شٍعر🖤")

Poet

😍

ساعات أحب حاجات ميحبهاش غيري

شعر

غني للحب ماجدة الرومي

كلمات و إلقاء : محمد دهشان 
www.facebook.com/moh.dahshan


بداية القصة كالعادة
تقابل ناس وبالصدفة
يخشو القلب بزيادة
فتتحير
وبين اليوم ويوم تاني
بتكتر ايمنات ربك
بإن ما حد يتغير
ولجل انك صحيح طيب
فكالعادة .. تصدقهم
يمر الوقت تعشقهم
وتقطع كل قيد رابطك
بناس عشات سنين وياك
وتنساهم .. وتسبقهم 
عشان في ناس تقابلهم
يخشو القلب بزيادة 
فكالعادة .. بتلحقهم 
وتطلع بره من دنياك 
تعيش دنيا مهيش دنياك
جريت ورا ناس مهيش ناسك
ولجل الناس نسيت ناسك
بقو هم اللي بيخلوك
في دنياهم بتتنفس
ولكن وانت وياهم
همومك رافضة تتنفس
يمر الوقت كالعادة
وكالعادة .. طباع الناس
مهيش ثابتة بتتغير
وعالمسرح خلص دورك
وكالعادة بقيت كومبارس
فترجع دنيتك تاني
تعيشها تاني .. وحداني
فتتنازل روحك عنك
وتبقى في مكان تاني
فتبقى انت هنا فدنياك
وروحك خاينة رايحة هناك
في ناس سابت حجات جواك
لكن الذكرى ما بتشفي
ومن كتر الدموع جواك
فنور ضحكة عنيك يطفي
ولجل انك كتير ساكت
ولا حدش فيهم سامعك
ولا حدش فيهم فكر
سواد عينك ده مالارهاق
ده ولا كان أثر دمعك
وكالعادة .. فلسه بيبعدو عنك
حجات كتير تاهت منك
مابين العزلة و الوحدة
ويوم ما تعد مين حوليك
تلاقيهم اقل كتير
من صوابع كفك الوحدة
في ناس سابت حجات جواك
وناس بيعاك .. ومش فكراك
إزاز مكسور سابوه جواك
ويوم ما تقول انا منسي
يلومو ليه بتتغير
صحيح القصة بتحير
وبتحير نهاية القصة وياهم .. وبزيادة 
كما كانت بداية القصة كالعادة

محمد دهشان .. كالعادة

بتلوموني ليه - حليم

احمد الطحان / زينب

وحياتك ضلك قلي

جانا الهوى جانا ورمانا الهوى رمانا
ورمش الأسمراني شبكنا بالهوى
آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي

يا راميني بسحر عنيك الاتنين
ما تقوللي واخدني ورايح فين 
على جرح جديد والا التنهيد
والا على الفرح موديني 
أنا باسأل ليه واحتار كده ليه
بكرة الأيام حتوريني 
خلينا كده على طول ماشيين

آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي

عدينا يا شوق عدينا
على بر الهوى رسينا 
دنا عمري معاك وهوايا هواك

زوق يا نسيم خطاوينا
ويا نجوم السما ضمينا 
وخدينا بعيد وحدينا
وخلينا كده علي طول ماشين

آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي

طوحنا يا هوى يا هوى طوحنا
وأمانة ما يوم يا هوى تجرحنا
وتقربنا ما تبعدنا وتفرحنا بحبايبنا
وإن خدنا الشوق ريحنا 
خلينا كده على طول ماشين

آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي


جانا الهوا

مصطفى قمر _ بنت الجيران / أصحاب أنا وانت ولا

كلمات : آلاء أشرف 
www.facebook.com/alaa.ashraf.5264
إلقاء : محمد دهشان 
www.facebook.com/moh.dahshan

