي
تضييع ستاشر ساعة ف شات
ودخولك ف مشاكل وحاجات 
وخروجك منك آخر الليل 
هتروح لطبيب هيبص عليك 
وهيكتبلك أدوية للنوم 
ومهدأ ويسيبك تمشي 
وهتفضل برضه مابتنامشي 
وهيفضل جسمك بيعاندك 
كل الموضوع انك عندك 
" متلازمة حُب اللي ماحبكش "
انت معندكش سبب عضوي 
يمنع عينك تقفل لساعات
السبب الأصلي ف عدم النوم 
انها شايفاكوا اتنين اخوات 
بالنسبالها .. هي بتعشق في اللي قَتَلها 
واللي ماقدّرش ودخلها ف مساحه كبيرة من الإهمال 
بتحب جنونه وعصبيته 
وتحب تشوفه بيجرحها
وتحب انه مابيكلمهاش 
مع انه مكلم ناس تانيين 
وتحب عدم غيرته عليها 
وتحب قساوته وهي تلين 
بالنسبالها .. عمرك ماهتبقى اللي ف بالها 
فافهم ياحزين 
واعرف دستور البني آدمين
عمرك بيضيع والوضع وضيع 
والعالم أجمل من غيرها 
عمرك ماهتيجي ف تفكيرها 
مع انك شاغل ناس تانيين 
وحاططهم ف القايمة اياها ( خلينا صحاب ) 
داين تتدان 
ومافيش مجروح مابقاش جارح
كله بيبحث على ألمه الخاص 
وكإن الحب بدون راحه 
وكإن الشوق لازمُه جراحه 
علشان مايروحش لناس ببلاش
اعتبره ماجاش 
ونصيحة ياريت لو كنتوا صحاب ، خليكوا صحاب 
علشان لو قولت على مشاعرك 
هتكون بتضحّي بصداقتها 
وان فعلاً فعلاً حبيتها 
استنى عنيها تقول قبلك 
واستنى الشوق فيها يقابلك 
وساعتها يجوز تنسى المسافات 
فيما عدا ذلك ف انت هتسمع 
انا آه حباك بس احنا اخوات .

Friend Zone

Amr Hassan - Friend Zone

بعد ما جبتلك مّ السما
كُل النجوم اللي بتتجاب
كله في اﻻرض اترمي
و من غير ذِكر أسباب
كل اللي عملته اتنسي !
و بقيت أنا المِتساب 
أتسبت ..
-
مع اني والله مأ قصرت
كنت جنبك ..
و في عز ضعفك ..
كُنت مأويَ
و يوم بكُاكي ..
كُنت رُكن
الرُكن اللي بقيتي ..
بفضله اقويَ
و اللي يوم فراقك ..
احتاجله رُكن !
احتاجله حُضن .. !
-
و إنتي مكُنتيش موجوده
عشان ترديله الجميل
أحتياجه نهايته مسدوده
طول ماهو مش لاقي دليل
أو ضمان ..
إن الكمان ..
مسيره يحتاج للوتر
و إنه دايما هيلقي حضن
وقت ما يحس بخطر
او يخوف ..
سألت أيه سباب الغياب
قلتلي دي دنيا والظروف ..
و الجدير بالذكر ..
اني كنت وقتها باقي
فطبيعي كان كلامي عشواني
هضيع من غيرك 
و مش هبقي انا بَعدك
و صدقيني لو ماشيه
انا اول حد هيساعدك
بس لأا خليكي ..
متمشيش ..
أو روحي مترجعيش !
بُصيِ ..
أنتي في كل الأحوال هتمشي ..
و أنا بخرف بالكلام 
روحي بس دلوقتي 
و أنا شويه و هكون تمام
و متسبيش الباب مفتوح 
أو موارب
جايز في وقت اكون شارب
و احاول أفتحه من جديد
هبقي شايفك من بعيد ..
و هستني الرجوع جايز !
و لكني حتي لو هعوز
هيعدي يومي وانا عايز ..
-
بس أنا .. 
مش هفضل عايش مستني
مكانك الصح بعيد عنيِ
من بعد قلبي ما أترميَ
خلاص .. عن حبك أتعميَ
و أتعلم انه ميتعبش
و أنه كمان ميجبش
لحد حاجات مَ السما .. :') !

