3arabic

omnia

Fa RoH

😍😍

Rowida

عمرو حسن

قصايد عمرو حسن / كريم الجيار

جديد

شرين 2013 اذتنى كتير

Sherin- fe leila

New Remix : https://soundcloud.com/zack-prod/kaleo-i-cant-go-on-without-you-remix-zackprod
instagram : zackprod1

Zara Larson - Uncover

راب مصري جاااامد جدااا   رغم الخيانه  #انكل مايو

Faker - الجوكر - فاكر

Efta7 Nfcak ll7ayah - 3ayda ElAyoubi | إفتح نفسك للحياة - عايدة الأيوبى

صفحتنا على فايسبوك
https://www.facebook.com/do3souqa/

Composed and written by: Luka
Arranged by :Mohab Samy

بيانو و توزيع موسيقي : مهاب سامى 
ألحان و كلمات : لوكا 

من فيلم الخيط و الحيط للمخرج محمد خالد
www.youtube.com/watch?v=9o6dnBWVSr8&feature=share

Hashrab Hashish

Luka - Hashrab Hashish - هشرب حشيش

Watch the official “Marvin Gaye” video: https://youtu.be/igNVdlXhKcI

Download “Marvin Gaye” on iTunes & Google Play: http://smarturl.it/buymarvingaye
Stream on Spotify: http://smarturl.it/streammarvingaye

Download

Marvin Gaye ft. Meghan Trainor

Call Me Zico

انا الصاحب - محمد شاهين مع مينا عطا

اه لو لعبت يازهر احمد شيبة_2016
احمد شيبة 2016
اة لو لعبت يازهر
فقير

اه لو لعبت يازهر احمد شيبة 2016

دقيت على باب الحياة لما انجرح كفي
على قد حالي ودنيتي توعد ولا توفي
ده انا اللي مكسور في الحياة
ومشيت في مليون اتجاه
والدنيا حالفة بكده ما بتيجي في يوم صفي
ليه اللي قاسي ومفتري الدنيا بتبوسه
واللي على فيض الكريم الخلق بتدوسه
يا دنيا بيعاني ل امتى انا هعاني
مرضيت انا بحالي وعايزة ايه تاني
ليه الاصيل قيمته تقل حياته تبقى عذاب وذل
اما القوي مقضيها وعايشها بفلوسه
يادنيا ياللي مشيلانا هموم تقال
متشكرين على كل حال
متشكرين ع الجرح ع الخوف ع الالم
على هم اتقل من الجبال


عبدالباسط حمودة ودنيا سمير غانم - دقيت على باب الحياة لما انجرح كفي

رامي صبري _ بعدت وقولت مش فارق

خلينا صحاب .. مادو . و عمرو حسين

أغنية " اسمي " للمطرب ادهم سليمان 
وقصيدة " بتحلوّي " للشاعر محمد ابراهيم

محمد ابراهيم وأدهم سليمان - اسمي & بتحلوّي

راح القلب الطيب راح _ محمد طارق

رسمنا الحلم / ميدو راشد & انجى عصام

- روابط الفيديو كليب :

- Youtube Link :
https://youtu.be/P7Lc30NdxYo

- Facebook Link :
https://www.facebook.com/Mido.Rashed.Page/videos/1414882955259543/

- كلمات : محمد شعبان
- ألحان و توزيع و مكساج : ميدو راشد
- تصوير : عبد العزيز
- مونتاج : عصام محمد 
- إخراج : دينا راشد 

- إنتاج :
Music Revolution for art productions > Mido Rashed

- الكلمات :
--------------
رسَمّنا الحِلم ف عيونّنا .. تِعِبنا كتير عَلَشانُه أكيد ،
و ياما البُعد تَوِّهنا .. وِقِفنالُه بإيد ف الإيد ،
و جِبت القِوَّه بوجودِك .. عَلَشان عايزاني ليكي حَبيب ،
ياريت يا حَبيبتي ف سجودِك .. تِدعيلنا يِجمَعنا النَصيب .


