Tranem

بفضل نعمتك .. وعمق رحمتك 
اتي لمحبتك .. وارتمي عليك
اروي ظمأ قلبي .. وشوقي وحبي
فراحتي ياربي .. وحاجتي اليك

تحمدك الشفاه .. وتنحني الجباه
لشخصك يا الله .. فانت خالقها
تسبح القلوب .. امامك تذوب
فاسمك مهوب .. (وانت سيدها)2

الهي ما ابهاك .. ما اعظم غناك 
فعيشي في رضاك .. شوقي ولذتي
لذا انتظرتك .. وعيني نحوك
وتحت ظلك .. تطيب جلستي

تحمدك الشفاه .. وتنحني الجباه
لشخصك يا الله .. فانت خالقها
تسبح القلوب .. امامك تذوب
فاسمك مهوب .. (وانت سيدها)2

إلهي صخرتي .. حصني وقوتي
وكل لهفتي .. في حبك يسوع
يا فرحتي بك .. فزت بحبك
وقرب قلبك .. احبك يسوع

تحمدك الشفاه .. وتنحني الجباه
لشخصك يا الله .. فانت خالقها
تسبح القلوب .. امامك تذوب
فاسمك مهوب .. (وانت سيدها)2

ترنيمة بفضل نعمتك - زياد شحادة Befadl ne3matk - Ziad Shehada

- يا مؤتي الأغاني في ليلي وأحزاني 

يا ضامن سلامي يا يسوع راعي 

1- تارك كل أموري لديك ياللي نقشني علي كفيك 

إنت سلامي وانا في ألامي وانا في الضيق شايفاني عينيك

2- وقت الصعب هارنم فيه فرحي ده قوة وليه اداريه 

ولا إنسان ولا شيطان    ينزع فرح  انت اللي عاطيه

3- رافع إيدي باسلم ليك دفة عمري ملك إيديك 

قالوا كتير فين الخير وانت الخير وانا عايش فيه

4- بات الدمع بين الأجفان ويا الصبح جت الألحان 

وانتصارات واختبارات موكب نصرك لينا كمان


يا مؤتى الأغانى --ماهر فايز

 قلبى أسير نعمتك
ده أنا مديون لرحمتك
جبتنى من المزابل
وكنت راجع وقابل

قلبى رهين كلمتك
وأنا مشتاق فى سكتك
وأتحرك وأنا شايفك
وأعيش لك وأنا خايفك

قلبى شهيد خدمتك
حعلن اسمك وفديتك
يد على المحرات
ناسى كل اللى فات

قلبى مناه مجيتك
مع حكيمات بيعتك
صارى لاسمك بغنى
وفوق حيبقى التغنى

 

وعملها فى قلب حياتى
من بداياتى لنهياتى
وصنعت لى اسم جديد
تقبلنى ضمن العبيد

وجهنى منين ما تريد
صوتك فى حياتى يزيد
ببساطة عين عرفاك
بقداسة ناس عايزاك

وأضيع فيها الغالى
وصليبك وانكر حالى
وبالتانية بمسح دموعى
وصوابعى لاجلك شموعى

ويكون فى سراجى الزيت
كعذارى لازمنا البيت
ونشيد يجر نشيد 
بفرح ابدى ومجيد

قلبى اسير نعمتك


١- ومين يدوق الحب كله ويكتفي
من السباحة في مياه من الحياة
يانفسي هيمي واوعي في يوم توصفي
الحب عدّى م الصفة وم الأسماء
وإوعي تفلت العيون من شمسها
سيبي الشبه يرجع لأصله في الإله
سيبي له روحك انتي بس يمسها
ويشدها بالشوق ناحية قلب السما
+ كوني صلاة وقولي ياطيب الساعات
عيشي الصلاة تلقي الحبيب مالي السكات
بقبلات من فمه بكلمات
تمس بال طهر الشفاه تحيي اللي مات
٢-لكل عين عند البشر نور واتجاه
أما عيون الحق دربها صلاة
همّ العيون الدنيا كله في التراب
والعابدين عيونهم اتملت حياة
وفي مياه الراحة راحت القلوب
كل الرؤى متاحة للي جاي يتوب
عين الطهر اللماحة تهرب م العيوب
فتُحمَل في مساحة من نور المحبوب
+ تحيا حياة مصغرة م السموات
عرش الحياة في الذكر بين التسبيحات
تشوفه عين اللي اتجه بلا طلبات
وعَبَر له حتى م الآيات و التعزيات

ومين يدوق الحب كله ويكتفي - ماهر فايز ـ كاليفورنيا

شابب علي طراطيف عنواني شايف من هنا منظر تاني
شارب واحد مر لكني شادد عودي وهات يا أغاني
والغنا صابب فيا حياة والحياة راسماني معاه
والصورة فى العود ماسكاه وماسكنى في يد الله
ساكن في حشايا إيمان نسخة مُخصصة للإنسان
اُشفي بوجعي واصفي بدمعي واطرد يأسي وانا حيران
وانصف غيري وانا مظلوم وابدر فرحي وانا مهموم 
وادفن يومي في قبر النوم وفي الفجر اتشدد بالله
عارف اني بموتي بأعيش وطول مأنا ساجد مبنحنيش
وارفع راسي وهى علي كفه وهو إن طرحني ميقتلنيش
ومعديها بلا إجابات يكفي وجوده مالينى ثبات
و لسه عودي فيه نغمات عشان متكلي هو الله

Shabeb 3ala taratef 3enwany | Maher Fayez  ترانيم ماهر فايز | ترنيمة شابب علي طراطيف عنوان

Please Come On Inside

ترنيمة جديدة للأخ ماهر فايز من اجتماع السبت 21-05-2016
فريق الكروز والأخ ماهر فايز

اربط قلوبنا بيك 
صحينا وادينا سهر
بمحبة ومخافة ليك 
وحياة ماليانة بثمر.

١- كفايانا العمر اللي ضاع 
ونفوسنا تايهة عنك
في عيشة جلبت أوجاع 
جايين لك بيها نقول لك:

٢- أفسدنا صورتك فينا 
أبعدناها بجهالة
اقبل توبتنا احيينا 
غير فينا دي الحالة.

٣- أحزناك بأفعالنا 
وخدمنا الشهوات
مين غيرك ها يحررنا 
نحيا ف طاعتك للنهايات.

٤- ريحة العالم في تيابنا 
من دنس النفس في أجساد
لم تخضع لك فتعبنا 
واليوم جه والقلب أراد.

٥- المجد لك سيدي 
ومخلصي يسوع
لك حمدي و سجدتي 
أمامك بالخشوع.

Orbot 2olbna Beek - أربط قلوبنا بيك / BroMaherFayez

1- لا بنتهي ولا بتنتهي عند الآلامات قصتي
وان كَتمت عتمتي على حيرتي حتماً تختمها بفرحتي
القرار- أمتلي تسليم لمشورتك وف تدبيرك بالتقي راحتي
وأتعزى وتسندني أمانتك وتثبتني تتم مسيرتي
2- واتلملم تاني وتجبرني واتغير في المختبرات
وآهات بتعدي وتتحول على شفتي وتطرح غنوات
3 - أتاريني في غيبتي عن بيتك كنت بتحملني لسنوات
شيلتني وبعدتني عن شيلتي وحملت حياتي ببركات
4- ترعاني في غربتي وتقود خطواتي حتى النهايات
وان تقلت ضيقتي بشدتها تنشيء تمجيد الأبديات
5- تبتدي تتلألأ كلمات في كتابك تحييني بصوتك
واتلفح تاني بنغمات تملكني أتملى ف ملكوتك
6 - والشتا أهو فات وبتلفت ألتقي مركبتي أهي جت رسيت
والنباتات إللي تلفت أهي رجعت تاني وابتسمت
7- باختار بإرادتي وبمشيئتي اتقبل هبه الآلآمات
واتجرد واتصلب ان طلبت مشيئاتك كما في السماوات

ترانيم Fadia Bazzi | Taranem |  ترانيم ماهر فايز | ترنيمة لا بنتهي و  لابتنتهي | فاديا بزي

Yaghfer Zanby

ترنيمة يغفر ذنبي - ألبوم يا رب أرحم - الحياة الأفضل | Yaghfer Zanby - Better Life

Ranna Sawton Fe El A'aaly

رن صوت في الأعالي  - فريق  الحياة الأفضل - ترانيم الميلاد - Ranna Sawton Fel Aalay - Better Life

ترنيمة شابب على طراطيف عنوانى _ ماهر فايز و فريق الكاروز _ برنامج هنرنم

شابب علي طراطيف عنواني - ماهر فايز و فريق الكاروز

Ettammen Khayef Leh

ترنيمة إتطمن خايف ليه - خدمة "لي رجاء" - الحياة الأفضل | Etamen Khayef Leeh - Better Life

ترنيمة بادخل عرش النعمة

هاعدى _ ماهر فايز

Mina Atta
مينا عطا
ترانيم
Taranem

Shabeb 3ala taratef 3enwany | Maher Fayez ترانيم ماهر فايز | ترنيمة شابب علي طراطيف عنوان

Mena Atta

Recent comments

Shery Emad

Hanan Asham

Sharl Nabil

Youssef Seid

Related tracks