#حاجات_مَ_السما
#كريم_أبوعيد
#شعر

7agat Mn El Sama - حاجات من السما

بحسن نية أو بسوء ادراك 
بتبص قدامك ع اللي سيبته وراك
كل الغلط كان فيك 
أي استراحه ف الطريق تنزل وتشرب شاي مع ناس ماتعرفهمش 
ف طبيعي تفضل مطرحك واقف
من شله على شله 
من شغل للتاني 
من بيت لبيت غيره 
تتغير الأشياء والمشكلة جواك 
الاكتئاب العنيف ضل السعادة السريعة 
والخضر قال لك مرة والتانية 
ان الحياة مش سهلة كما ظنك 
وانت اللي أضعف من غلام تقتله 
أو من جداره تهدمه 
أو من سفينة تدلها ع الغرق 
لم تستطع صبراً ولسه بتكابر
ولسه بتواجه مشاكلك بالهروب منها 
كل الحاجات الغامقة ف حياتك سميتها بُن النهار 
وبقيت غريب أطوار 
كافر بكل اللي انت عايش فيه 
شبح بيدخل سينما مع نفسه 
كل الكراسي عرفتها وعارفاك 
الليل سواده ضل تحت عنيك 
وانت بتدخل حرب شرسه عليك 
طرفينها انت ف الخسارة الفوز 
لو كنت وقفت خطوه قبل باب بيتها 
أو كنت يومها ابتسمت وبس من غير ماتعزمها على عمرك الفاضل 
أو كان موبايلك فصل وفشلت تكتب نمرة هتضرك
كان زمانك بتمشي جنبها ف شارع وتشوفها مش اكتر من جمال عابر
لو كنت يوم الخروجه انت وصحابك وقع عليك الشاي 
وقعدت طول الليل ف بيتك حُر ماخرجتش
ماكنش وجعك خيالك من صديق خاين 
عرفته لحظة خروجه وبعدها قتلك 
باقول لنفسي : 
مش كان كفاية فيلم عربي قديم ف قناة بدون اعلانات 
قاعد ممدد رجلي ع الكنبه 
والصاله شجرة سجاير والحياة سهله
لا هند رستم هتزعل اني نمت ف نص مشهدها 
ولا كلبي هيلومني على عشان بارمي الريموت ع الأرض
ولا بنت مرت ورد على حضني 
هتقولي اني مريض فصام أو شخص مستهتر 
هي الحياة كما قلت 
مضرب تنس مجاني لشخص بلادراعات 
أو غنوة ف الراديو والسماعات بايظة 
أشباه فرص 
أو كوبابات انصاص 
باحسد بقلبي شخص عاش وخلاص 
الصبح يصحي يشتري الجرنال 
ويروح لشغله وبعدها يرجع
تكتبله زوجته لستة الطلبات 
ويروح لأهله مرة ف الأسبوع
هذا البسيط اللانهائي 
ملك الحياة والمستفيد منها على أكمل سبيل
هذا الذي لايكتئب الا عشان له حد مات أو جاله خصم 
أما احنا بنعيط اذا فيه قطه نامت دون طعام 
مشغول خيالنا بمين وصل أو مين فشل 
وقلوبنا دواسة قدم للعابرين - فادخلونا آمنين
وامشوا ببساطه وبانتظام 
ماتعكروش صفو الغنا ف الأوردة
قلبي العظيم - كلبي الوفي
ارمي عليه السلام وانظر من الداخل 
كتابات على الجدران 
صور قديمه على الحيطان لاحمد زكي وميريل ستريب 
وصورة أصليه لريال مدريد الفين وواحد
سامية جمال وسيرة الحب واحد 
الفرق بينهم كاتب الكلمات 
ف القلب عمال النضافه هما أصحابي 
غير انهم بيطفوا أحياناً سجاير حزنهم وهما قاعدين عند شط الدم 
فتجيلي نغزة مفاجأة ف صدري اظنها كدمة
من يومها وانا فاهم ان الألم ف الصدر نصه من الصحاب 
والباقي برواز المليجي لو وقع ع الأرض
كل الحاجات ف القلب مختلطة 
طرح الحاجات الصحيحة من لقا الغلطة 
وبدأت افهم امتي تحديداً تحصل الجلطة 
لابد ان اتنين ف قلبي قرروا العصيان أو جندي سايب خدمته ف الذكريات 
ونام له ساعه عند باب الحزن 
او امي نزلت دمعه منها في انسياب النهر 
مع كل مرة بازور طريق اسكندرية 
on the run انزل ف أول 
واطلب لنفسي اسبرسو وابص من لوح الازاز ع الناس 
يعجبني جداً فكرة المشروب ف كل طريق اروحه 
حق المسافر يلقى جزء سعيد ف روحه 
فيه حد غيري يحب يسمع أم كلثوم ف السفر ؟
فيه حد غيري يحب يشرب حاجه سخنه كل ما بيصبح سعيد ؟
فيه حد زيي بيربط الناس بالاغاني والسنين بالاعلانات ؟ 
لو فيه بشر زيي ف حاجات 
أكيد هيوصلهم كلامي بدون ما اوضح
علشان كمان مش حابب اشرح
النص ده 
وانا لسه باحزن دون سبب 
وانا مكتئب والله من غير أي شيء 
قافل عليا الباب وطالق لحيتي 
ماشي ف ايدي مخدتي وبنام ف كل خلاف بسيط 
on the run حاسس كإني 
والناس بييجوا يريحوا 
ويخشوا صدري ويفتحوا صناديق كاكولا وشيبسيهات 
وبيمشوا مع شرب الحاجات 
ويخش غيرهم يعملوا نفس السيناريو برسمته 
الحزن لمع جذمته 
واداني حقي ف ضحكتين 
وحبيبتي شتمتني بهدوء وشكرتها 
خدت الحاجات من قُصرها
ورجعت أكمل عزلتي 
دي مش كئابة ولا انهزام 
بالعكس 
ده شعور بالسلام 
زي الشجر مابيرمي ورقه ف الخريف علشان يروح المصبغه 
فيه فترة ف العام اسمها 
مغلق عشان التحسينات 
والفترة دي لابد تتعاش كلها من غير محاولة للهروب 
بابعتلكم كل التحية من هنا 
من عند مدخل غرفتي 
باستني يبدأ فيلم عربي واكمّله 
وف ايدي حاجه تتشرب ماعرفش ايه 
ناسي البشر 
وبصاحب الليل والمطر 
وملامحي يمكن كلها متغيره 
معرفش هابعد قد ايه 
معرفش برضه بعدت ليه 
بس الأكيد واللي احنا متفقين عليه 
تجمعنا صدفه قريبة 
on the run ف

