kholoud

Samo

شِـعْـر

شعر

الحان وكلمات

خواطر

with love

منة كردى

ربنا يرحمك ويجمعنى بيك فى الجنة

ربنا يجمعنى بيك _ منة كردى

راديو فرح

كنت مرعوب من طريقي
والدروب متلخبطة
بين زفيري وبين شهيقي
بانزف الاحلام خُطى

وابتسمتي
ف ابتسامتِك كنت باهرب فيكي مني
واترسمتي
شباكين على كل حيطة بتقابلني

جرحي قالك اني خايف
صمتي قالك مش هاعارضِك
كفك اتحوّل شفايف
كفي حس بطعم نبضِك

وابتسمتي
ف ابتسامتِك كنت باهرب فيكي مني
واترسمتي
شباكين على كل حيطة بتقابلني

فجأة أول ما اتلامسنا
كل شئ جوايا طاوعِك
والحروف غايبة ف حديثنا
رعشتي اتهجّت صوابعِك

وابتسمتي
ف ابتسامتِك كنت باهرب فيكي مني
واترسمتي
شباكين على كل حيطة بتقابلني


Johnny George-‎‏-وابتسمتى

يارب انا مملكش غير حبّة زعل
نِفسى فـ يوم ما يطوّلو
القى فـ قلبى براح عشان
انسى الزعل وأتحمّله

يمكن بقالى كتير أوى 
مركعتهاش
فإكسرنى يمكن
أفتكر طعم الصلاه

عارف يارب بجد إيه المشكله؟
المُشكله ان الطريق
ادامى اهه
لكن بروح لطريق بعيد
واللهِ مش علشان عنيد
يمكن عشان داء الكسل

فإمشى كتير وارجع وحيد
وارفع اديا وأقول يارب
مفضلش منى غير ذنوب
نفسى أتوب 
متردنيش 
القاك فاتحلى باب جديد
علشان اعيش

تنسالى كل اللى اتعمل
وافضل معاك
 وارجع
وأتوه عن سكّتك
وأعيد جميع ما قد حصل
وامشى لواحدى فـ الطريق
فـ يصبنى ضيق
وآجى وانا ندمان اوى 
علشان تنسينى الزعل
.........
كلمات : محمد  ابراهيم
الحان و غناء : أمنية حسن
عود وغناء : اسلام الأبتي

لينك التحميل
http://www.2shared.com/audio/0_hdsg9J/YA_rab.html

حبــــة زعل

كلمات : أحمد عُثمان
https://www.facebook.com/myt.7y

عزف : أندرو وأحمد سيراج
https://www.facebook.com/androw.mories?success=1

ميوزك : Tarrega - Francisco - Recuerdos - De - La - Alhambra
https://soundcloud.com/andrew-atef-mories/tarrega-francisco-recuerdos-de

أداء : منة كُردى
https://www.facebook.com/Kawkabmashy?ref=tn_tnmn

المطحونين جوا الرحايا فى الحوارى الضيقة 
مستنجدين ب الشمس ع الوجع المعشش فى الضلوع
معروف يا جوع ان الامانى المستحيل نوصل لها
عمرها ما تمطر رجوع
معروف يا ضل المولودين تحت السحاب 
ان السحاب 
و لا طن دم يشبعه 
مرفوض يا شعر عن الوطن 
طول م الوطن 
بالجهل امه ترضعه
ملان يا  جفنى من النعاس على جتتى
وانا بدعى ليه ان الطريق وسط السما يوسع بقى  
احتمال البعد عن وسط الشقا
كان طريق الابتسامه ل دمعتى 
احتمال الجرح 
كان طريقى للبلوغ ف الشرنقة
ادم بيدعى ان البشر 
يتحنو ضل التفاحات على سترهم 
غاروا الشجر
قال اهبطوا 
ان الغواية 
كات طريقكم للصمود ف المعضلة
انى رأيت قلب العيال
ثابت ثبات الاولين 
ف الاخرة
انى لقيت ان السكات شد الضلوع
شالهم بكفه للسما
انِ ابتغيت ضم الخطاوى الممكنة
ف افهم بقي
ان انت من حضن الخطيئة المؤمنه
#

آدم _ منّة كردى

كلمات: رووان صقر

اداء صوتي: زينة قُطري

عارف ساعات..

كتابة :
 @A_3adl
@Rowan_Suqr
@ZeinaCoutry

 أداء صوتي : 
@ZeinaCoutry

فاكرة!