رَسَمنا الحِلم ف عيونّنا .. وعِشت اتمَنّي من قلبي ،
نحَقَق كُل أحلامنا .. و تِفضَل ليّا هِنا جَنبي ،
عَلَشانَك احارِب الدُنيا .. وجودَك دا الّلي طمِّنّي ،
يا روحي و عُمري و عينيا .. ياريت مِنَّك ما تِحرِمني ...

و قَلبي معاك و مش سايبَك ،
دا حُبِّك ياما كان حِلمي ،
هَشيل عَنَّك أكيد تَعَبَك ،
و هَتشيلي ف يوم إسمي ،
هَنِتعَب حَبَّه فــ الأوِّل .. و تِتعِب فينا دُنيتنا ،
لازِم نِقوي و نِستَحمِل .. علشان نِوصَل لجَنِتنا ❤ 

يا سانداني ف أوجاعي .. خَلاص هانِت هَتِبقيلي ,
و اضُمِّك ضَمَّه بدراعي .. و صوت حُضنِك يناديني ،
يقول قرَّب كَمان و كَمان .. يقول رَيَّحني م الحِرمان ،
دا إمتي ف حُضني هَتجيني .. يا حَبيبتي ف حُضني هَتجيني !!! ،

يا أقرب ليّا من روحي .. عِشِقت عينيك و حَبّيتها ،
أَلامي و حُزني و جُروحي .. بحُبَّك ليّا انا نسيتها ،
تَخيَّل قَلبي حاسِس إيه ؟! .. و انا ف حُضنَك هَفَكَّر ليه ؟! ،
و بيتنا الّلي هنِسكُن فيه .. دا جَنَّه و هَبقي أميرِتها ...

و قَلبي معاك و مش سايبَك ،
دا حُبِّك ياما كان حِلمي ،
هَشيل عَنَّك أكيد تَعَبَك ،
و هَتشيلي ف يوم إسمي ،
هَنِتعَب حَبَّه فــ الأوِّل .. و تِتعِب فينا دُنيتنا ،
لازِم نِقوي و نِستَحمِل .. علشان نِوصَل لجَنِتنا ❤

Singel

رسمنا الحلم - ميدو راشد & إنجى عصام

بالنسبة لواحد زيه اتوفّى اتناشر مرة بأساليب مختلفة 
واترمى ف الأوضه لحد ما ضاقت أوضته عليه 
بقى صعب يواجه أي مشاكل من نوعية امتى وليه 
بقى كل مشاكله تخص المزيكا 
مواعيد السينما وطعم الشاي ، درجات الطقس ونوع الأكل وتمن الوحده 
والبُعد لاخر بُعد متاح 
انما موضوع تتعب علشان ترتاح 
مابقاش له معنى مع الصدمات 
فلسفة فارغة 
وكإنه حوار بين واحد وصديقه اللي ماجاش 
مسألة الموت أملاً ف حاجات تتعاش بتخلي الواحد يضحك على نفسه

بيقول : 
" يومياً باطلب قهوة زيادة عشان البنت اللي انا ماعرفش مكانها 
بافتكر الفايت وبافكّر كان مين ساب مين " 
يتأمل ناس بقوا بني أزمات مش بني ادمين 
يتذكّر نصه اللي اتسحّب منه 
وازاي بقا واحد بيعيط بس ف مكانين 
ويقول بحنان معجون بحنين :
" واحشاني حبيبتي ومش هانكر ، وواحشني كلامي معاها بجد ، بقى مرعب انك تتعلق وتعلق مفاتيحك مع حد ، تتمشى مكان ما انتوا مشيتوا ، تتذكّر ساعة مابكيتوا ، وتخش السينما وتنسى فتحجز تذكرتين ، الكون بقا شيء مضروب ف اتنين "
يتنهد ويبصلى فجأة ويكمل بهدوء شخص حزين : 
" للدرجة اللي تخليك وانت بتشرب سكر معلقة واحدة 
اول هي ماتيجي ف خاطرك تتناسى وتشرب معلقتين ! "

