boshra 3agban

اشعار

بشرى عجبان

قصايد

ترانيم

ksa2ed

boshra 3gban

قصيدة ست البنات

يا أمي حنانك ملا قلوب
توزيع موسيقيي و ترنيم و تسجيل و هندسة صوت: جون سمير            تاليف و تلحين الأستاذ/ ناجي فايق
09/2013

يا أمي حنانك ملا قلوب

كنيستي القبطية كنيسة الإله
توزيع موسيقيي و ترنيم و تسجيل و هندسة صوت: جون سمير 
عزف كمان: جون سمير
09/2013

كنيستي القبطية كنيسة الإله

ترنيمة يا صاحب الحنان
توزيع موسيقيي و ترنيم و تسجيل و هندسة صوت: جون سمير
عزف كمان: جون سمير
09/2013

يا صاحب الحنان

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

الدم اللي ع الحيطان
والشوارع والببان
واللي غرق المكان

والمقطع والجريح

والعسكري اللي غايب
والظابط اللي سايب
والمجرم اللي جايب
دليل فكره الصحيح

الدم اللي ع الإيدين
فالشفايف فالعينين
ع الخدود .. ع الجبين
والتواطؤ الصريح

واللي عتم واللي نافق
واللي كبّر واللي كافيء
واللي ساكت والموافق
على ترسنة وتسليح

الدم ده أخواتي
واصحابي وبناتي
وحِياتِي و.. حَياتْي
لأصرخ وآئن وأصيح

هتفجروا الأجساد ؟
هتعيطوا الأولاد ؟
وتفكروا ده جهاد ؟
يا ضمير غبي وكسيح

تبقى البلد بلدي
والدم من عندي
ولسه بتعاندي
يا حكومة التصاريح

يا قتلة الأحلام
يا حملة الألغام
يا تقولوا ده الإسلام
يا تقدموا التصحيح

الدم ده غالي
وصوتي مش عالي
أوعدكو يا عيالي
يجي يسوع ويزيح

ولا هتبطلوا شعارات
وخلاص وطنكم مات
خليكوا في الهيافات
والفتوة والتسطيح

الدم نار قايدة
وروح : مفيش فايدة
ومصافحة ومعايدة
ومشرحة وتشريح

فيه ناس بتشتمنا
وقاصدة تقسمنا
وتصلي تحرمنا
بس الصلاة تسبيح

الدم ده بخورنا
بنصلي تنصرنا
الريح هتعصرنا
سكت بقى أنت الريح

وأخواتنا دول جاهلين
عرفهم تبقى ميييين
وسامحهم يا أمين
وقوم المجاريح

الدم على البيوت
وبتاع 30 تابوت
وطفلة مش بتموت
فدا دم المسيح
_____________________
غناء/ بيشوي مجدي / جورج انور

الدم ... للشاعر /بشري عجبان .. من الحان /سمير عياد

متستعمنيش...الشاعر د_ بشرى عجبان.mp3

ترنيمة لو قضيت عمري لأعرفة
توزيع موسيقيي و ترنيم و تسجيل و هندسة صوت: جون سمير
12/2013

ترنيمة لو قضيت عمري لأعرفة

تامل - احنا ليه مش بنعرف نتكل؟ - بالموسيقى - ابونا داود لمعي

1- أنا نور أنا نور وسط الظلام دي وعود دي وعود أكيدة مش أوهام هاعبر بروحه كل سلام وكل مكان هارفع أعلام جلسة جلسة فى حضرة فادي شمسة شمسة تشرق عليا وإن كان وإن كان في خطية فى دم يسوع تصبح منسية القرار - هاهتف ليك يا مسيحي .. مجداً ليك ليك تسبيحي 2- أنا واحد أنا واحد من الأبطال أنا سهم أنا سهم بإيد جبار وبدم وبدم يسوع البار السلطان فى إيدين يسوع جلسة جلسة فى حضرة فادي حقه أمجاده تملا عيني وبسيف وقيامته ونصره لي ولا يمس عدو بي

أنا نور  .. أنا نور وسط الظلام

الواو بشرى عجبان

قصيده ست البنات لـ د/بشري عجبان 
اداء : باسم ناجي

set elbanat - bassem nagy

بشرى عجبان صرخة عاطفتى

قصيدة الواو د. بشرى عجبان - الفرق بين الكنيسه و المجتمع واو

مراثي أرميا للشماس تكلا القس باخوميوس في المنوفية

I Will Always Love You - Kenny G

عارف يا رب؟ 💖 دوناز

ترنيمة يارب أعمل من أجل إسمك - أبونا داود لمعى

I want to spend my life time loving you

د. بشرى عجبان -الحنين للذكرايات

Music is the only loyal friend you can ever have !!

بشرى عجبان صرخة عاطفتى

Mariz Nasr