Lyrics : el sayed gaber - mario
www.facebook.com/ElSayedmgaber
follow : www.facebook.com/AFLTONSTORY
Vocal : menna kordi
https://www.facebook.com/Kawkabmashy?ref=tn_tnmn
اللي أعرفه
لما تتفارقوا ليه تودعوا بعض
لما أنتوا مش راجعين
لما تتواعدوا ليه بتنسوا بعض
مع أنكم فاكرين
كل شئ بينكم قريب،لكنه بعيد
ماقصدش أني تمام ولا حتي بالمظبوط
معرفش تقريباً ولا حتي بالتحديد
اللي أعرفه،..وموجود
لما نحل بنربط،ولما نحب بنسكت
وندور نعاند بعض
في المسرحيه نمثل،ومصدقين جداً
مع أننا بنكدب،ويمكن يكون عنداً
دايره وكاسات فاضيه،والكوبايات مليانه
محدش أستكفي ولا حد كفاها
قالوا الحياه مره
وأزاي نعيش بره وأحنا جواها
حلوا الضفاير،محدش وراها داير
أتعاملوا بـ المكيال،الدنيا أخد وعطا
عارفين في شئ ميال،والقرب ستر وغطا
مش كل الخمور مرٌه،ولا كل العتيق شربات
في حاجات ذاتها
ماتسئلش أيش معنا ذات 

اللى أعرفه _ منّة كُردى

أداء و فضفضة : منّة كُردى
https://www.facebook.com/Kawkabmashy?ref=tn_tnmn

Music : مسلسل ذات

كانت مقررة
إنها عايشة لـ نفسها
كانت دايماً
تضحك وتفرح من قلبها 
ولا عُمرها كانت متحيّرة

فـ ثوانى
دخل عليها بـ كلامه
ورسملها الدنيا ورد
خافت أوام قالت …
قصّة زىّ اللى قبلها
قلبها مكنش ناقص
بـ كفياها جرح سابق
ولا كان معاها…
فارق اهتمامه

واحدة واحدة …
رجع من تانى يقاوح
ويقوّى نفسه بـ احساسه
مشاعره كانت بتطمّنها
وقالت عمره ما يكون ملاوع

وافقت ولمّحتله وابتسمت
راح أوام قال بحبك
من هنا …
بدأت حكاية
فتحت للدنيا قلبها
وكل عين فيها ضحكاية
زى الطفلة لمّا تتعلّق
قلبها مبّطلش دقّ
ما أصلا خلاص لـ قلبه رقّ
وعليه كان ينادى

شهر والتانى
كانت بداية النهاية
لمّا بدأت فى سكاتها
زى غيره أوام جرحها
مسكت دموعها وبدون كلام 
مشيت …
هجّ الحمام من مكانه
بعد ما كان متبّت فيه
بعد ما كان مصدّق كلامه
رجعت زى ما كانت
وقررت …
تعيش لـ نفسها

حكاية عدّت _ منّة كُردى

كلمات : أحمد عُثمان
https://www.facebook.com/myt.7y


عود : عمار الشريعي
https://soundcloud.com/yasser-naeim-1/yjctoeykfw49

تابع من هنا : 
https://www.facebook.com/IamNotInane

أداء : منّة كُردى
https://www.facebook.com/Kawkabmashy


ياه
عجزت اوي من يوم ما شايك برد
وقفة المترو لوحدي فقدت طعمها
زمان
كنت اسيب النور واجيلك 
دلوقتي زارنى الشيب
وانت دقنك لسه بتنبت
ياه
لما كل العيال لمت ضلوعها لوحدها
وانا وانت لمينا الضلوع مع بعض
كنت دايما تقولي
الضلوع الجمع شلة
وانا وانت نفس الضلع
ياه لما كات الضلة
ب تضللك 
ف تشدها لضلي
مانت عارف منيش قد الجروح م الشمس
قلبك الساقع سرق ساعتى
وسابنى طول العمر ف محطة
واقف وكل الطيرة شمتانه 
سابك يا عم وساب كمان غيرك 
مين يعنى كان طيرك
علشان تسيب الخلق تتوضى 
شالو الميدان منى 
حطوا العيال فيا
راح مترو جه مترو
والتعويذات هيا 
عبدونى وداقونى 
شدونى ع السكة 
وانا عينى ع القضبان 
يمكن اجيب اخرك 
غموا عينيا لفوق 
انا قلت اسبحلك 
سجدولى وانا مصلوب 
ضحكولى وانا ميت 
شايفك بترقينى من بين خطاويهم
مخنوق وبتعافر علشان متتشافشى
انا قلت حى يا ناى 
معروف سيبونى امشى
وطى يا مترو يا جاى 
حاول متضحكش 
صاحبى اللى كان شارع
بقى ف الطريق حفرة 
سابنى على الدكة 
خد منى تذكرتى 
انا قلتله راجع 
قال لى اكيد بكره
فات بكره ورا بكره
وانا لسه ف مكانى 
مزروع ريحان وزبيب
شفته بيضحكلى 
انا قلت لازم جى
بصيت ف شريانه 
انا شفت ناس غيرى
صفيته ف مكانى 
قالى متزعلش 
زيك كتير فوتهم
لجل انى افضل حى   
#
احمد عثمان

