Гарады

Калі Бог ствараў для нас гэты свет
З чагосьці пачаць было трэба…
Вось першая кропка, навокал сусвет
Які потым стал зорным небам.
Хоць звестак дакладных пра кропку няма,
Ды дзесці ж яна існавала?!
І знаўцы мяркуюць, што ўзнікла яна
У тым месцы, што Ракавам стала
Ракаў – калыска для цывілізацый,
Канечная кропка ўсіх зорных шляхоў,
Мястэчка пад Менскам, дзе хочаш застацца
І жыць безклапотна мільёны гадоў
Эпохі праходзілі шэрагам дзён,
Леднік у Ракаў у госці прыходзіў,
Наш першы князь Бай тут размесціў свой трон
І продкамі верхаводзіў
Па ракаўскім узвышшы праходзіць бар'ер
Мяжуе балтыйскае з чорным
Там горцы спрадвеку жылі, і цяпер
Усё тыя ж жывуць ў краі горным.
Ракаў – малая радзіма ўсіх горцаў,
Якія жылі тут шмат сотняў гадоў
Мястэчка пад Менскам, дзе жыў бы бясконца,
Як Дункан Макклаўд, з Шатланскіх халмоў.

Афіны Паўночныя – назвай такой
Наш Ракаў калісьці назвалі,
Бо, кажуць, Афіны, у Грэцыі той 
Паўдневым Ракавам сталі!
На плошчы стаяць касцёл і царква,
Як быццам спрадвеку сябруюць,
Бо л'ецца з крыніцы святая вада
І слепасць удала лякуе

Ракаў – горад для творчых прафесій!
Край талерантны, які бачыць Бог.
Вітаюць тут вернікаў розных канфесій,
Памерлых хаваюць на могілках трох..

Для ўсіх тых хто горад гэты адкрыў
Жыццё незаўважліва зменіцца
З іх кожны паўсюль у свеце будзе сваім – 
Каханкам Вялікай Мядзведзіцы

Ракаў  - яму ўсміхаюцца зоры
Тут розныя межы праходзяць у душы
Мястэчка пад Менскам, дзе Іслач і горы.
Дзе можна застацца, застацца, і жыць.


Garady 04 Rakov

Дзесьці ўверсе, вышэй за высокія зоры
Там дзе ў хаваецца ў небе шпіль Вітава храму
Хтосьці сядзіць – немагчыма  магутны і добры
Сыпле сняжынкі іскрытыя проста ў Влтаву…

Стань апаўшостай у снежань на Карлавым мосце 
І паглядзі ў захапленні на Градскія гмахі,
Пройдзе хвіліна – ты станеш сваім, а ня госцем.
У сэрцы адчуй гэта ўсё: храмы, вуліцы, дахі!

Казачны, казачны, казачны, казачны горад!
Калядная Прага чакае новага году…
У рысачках кожнага дому, ва ўсіх колькі ёсць іх
Такоё імкненне да свята і да прыгажосці!
Тыя хто кажуць, што горад гатычны і змрочны,
Хай прыязджаюць, пабачаць на ўласныя вочы:
Брук у чырвоны тут кроў ня раз фарбавала,
Але марыла Прага стаць казкай, і казкаю стала!

Слухай як Гусава рэха, грыміць у Віфліемскай капліцы,
Грукат вазоў табарытаў! Крыжакам праз іх не прабіцца!
Як пры Грюнвальдзе , Ян Жыжка наперадзе войску
Роўнасць і праўда для ўсіх! Бо такім быў запавет боскі…

Вось па прыступках нябачных з Тынскага храму
На Старамескую плошчу спускаецца Панна…
Словаў ня чутна, але разумеюць усе людзі
Veritas vincit! Спрадвеку было так, и будзе!

Казачны, казачны, казачны, казачны горад!
Калядная Прага чакае новага году…
У рысачках кожнага дому, ва ўсіх колькі ёсць іх
Такоё імкненне да свята і да прыгажосці!
Тыя хто кажуць, што горад гатычны і змрочны,
Хай прыязджаюць, пабачаць на ўласныя вочы:
Брук у чырвоны тут кроў ня раз фарбавала,
Але марыла Прага стаць казкай, і казкаю стала!

