مقتطفات

mine

الحان وكلمات

mena kordy

rokk2

،،mo

منة كردى

ربنا يرحمك ويجمعنى بيك فى الجنة

ربنا يجمعنى بيك _ منة كردى

كلمات : أحمد عُثمان
https://www.facebook.com/myt.7y

عزف : أندرو وأحمد سيراج
https://www.facebook.com/androw.mories?success=1

ميوزك : Tarrega - Francisco - Recuerdos - De - La - Alhambra
https://soundcloud.com/andrew-atef-mories/tarrega-francisco-recuerdos-de

أداء : منة كُردى
https://www.facebook.com/Kawkabmashy?ref=tn_tnmn

المطحونين جوا الرحايا فى الحوارى الضيقة 
مستنجدين ب الشمس ع الوجع المعشش فى الضلوع
معروف يا جوع ان الامانى المستحيل نوصل لها
عمرها ما تمطر رجوع
معروف يا ضل المولودين تحت السحاب 
ان السحاب 
و لا طن دم يشبعه 
مرفوض يا شعر عن الوطن 
طول م الوطن 
بالجهل امه ترضعه
ملان يا  جفنى من النعاس على جتتى
وانا بدعى ليه ان الطريق وسط السما يوسع بقى  
احتمال البعد عن وسط الشقا
كان طريق الابتسامه ل دمعتى 
احتمال الجرح 
كان طريقى للبلوغ ف الشرنقة
ادم بيدعى ان البشر 
يتحنو ضل التفاحات على سترهم 
غاروا الشجر
قال اهبطوا 
ان الغواية 
كات طريقكم للصمود ف المعضلة
انى رأيت قلب العيال
ثابت ثبات الاولين 
ف الاخرة
انى لقيت ان السكات شد الضلوع
شالهم بكفه للسما
انِ ابتغيت ضم الخطاوى الممكنة
ف افهم بقي
ان انت من حضن الخطيئة المؤمنه
#

آدم _ منّة كردى

Fil Autobees (Salalem - Kelma Abee7a The Full Album) سلالم - في الأتوبيس

كلمات : أحمد عُثمان
https://www.facebook.com/myt.7y

أداء : منة كردى
https://www.facebook.com/Kawkabmashy?ref=tn_tnmn

زاهد أنا
و لحد ما يشدو السما على جتتى
هفضل أعاود الانتحار
و ألضم مواتى ب ضحكتى
وأسمع غناوى الانتظار
وأشرب بواقى القهوة لما تغلى بين صوابعى
واقلع الليل من مكانه
ترتعد فيا الغناوى م القساوة
والعطشانين للمغربية الضامة تفاصيل كدبتك
يتسغربوا
إن السما مكفهاش كل المطر
دا القلب بقى اشبه بالزوابع 
عند طراطيف المحيطات اللى مليانه بشر
عجبى عاللى داق النومة على كتفى 
طاله الطريق قام هَرَب
من بعد دود الارض ما عضنى
ضربْ العصا مبدأ
فيا من عصيتم فهمونى 
اذا كان طريقكم مبيرتعشش
من نظرة الزيف للسما
واجب على الدراويش يملّو عينيهم الحاضره
ويرتعشو
على صراطك يابو الحواديت
يا موت واصل من الغيطة اللى بتضلم فى عز الضهر
لاخر سكة بتنور على العميان
يا حبة تأويلات تايهه ف قلب ميدان
عجزى فى صبرِك منتهاش
زاهد أنا زهده مجاش
ولا خد خبر
لما أنتظر 
كل الساعات إتأمموا
وجعى لوحده كان ضمير غايب اوى 
اما وجعك فعل امر 
و استحال م المعجزات
دا الزهد اشبه ب الوجع
اما الوجع 
ف طريق واشبه باللى فات
بتكسرى عضم الرصيف
بتغيرى ف صوت القمر 
بتلبشينى لما دمى بيرتعش
ف افرد عينيا فى الوطن
واركع لتأويل الزمان
لو كات عيونى ملونين 
كان الطريق هيحنلى 
رغم الشجن
لكن سمارى ازعجه 
ف أصر تغيير المكان

#
أحمد عثمان

تأويلات الزهد والوجع - منة كردى

كلمات : Mahmoud Taha
https://www.facebook.com/mahmoudtaha128?hc_location=timeline