مترو _ منّة كُردى

كلمات : إيمان الميهي 
https://www.facebook.com/eman.abdoullah?directed_target_id=0

أداء : منّة كُردى 
https://www.facebook.com/Kawkabmashy?ref=tn_tnmn

إيجار مؤقت _ إيمان الميهى  / أداء : منة كردى

كلمات : Abdelrahman Mohamed‎‏‏
www.facebook.com/abdelrahman.mohamed86

أداء : منّة كُردى
www.facebook.com/Kawkabmashy?ref=tn_tnmn

امي
بلاش تبصيلي البصة اياها
و متحضنينيش
حضتنك بقى كما دش ساقع
في عز البرد
وانا مبقتش حمل البرد
امي انا اصبحت زي التراب ع الارض
بتبعتره الاقدام
ومن حبة هوا بيطير
لكنه باقي كما الايام .. كما المشاوير
امي انا كاسرني السؤال
وكاسرني زيف المعاني
امي .. متغنليش
مبقتش حمل الاغاني
صوتك الدافي معادش بيلصم
امي متتضخضيش
من من صفار وشي
وشيب شعري
امي انا مكسور
كما وزن القصيدة في شعري
امي انا تعبان من الوحدة ..
من الزحمة وكتر الناس
و انا قلبي ياما انداس
وياما لم .. من صحبة و اغراب
امي .. انا بس نفسي تفهمي
فرط الحنان بيعلم القسوة
فرط الحنين بيجلب الغربة
بيخلي قلب الواحد كما التربة
بتلم ناس ياما .. وتضم ناس ياما
في حضنها .. لكن رفاة
وااااه يامي ع الوجع
لو تحضني الاموات
اموات يا امي .. يشبهوني تمام
امي .. سبيني انا عايز انام
و بلاش تبصيلي البصة اياها

البصّة إياها _عبد الرحمن محمد _ منّة كُردى

تتجوزيني؟ 
من ديوان ضحكة طالبة التأشيرة 
كلمات : Mostafa Eltelwany
https://www.facebook.com/mostafa.eltelwany.5?hc_location=timeline

https://www.facebook.com/pages/%D9%85%D8%B5%D8%B7%D9%81%D9%89-%D8%A7%D9%84%D8%AA%D9%84%D9%88%D8%A7%D9%86%D9%8A/309842119043025

أداء : منّة كُردى
https://www.facebook.com/Kawkabmashy?ref=tn_tnmn

_ تتجوزيني ؟
 _خايفة تفارق زيهم 
 _طب توعديني ؟
_ الوعد للأحرار وبس
وانا قلبي مربوط بالوجع
يمكن يكون قُربَك ونَس
لكن أكيد بُعدك شقا
خايفة العشم يقلب مقَص
لأي فرصة ف اللُقا
_ لو تحضنيني!
_ مش عايزة آخد ع الدفا
مش عايزة أشرب ضحكتَك
تفضى كاساتي ف غُربتَك
أعطش وملقاش ضمِتَك.
_ لو تسأليني ..! , أصلي بحب الفضفضة, يمكن أغيَر نظرتِك, يلا أنكُشي فيا بضمير, يجوز نغيَر ما مَضى.
_ ازاي تنول ضحكة قبول من بنت خايفة من الوجع, قول لو جدع!
 ............_

تتجوزينى _ مُصطفى التلوانى _ منّة كُردى

".........................................................."