On The Run

عمرو حسن و مادو (خلينا اصحاب) friend zone

قصيدة نهاية عادية ل رحمة الحداد

كلمات القصيده : 


كان نفسي أودعِك ..
أقولِك حتي كلام أخير
أقولك فيه كل حاجه
أقول اشوف وشك بخير!
و أحلفك متنسيش ..
و تخلي ليا ذكري عندك
و أنك متيأسيش
حتي لو الطريق معانِدك

وتعرفي إن ..
الحياه من غيرك
زي ماتكون تُربه
مهما عرفت فيها غيرك
ببقي لوحدي و في غُربه
الزمن ماشي بطئ .. مَبيعديش
و الوقت كالعاده .. مَبينَسيش !
-
سيبك من دا كله ..
زمانك دلوقتي بتسمعي
و عايزك تعرفي إني ..
مش بستعطفك ترجعي
أنا بس زعلان إن انتي هدمعي
مجرد ما هتعرفي ..
إني أصلا مش هنا
و إن دا حلم يعني..!
و ان علي ادد ما الكلام وَجَعِك ..
فهو برده أكيد وجعني !

"بس هو جيه في ثانيه" !
اتعشمت فيه يستنيَ ..
شاورلي بأيده عالجنه
و قالي لسا في دنيا تانيه
مِستنياك هناك ..
و أول ما أبص هناك
علي غفله الروح تتشد !
و ملحقتتش أقول حاجه
وملحقتش أودع حد :') !
#كريم_أبوعيد

ملحقتش أودع حد - Ml72tsh Awd3 7d

Kareem Abo Eid