Music By Munma
Mastering by C-drik
ِِِِArtwork by Ali Rafei
من ألبوم "آدم داروين والبطريق" الذي يطلق السبت 24 أيار في مترو المدينة

https://www.facebook.com/events/640428996038205/

الراس و مونما - معركتي

كشغرة

في الجليد - مع الفرعي

مغفرة - بعدني قاش - مزاج - إنتاج مولانا

هنّي الجميع

يابي - بو ناصر -انتاج الوتر / كلاسلكي

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
Graphic design by Sedki Al imam

إيدي عم تتمشى عجسمها
لمستها حفظت كل تفصيل فيها
سميتها غرفة وسكنتها.
عمّرت شامي جنب الشامة وانتميت
رسمت حالي حنّة تحت صدرها كنّيت
خبّيت تلت ارباع عشقي بين رقبتها وكتفها
ضجيجي بيهدا لما الربيع يبدا بوسطها
إلهة سمرا، أرض بعزّ خصبها
يمكن يوقع الكون إذا بتهزّ خصرها.
في أمطار بكل شهقة وعندي عطش
أنا صحرا. عم أتوّحد بجسمها أتصوّف فيها واتصوف لها
عم غسّل جسمي بورقة بلكي بتحفظ ريحة عطرها
عم شمّها سميها أرض وخيطلها علم يلبقلها.
بتشبه الريح عتيّة، بتشبه تراب العديّة، بتشبه 
صوت صلوات قهوة بسَلَميّة. وضحكة المولى بطلّة
رقصة ميلوي وتجلّي
خربشات مراهق وموعد طفولي وقت الحلّة.

روقي خلّي صحرا السفر تنطر شوي
مخبّي غيمة تحت عروقي بوسيها لتخلق مي
قولي للسما انك شمس غرقان بالفي
قرب شروقك عالحي.... أنتِ الحي

عم تطوي تياب الصبح كأنّها أم
والسما ابنتها. قرّبت وبستها جرّبت كون معها وكنتها.
الأرض أنتِ، ريحة طريق البيت وحكاية ستّي
لما كل يوم كان يجي البحر مرة يزور ويترك سمكة
لما كان الزيتون بحيفا قد البرتقال بمكّة
لسّاك بكر اشلحي الشبكة
زتّي الشجر عن جسمك
رشّي مطر عإسمك
فستان عرسك لسّاته بأول حبكة.
بعيشك بالمكان شوي تين شوي زيت أخضر
بعمّر وبعمر جوات عيونك بيت زعتر
بحبّك وبغرق ليمون
بس وعد وبنطر متل الكمّون 
بسهر.
الليل ليّل، هموم الأرض على كتافي شيّل
الرب غزيّل، ضلت الحلوة تغني حتى ميّل
ستين ألف شامة وجبينك حلي
ملّيت يكونوا دياب قومي اشلحي تياب الطلي.

هي الأم الحنون
هي الصبورة هي العاشقة والعاهرة هي العفية
هي الحبيبة الصديقة هي الموسيقى
هي اللعوب المراهقة هي العتيقة
هي الجميلة والأصيلة هي المألوفة الغريبة الضاحكة الكئيبة هي الأرض 
هي الطريقة.