أداء : منة كردى 
https://www.facebook.com/Kawkabmashy?ref=tn_tnmn



مع إنه شاطر فـ الحساب - منة كردى

Lyrics : el sayed gaber - mario
www.facebook.com/ElSayedmgaber
follow : www.facebook.com/AFLTONSTORY
Vocal : menna kordi
https://www.facebook.com/Kawkabmashy?ref=tn_tnmn
اللي أعرفه
لما تتفارقوا ليه تودعوا بعض
لما أنتوا مش راجعين
لما تتواعدوا ليه بتنسوا بعض
مع أنكم فاكرين
كل شئ بينكم قريب،لكنه بعيد
ماقصدش أني تمام ولا حتي بالمظبوط
معرفش تقريباً ولا حتي بالتحديد
اللي أعرفه،..وموجود
لما نحل بنربط،ولما نحب بنسكت
وندور نعاند بعض
في المسرحيه نمثل،ومصدقين جداً
مع أننا بنكدب،ويمكن يكون عنداً
دايره وكاسات فاضيه،والكوبايات مليانه
محدش أستكفي ولا حد كفاها
قالوا الحياه مره
وأزاي نعيش بره وأحنا جواها
حلوا الضفاير،محدش وراها داير
أتعاملوا بـ المكيال،الدنيا أخد وعطا
عارفين في شئ ميال،والقرب ستر وغطا
مش كل الخمور مرٌه،ولا كل العتيق شربات
في حاجات ذاتها
ماتسئلش أيش معنا ذات 

اللى أعرفه _ منّة كُردى

محمود درويش و الثـــــلاثي جبــــران | أنا لست لي

أداء و فضفضة : منّة كُردى
https://www.facebook.com/Kawkabmashy?ref=tn_tnmn

Music : مسلسل ذات

كانت مقررة
إنها عايشة لـ نفسها
كانت دايماً
تضحك وتفرح من قلبها 
ولا عُمرها كانت متحيّرة

فـ ثوانى
دخل عليها بـ كلامه
ورسملها الدنيا ورد
خافت أوام قالت …
قصّة زىّ اللى قبلها
قلبها مكنش ناقص
بـ كفياها جرح سابق
ولا كان معاها…
فارق اهتمامه

واحدة واحدة …
رجع من تانى يقاوح
ويقوّى نفسه بـ احساسه
مشاعره كانت بتطمّنها
وقالت عمره ما يكون ملاوع

وافقت ولمّحتله وابتسمت
راح أوام قال بحبك
من هنا …
بدأت حكاية
فتحت للدنيا قلبها
وكل عين فيها ضحكاية
زى الطفلة لمّا تتعلّق
قلبها مبّطلش دقّ
ما أصلا خلاص لـ قلبه رقّ
وعليه كان ينادى

شهر والتانى
كانت بداية النهاية
لمّا بدأت فى سكاتها
زى غيره أوام جرحها
مسكت دموعها وبدون كلام 
مشيت …
هجّ الحمام من مكانه
بعد ما كان متبّت فيه
بعد ما كان مصدّق كلامه
رجعت زى ما كانت
وقررت …
تعيش لـ نفسها

حكاية عدّت _ منّة كُردى

كلمات : أحمد عُثمان
https://www.facebook.com/myt.7y


عود : عمار الشريعي
https://soundcloud.com/yasser-naeim-1/yjctoeykfw49

تابع من هنا : 
https://www.facebook.com/IamNotInane

أداء : منّة كُردى
https://www.facebook.com/Kawkabmashy


ياه
عجزت اوي من يوم ما شايك برد
وقفة المترو لوحدي فقدت طعمها
زمان
كنت اسيب النور واجيلك 
دلوقتي زارنى الشيب
وانت دقنك لسه بتنبت
ياه
لما كل العيال لمت ضلوعها لوحدها
وانا وانت لمينا الضلوع مع بعض
كنت دايما تقولي
الضلوع الجمع شلة
وانا وانت نفس الضلع
ياه لما كات الضلة
ب تضللك 
ف تشدها لضلي
مانت عارف منيش قد الجروح م الشمس
قلبك الساقع سرق ساعتى
وسابنى طول العمر ف محطة
واقف وكل الطيرة شمتانه 
سابك يا عم وساب كمان غيرك 
مين يعنى كان طيرك
علشان تسيب الخلق تتوضى 
شالو الميدان منى 
حطوا العيال فيا
راح مترو جه مترو
والتعويذات هيا 
عبدونى وداقونى 
شدونى ع السكة 
وانا عينى ع القضبان 
يمكن اجيب اخرك 
غموا عينيا لفوق 
انا قلت اسبحلك 
سجدولى وانا مصلوب 
ضحكولى وانا ميت 
شايفك بترقينى من بين خطاويهم
مخنوق وبتعافر علشان متتشافشى
انا قلت حى يا ناى 
معروف سيبونى امشى
وطى يا مترو يا جاى 
حاول متضحكش 
صاحبى اللى كان شارع
بقى ف الطريق حفرة 
سابنى على الدكة 
خد منى تذكرتى 
انا قلتله راجع 
قال لى اكيد بكره
فات بكره ورا بكره
وانا لسه ف مكانى 
مزروع ريحان وزبيب
شفته بيضحكلى 
انا قلت لازم جى
بصيت ف شريانه 
انا شفت ناس غيرى
صفيته ف مكانى 
قالى متزعلش 
زيك كتير فوتهم
لجل انى افضل حى   
#
احمد عثمان