كان طقس بيشبه هبه طوجي ف تراك " لابداية ولانهاية "
والدنيا فلاش باك التفاصيل 
نسيت سجايرها ف يوم عنده وهو مبطّل من ست سنين 
لو كان ممكن بايديه مثلاً انه يبطلها مع التدخين 
كان ممكن جداً يتحسن 
بس الادمان درجات ياما 
أعلاهم إدمان الغايبين 
بيقول والخمره ف ايده بتطوّح : 
بقى فين أيامنا وليالينا 
حكاوينا وشوقنا وغناوينا 
كان لينا ايدين بتشبّك قدام الأيام 
بقت الأيام بتشبّك بُعد ف ايادينا
ويحط الكاس على طرف البار 
ويزيح بايديه كل الموجود 
" ادي اللي كسبته معاك ياحليم ، مفقودٌ مفقودٌ مفقود " 
بعدها بينام زي ماهو 
ودموعه تسيل منه لجوه 
فتغرّق روحه عياط مدفون 
مش كل جراح شرطها ف جروح 
ولا كل البكا تلزمله عيون 

شُفت يا صاحبي 
الورد اللي انت مشيت تلاتين كيلو علشان تعرف تتأسف بيه 
امبارح شُفته ف مدخل بيت قاعد خايف 
اترمي بايدين ناعمه وبارده 
الورد اللي انت فضلت تكوّن فيه وردة بوردة 
اتوفى الصبح من الإهمال 
شُفت ياصاحبي 
وفضلت احرّك فيه علشان يتهز ويرجع لحياته 
انما كان قرر يتحول مزيكا ماتسمعش نصايح 
الحب ازاي كله فضايح
وازاي الجاي أصبح رايح 
نفس الشخصين بقوا أي اتنين غير نفس اللي زمان اتقابلوا 
هي ف آخر العالم يمكن 
يمكن دلوقتي بتتعرف على شخص جديد 
ف مكان بيقل رومانسيه عن أول مطرح يجمعهم 
يمكن بتحط ف ماكياجها علشان سهره 
او نايمه ومش حاسه بحاجه 
يمكن ناسية ومش محتاجه بحد يفكرها بعهد قديم 
او يمكن زيه ف طرف البار بتعيط على حس حليم 

ادخل بيته 
ابيض واسود من بيت ألوان أيام هي ماكانت ساكناه 
كان بيها بيقعد مع نفسه كان زي لوحده وهي معاه 
يادي المعاناه 
الكل اتورط كده وياه 
البيت اللبس الطفايه ، الشجر الميت ف المأساه
الأكل هدومه القصافه ، الفازة البارفان اللي معاه 
بقا كل جماد له روح وحياه 
الليلة 
لقيته بيتمشى ف شارع كان ليهم فيه قصه 
لحيته أطول من خوفي عليه 
كان ماشي بيتطوح وايديه فيها سجاره بعد مابطلها لست سنين 
دخل المطعم قلقوا القاعدين 
قاله الجرسون : 
كل ده محجوز 
وقبل ماتنزل منه دموعه 
مال على رجليه وبرق للنور 
بقا ميّت بعد ماكان مكسور 
ادي الفنان 
وادي الجمهور 
ادي اللي ماجاش ف خيالها اهو كان 
قتلت انسان 
كسرته بالبُعد وبالخذلان 
واتكاترت على نفسه همومه 
ماقدرش يكمل بقا يومه ريّح وارتاح 
ادي المايسترو 
بيموت ف مكان فيه مزيكته والناس سمعاها ومش سامعاه
فيه يوم هتخشوا عليا البيت 
تلاقوني مشيت 
من غير اسباب ولا شرح عبيط 
قالي وانا نسيت 
واديني باقول 
احترموا المتعوّر من دول 
حاوطوا المهموم قبل فراقه 
ان كان ساكت يبقى لأسباب
اوعوا تشيلوا ايديكم م الباب 
املوا حياته بحب وأحباب 
قبل ما يدبل قدام عينكم 
وان شوفتوا حبيبته ف يوم بينكم 
خلوها تكون عارفه مقامه 
وانها عدت من قدامه وخلته مقتول بغياب أعمى 
ملعونه ايدين مجرمة ناعمه 
مادتش الفرصه لحد يعيش 
مع انه اتوفى قصاد منها اتناشر مرة 
واترمى ف الأوضه لحد ماضاقت روحه عليه