روقي

وطوطوطوطوطوطوطوطوطوطوطوطوطوطوطوطوطوطوطوطوطوطوطوطوطوطوططوطوطوطوطوطوطوطوطوطوطوطوطوطوطوطوطوطوطوططوطوطوطوطوطوطوططو
اولا ولا ولا نوجدت براسي لما كتبت وطوطة
بس شكلي انا براسك مش عم وقف نطنطة 
عم بتكوبس بخفافيش تحركت المسلة
ضميرك معذب حبس حاله بظلي
فصرت بتلومني، 
وتتهمني زور بافكار مراهقين
جيت تزورني بنص فاشل رح ضيفك سكين
موسيقي اكيد/ انه لازم طمنك بخاف تفهمها تهديد / بعرف كذا واحد متلك اكلت راسن برتويا بالجليد
كل ما تحس بذنب وظف كلمة شهيد
انا اللي بدي من الفقير؟ انا اللي عملت الفلاحين فلللاحين؟ شكلك باا47 فلسا ما صارت دير ياسين/ القضية من زاوية مهنية سلام فياض وفوق البدلة كوفية
لما انت خفت جيمي يرد علينا باستغراب
برءت الاستعمار ومهدت الانسحاب
انت اللي شفته بسوريا طيور وجنة
انا الجنة شفتها بسوريا سؤال بقلب طفلة
نحن بنصنع التغيير انت بتسال عنه ومن بعيد
ومش بالكافية يا نوسك ولا على ويسكي البلاط
التغيير حفر بصخر وانت شراعك قشعرة فشطك اعتباط
قلتلك مرات رايي باحترام بس انت دراما كوين تبع رغي وعياط لازم تعلن عفيسبوك فك الارتباط بحب اشكر الوطواط
عم تحكي عالهبسترز. مايكل جاي فوكس ارجع عالتسعينات
يا حسرة فلسطين لما تبرر تجارتك بلعنة الشتات
مع انه الك بيت <br>
من فترة تاكدنا انك ما مشيك البواجي
وفعليا متت انت مطرح ما قتلوا ناجي
بس هو مات حر وانت متت بقفص متحف تاجر حروف
 صاحب الراعي فكرناك منجيرة طلع قصدك الخروف
مش اخ لا كبير ولا صغير 
بالكتيرة ابن عاق 
صبي البيغ بروذر مسيلمة الكذاب كمان بده براق
هو قدوتك بالسكة مش نهج ابن الخطاب
كذب وسلينا واجه مستشرقين؟ ايه رافت الهجان لا عمر سليمان نسخة شغل تايوان 
لو كان للشام خطوة كانت دعست عامثالك
لو كان للشعر تم كان بزق عموالك
مين النخب يا كوكو انا بين اهلي وناسي عايش وهالك
وناسك بتفضل تموت ولا تاكل من اموالك
هجاءك الي اعتراف بانحراف وانتحار
طب خد معاك صهيوني
مش هي كانت نصيحتك للمكتءب يا عيوني
انا ملتزم بصدقي انت ملتزم متعهد ومداول
انا بقول انت مقاول
كلنا بنبول صح بس نحن احلامنا خضرا انت البني هجرك
مش انا الذي خونك مش انا الذي كونك انا الذي من جشعك قد حذرك ولما الطمع عمرك هلوسك جمرك فتجازت حدود انا الءي فجرك
ممثل باءد يبحث عن دور رابر ناجح تبع i made it 
سحقا للهايترز u made it تحتك خال تتلفت الانظار؟ 
تتخرب المسار؟ امل نفس حرباية بال3
  اعصار
اذا نقدك البناء هيك بيكون صار بدك هدم
ما في لحمة للبيف عودك طري بدك هرم
وعسيرة الاحبار يا استاذ
فعلا في تكرار
بس مش مني بالواقع اللي فيه واللي انت مش منه فما بتعرف تغني ولا بتعرف تغنيه
مش عم تعاني فما بتفهم معاني
مش حكي تقريبي هي اصطفاف عوامل البيولوجيا نحن بنعيد تشكيل اتيمولوجيا العرب انت بتبيع بسوق لندن اتنولوجيا



هبوط اضطراري

بو ناصر الطفّار: ربّ القلق
2017
إنتاج موسيقي: بو كلثوم
تسجيل: الراس
الكلمات:

"يا بو ناصر واعذاب العين من شي تشوفه"
لا تنتظر من البو والبوبو إلّا القلق
ولا تتوقّع صفّ حكي بل جواز حلق
وين يو؟ 
هيدا حرص ولّا حسد؟
محتار شوف فيك معارض عرص ولّا أسد؟
وين يو؟
ولك يا بوبو بس بقا
عشرين سنة شغل جحاش شبع ربك شقا
صرت من خيالي مشخشخب
مسرسب بين اربع حيطان مكركب
عمّ الحبّ لما الفيسبوك زاد القلب
بكرا بتقتل بعدا بتفقس فقسة حسّ بالذنب
منيح؟
بالحراك كم شبّيح
لبس توب الدرك لما الدرك يستريح
منيح؟
هالتراك مش ربيح
إذا عندك زيح أحمر باجري بمجي مية زيح
وين يو؟
نقلق راحتك يا رايق
الما ربّته الدني رح يتربّى بالحرايق

بيروت ما بتخنقنا، نحنا منخنق بعض / مشنوق ما بيشنقنا، نحنا منشنق بعض

طير كان طاير كلّ فكره منّو وحيد
إذا امه بعيدة تلمّه هون بتلمّه مية أيد
بس هوى
ما لاقى حوله الا هوا
والهوا هون وسخ مهما غش غريب وغوا
الصاب الطير بينسى الطير بس الطير لا
نحنا بدل أخد العبرة منحيي الذكرى
تاره بيتاخد عمهل
حررنا الارض من الصهيوني ليحتلّا الجهل
هلا ومرحب بالعمامة
يا رايح صوب القدس عالغوطة وصل سلامي
طير حلّق، بلا جوانخ خنّق، والصيّاد المخّ كلنا الطير علّق
العجز شلّك الوعي، وضاع حلّك، غطّ كلّ الطير لَ صار الطير كلّك
منيح؟
هالتراك مش ربّيح
الثورة صارت دولة حتّى الدولة تستريح

بيروت ما بتخنقنا، نحنا منخنق بعض / مشنوق ما بيشنقنا، نحنا منشنق بعض
" ويش أسوي يا بو ناصر عيني اللي غربلتني"