الأصوات :
قرآن : الشيخ مصطفى اسماعيل : سورة الفرقان
تسجيلات :
اكثر من 200 فيديو من أهم فيديوهات التي توثق احداث الثورة المصرية منذ اندلاعها
 خواطرالشيخ الشعراوي الاسبوعية
برنامج العلم والأيمان : مصطفى محمود
وثائقي : اسمي ميدان التحرير
خطاب مبارك الأول و الثالث | خطاب عمر سليمان بتنحي مبارك
شهادات رامي عصام وسميره ابراهيم في احداث 9 مارس
برنامج اخر كلام : يسري فوده
بيان القيادة العامة للقوات المسحلة | عدة خطابات لمرسي
شهود المذبحه : شهادة الطبيبة فاطمة بياض
تحت المجهر : الطريق الى 25 يناير
برنامج عصير الكتب : بلال فضل
خطبة علي جمعة وعمرو خالد للقوات المسحلة قبل الفض
ضمير : برومو تسلم الايادي 
الاغاني : يا بلادي : رامي جمال و عزيز الشافعي | رامي عصام : ارحل | محمد منير : ازاي
حرية : التراس اهلاوي | يا مصر هانت وبانت : مصطفى سعيد
نجوان : يا عسكري | محمد محسن : يا شعب | حدوته مصرية : احمد منيب
زياد سحاب : شو كانت حلوة بلادي
شعر:  أحمد فؤاد نجم : بيانات على تذكرة مسجون | اغضب : فاروق جويده | لا تصالح : امل دنقل | 
من وحي الانبياء الجدد : وائل فتحي - أحمد عبد الحي - مصطفى ابراهيم
موسيقى الخلفية : 
Le Trio Joubran_Zawâj El Yamâm
The Temple Of Poseidon
3200 Years Ago
شكر للمبدعين الأصليين للأعمال
شكر خاص لجميع المصورين الصحفيين
اهداء لأرواح جميع الشهداء
اهداء و شكر خاص جداً لسندس شبايك

05.المزيج العميق_واحد

كلمات : عمرو أبو زيد 
https://www.facebook.com/amr.a.zeed

من ديوان : نوفمبر شهر ملائم للموت

أداء : منّة كُردى
https://www.facebook.com/Kawkabmashy?ref=tn_tnmn

موسيقى : أنين الناى جلال الدين رومى 

الكلمات : 
يقول واحد من المرضى
لا مش هرضى
ومش ميت
سيبوني لبعد رمضان
أقلّه أموت وأنا مِعيَد
و يخبَط دمعه في الشمبر
مسبب دوشة في العنبر
فيصرخ فيه مريض تاني
بصوت ناصح لكن مكتوم
مافيش ملجأ من المحتوم
صراخك ده مالوش داعي
مادام كشف السفر مختوم
واسمك وقته متقيد
فموت راجل
ده أكرملك
عشان حتى التاريخ يكتب
ده عاش مذلول
ومات سيد
وبعدين هي دي عيشة؟
بذمة أهلك الموتى..
هتخسر ايه؟
هتخسرنا؟
ياعم بلاش تحسرنا
وحق سريرك الدايب
ماهتشوف دنيا غير بالموت
لولاش بس النظام خايب
وأجِل دوري للأخر
ماكنت فضلت فيها حي
ياريت كان دوري هو الجيّ
عشان ياكل شقايا الدود
ياريت الكشف يلمحني
فيمنحني أمل منشود
قوم افرد ضهرك المحني
عشان ماتمُتش غير مشدود
ولو خايف جحيم مثلا
ماهيش فارقة
دي نار ودي نار
وفجأة النُصح صوته يضيع
في صوت عاصف لدق الزار
وييجي اتنين تمارجية
ينادوا الميت المُختار
يجروه لعزرائيل بره
وقبل ما يخرجوا يشاوروا
بإيدتينهم على الناصح
يقولوا تعالى بالمرة
زحامكم أصله مش جيد
فيصرخ لأ ده مش دوري
ومش ميت
طب ألحق حتى رمضان
أقلّه أموت وأنا مِعيّد



أكذوبة الموت والراحة_ منة كُردى_عمرو أبو زيد

كلمات : رامى وفا 
https://www.facebook.com/ramy.wafa?fref=nf

أداء صوتى : منّة كُردى
https://www.facebook.com/Kawkabmashy

Background : موسيقى بنتين من مصر

الكلمات : 

