! هيا الدموع جفت 
ولا انت قلبك مات ؟

ولا الساعات وياك
مابقتش تمشي سعات 
والعمر ضاع ساكن

حنيت لناس لكن
كل البشر اوقات
كل اللي عدى عليك 
راح يبني ف الجايات
كل اللي كان ف ايديك 
راح يابني ماضي وفات

ف ماتلتفتش وراك 
ولا تنتظر غيرهم
انا اصلي كنت هناك 
ملهوف اشوف خيرهم
مالقيتش غير احقاد 

ف مالوش لزوم يعني 
وقت العمار يابني
تجري على الانقاض
وانت اللي بتعمر

خيرك ف مين يطمر
 ! لو كلهم خاينين
ماتقولش كان فيهم
! كان يعني فيهم مين

انصاف بشر عايبة
اصناف خطر سايبه
وانت اللي سايبهم
ديماً بييجوا عليك

دلوقتي شوف بعنيك
ازاي بقيت وحدك
 أثر ف مين بُعدك 
! غيرك يا غاوي عذاب 

هوا حنين كداب
انا عارفه وملازمه
مايفوتش يوم واحد
الا اما قال اسمه
وعاد عليا ماضيه

وعاد عليا بإيه 
وجه عليا لفين
انا نفسي بين سدين
ومش لاقيلي حلول
مالقيتش ليا مكان
لا ف وسط دول ولا دول

ف بقيت كما البندول 
مش راسي على حاجه
ع الحال ده ليا سنين

تخبطني موجه شمال 
تحدفني موجه يمين
والاسم قال عايشين
 . . وقلوبنا تلاجه

::::::::::::::::::::::::::::::::::::::::::::::::::
#حنين كداب(القصيدة كاملة)
#ع_الهامش
#كتاباتي
#24/9

ع الهامش

7ANEEN KDAB - حنين كداب

.  . ( Single ) مدام مش لاقي ليا شبيه طبيعي إني أعيش

7ANEEN KDAB - حنين كداب

El DoctoR