بو ناصر الطافر - ربّ القلق Prod. By Bu kolthoum

Lyrics & Vocals By El Rass
Production By Munma
Photo By Wajdi Elian


أنا راء ألف سين أنا رغبة ألم سرّ أنا لسان التنين أنا عبد الحق الحرّ أنا مش كافر أنا طافر أنا ميم بسورة غافر أنا مدمن معنى الفكرة أنا سمكة حسن الشاطر أنا مش أنا أنا غيري أنا راهب أنا متصوف غارة غيرة بتنسف ديري أنا صوت سعلة مسلول أنا سوسة بصحن الفول أنا عكس الكول أنا فحص البول بعمله نص البول/أنا عائد إلى حيفا أنا مسافر عن عطول/أنا اللي قتلت الحنش لما  سنه بصدري خدش/ أنا مش تبع الاوتوبيس/ عبد المنعم مدبول/أنا إشي أنا شيّ أنا شي/ التشي سيجاره الكوبي أنا بصابيعي حاشيه/حاشاني قول أنا/أنا شقائق النعمان مش أحلام أبو الهنا/أنا منتحر متفائل/استشهادي الإرادة بس علجنة مني سائل/دمعي من البصل سائل/أنا المجرم الفاشل/أنا  هيبي عخط النار/أنا تكنو بقندهار/أنا اللي لمات عوينات عمر المختار/ أنا أصيع إبن بار/أنا أرضى ولد عاق/أنا جسمي حبس مؤبد/وأنفاسي عمل شاق/أنا فلو ألطاي تدفق الفرعي ورشاشات مقاطعة/أنا بسمة بوج الموت/ أنا نكتة بنص الفاجعة/أنا كاشف سر العادة/لنسف العادي بالمراجعة/أنا عاشق في الصلاة وخاشع في المضاجعة/أنا سنّي من الروافض/أنا شيعي من النواصب/أنا ميكس بين أبو بكر وعلي بن ابي طالب/أنا منشق عن النظام أنا النظام بالانشقاق/إذا في البدء كلمة سميني الاشتقاق/أنا معترف بالواقع/بس معتمد علسامع/أنا محترف بالطابق السابع/أنا البواب/أنا مخترق لصوت المدافع/أنا السحاب/أنا كاشف العورات/ثائر ناقد للثورات/أنا حافظ رأس المال والانجيل والتورات/أنا مسلم للإله مش مسلّم لعباده/أنا كاره للإكراه ولو كانت حمرا السجادة/أنا حبل عرقبة مرت ابو لهب (الأسد)/أنا حفّار القبور دافن حرير ودهب.

بعبع ببؤبؤ العين كنت أحمر/تكتك ففكفكه المخ صرت أخطر/صفصف بنهزهز/جرجع بنمزمز/طقطق بنفزفز بتسخّف بنجهبذ/بتفجّر الأطفال/بنفجر براكين/إنت واو راء ميم أنا راء ألف سين/

الرأس و مونما -  16 (أنا مش أنا) تحية

Prod by Al Darwish إنتاج: الدرويش
Photo: Nader Bahsoun صورة: نادر بحصون

#مسوخ
#حم


بدو المدينة غزوا الشوارع عالرّينغ في خيم، فلا تسألني عشيرتي وين مضربا.
هالرقبة اشطبا متل بايرو "النجمة" بتضوّي لما يقطعوا الكهربا، ما بيشيلها غير اللي ركّبا.
أنا بنتمي للمناح اللي بيحافظوا على ضبط أعصابن وقت زعرانك بتنزل لتجرّبا،
قلوب أنضف من حسابي بالبنك، وعقول بتنهض بالبلد لهيك كان بدك تغرّبا.
بلعتونا بسورية بس أخواتي بكل البلاد عم يقوموا لتصير كل البلاد أوطان.. عم تفهم؟
أعمى القلب تابع أعمى، والتابع شبّيح، والشبّيح خاروف لو طار.. عم تفهم؟
فلا تستصعبوا طريق الحقّ لأنّه ما عاد تزبط، ع طريق الحقّ صرنا كتار....
كتار عم تفهم؟

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بحمص بالشارع
بالقاهرة بماسبيرو بالشارع

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بالسودان بالشام بحمص، بالشارع.

قلّي مين أقوى، الطايفة ولّا الجوع؟
طرق طايفة أو طريق مقطوع؟
نشوة السكرة ولّا الصوت المسموع؟
ضرب كفوف..
سنان ثابتة والرّئيس مخلوع.
هي لساحة التحرير وشهدا العراق وحسين العطّار، للي ثبتوا بالساحات.
هي ثورة على الذات، ع العرصات، هي مو ثورة لا ثورات. 
هي للي ماتوا قبل لنقلّن تعبن ما مات.
وهي صفحة جديدة وهي كل ما يقولوا الرقص مانه ثورة رقصة جديدة هي
ثورة عالبارانويا، ثورة عالأنكزاييتي، نفس لناسي اللي انردتلّها الرّوح شوي.
وهي رقصة جديدة صفحة جديدة هي كل ما يقولوا الرقص مانه ثورة رقصة جديدة هي.. 
لو ما بدقّ عالطناجر.
أنا طنجرة الحيّ.

هنيك\ تحت\ بالشارع
تحت مجلس العرصات بالشارع
جوا التُكتُك ببغداد بالشارع 
بحمص بالشارع
بالقاهرة بماسبيرو بالشارع
بيتي تحت.

هنّي الجميع

MODY