مترو _ منّة كُردى

كلمات : Abdelrahman Mohamed‎‏‏
www.facebook.com/abdelrahman.mohamed86

أداء : منّة كُردى
www.facebook.com/Kawkabmashy?ref=tn_tnmn

امي
بلاش تبصيلي البصة اياها
و متحضنينيش
حضتنك بقى كما دش ساقع
في عز البرد
وانا مبقتش حمل البرد
امي انا اصبحت زي التراب ع الارض
بتبعتره الاقدام
ومن حبة هوا بيطير
لكنه باقي كما الايام .. كما المشاوير
امي انا كاسرني السؤال
وكاسرني زيف المعاني
امي .. متغنليش
مبقتش حمل الاغاني
صوتك الدافي معادش بيلصم
امي متتضخضيش
من من صفار وشي
وشيب شعري
امي انا مكسور
كما وزن القصيدة في شعري
امي انا تعبان من الوحدة ..
من الزحمة وكتر الناس
و انا قلبي ياما انداس
وياما لم .. من صحبة و اغراب
امي .. انا بس نفسي تفهمي
فرط الحنان بيعلم القسوة
فرط الحنين بيجلب الغربة
بيخلي قلب الواحد كما التربة
بتلم ناس ياما .. وتضم ناس ياما
في حضنها .. لكن رفاة
وااااه يامي ع الوجع
لو تحضني الاموات
اموات يا امي .. يشبهوني تمام
امي .. سبيني انا عايز انام
و بلاش تبصيلي البصة اياها

البصّة إياها _عبد الرحمن محمد _ منّة كُردى

إبتهال يا آل طه

من فيلم فرش وغطا 2013

------------------------------------------

نلوذ بين يديكم فلا مَدد
البَسطُ حالي والأفراح قولبي
لاغير ذا الله عني
عنى حُبكَم أبداً
حتي يطيب بكم عَيشِي 
أنتم حياتي 
وإن شَاهدتكُم حَضَرت 
ولو حُجبتم تغيب الرُوح 
تغيبُ الرُوح عن جسدي
أسألُ البرق عنكم كلما لَمَعت
وأسألُ الشَمسَ عَنكُم كُلمَا طَلعت 
أنا أبيت .. والشوق يكوي أنا
وينشرني في راحتيه ولم أشكو له وجعاً 

يا آل طَه 
عليكم حملتي حُسبَت 
إن الضَعيف علي الأجواد مَحمُولُ 
وجِئتُكُم بِإنكسَار نَحْو حَيْكم
أرجو القَبُول فقولوا أنت مقبول
أرجو القَبُول .. أرجو القَبُول .. أرجو القَبُول
فقولوا أنت مَقبولُ

إبتهال - من فيلم فرش وغطا 2013

البنت دي اكتشاف اليوم


تكبّر…تكبّر!
فمهما يكن من جفاك
ستبقى، بعيني ولحمي، ملاك
وتبقى، كما شاء لي حبنا أن أراك
نسيمك عنبر
وأرضك سكّر
وإني أحبك… أكثر
يداك خمائل
ولكنني لا أغني
ككل البلابل
فإن السلاسل
تعلمني أن أقاتل
أقاتل… أقاتل
لأني أحبك أكثر!
غنائي خناجر ورد
وصمتي طفولة رعد
وزنبقة من دماء
فؤادي،
وأنت الثرى والسماء
وقلبك أخضر…!
وجزر الهوى، فيك، مدّ
فكيف، إذن، لا أحبك أكثر
وأنت، كما شاء لي حبنا أن أراك:
نسيمك عنبر
وأرضك سكّر
وقلبك أخضر…!
وإنّي طفل هواك
على حضنك الحلو
أنمو وأكبر!


أحبك أكثر - أميمة خليل - محمود درويش | Darwish - Omaima Khalil

تتجوزيني؟ 
من ديوان ضحكة طالبة التأشيرة 
كلمات : Mostafa Eltelwany
https://www.facebook.com/mostafa.eltelwany.5?hc_location=timeline

https://www.facebook.com/pages/%D9%85%D8%B5%D8%B7%D9%81%D9%89-%D8%A7%D9%84%D8%AA%D9%84%D9%88%D8%A7%D9%86%D9%8A/309842119043025

أداء : منّة كُردى
https://www.facebook.com/Kawkabmashy?ref=tn_tnmn

_ تتجوزيني ؟
 _خايفة تفارق زيهم 
 _طب توعديني ؟
_ الوعد للأحرار وبس
وانا قلبي مربوط بالوجع
يمكن يكون قُربَك ونَس
لكن أكيد بُعدك شقا
خايفة العشم يقلب مقَص
لأي فرصة ف اللُقا
_ لو تحضنيني!
_ مش عايزة آخد ع الدفا
مش عايزة أشرب ضحكتَك
تفضى كاساتي ف غُربتَك
أعطش وملقاش ضمِتَك.
_ لو تسأليني ..! , أصلي بحب الفضفضة, يمكن أغيَر نظرتِك, يلا أنكُشي فيا بضمير, يجوز نغيَر ما مَضى.
_ ازاي تنول ضحكة قبول من بنت خايفة من الوجع, قول لو جدع!
 ............_