عمرك سمعت عن ان حالة اختناق 
ماتت نتيجة دمع محبوس ف الوريد 
او كلمة واقفة ف الرئة ..
او نبض عارض ضخة القلب العنيد .. علشان يُقف 
على بعد خطوة من الحياة و قرب شِبر من النهاية المحتمة ..
عمرك سمعت ان الضحية مجرمة رغم ان سبب الموت مكانش الإنتحار .. 
او  ان الروح ترجع لجثة ف مشرحة 
ابر الخياطة لسه فيها ماتشالتش 
و الروح بتنسج من بواقي الجسم هيئة اجنحة ..
فَ يرُدّ سليم و يقوم و يعيش .. 
عدت ف حياتك دي يا دكتور 
جاوب بصراحة و ماتخبيش ..
بالتأكيد لأ .. كان عندك حق 
تقرير الطب الشرعي فشل  
انه يفسر اسباب الموت 
مقدرش يفسر ان الدمع بيكوي الأعصاب من جوة 
و ان الأمل اللي يخيب ف الناس بيهدك من بعد القوة 
و ان النور الفاضح قلبك كان بيسبب اعطال فيه ..
و ان كلام كان مش من حقك انك حتى تدندن بيه ..
لما اتراكم ف حيطان حلقك سبب نزف .
ف اتكلمت بصوت مكتوم 
عُمر اللوم ما يرجَّع حد 
ف بتنزف روحك ع الفاضي 
و النفس الخارج من صدرك على شكل حروف 
بتمس الأرض بإحباط ..  
كان الأموات حلوين جدا 
بس احنا ماكُنّاش شايفينهم وقت ما كانوا 
و كأن الدنيا بتعمل سور 
على كل المتهمّش فيها 
و تخبي مزايا جميع الناس 
و ما بعد الموت بس يبانوا .
الطّبع البشري اللي مأثر على اغلب علاقاتنا الفانية 
حب الدنيا 
و الدنيا اساسا مخلوقة كَـ مكان بيجمّع بين النّاس 
و خيوط اقدارهم تتشبّك 
لكن ف الرؤية المحدودة الناس بتقطّع من بعض 
يتولِّد بُعد ..
و بيُقفوا ف صفين او أكتر 
ف الغالب واحد كان سايب بإرادته عشان مالقاش اسباب يمسك ف الناس 
زي اما تقول .. انا عايز اسيب لكن مستنيلك غلطة علشان لما ابعد احسبها و اقول ده نصيب 
و ان فراقنا مكانش حصل من غير اسباب ..
و كأني بقولك حرفيا من غير مـَا استخدم اي كلام .. ان انا كدّاب 
مشهد متكرر 100 مرة 
و يعيش الطرف اللي يسيبك 
و تموت اخلاصا ل حبيبك 
و حبيبك بيستف ورقه .. و يشوف هيحُطّ مكانك مين 
حطّيت ثقتَك كلها ف ايديه و لذلك مش قادر بعدُه تدّي امان للبني آدمين ..
قولي يا دكتور
لو كل كلامي حالات تشبيه
و مجاز للحال 
ازاي في عيال لسه ماوصلوش سِنّ العشرين 
بيموتوا بفعل عوامل جرح 
و يعيش جواهم خوف يكبر كل اما يشوفوا من الدنيا  
ده لحد اما يموتوا اخيرا 
من فَرْط وجود الأدرينالين

أدرينالين .. كلمات : آلاء أشرف .. إلقاء : محمد دهشان

أحمد الطحان | ماتجيليش شارب

LP - Other People

كان بلياتشو متخصص.. يموت قدامها تضحكله
وكان عارف بيبني ازاي.. ملامح ضحكة على شكله
وقف على كرسي قدامها.. وشد المشنقه بإيديه
وهو لقى إنه بلياتشو.. مقالشي هو نفسه ف إيه
ده كان لما يشوف دمعة.. يروح ويشيلها في المونتاج
وكان لو يوم يعوز ضحكة.. يقوم يرسمها بالمكياج
وقف قدامها عالكرسي.. وشد المشنقه بإيديه
فجه واحد و قال وقف.. وضحكوا الناس علي الإفيه
فضل يضحك علي نفسه.. ومش عارف بيضحك ليه
***
كان بلياتشو متخصص.. يموت قدامها تضحكله
وكان عارف بيبني ازاي.. ملامح ضحكة على شكله
وقف علي كرسي قدامها.. وشد المشنقه بإيديه
دخل بدماغه في الحلقه.. وشدوا الكرسي من تحتيه
وهو لقى إنه بلياتشو.. مقالشي هو نفسه ف إيه
وفي المرة دي تحديدا مجاش واحد..
كما العادة في آخر لحظه قال وقف
وبص ف عينها وقت الموت.. تخيل وقتها شاف إيه
لقاها واقفه بتصقف.. مع الجمهور على الإفيه
وكان بلياتشو متخصص.. مقالش هو نفسه ف إيه
و كان عارف بيبني ازاي.. ملامح ضحكة أو إفيه
وكان بلياتشو متخصص.. وراح مع دوشة السوكسيه
كلمات : عمرو حسن
الحان : يحيى نديم

