على قهوة بلدي ..
قعدت أشرب ينسون مسكّر ..
طعمه في قلبي زى الحياة ..
سُكّر ممرّر ..

والعُقد سبحة ..
والسبحة عاقدة حبّات في عمري ..
سكّر زيادة ..
أيام مُعادة ..
والعمر يجري ..

العُقد رابطُه - المغنى خانة

للشيخ امام عيسى 
كلمات احمد فؤاد نجم 

يمه مويل الهوى_مريم صالح

كلمات وأداء : مايكل عادل
ألحان وتوزيع : شادي مؤنس
غناء : دياب أبو زياد وشادي مؤنس

العازفين
احمد عبد الستار - كمان
جون - ناي
ايمن صدقي - ايقاعات
حسام ناهد - تشيللو
شادي مؤنس - عود

الكلمات

قبل الكلام ما بيتكتب وبيتشطب
قبل اختراعهم للدقيقة بكام دقيقة
قبل اختراع الكدب والسكك الغلط
قبل أمّا أصلا نكتشف إيه الحقيقة
قبل اكتشاف ان الحنان شبه العَبَط
وان الطريق المستقيم بين نقطتين أصعب طريق
كان اللي باقي في الحياه أبسط كتير
من إن ضحكة تتسرق تصبح مفيش
أو إن غيرك يقتلك علشان يعيش
علشان نعيش..
لازم نكون وقت اللقا
فاكرين معاد الافتراق
لازم تراعي فـ وحدتك أمَل اللقاء
لازم تراعي في الزحام
عدم الدوام
واعرف بإن الاشتياق قد لا يدوم
وانك في اخر التجربة
لازم تقوم..
علشان تعيش..

.. علشان تعيش
بطّل تفكّر في الخلود
أعصر في أوقات الفَرَح
والابتسام وقت الأمَل
فكّر في إن اللي بيمشي
لن يعود
أعصر في أوقات الحنين قبل اللقا
فكّر في إن أكيد فيه ناس متشوّقة..
علشان تعيش..

علشان تعيش..
قابل جنونك بابتسام
قابل معاركك في الحياة من غير سلام
علشان تعيش..
اعرف بإن قضيتك ليها تمن
وهاتدفعه
مهما يطول بيك الزمن
علشان تعيش..

علشان تعيش..
إنزل على الأسفلت وامسح دمعتك
والمس دماء سالت عشان حريّتك
واحجز مكانك في الصفوف
حدد ملامس كف إيدك في الكفوف
يحرم عليك تلمس كفوف الخائنين
حافظ على الفكرة اللي عاشت من سنين
حافظ وعدّي الاختبار
علشان تعيش..
علشان الدنيا بتقلب فجأة بدون إنذار..

"علشان الدنيا بتقلب فجأة بدون إنذار
وعشان الناس علشان الجنة
جابولنا النار
ولأن العالم فجأة بيفضى وتبقى وحيد
وعشان الضلمة وشيل الهم
ولإنك لو هتروح للشارع
تغرق دم
والزحمة هتخلص من حواليك
من غير أعذار
والناس لو شايفينك طيّب
هايقولوا حمار
ولعدة أسباب اتقالت..
هتروح لبعيد
بالتالي هتبدأ م الأول..
فأكيد مشوارك هايطوّل..
وحنينك لحمارك ياخدك
على هَمّ جديد..


علشان تعيش - مايكل عادل وشادي مؤنس

يا زماني - محمد منير(ألبوم شبابيك)

موظف عادى فى هيئة حكومية
إجمالى ما يحصل عليه
ألف وتُلتميت وحاجة جنيه
لا يعول، وغير مسئول إلا عن نفسه
لا يبوح للأصدقاء العابرين عن أمله أو يأسه
كان عادى جداً مضمون وشكل
مش شرير ومش طيب
مش موهوب ومش غبي
مش مجذوب ومش نبي
ولا حتى عاش قصة كفاح ع اللقمة فى بلد أجنبي
تلهم بتوع السيما يحولوها لفيلم
أو حتى يوحش حد ساعة الأكل
النوع اللى تستغرب لو جه لحد ف المنام
بس النهاردة فى المنام جالى
واقف على الشعرة اللى بين الوجود والعدم
فاتح عينيه.. ماشى فى شارعهم المليان تراب
خطاويه مبتعملش وراه
وكأنه من غير قدم ع الأرض
وكأنه كان ماشى بس الزمن هو اللى مبيمشيش
كان ماشى وإحنا متسمّرين حواليه
لحد ما بلغ الضباب بشويش
يشبه بطل أسطورى وخيالى
معملش حاجة تستحق الذكر
غير إنه واقف لسة على رجليه.