تتجوزينى _ مُصطفى التلوانى _ منّة كُردى

. جروب مزيكاتي ع الفيس بوك .. شرفونا هتنبسطوا 

https://www.facebook.com/groups/1471030076464570/



عبد الرحمن محمد 
وكفي

Mixed By https://soundcloud.com/mo-hassan2

عبد الرحمن محمد ....  ابداع

كلمات : حسن سرور 
https://www.facebook.com/Hasan.suror

أداء : منّة كُردى
https://www.facebook.com/Kawkabmashy?ref=tn_tnmn

موسيقى : مسلسل خاتم سيليمان

شُكر خاص لـ : أحمد فرحات _ ميرنا محمد

 
رسم الصورة بدون الوان,
 أبيض وأسود بِلا عنوان
 رتب كل مشاكل نفسه 
كتب المشهد بالتفصيل..
 الأوجاع هنا جنب الحيط, وانكساراته على البراويز , دقة قلبه نبرة غِيظ
 سّكن كُل مشاكل حلمه ;
 الأوهام ملهاش عناوين,
 والأحلام دي لناس تانيين.. 
حط حقايق مش موجودة.. 
قرر يبقى الحر العاتي ف أول طوبا 
وفكر مرة بعقل - آخر مرة -
 إيه راح يحصل لو هيموت وف شهر اتنين
 لو هيعاقب هذا العالم بجملة
 " آسف انا في التليين " 
لما كتير مثلا هـيقولوا ; 
الحُر العاقل بقى 100 مجنون 
مين راح يزعل لما هيسأل عنه فـ يوم 
ويرد سكوت مبقاش موجود

 علق صُوره وبتفاصيلها قرر يحكي..
 مرة البنت الحُب الطاهر 
أبدت ظاهر إن كلامها بيعشق صوته
 وان الخنقة في لحظة موتة تساوي دهور
 وان البسمة وشكل الدمعة فوق الوش وحلمه الواقع
, هما حياتها
 بس حقيقي الحلم فايتها  

أبدت مره إن كتير بيحاولوا يكونوا 
وان الصعب فـ يوم هتكونوا
 وان حاولوها غصبا عنها
حد يقول ازاي هتخونوا 
اصله عبيط قرر يعشقها 
وابتسامتها كتير صدقها 
وف احتضاراته, صدق موتة لجل حياتها
كل القصة والحدوتة 
إن البنت كتير موجودة 
بتعشق واحد مش موجود
 وبترسم من غير الوان 
نفس الرسمه والبرواز 
نفس الحلم الضايع أبدًا 
تفضل ترسم / ترسم / ترسم 
لحد أدان الفجر ما يدن 
لما الرسمة بتقدم جدا..
 لما المشهد راح يتلون
لما الصورة يا دوب تتكون 
الأوجاع هنا جنب الحيط
وانكساراته على البراويز 
دقة قلب ونبرة غِيظ
 سكن كل مشاكل حلمه 
بحيث تكون 
الأوهام ملهاش عناوين 
والأحلام دي لناس تانيين.





صورة بدون ألوان _ حسن سرور _ منة كردى

كلمات / محمد عبد الرازق
https://www.facebook.com/mohamed.abdelrazek.712
أداء / سما نوار
https://www.facebook.com/samanawar2
إياك تِسَلِّم للوجع
إياك تموت
عَدىّ على جرحك و فوت
إياك تموت
و لسة قلبك نبضه حى
ألضم جراحك بالأمل
و غنى للعمر اللى جَىّ
بَدِّل ضلام الليل لضىّ
إفرد شراع حلمك و ثور
ع الذكريات
مافيش دموع
هترجَّع العمر اللى فات
و ان حب مات
إحيى ألف حب غيره
حب أحلى ألف مرة
من ندى الورد و عبيره
خَلّى الخسارة ع اللى باعك
مش عليك
هَدّى روحك و اشتريك
فوق لِنَفسَك
بكرة هيكَمِّل بنَفَسَك
دقة القلب البرىء
ع الجرح يوم
ع الفرح يوم
ع الخوف ساعات
و ساعات
على الحلم الجرىء
خليك صديق
للإبتسامة
طير و رفرف فى السما
زى اليمامة
و انسى أحزان السكوت
و إياك تِسَلِّم للوجع
إياك تموت 