تابعنا على فيسبوك:facebook.com/GazagaBand
تابعنا على تويتر:twitter.com/GazagaBand

بلياتشو - عمدان النور

رامي جمال يخليك ليا

 جيبتلي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز 

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك 

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 
قلت هى لا مش هى 
فتشتنى الدمعه عن الميه
كنت أنشف من حطب محروق 

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

ردنى عالباب عطب روحى 
جابلى ناى وزتون مطروحى 

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح 

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح 

حزن يا بقال ورا الجامع
هات بنص ريال عسل فى الكوز 
خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز 

كلمات : خالد عبد القادر
 الحان: يحى نديم
غناء: فرقة عمدان النور

facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

Seeret El Aragoz - سيرة الاراجوز

مقاطع الحب والموت من ديوان " طرق الانتحار الآمن " 

معرض الكتاب 2018

هندسة صوتية : منه كردى

غلاف: ضياء إبراهيم
https://www.facebook.com/diaa.ibrahim2?ref=br_rs
أداء : منه كُردى
https://www.facebook.com/profile.php?id=100006013594263&ref=br_rs
محمد دهشان
https://www.facebook.com/profile.php?id=100000885717560&ref=br_rs
خلود إيهاب
https://www.facebook.com/kholoud.ihab?ref=br_rs
والإهداء لـ أحمد عثمان
https://www.facebook.com/myt.7y

برومو ديوان " طرق الانتحار الآمن "

حارب لوحدك - شعر وإلقاء باسم فتحي +18

أداء صوتي : منّة كردى
https://www.facebook.com/mennakordii

كلمات : أحمد السعيد
https://www.facebook.com/ahmed.elsaeed.1865

هندسة صوتية : منة كردى

الكلمات :

-"وحشتنى"
شيلت الخناجر من قفص صدرى وفتحته للهوا
ورجعت لاختى بسخريه قلتلها "انتى اوحش"
-"طمنى فاضل قد ايه؟"
-"لأ لسه...مَبعدّش"
وإيديا واحده بتعدل الهيدفون
والتانيه شرطى غشيم بيكتم بوق قلبى عشان ماتطلعش الحقيقه
فى لسه فاضل ٦٧٢ يوم وست ساعات ونُص وكام دقيقه
.
فى حاجات غلط
من ضمنها
*كِدب اللى قالوا القُرب بالنيّه
*خوفكو عليا من انى اجوع ..خافو.. م الاكل وحديّا
*كون اللى قبلى خانهم التعبير فقالو
"كل الحاجات المؤذية ف الغربه قادره"
كان قصدهم
كل الحاجات القادرة مؤذيّه
.
"يا مسافر وحدك"
مش بس أغنيّه
.
أنا وِشّى حَجّر م التصنّع ف الصور
وعنيا لمّا قلبى زغلل شُفتها بتدُق
كل الحاجات -بيقولو - حلوة اشمعنا انا
فتّحت عين شباك أوضتنا الصبح خفت بجد
شافو القصور والسيارات والروشنه
وانا شفت خرسانه وناس "هى كالحجارة أو أشد"
هما اللى صح..اتمتعوا بالراحه والجو النضيف
وانا قروى ساذج ماتبسطّش لما بدّلت القهاوى بالمولات
والناصية بالتكييف
.
وبيسألو
ايه اللى ممكن يكسرك ف الغربه دى
وانتا ابن شتل الرز والسوق والعتاله؟!!
قلت..
الكفاله
الشبشب الباغه العبيط طيب
و "السيفتى" قاسية ومؤذية
جرحت صباع قلبى الصغيّر لما داست بافترا رقاب العماله
.
نفس المكان بالظبط..
أبرهه لم يموت
الفيل بقا العمال
واحنا بقينا السوط
انا كنت شاعر فى بلاد المرمطه
ازاى بقيت جلاد ف بلد القوت
.
ملّيت صرخت كأنى بيت بتهد
"انا احب اقول الشعر ف الحلوين"..
محدش رد
" أتحبُنى بعد الذى كانَ"..
محدش رد
"صوتك أرق من النايات"
جعلو اصابعهم ف تاتش الأيفونات
وانفضّوا من حولى
.
أمى اللى عبّت شنطتى شافت
ان الهدوم والأكل و الشاى والصابون أولى
من صوت ابويا وحضنها و عيون كريم ورنا
أو ربّما ..
-علشان منظلمهاش-
خافت من الوزن الزياده وخنقة التفتيش
أول لمّا شافت إن ضيق الشنطه ميساعنيش
ضحّت بإنى احيا..
ف مقابل انى أعيش
.
.
.
هارجع ..
لأن الميّه ف الحنفيه لا تصلح هنا للشرب
لأ القُرب لازم يتسند بالقرب
لأن اخواتى رابطينّى بأستك لم يفكه الغُرب
هارجع..
لأن لمصر ريحه وصوت ولون ..
وعيون بتستنى العيون
لإنى مستحيل اسمح
أنقّط حقى ف مراتى ..
مكالمات فيديو وعيالى..
صور خلفيه ع التليفون.
.
ان جيتو للحق بصراحه..
الوضع مش بالحزن دا
كان ممكن اكتب نَص أبهج من كدا
لكنكم
بتميلو أكتر للبكا ولأنكم
انتو بكايا..
بميل لكم