Джынджэр і Фрэд, запрашаюць на танец сто вежаў,
Кружацца снег і дамы, сёння святу горад належыць,
Кельцкай Багеміі дух схаваны ў воблаке пены,
Ведае шлях да яго дзіўны вершнік пад дахам Люцэрны.

Круцяцца смерць і анёл разам у курантах,
Час адаб’е метраном, што над горадам узняты.
Сквапна збірае секунды ў гады і стагоддзі,
Гора і радасць у калядным ляцяць карагодзе!

Казачны, казачны, казачны, казачны горад!
Калядная Прага чакае новага году…
У рысачках кожнага дому, ва ўсіх колькі ёсць іх
Такоё імкненне да свята і да прыгажосці!
Тыя хто кажуць, што горад гатычны і змрочны,
Хай прыязджаюць, пабачаць на ўласныя вочы:
Брук у чырвоны тут кроў ня раз фарбавала,
Але марыла Прага стаць казкай, і казкаю стала!


Garady 03 Praga

Я па снах блукаў
У часе вандраваў
Завітаў у Парыж
Вартавы здарова!
Ты чаго сувора
На мяне глядзіш?

Браму адчыняй
У горад запрашай…
Мытаў не бяры…
Хочаш абабраць?!
Можаш абшукаць!
Я схаваў дары!

Я ў душы, я ўнутры пранясу Нотр-Дам!
Гэй, Парыж! Вось, бяры! Гэта будзе твой храм! 
Ён імкнецца да неба
З вострава Сены!
Навокал – сталёвая плынь.
Вежы ўверх паляцяць;
У аблоках лунаць
Будзе храм, адкуль позірк ня кінь!
У вітражах праменьчык малы заблукаў
Выйсця не адшукаў,
Сонца будзе жыць у ім!

А на вуліцах тут
Толькі смецце ды бруд
А ў завулках – яны.
Кашалёк ці жыццё?
Адбіраюць усё
Таць і злодзей начны …
Месяц срэбрам начэй
Робіць цені даўжэй
У цемры страшна хадзіць,
Але гэта мой сон, 
ноч Магу зрабіць днём!
         Тут усё можна змяніць!

Я распростаю вуліцы
Хай бягуць ў далягляд!
Чырвань лямпаў Манмартра!
Цюільры жарсны сад!
Мулен Ружу закруцяцца крылы,
 прыпынячы час 
Ноч квітнее, зацямняе дзень!
На палёх Елісейскіх - вальс
Я штоноч у Парыж баляваць 
запрашаю кожнага з вас!

Я ўсю ноч праблукаў,
Месца Луўру шукаў,
І нарэшце знайшоў!
Пазнаёмся Парыж, 
Гэта Луўр. Што маўчыш?
Запрашай каралёў!

Дазваляю ім жыць!
Панаваць і судзць,
Гэй куды Вы мяне???
За абразлівы тон,
Я з даўгім языком,
Апынуўся ў турме! 

Што ж, калі ўжо сядзець
Вось для вязняў турма!
Усё забыць, з’варяцець прымушае яна…
Але сцены абрынуцца урэшце,
Ліпень спаліць Бастылію ушчэнт,
І я стану на плошчы дзе рэшткі,
Мае вусны выдыхваюць шэпт…
Каб не здацца, я кроў’ю гадамі
пісаў на сцяне свой сакрэт,	
наш сакрэт…

Гэты горад прысніў
Гэты горад стварыў, 
Для адной для цябе
Хутка здзейсняцца сны,
І мы будзем адны,
У Парыжы ў вясне.
Вочы не адчыняй,
Праз вясёлку, давай…
Ну, чаго ты стаіш?
Яшчэ крок… я з табой…
Вось нарэшце! Ён твой!
Расквітнее Парыж!
 


Garady 02 Paris

Кажаш, гэты горад нецікавы…
Бо тут старажынасці няма…
Кажаш, не знайсці старой Варшавы -
У полымі загінула яна…

Можа так. Але ня у гэтым справа.
Не пытайся у мяне, на што глядзець…
Проста дыхай мужнасцю Варшавы,
Хутка сам усё зможаш зразумець

Прыпеў:
Хто сказаў, што былое ня вернецца?
Выкідай пессімізм з галавы!  
Вельмі проста, насамрэч, стаць Феніксам:
Спаляць зажыва – а ты будзь жывы!

Памятае кожнае цагліна,
Хто загінуў каб яна была
Ведай, пачыналася Радзіма
Менавіта з гэтага вугла

Менавіта тут апошнім боем
З чорным і з чырвоным назаўжды
Кожны з іх ахвяраваў сабою
Каб Варшаву сёння бачыў ты.

Прыпеў:
Хто сказаў, што былое ня вернецца?
Выкідай пессімізм з галавы!  
Вельмі проста, насамрэч, стаць Феніксам:
Спаляць зажыва – а ты будзь жывы!

Паглядзі на Віслу – у яе хвалях
Срэбрам прамільгне русалчын хвост
Сплавілася з мужнасцю каханне
Збудзецца жаданне, кроч наўпрост

Занырні ў натоўп на Мазавецкай,
Кінатэкі рытмы адчувай
Ці на ўзгорках унівэрсітэцкіх
Ты яе ціхенька пачакай.

Прыпеў:
Хто сказаў, што былое ня вернецца?
Выкідай пессімізм з галавы!  
Вельмі проста, насамрэч, стаць Феніксам:
Спаляць зажыва – а ты будзь жывы!


Garady 05 Warszawa

Вільня

Бачу горад, бачу дахі стракатыя,
Ды зялёнае навакольле,
Пазнаю яго, быццам памятаю,
Хоць раней і ня быў тут ніколі.
Мо я ў снах да яго прылятаю,
Ці прачнулася памяць дзядоў,
Але я сапраўды адчуваю
Быццам я тут – адзін з жыхароў.

Гэта родны мне горад, ды цяпер ён у іншай краіне,	
Нават назву замежную пішам на мапах сваіх,
Але ён для мяне назаўжды – беларуская Вільня,
Гэтак сама, як быў ён спрадвеку для продкаў маіх.

Палымнее касцел Святой Ганны,
На далоні ня зьмесьціцца ён,
Захаваю ў душы той цагляны
Скіраваны ў неба агонь.
Брама Вострая — громам у грудзі — 
Запаветнага горада сэрца,
Мімаволі спыняюцца людзі,
Матка Боска глядзіць у вакенца. 

Я зусім не пабожны, таму мне няёмка і дзіўна,
Захацелася ўкленчыць, галаву ля капліцы схіліць.
Ты крывіцкая Мекка мая — беларуская Вільня,
Я маліцца хачу: навучы, як мне гэта рабіць.

Гедыміна ўздымаецца замак,
Побач з ім  толькі неба абшар,
Сустракаў тут апошні свой ранак
Яська – твой назаўжды гаспадар.
Быў ня першым ён, быў не адзіным – 
Я на могілкі Роса прыйшоў,
Там найлепшыя людзі Радзімы - 
Чарадой пахавальных крыжоў.

 Ў непрыкметным завулку я бачу постаць Скарыны,
Там ягоныя думкі дагэтуль рэхам гучаць. 
Ты з дзядоў збудавана маіх, беларуская Вільня,
З маёй памяці ты - і нікому цябе не адняць.

Вечар, трэба дадому спяшацца,
Але цьвёрда упэўнены я:
Раз за разам я буду вяртацца,
На прыгоркі, дзе Вільня мая. 
Дзякуй, горад у нас адабралі,
Не далі зруйнаваць і забіць,
Дзякуй, спадчыну нам захавалі,
Адчуваю, як сэрца баліць.

У гэтым горадзе сёння літоўцы жывуць, не ліцьвіны,
Беларускае мовы на вуліцах ужо не пачуць,
Ды не дасьць нам чужынцамі быць беларуская Вільня
З Вострай брамы у пагоню ізноў воі на конях лятуць.

Гэта родны мне горад, ды цяпер ён у іншай краіне,
Нават назву замежную пішам на мапах сваіх,
Але ён для мяне назаўжды  - беларуская Вільня,
Гэтак сама, як быў ён спрадвеку для продкаў маіх.

Garady 03 Praga

Max Bai