إياك تِسَلِّم للوجع_سما نوار_محمد عبد الرازق

كلمات : عمرو أبو زيد 
https://www.facebook.com/amr.a.zeed

من ديوان : نوفمبر شهر ملائم للموت

أداء : منّة كُردى
https://www.facebook.com/Kawkabmashy?ref=tn_tnmn

موسيقى : أنين الناى جلال الدين رومى 

الكلمات : 
يقول واحد من المرضى
لا مش هرضى
ومش ميت
سيبوني لبعد رمضان
أقلّه أموت وأنا مِعيَد
و يخبَط دمعه في الشمبر
مسبب دوشة في العنبر
فيصرخ فيه مريض تاني
بصوت ناصح لكن مكتوم
مافيش ملجأ من المحتوم
صراخك ده مالوش داعي
مادام كشف السفر مختوم
واسمك وقته متقيد
فموت راجل
ده أكرملك
عشان حتى التاريخ يكتب
ده عاش مذلول
ومات سيد
وبعدين هي دي عيشة؟
بذمة أهلك الموتى..
هتخسر ايه؟
هتخسرنا؟
ياعم بلاش تحسرنا
وحق سريرك الدايب
ماهتشوف دنيا غير بالموت
لولاش بس النظام خايب
وأجِل دوري للأخر
ماكنت فضلت فيها حي
ياريت كان دوري هو الجيّ
عشان ياكل شقايا الدود
ياريت الكشف يلمحني
فيمنحني أمل منشود
قوم افرد ضهرك المحني
عشان ماتمُتش غير مشدود
ولو خايف جحيم مثلا
ماهيش فارقة
دي نار ودي نار
وفجأة النُصح صوته يضيع
في صوت عاصف لدق الزار
وييجي اتنين تمارجية
ينادوا الميت المُختار
يجروه لعزرائيل بره
وقبل ما يخرجوا يشاوروا
بإيدتينهم على الناصح
يقولوا تعالى بالمرة
زحامكم أصله مش جيد
فيصرخ لأ ده مش دوري
ومش ميت
طب ألحق حتى رمضان
أقلّه أموت وأنا مِعيّد



أكذوبة الموت والراحة_ منة كُردى_عمرو أبو زيد

كلمات : رامى وفا 
https://www.facebook.com/ramy.wafa?fref=nf

أداء صوتى : منّة كُردى
https://www.facebook.com/Kawkabmashy

Background : موسيقى بنتين من مصر

الكلمات : 

واحدة زيي تحب ليه ؟
و تحب مين ؟
و إزَّاي تحِب !
و إزَّاي تسلِّم قلبَها المقفول لقَلب 
أهلي لسَّه بيضغطوا .. 
و بيبنوا سور ورا سور 
و انا لسَّه عارفة أشوف النور .. 
و عارفة أشِب 
- سنِّك كِبر 
= حاضِر 
- هتعنِّسي 
= ماشي 
- فيكي العِبَر 
= حاضِر 
- و هتتنِسي 
= ماشي
بتستَهبِلي .. 
شاوريلي على عيب بس فيه 
يخلليكي رافضة تقبلي 
و عمَّالة تجري ورا حلمِك المجنون 
مُستقبَلي !
و مقدَرش أشوف مُستَقبلي 
لمرَّة أولى ف الصالون 
شايفاه زبون .. 
جاي يعاين البضاعة أو يدوقها 
واحدة زيي .. 
عُمرها حتَّى ما خدِّت أبسط حقوقها 
واحدة زيي .. 
كل يوم مرايِتها أتعس م اللي قبله ... 
و كل يوم ببعت رسايل .. 
للي مفروض إنِّي اقابله
واحدة زيي .. 
كفَّها متحَنِّي غُربة 
قلبَها متحَنِّي غربة 
جِسمها بتكره معالمُه 
و اللي آلمُه .. 
فيه خلايق لسَّه عايزين يشتروه .. 
شايفينه حَي و أرض صالحة تبقا تُربة
واحدة زيي 
بطَّلت تسمَع أغاني .. 
بطَّلت تكتِب معاني 
بطَّلِت كل الحاجات 
إلا الأرق 
لسَّه ليها اصحاب زمان 
بس ولا شيء مُشترَك 
بطَّلت بُكا ع الريق
بطلِّت تختار طريق 
سابت الحِلم البريء
و الأهم .. 
بقالها فَترة مبطَّلة تصديق 
أي حاجة .. و كل حاجة 
زي سكران تاه عشان 
ما شرِبش حاجة 
و لسَّه ماشي وسط الناس يقول 
كلُّه ... 
كلُّه كِدب 
واحدة زيي ..
تحب ليه ؟
و تحب مين ؟ 
و إزَّاي تحب !


واحدة زيّى _ رامى وفا _ منّة كُردى

كلمات : شروق نبيل 
https://www.facebook.com/profile.php?id=100001492402355&ref=ts&fref=ts

أداء : خلود إيهاب ومنّة كردى
https://www.facebook.com/505a.koka?ref=ts&fref=ts

https://www.facebook.com/Kawkabmashy

الكلمات : 
ﺧﺎﻳﻔﺔ ﻳﺎﻣَّﻪ ..
ﺯﻱ ﺑﻴﺖ ﻭﺣﺪﺍﻧﻲ ﻭﺍﻗﻒ
ﻭﺳﻂ ﻏﻴﻂ ﺩﺧﺎﻥ ﻭﺿﻠﻤﺔ
ﻭﺳﻂ ﻏﺎﺑﺔ ﻣــِ ﺍﻷﻓﺎﻋﻲ
ﺯﻱ ﺣﻲّ ..
ﺣﻲّ ﻛﺎﻥ ﻣﻠﻴﺎﻥ ﻳﻔﺎﻋـَـﻪ 
ﻋﺠّﺰﻭﺍ ﻣـِ ﺍﻟﻮﺣﺪَﺓ ﻳﺎ ﺃﻣَّﻪ
ﺯﻱ ﺧﻮﻑ ﺍﻟﺒﻨﺖ ﻟﻤّﺎ
ﻋﺮّﻭﺍ ﺭﻭﺣﻬﻢ ﻣــِ ﺍﻟﺮﺟﻮﻟـَﺔ ﻭﺇﺳﺘﺒﺎﺣﻮﺍ ﺭﻭﺣﻬﺎ ﻟَﻤَّﺔ
ﻓﻲ ﺍﻟﻤﻴﺪﺍﻥ ﺍﻟﺰﺣﻤــﺔ ..
ﺧﺎﻳﻔﺔ
ﺯﻱ ﺃﻭﻝ ﻣﺮّﺓ ﺑﻤﺸﻲ
ﺯﻱ ﺃﻭﻝ ﺑﺼّﻪ ﻣﻨّﻪ ﺟﺖ ﻓــِ ﺭﻣﺸﻲ
ﺯﻱ ﻳﻮﻡ ﻣﺎ ﻟﻢّ ﺭﻭﺣﻪ ﻣﻦ ﺿﻠﻮﻋﻲ
ﺣَﻂ ﺃﻭﻝ ﺧﻴﻂ ﻓﻲ ﻧــَﻌﺸﻲ
ﺑﻌﺘﺮﺗﻨﻲ ﺍﻟﻮِﺣﺪﺓ ﻳﺎﻣَّﻪ
ﺯﻱ ﻣـَﻄﺮﺓ ..
ﺑﻌﺘﺮِﺗـﻬﺎ ﺳﺤﺎﺑﺔ ﺳﻤﺮﺍ ﻛﺎﺕ ﻣﺨﺎﺻﻤﺔ ﺳﺤﺎﺑﺔ ﺑﻴﻀﺎ
ﻭ ﺃﻣﺎ ﺟﺖّ ﺗﺼﺎﻟﺤﻬﺎ ﻳﺎﻣّﻪ ..
ﺑﻌﺘﺮَﺗﻨﻲ
ﺯﻱ ﺧﻮﻓﻚ ﻟﻤَﺎ ﻫـَﺪّ ﺍﻟﺤــُﺰﻥ ﻣـَـﺘﻨﻲ
ﻟﻤﺎ ﺷﻮﻓﺘﻲ ﺍﻟﻔـَـﻜﺮﺓ ﻣَﺮّﺓ ﺭﺍﻭﺩَﺗﻨﻲ
ﻋﻦ ﺟﻨﻮﺣﻲ ﻳَﻢ ﻣﻮﺗﻲ
ﻗﻴّﺪﻳﻨﻲ 
ﻗﻴّﺪﻳﻨﻲ إن ﺷﻮﻓﺘﻲ ﺻﻮﺗﻲ ﺗﺎﻧﻲ ﻏــَﻨّﻲ
ﻋﺮّﻓﻴﻨﻲ !
ﻫﻮّ ﻟﻴﻪ ﺍﻟﻠﻪ ﻧﺰﻋﻨﺎ ﻣـِ ﺍﻟﻨﻌﻴﻢ ﻟﻠﻐﺎﺑﺔ ﺩﻳّﺎ
ﺭﻏﻢ ﺇﻥ ﺍﻟﺨــُﻠﺪ ﻋُﻤــﺮﻩ ﻣﺎﻳﻮﻡ ﻏﻮﺍﻙِ
ﺣﺘﻲ ﺃﺑﻮﻳﺎ ﻣﺶ ﻣﻌﺎﻙِ
ﺷﺠﺮﺓ ﺍﻟﺘﻔﺎﺡ 
ﺑﻌﻴﺪﺓ ﻋﻦ ﺩﻳﺎﺭﻧـَﺎ
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..!
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..! ﺭُﺩّﻱ ..!
ﻟﻴﻪ ﺭﻣﺎﻧﺎ ﻭﺳﻂ ﺧــَﻠْﻖ
ﻳﺎﻛﻠﻮﺍ ﻗﻠﺐ ﺍﻟﺤـَﻲّ ﻳﺎﻣّﻪ ..!
ﺧﺎﻳﻔﺔ ﻣﻨﻬﻢ
ﻏﻤّﻲ ﻋﻴﻨﻲ ﺟﻮّﻩ ﺣﻀﻨﻚ
ﺩﺍﺭﻱ ﻛَﺴﺮﺓ ﺿﻬﺮﻱ ﺩﺍرﻱ
ﺇﺳﺘــُﺮﻳﻨﻲ
ﺧﺒّﻲ ﺭﻭﺣﻲ ﻣﻦ ﻛﻼﺑﻬﻢ
ﺩﺛّﺮﻳﻨﻲ
ﺩﺛّﺮﻳﻨﻲ
‫


خايفة يامّة _ منّة كردى _خلود ايهاب

لا اعرف الشخص الغريب _ محمود درويش 

لا أعرف الشخص الغريب - محمود درويش

بكوب الشراب المرصّع باللازورد
انتظرها،
على بركة الماء حول المساء وزهر الكولونيا
انتظرها،
بصبر الحصان المعدّ لمنحدرات الجبال
انتظرها،
بذوق الأمير الرفيع البديع
انتظرها،
بسبع وسائد محشوّةٍ بالسحاب الخفيف
انتظرها
بنار البخور النسائيّ ملء المكان
انتظرها،
برائحة الصّندل الذّكريّة حول ظهور الخيول
انتظرها،
ولا تتعجّل، فإن أقبلت بعد موعدها
فانتظرها،
وإن أقبلت قبل موعدها
فانتظرها،
ولا تجفل الطير فوق جدائلها
وانتظرها،
لتجلس مرتاحةً كالحديقة في أوج زينتها
وانتظرها،
لكي تتنفّس هذا الهواء الغريب على قلبها
وانتظرها،
ترفع عن ساقها ثوبها غيمةً غيمةً
وانتظرها،
وخذها إلى شرفة لترى قمرًا غارقًا في الحليب
انتظرها،
وقدّم لها الماء، قبل النبيذ، ولا
تتطلّع إلى توآمي حجلٍ نائمين على صدرها
وانتظرها،
ومسّ على مهل يدها عندما
تضع الكأس فوق الرخام
كأنّك تحمل عنها الندى
وانتظرها،
تحدّث إليها كما يتحدّث نايٌ
إلى وترٍ خائفٍ في الكمان
كأنكما شاهدان على ما يعدّ غدٌ لكما
وانتظرها
ولمّع لها ليلها خاتمًا خاتمًا
وانتظرها
إلى أن يقول لك الليل:
لم يبق غيركما في الوجود
فخذها، برفقٍ، إلى موتك المشتهى
وانتظرها 

محمود درويش - كاماسوترا في فن الإنتظار

Turkish Sufi Music - Dervişane - Bir Sultan Göründü (A Sultan appeared with green flag)

Dervişane - Bir Sultan Göründü (A Sultan appeared with green flag)

وانتظرها إلى أن يقول لك الليل: لم يبق غيركما في الوجود


انتظرها- محمود درويش - الثلاثي جبران

عن انسان - كاميليا جبران - شعر محمود درويش

إبتهال بعنوان " إلهي " للشيخ | النقشبندي

إلهي | إبتهالات النقشبندي

رباعيات صلاح جاهين

قل للمليحة في الخمار الاسود .ماذا فعلت بناسك متعبد
قد كان شمر للصلاة ردائة ..حتى وقفتي له بباب المسجد
فسلبت منه دينه وبقينه وتركتيه فى حيره لا يهتدي
ردي عليه صلاته وصيامه لا تقتليه بحق دين محمد
قالوا تسلي عن المحبوب .. قلت بمن ؟؟
كيف التسلي؟؟؟ وفي الأحشاء نيرانِ..
إن التسلي حراام في مذاهبنا ... وكيف أرضي بكفر بعد إيمانِ
فشارب الخمر يصحو بعد سكرته ...وشارب الحب طول العمر سكرااان
أي شئ في العيد أهديه إليكي يا ملاكي ..
وكل شئ لديك أسوارا .. أسوارا ..
أم خمورا..!
وليس في الأرض خمرا كالتي تسكبين من عينيكي ..
أم ورودا ..!
والورد أجمله عندي الذي قد نشقت من خديكي..
أم عقيقا..!
كمهجتي يتلظي والعقيق الثمين في شفتيكي.
ليس عندي أعز من الروح ...وروحي مرهونة في يديكي
بلغوها .. 
بلغوها إذا أتيتم حماها ..أنني مت في الغرام فداها..
وأذكروني لها بكل جميل عساها أن تحن عليا عساها ..
وأصحبوها لتربتي ...فإن عظامي تشتاق ان تدوسها قدماها ....
--------------------------------------------------------------

قصة قصيدة قل للمليحة فى الخمار الأسود

في العصر الأموي الأول
عاش ( الدارمي ) وهو أحد الشعراء والمغنين الظرفاء في الحجاز
وكان يتشبب ( يتغزل ) بالنساء الجميلات، إلا أنه عندما تقدم به العمر ترك نظم الشعر والغناء وتنسك وأصبح متنقلاً بين مكة والمدينة للعبادة ..
وفى إحدى زياراته للمدينة التقى بأحد أصدقائه وهو من أهل الكوفة بالعراق يعمل تاجراً ، وكان قدومه إلى المدينة للتجارة ويحمل من ضمن تجارته (خمر عراقية)