سِيدَا _ منّة كردى _ أحمد السعيد

احمد الطحان || كانت عيني واجعاني

احمد الطحان - كانت عيني وجعاني

ورشة اليوم الواحد بمشاركة ١٠٠ شخص -إيه العبارة

حزر فزر من غير وزن
خايف النكتة تتوه في الحزن
عندي سؤال حيفرتك مخي 
لو انا كتمته و ما سألتوش

إيه هي الثورة
مين اللي عملها
فين اللي حماها
مين اللي سرقها
مين ماسك إعلامها

مين اللي حاكمنا محاكمة عسكرية
مين اللي بيوصفنا ان احنا بلطجية

فين الدبابة
مين اللي سايقها 
مين اللي دهسنا
إيه العبارة

مين اللي واكسنا
مين اللي مجوعنا
مين قاتل فرحتنا
إيه العبارة

مين اللي مخونا
مين اللي مفرقنا
مين اللي كابتنا
إيه العبارة
؟؟؟؟
Riddle me this, riddle me that
I'm afraid the joke
might be swallowed by the sorrow
I have a question
If I don't voice it, if I suppress it
my head will explode
What's going on?
What is the revolution?
Who created it?
Who protected it?
Who stole it?
Who controls its media?
Who is trying us in military courts?
Who is describing us as thugs?
Where is the tank?
Who's driving it?
Who crushed us under his wheels?
What's going on?
Who's setting us back?
Who's starving us?
Who's destroying our joy?
Who's calling us traitors?
Who is dividing us?
Who is repressing us?
What's going on?

What's going on? إيه العبارة

Up By Ahmed Mandooz

Haytham Shaker - Leh2tiny | هيثم شاكر - لحقتينى

والله انا بريدك😍💜

من قتَل يُقتَل .. 👌

منى اليكى .. 💔

انا مليت #من تأليف اميرة البيلى

سلّمت قلبي للهوى- آية رزق- منة كردي

صراع داخلي ٢ _ محمود طه

الحـُـب موجود ♥ .. عمر طاهر

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

يوماً ما - بكرى بيخلص هالكابوس ، بدل الشمس بتضوي شموس 🎵

الحريف


قصيدة \ ضفاير 
كلمات\ ضياء الرحمن 
تسجيل \ عبد الرحمن خالد 

Diaa El Rahman - Dfayer

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

سلّمت قلبي للهوى- آية رزق- منة كردي

Menna kordi