معملش حاجه تستحق الذِكر – حازم شاهين

هنغنى ودايما هنغني .. ونبشر بالخير ونمني
ونلف الدنيا الدوارة .. على صوت النغمة الهدارة
ومعانا المشرط والبلسم .. في الكلمة الصاحية النوارة
هو احنا كده .. هو احنا كده
وهنبقى كده .. وهنبقى كده
ماشيين .. عارفين .. مع مين .. على مين
دايما واضحين مش بين ده وده ..
هو احنا كده .. وهنبقى كده

الشارع بيتنا وغنوتنا .. والشارع اعظمها مغنى
من لحم الشارع غنوتنا .. على لحن الشارع بنغنى
وان جعنا شبعنا بتتقضى .. مانبعش الكلمة بميت فضة

هو احنا كده .. هو احنا كده
وهنبقى كده .. وهنبقى كده
ماشيين .. عارفين .. مع مين .. على مين
دايما واضحين مش بين ده وده ..
هو احنا كده .. وهنبقى كده

مريم صالح   هنغني

Musical Theatre Album by AlTamye Theatre Group
Vocals: Farah Barqawi & Tamer Abu Ghazaleh
Written & directed by Salam Yousry
Composed by Tamer Abu Ghazaleh
Produced by eka3

For more album info: 
http://mostakell.com/collections/tamer-abu-ghazaleh

El Insan Wel Insana - AlTamye الانسان والانسانة - فرقة الطمي

صاحبي يا عشرة سنين "اشعار ميدو زهير"عود امير منير

Youssra El Hawary , Concert in Alginina theater Friday  November 2 

يسرا الهواري| مناظر| Youssra El Hawary |Manazer

مناظر
كلمات: وليد طاهر
تلحين: يسرا الهواري


ريكوردر: صدقي صخر
بيانو: شادي الحسيني
إيقاع: وسام مختار 
أكورديون: يسرا الهواري

Lyrics: Walid Taher
Music: Youssra El Hawary

Recorder: Sedky Sakhr
Piano: Shadi El Hosseiny
Percussion: Wessam Mokhtar
Accordion: Youssra El Hawary




مناظر Manazer (Masks)

لسانك حصانك - مريم صالح
كلمات: خليل عز الدين
ألحان: أيمن حلمي
*****
لسانك حصانك وشعبك رهانك وجيشك اهانك و علم عليك سرق
امنياتك و عرى بناتك و وقت المظاهرة بيفقع عينيك  
 و تلزم سكوتك و تثبت مكانك ياتصرخ و هو مايسألش فيك و لو يعلى صوتك و يتمنى موتك يا اما تلاقي كلبش ف ايديك
 ع السطح شايفك ياقناص ياواقف مركز وعارف هتضربني فين رصاصتك جبانة و رغم الخيانة بتطرح جناين مكان كل عين
صور ع الحيطان اللي سادة الشوارع بتتحدى صمت الجدار و تنادي لكل اللي ضحوا بحياتهم و فاتوا البلد دي امانة ف ايديا و ايديك ياحرية شقت﻿ طريق للحياة ياوردة بتسقيها مية الف آآااه 
يا دم الشباب اللى كفى الميدان
و﻿ أصبح على القتل شاهد عيان
هنا فى ولاد مرهونين للشهاده
هنا فى بنات عسكروا فى العياده
هنا الموت ضريبة بندفعها عادى
و لا يوم نعيش تحت رحمه بياده


مريم صالح هنغني

NO ONE