فباع التاجر العراقي جميع الألوان من تلك الخمر ما عدى اللون الأسود،
فشكا التاجر لصديقه الشاعر ( الدارمي ) عن عدم بيعه اللون الأسود
ولعله غير مرغوب فيه عند نساء أهل المدينة فقال له: ( الدارمي ) لا تهتم بذلك فإني سأنفقها لك حتى تبيعها أجمع،
ثم نظم ( الدارمي ) بيتين من الشعر و تغنى بهما كما طلب من مغنيين بالمدينة وهما (سريح وسنان) أن يتغنوا بالبيتين الذي قال فيهما 
قل للمليحة فى الخمار الأسود ** ماذا فعـلت بـناســك مـتعبـــد
قد كان شـمر للصلاة ثــيابــه ** حتى وقفـت له بباب المسجـد
و أضاف إليها أحدهم بيتين آخرين هما:
فسـلبت منه دينــه ويقـيـنــــه ** وتركتـه فى حــيرة لايهتــدي

ردي عليه صلاتـه وصيــامــه ** لاتقـتـليـه بحـق دين محمــــد 
فشاع الخبر فى المدينة بأن الشاعر ( الدارمي ) رجع عن تنسكه و زهده
وعشق صاحبة الخمار الأسود، فلم تبق مليحة إلا اشترت من التاجر خمارا أسوداً لها. فلما تيقن ( الدارمي ) أن جميع الخمر السوداء قد نفذت من عند صديقه ترك الغناء
و رجع إلى زهده وتنسكه ولزم المسجد

قل للمليحة في الخمار الاسود & ابعتلى جواب على الهلباوي

الحـُـب موجود ♥ .. عمر طاهر

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف على حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل ..
ما كملتش ف اى قعاد !
و بدى للحياة بالكاد
ما يكفيها
و يكفينى
شرور البهدلة فيها ...

تفرانيل 100: مصطفي ابراهيم / شعر

دينا الوديدي - وِحده

Follow on Social Networks:

www.twitter.com/amrsobhy
www.instagram.com/amrsobhy
google.com/+amrsobhy
www.facebook.com/amr.sobhy
قصيدة ارتباك - من ديوان ذات الرداء القرمزي 
عمرو صبحي 

Ertebak Amr Sobhy | عمرو صبحي ارتباك

كلمات و أداء : منة كردى


فاكر كلمة ( وحشتينى ) ... ؟ 
فاكر لما قولتلى ( عاوز حضن كبير ) .... ؟
يوم ما قلتلى هاخدك ونلف العالم
يوم ما وعدتنى انى هتخلينى أسعد واحدة فى الدنيا
كنت طايرة مـ الفرحة لأنى كنت حاسّة انك فعلا صادق
ولأنى كنت واثقة فيك , قررت أفضل مبتسمة على طول
فاكر لما قولتلى انتى حاجة منّى .....!
انتى مش فاهمة حاجة....
قلبى طار مـ الفرحة بعدها
لما قولتلى مش هقولهالك دلوقت لإنها مسئولية
على قد ما وشى كشّر شوية بس انبسطت أكتر أد ايه انت بتقدّر العلاقات
فاكر جملة ( هعوزك حلوه على طول عشان لما اجي اخطفك) 
فاكر لما سألتك : انت مبسوط ؟؟
قلتلى : مين يبقى عنده انتى وميتبسطش
مش هنسى لما قلتلى أنا ابتديت أغير من حُبّك لباباكى :)
متتأخريش عشان وحشتيني والبيت وحش من غيرك
ولّا لمّا قلتلى ممكن أكلك ؟؟ :)
ياترى انت فاكرنى أصلا ؟؟
أنا مش زعلانة اننا مبقناش زى الأول 
 أنا زعلانة عشان انت فعلا وحشتنى
انت علمتنى ازاى اضحك وافرح
عرفتنى يعنى ايه حلم مرتبط بشوية سعادة
مش هنساك
بس ...
هتمنى أكون معاك

إنتى حاجة منّى


Follow on Social Networks:

http://www.twitter.com/amrsobhy
http://google.com/+amrsobhy
http://www.facebook.com/amr.sobhy

 عن الخطط المؤجلة، والأحلام الباهتة. عن البعيد الذي لا يقترب، وعن القريب الغريب. عن الدفء الذي لا نجده سوى في كوب قهوة في ليلة شتوية حزينة، والقرب الذي لا يجاوز احتضان وسادة مشبعة بالاكتئاب. عن العالم الذي لا ينتهي، وعن الخواء الداخلي المتنكر في صباحٍ ملئ بالطقوس المكررة. عن التنهيدات المسائية، وعن الصحبة المزيّفة. عن الخذلان. عن البُهتان. عن الرضا بالقليل الكثير. عن الغربة في الوطن، والاغتراب في النفس. عن الهمس، وعن الأشخاص الذين لا يتكلمون، مهما أردنا ذلك. عن الحبيب المفقود، وعن الجميل الذي لا يأتي. عن الحضن الذي يتسع للكون وعن البكاءِ على صدر امرأة. عن الخريف، والاكتئاب الشتوي. عن لعن الصيف والتوق للربيع. عن الجميع. عن القلوب الصدئة، والأرواح المهترئة. عن المشاهد المكرّرة والمشاعر المعبئة. عن الأرق الذي يستوحش وعن المساء السرمدي


عمرو صبحي - عن العالم الذي لا ينتهي Amr Sobhy

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

مع إنه شاطر فـ الحساب - منة كردى

Menna kordi