واحدة زيي تحب ليه ؟
و تحب مين ؟
و إزَّاي تحِب !
و إزَّاي تسلِّم قلبَها المقفول لقَلب 
أهلي لسَّه بيضغطوا .. 
و بيبنوا سور ورا سور 
و انا لسَّه عارفة أشوف النور .. 
و عارفة أشِب 
- سنِّك كِبر 
= حاضِر 
- هتعنِّسي 
= ماشي 
- فيكي العِبَر 
= حاضِر 
- و هتتنِسي 
= ماشي
بتستَهبِلي .. 
شاوريلي على عيب بس فيه 
يخلليكي رافضة تقبلي 
و عمَّالة تجري ورا حلمِك المجنون 
مُستقبَلي !
و مقدَرش أشوف مُستَقبلي 
لمرَّة أولى ف الصالون 
شايفاه زبون .. 
جاي يعاين البضاعة أو يدوقها 
واحدة زيي .. 
عُمرها حتَّى ما خدِّت أبسط حقوقها 
واحدة زيي .. 
كل يوم مرايِتها أتعس م اللي قبله ... 
و كل يوم ببعت رسايل .. 
للي مفروض إنِّي اقابله
واحدة زيي .. 
كفَّها متحَنِّي غُربة 
قلبَها متحَنِّي غربة 
جِسمها بتكره معالمُه 
و اللي آلمُه .. 
فيه خلايق لسَّه عايزين يشتروه .. 
شايفينه حَي و أرض صالحة تبقا تُربة
واحدة زيي 
بطَّلت تسمَع أغاني .. 
بطَّلت تكتِب معاني 
بطَّلِت كل الحاجات 
إلا الأرق 
لسَّه ليها اصحاب زمان 
بس ولا شيء مُشترَك 
بطَّلت بُكا ع الريق
بطلِّت تختار طريق 
سابت الحِلم البريء
و الأهم .. 
بقالها فَترة مبطَّلة تصديق 
أي حاجة .. و كل حاجة 
زي سكران تاه عشان 
ما شرِبش حاجة 
و لسَّه ماشي وسط الناس يقول 
كلُّه ... 
كلُّه كِدب 
واحدة زيي ..
تحب ليه ؟
و تحب مين ؟ 
و إزَّاي تحب !


واحدة زيّى _ رامى وفا _ منّة كُردى

كلمات : شروق نبيل 
https://www.facebook.com/profile.php?id=100001492402355&ref=ts&fref=ts

أداء : خلود إيهاب ومنّة كردى
https://www.facebook.com/505a.koka?ref=ts&fref=ts

https://www.facebook.com/Kawkabmashy

الكلمات : 
ﺧﺎﻳﻔﺔ ﻳﺎﻣَّﻪ ..
ﺯﻱ ﺑﻴﺖ ﻭﺣﺪﺍﻧﻲ ﻭﺍﻗﻒ
ﻭﺳﻂ ﻏﻴﻂ ﺩﺧﺎﻥ ﻭﺿﻠﻤﺔ
ﻭﺳﻂ ﻏﺎﺑﺔ ﻣــِ ﺍﻷﻓﺎﻋﻲ
ﺯﻱ ﺣﻲّ ..
ﺣﻲّ ﻛﺎﻥ ﻣﻠﻴﺎﻥ ﻳﻔﺎﻋـَـﻪ 
ﻋﺠّﺰﻭﺍ ﻣـِ ﺍﻟﻮﺣﺪَﺓ ﻳﺎ ﺃﻣَّﻪ
ﺯﻱ ﺧﻮﻑ ﺍﻟﺒﻨﺖ ﻟﻤّﺎ
ﻋﺮّﻭﺍ ﺭﻭﺣﻬﻢ ﻣــِ ﺍﻟﺮﺟﻮﻟـَﺔ ﻭﺇﺳﺘﺒﺎﺣﻮﺍ ﺭﻭﺣﻬﺎ ﻟَﻤَّﺔ
ﻓﻲ ﺍﻟﻤﻴﺪﺍﻥ ﺍﻟﺰﺣﻤــﺔ ..
ﺧﺎﻳﻔﺔ
ﺯﻱ ﺃﻭﻝ ﻣﺮّﺓ ﺑﻤﺸﻲ
ﺯﻱ ﺃﻭﻝ ﺑﺼّﻪ ﻣﻨّﻪ ﺟﺖ ﻓــِ ﺭﻣﺸﻲ
ﺯﻱ ﻳﻮﻡ ﻣﺎ ﻟﻢّ ﺭﻭﺣﻪ ﻣﻦ ﺿﻠﻮﻋﻲ
ﺣَﻂ ﺃﻭﻝ ