ما الذي يعنيه الشعر بالنسبة لِميخائِيـل نعيمة!

ضيفة الحلقة [ نوف النجيمي ]

هل شبكات التواصل الاجتماعي إدمان يضيع وقتنا؟ وهل لو مسحنا برامج التواصل الاجتماعي حنكسب استغلال الوقت بشكل بناء؟ ضيفتنا الدافورة والكرتونة نوف النجيمي سوت هذه التجربة واكتشفت إنه برضه وقتها ضاع منها… فقعدت معانا وتناقشنا في الموضوع مع مجموعة من المواضيع الثانية اللي تشعبت في أنواع استغلال الوقت وكيف ممكن نطلع بفائدة من الأشياء اللي نحب نسويها… وكمان كيف انه ”الحلطمة“ ممكن تكون سلبية علينا لكن في المقابل ”الفضفضة“ ممكن تكون مفيدة!

The Mstdfr Show

#246: بطلوا حلطمة أبدأوا فضفضة

عبدالله وعمار رجعوا سوا!

أهلاً بيكم في اأول حلقة من شهر أغسطس 2022 حيث الكرتون يترتب! قررنا ابتداءً من هذه الحلقة يكون عندنا فقرة (إسأل الكرتون) و (أطلب الكرتون) عشان نحقق للكراتين أي شيء يتمنوه على حسب قدرتنا!

تكلمنا في هذي الحلقه عن أعمال كثيرة منها:

Sea Beast
DC super Pets
Minions 2
Lightyear

روابط يمكن تهمك:

-اعلان فيلم Sea Beast: https://youtu.be/P-E-IGQCsPo
-اعلان فيلم DC super pets: https://youtu.be/1jkw2JPCl18

بودكاست كرتون كرتون

١٤٩: كرتون مليان كلام

من أكثر الأسئلة اللي تتكرر علينا هي ”كيف أبدأ بودكاست؟“ وبكل أمانة في كثير مواقع تشرح خطوات الصناعة من الألف للياء… بس حبينا اليوم نعطيكم شرح للخطوات الرئيسية اللي لازم تحطوها في بالكم قبل ما تخوضوا هذه الرحلة… من واقع خبرتنا الشخصية طبعاً. وفي حال ما قد فكرتوا انكم تصنعوا برنامجكم الخاص… يمكن هذه الحلقة تحمسكم تبدأوا.

#282: بهذه الخطوات إبدأ بودكاست

بمشاركة [ فيصل عسيري و ياسر ناصف ]

اليوم طلعنا الرياض وقعدنا مع مستدفرنا القديم… ولدنا الضايع فيصل عسيري وشاركنا صديقنا العزيز ياسر ناصف. وفي نهار ممطر في الرياض جلسنا ندردش على مواضيع مختلفة بدأت بكروية الأرض وانتقلت لبعض ألعابنا المفضلة على البلايسيشن إلى ما وصلنا لحقوق حفظ القصص والشخصيات.

وللأسف كان في مشكلة في التسجيل وبالتالي الصوت ما كان بالجودة المطلوبة، بس ما حبينا نترككم اليوم من غير حلقة… فقررنا ننشرها ونعتذر مقدماً على الجودة.

#291: الأرض وميكي ودوري مافي

على أي أساس يتم اختيار النجوم للأعمال السينمائية في الآنيميشن وايش ممكن يضيف هذا النجم للعمل من قصة وتطوير شخصية؟
وكيف تستغل وجود نجم بشخصية صوتية معاك بأي عمل آنيميشن!

روابط يمكن تهمك:
-كواليس كونغ فو باندا:  
https://youtu.be/REltkLm2y9g

-اعلان آل شمشون: 
https://youtu.be/_Z2DQLo_imU

-منتجات كرتون كرتون: 
https://rafrafaah.com/ar/category/qGggyW

١٧٢: نجوم مثلوا صوت

بمشاركة [ فيصل عسيري ]

مؤخراً صرنا نلاحظ إنه كثير من المشاهير حول العالم بدأوا يحطوا نفسهم في مواقف بايخة تخرب عليهم شغلهم وحياتهم بشكل كبير… هل المشكلة في الناس؟ أو المشكلة كانت دائماً موجودة… ولكن الآن صار الوصول للمعلومات المخفية أسهل؟

صديقنا الدافور القديم فيصل عسيري شارك معانا النقاش اليوم واتكلمنا عن مواضيع مختلفة من ضمنها سباقات الفورميلا ون وناقشنا كمان مدى تأثيرها على حياتنا اليومية.

#293: هنا فورميلا ون والفنان أتجنن

ضيفتنا بهذي الحلقة هي رُزانا البنوي، اللي ثقتنا برؤيتها وخبرتها الطويله بالنفس البشرية خلتنا نتأكد ان وجودها بينتج تغيير في محتوى النقاش في كرتون كرتون… وهذا فعلاً اللي صار!

نقاشنا عن القلب الخيّر والقلب الشرير من فيلم #بسبس_ببوت انتقل من فيلم آنيميشن الى حياة واقعيه وناس عايشناهم وحكايات غيّرتنا وصنعت هويّتنا… شاركونا رأيكم بالحلقة… يهمنا مره نقرأ كل شي!

روابط يمكن تهمك:
إعلان فيلم puss in boots: 
https://youtu.be/RqrXhwS33yc

١٧٤: الخير والشرّ والقلب والنفس

طيب عشان عمار نسي موعد تسجيل واحدة من الحلقات عبدالله قرر يعاقبه ويخليه يسجل حلقة لوحده عن توصيات من زمن الطيبين واللي هو الثمانينات، وكمان شرط عليه انه ما يقل طول الحلقة عن خمسة وخمسين دقيقة. فعمار وافق وسجل الحلقة لكن بطريقته… حب ينفذ كلام عبدالله بس بشوية فزلكة! إيش هي؟ أسمعه الحلقة للآخر وانتم تعرفوا.

وكمان حابين نقول لكم انه حلقة اليوم برعاية متجر يم! متجر يَـمّ "بمعنى البحر" متجر فني يخوضوا فيه على عدة أعمال يدوية متنوعة ويرسموا فيه على عدة مستلزمات تخدم كل أنواع العملاء وتنفذ حسب طلبهم ( توت باق - بلوفرات - تيشرتات - أكواب شاي أو قهوة ضد الماء - فواصل كتب - تجهيز بوكسات متنوعة ) وغير ذلك من المنتات اللي تجدد حسب الموسم. وكمان يتوفر لديهم حقائب مصنوعة يدويا من الكروشية ودمى تنفذ حسب الطلب وعندهم خياطة شراشف صلاة يدويًا في مواسم رمضان. التوصيل متاح لجميع مناطق المملكة والطلب متاح على حسابهم في انستقرام : 

ym.sea.sa

١٧٥: حلقة العقاب: توصيات من الثمانينات

نقاشات عمار وعبدالله اخذت منحى بعيد عن الكرتون شوي، لكن موج الكرتون يرجعهم دايماً لبرّ الكراتين .. حلقة جديدة ناقشنا فيها اعتذار الاهل لابنائهم وفرق التمثيل عن التقمّص!

استمتعوا وشاركونا ارائكم وايش نفسكم تسمعوا مواضيع؟

روابط يمكن تهمك:
-ادعم منتجات كرتون كرتون: RafRafaah.com
-تابعنا على السوشال ميديا: 
انستغرام/تويتر/ تيكتوك: KartoonKarton

١٧٧: هل ولّا ماهلّ؟

بمشاركة [ عمير طيبة و فيصل عسيري و هاشم الزين ]

وبالسلامة وصلنا حلقة رقم ٣٠٠ من بودكاست مستدفر! صراحة ما أتخيلنا إننا نوصل للي وصلنا له خلال السبعة سنوات اللي راحت، بس الفضل بعد الله يعود لكم يا مستمعيننا الدوافير اللي صمدتوا معانا عبر السنوات ودعمتونا وصبرتوا علينا :)

وقفتكم جنبنا وحماسكم المتواصل هو اللي يدفعنا لأننا نقدم أكثر وأكثر… وعشانكم قررنا نسوي حلقة اليوم بصيغة حلقاتنا الأولى واستضفنا الدوافير الأصليين إللي بدأوا معانا المشوار في أول حلقة من البرنامج عمير طيبة و فيصل عسيري وزي الحلقة الأولى صديقنا هاشم الزين دخل علينا في وسط الحلقة وشاركنا التسجيل… الحلقة كانت عفوية واتكلمنا فيها على الأفلام والسينما في السعودية وعلى الذكاء الاصطناعي و شات جي بي تي وغيرها من المواضيع المختلفة اللي إن شاء الله تعجبكم.

#300: هل أحد عارف إيش بنسوي؟

كرتون كرتون هو بودكاست اسبوعي من تقديم عبدالله رافعة وعمار صبان. نتحدث فيه عن آخر التطورات في عالم الرسوم المتحركة والعلوم المختلفة اللازمة لإنتاجها من رسم وتحريك للتمثيل الصوتي والدبلجة. و نستضيف مختصين من عالم الرسوم المتحركة لنقل خبراتهم للعالم العربي.

١٧٤: الخير والشرّ والقلب والنفس

بودكاست كرتون كرتون

Recent comments

saskituu

Reem

User 325067186

Related tracks