https://m.facebook.com/kemiakarim?refid=7&ref=m_notif&notif_t=like

المايسترو | عمرو حسن

أنا آسف
وجه الوقت اللي أقولهالك
رماني زماني قدامك وأنا وزماني مش أصحاب
لقيتك فجأة قدامي ماصدقتش
وشوفت البُعد ف التفاصيل مادققتش
مشيت سايب إيديا وبس
وهو لو غريب زيي لقاله مكان وبيت وأمان
هيكره يعني ويقول لأ ؟!
في عز ما كنت متخانق مع العالم
ورابط حُزني علي خِصري كإنه صديق
ظهرتي انتي
وأنا عهدي مع الدنيا ماشوفتش فيها أمثالِك
وأنا كنت في ساعتها وحيد 
وخارج من غرام هالك
اسيبِك يعني وامشي إزاي ؟
ثقافة طفل بيقابل حنان أمه ما بعد غياب
بيتشعبط بدون أسباب
رميت البذرة وأنا طاهر طرحتي انتي
شجر من طيبة ومودة
عرفتك فاق في صدري كلام بقاله سنين
وجيت رسمه بدوم ألوان بتطلب منِك التلوين
لقيت الدنيا مش حباني أكون مرتاح
طلعلي جناح أثر ضحكة ضحكتيها
ومات أول ما شوفتيني بتاريخي البور
لأول مرة شخص كفيف يواجه نور
لأول مرة شخص قعيد يقوم علي رجله ويجرب
بعدت بشكل بيقرّب
وخانّي الظن في الأشياء
حسبت إن الميزان معدول
وتطرح إيه سحابة خوف
سوي شلال مطر ناشف ! 
أنا آسف
بكل ما فـ الأسف منّي
وكل ما فـ الغياب منِّك
يا صافية وناعمة وكإنِّك
مناقشة ما بين جيتار وكمان 
أنا ناي احتواه الحُزن من سنوات
في ضهري حِفنة من تواريخ ورسم بنات
وقلبي منتهي الحكايات
وحبيتِك بدون ما افهم
بدون ما أسأل ولا استغرب
بكل براءة وكإني رجعت جديد
كإني بَعيد من الأول كتابة سطر ف كتابي
يا وقفة بخفة علي بابي وقوف فراشات علي صبّار
أنا استغفرت بوجودِك وجودك توبة واستغفار
بقيت وياكي مش مجرم ولا قاتل ولا لص اشتراه ظنُّه
بقيت وياكي بالفطرة عيال بيحبوا ويغنوا
اشوفِك اكتشف إني لازلت باشوف
واحب الدنيا وأتمني أكون أحسن
رميت قدامك الذنب اللي أنا شايلُه
مُحارب ملّ م الحروبات وجاي عليكي بعمايلُه
وعهد الله ما حسيت بالأمان أبداً سوي فيكي
ولا باعرف من الدوران سوي الدوران في سواقيكي
ولا حسيت بنقص الشيء سوي لما اكتمل بيكي
لسوء الحظ ضميتِك وأنا ف وسطي فُراق ناسف
أنا آسف
لأني مُنتج استعمال ومُستهلك
بلادي فيه بشر غيرِك سكن فيها بقاله زمان
وأول كل حاجة خلاص
رميتها في حضن مش ليّا
وأنا والله كنت خلاص
زهدت الضوء وجيت للضِلّ
مايشغلنيش كلام الناس ولا اللمة
ولا الزحمة ف أفكارهم
ولا نهارهم
ولا يشغلني مين قال ايه 
مايشغلنيش سواكي انتي
يا أمي في محتوي بنتي 
وصاحبي في كون ماليش فيه صحاب 
ومش هحلف ولا هاكتب ولا هاوصف
ولا هبخل ولا هسرف
دليلي بإني حبيتك بإني بجد حبيتك 
يبان ع الوش وع الرعشة ف كف الإيد 
يبان ف عنيكي لو طلّت واحس بـ عيد
يبان ع رسمة التجاعيد إذا شوفتيني وضحكتي 
وسبحان اللي خلقك حين ..
يخلّي وغد من صنفي يسيل كالنهر ف ايديكي
أنا آسف برغم إن الأسف عاجز 
ودلوقتي ف ميت حاجز مابينك يعني ومابيني 
ف يوم هلاقيكي بتعدّي ف شارع تلمحك عيني 
ايديكي ف ايد ما تعرفنيش 
وتثبت عدسة الكاميرا علينا وبس 
تبصيلي علي مسرح ف وضع بلاك 
علينا بقعتين من نور 
وفجأة ف غفلة م الجمهور 
ابوس ايدك تسامحيني 
وتدعيلي 
وانول فرصة اشوف عينك 
لكن فجأة
بيصحي ما بيني وما بينك بشر وزحام 
والاحظ حكمة المخرج علي الأيام 
تدور العدسة ف الشارع ويمشي كل شيء فجأة
أنزّل دمعة جوايا
تغرّق وحدها الشارع
واشوف المسرحية بتطوي ستايرها
هنا فيه شخص ف الشارع بيمشي معاها من غيرها
وطن ناقص بلا سُكان
ألم سرّي ف كل مكان
لا نافع ييجي تاني زمان
ولا نافع أقول آسف

https://m.facebook.com/kemiakarim?refid=7&ref=m_notif&notif_t=like

مأساة الكفيف | عمرو حسن

( ميم )
،
المرة دي بالذات 
حاسس كإني بتولد تاني 
بلمس بإيدي أول الآشياء 
باتعلم الأسماء 
بانسى اللي شوفته ف الزمان الصعب 
ضيعت عمري قبل ما اقابلك 
بصي ف عنيا وانتي هتحسي أنا شفت ايه ف الدنيا دي قبلك 
أنا كنت مش بلاقيكي
أنا كنت بهربلك
تلاتين سنة عطشان وماليش سبيل للميّ
شباك قديم مقفول ماصاحبش خيط الضيّ
أنا كنت رايح فين بدون كفك 
وكنت من غيرك مستني إيه م الجيّ
عجزت بدري يا حلوة وقابلتك 
لو ليكي رغبة تحبي شاب عجوز 
محجوز ف عمره اللي انسرق منه
مخنوق بحبل العالم السُري 
ومخبي وحده العالم السري
 ومسمّي قلقه المنطقة الدافية 
كان ماشي يضحك بس بالعافيه 
أول ما بنتي يابنتي فتشتيه 
خرجتى منه ضحكته الصافيه
وكإنه نايم زي مصري قديم ف مقابلة السياح 
طائر بقاله كام سنة ع الأرض وعنيه بتدمع عند كل جناح 
قوليلي انك جاية مش ماشيه 
أو ماشية جنبي عشان اكون مرتاح 
 أنا كل أملي ف الحياة انتي 
اتنين ف واحد يعملوا المشهد 
أشهد بإني كنت من غيرك 
مفتاح يتيم الباب 
بيتمسك ساعة دخول الوقت وبعدها يتساب 
واحد حضوره غياب 
ودنيته تكرار 
عابر مابين الماء وبين النار 
طيب كإنه أول الأسرار 
وحزين كإنه آله بلا نوتة 
أمله يشوفك بس مبسوطة 
وعنيكي ضحكة شباكين للنور 
أمله ف كمان يعرف يقول جملة لناي مكسور 
أنا بين هروبي وبين علّو السور 
أملى ف انك تبقي علشاني 
الله 
حاسس كإني
باتولد تاني

كل الل جالك من كلام الناس 
اني بلا احساس 
واني جناين من بنات سابقه 
واني سرقت الأمنيات سرقه 
أو اني مجرم حرب أو هارب
ضميري منزوع الظهور ووقتي محفوف بالتجارب 
كانت حقيقة وصدقي قولهم 
والتمسي عذر لطفل بيحارب 
واحد نزف جرحه وماحدش حس بيه 
من غير ما حد يحط نفسه مكاني ويجرّب
وانا كلي متباع ايه اللي ممكن اشتريه 
لا هسوق مبرر عن جرايم حزن 
ولا اقول ملخص ع اللي عايش فيه 
نفسه اللي شافك وابتسم عيل 
كان شخص تاني قبل ماتقابليه 
سامحيني حتى ع اللي كان قبلك 
اسف لإني مشيت مادورتش
اخترت وجعي لما ما اختارتش
واديني جيتلك ايدي ممدوده
وحياة مشيئة ربنا فيكي
ماترجعيش الايد دي مردوده 
ده انا كل صبري ف الحياة دلوقت
ان انتي موجودة 
وكل طلبي ف الحياه تراضيني ع الدنيا 
أنا الصايع عديم الاهتمام بالحب
خرجتي مني حد ماعرفهوش 
وصحابي مش فاهمين ايه اللي غيرني
انا كنت عادي لا شاري ولا بايع 
واهو يعني لا اكسر حد ولا حد يكسرني
لولا شعاع الأم ف عيونك 
هو اللي فكرني
بصيت بعيني بصه على قدام 
شفتك ف بيتي بتفرشي الأحلام وترتبي التفاصيل 
بتسندي لو اميل وبتحضني لو امِّل
عواجيز معاً بيمروا تحت الشمس 
وبيمشوا ضله وضل
بيشاركوا بعض السينما والشارع
والأكل والحواديت
طلعت عيونك توأمين عفاريت 
خلوا المحارب يتقلب عصفور 
طلع الكلام ع الحب مش كدبة 
وطلعت ضلمة بتحتمي بالنور
أنا اهو باحبك باعترف وباقول 
وانا اهو باريدك واجي ف بريدك 
ادفع حياتي مهر وانا مبسوط 
يكفيني نظرة ولمسه من ايدك 
والشعر كله لا يكفي ولا يوصف 
وغنايا كله لا يوفي ولا ينصف
من حب يعمل فعل مش يحلف 
وانا أصلي راجل وانتي عارفاني
أنا مُت قبل ألف مرة بجد 
واديني جايلك اتولد تاني

https://m.facebook.com/kemiakarim?refid=7&ref=m_notif&notif_t=like

ميم | عمرو حسن

مهرجان شواحه والموزه المزيكاتيا تيم توزيع فارس زيزو 2018

بحبك رغم إدراكي 
بإني بارتكب غلطة 
ومبسوط اني وياكي 
ورامي روحي للورطة 
وسايبك قاعده تتمادي 
وبتجرّح واقول عادي 
وكل الناس بقوا قصادي
شيوخ بيأدنوا ف مالطة 

يقولوا بلاش 
ومش شبهك 
وسيبك منها وامشي بعيد 
وانا لسه بشوفك عيد 
وداخل طوع ف طواحينك 
كإنك ف الطريق تكفير 
عن الناس اللي سابقينك
بتاخدي حق ناس غيرك 
بدون ماتكوني قاصداها 
باوزّع وقتي ف غيابك
على الريحة اللي سايباها 
محنن ربنا قلبي 
وامتى القلب كان له عنين 
كفيف العشق متعكز 
وماشي ماخدش باله لفين 
بحبك ليه .. مافيش أسباب 
انا أوقات مابعرفش بحبك ليه 
خصامنا كل يوم أيام 
وواصل قلبي ياما كلام 
من الناس اللي بيقولوا بتعشق بس ايه فيها 
مافيش بينكم حاجات تنفع تكون بكره 
لا من طينك 
ولا بلونك 
ولا خوفك 
ولا ظنونك 
ولا براها يشبه ليك
ولا مضمونها مضمونك 
وانا والله متأكد بإنك مش هتبقيلي 
لكن هعمل ف حبك ايه وف الوَحشه اللي بتجيلي
يفوت منديلي ع العالم 
واشوف روجك ف منديلي 
ومهما باقول خلاص جبرت 
أخيراً حكمتي انتصرت 
يدبدب قلبي لو واحد ذكر اسمك بدون قصده 
ونجمك رغم كونه بعيد خيالي ماتابش عن رصده 
باخرّج كل يوم ايدك من الابواب 
وبامسح خطوتك بالشوق من الاعتاب 
واقول خفّيت ومش هارجع لأحزاني 
اشوفك بس بتعدي يدبدب قلبي من تاني 
أكيد فيه حد ف العالم دعا مره عليا بقلب 
وقال : يارب بالأيام تسيب قلبك لوجع الحب
وكانت ساعه فيها جواب عن الدعوه اللي تإذيني
ياريتني كنت مش موجود ف ساعة لما شوفتيني 
يارب عملت ايه علشان 
يكون كل الألم فيها 
وايه يعني اللي زاد منها 
عشان ما اكملش غير بيها 
وليه مانشوفش حب قريب لناس بيحبوا يسقونا 
ومشاعرنا بتتبع أرض فيه شيء غيرنا هيرويها 
يا ناس بتقولي مابتكملش وعارف انهم على حق 
انا نفسي لكن قلبي صوابعه كلهم ف الشق 
مافيش ليلة تفوت من غير 
ما بدعي اني اصحى بلا طيفها 
واشوف الصبح دون نورها 
واجرد غمدي من سيفها 
واقطّع حته من قلبي 
عشان عماله تنصفها 
لكني لحد دلوقتي 
باطير م الأرض لو مرت 
ولو لمست ايديا بشوق 
الاقي التجربة اخضّرت 
ولسه بشوفها افراحي 
وتأكيد ان انا صاحي 
ولسه لما تهمسلي 
باكمّل ليلي صباحي 
ولسه بشوفها كل الناس 
بعكس ماهي شايفاني 
قتيل واضح ومجني عليه 
وكل مشاعره للجاني

https://m.facebook.com/kemiakarim?refid=7&ref=m_notif&notif_t=like

بعد ما تشوفك عنيا | عمرو حسن

Minimum Charge | عمرو حسن

أول كلامي لجدتي : ازيك !
الدنيا من غيرك بدون فرحة
وحشني جداً كلامك ضحكتك ليّا
جلابيّتك والسبحة والطرحة
حِجرك ياتيتا اللي كان مفتوح علي الدنيا
حواديت ولعب وكلام أنا مستحيل انساه
تصحي ف نور الفجر باللحظة والثانية
تتوضي وتصلي وتقومي تبني حياة
كنتي كإنك شجر وصل السما التانية
أو كنتي زي المطر نازل بأمر الله

وحشاني ياجدتي
فيه كلام كتير متحاش
كبر الأمير واتهزم
وأميرته ماقابلهاش
والديب هجم ع الغنم
مافضلش فيهم سوى
واحد ضعيف هو أنا
قرر يموت قام عاش

الراديو لما اترمى
عيّطت ييجي يومين
صندوق بحجم السما
شايل غناوي دورين
فوازير وحكي وأمل
بنوتة بضفيرتين
وبراءة عاشت زمن
ماتت ف غمضة عين !

آخر كلامي لجدتي : سلامات
ياللي انتي فوق انما لساكي ف عنينا
عُمر النفر مننا مش كونه عاش أو مات
لكن بطول قعدته ف السيرة حوالينا
وحشاني ياجدتي ، ماتكفنيش كلمات
لكني لو هارسمك .. هارسم كذا جنينة

https://m.facebook.com/kemiakarim?refid=7&ref=m_notif&notif_t=like

المايسترو | عمرو حسن

Karim ElGayar ✪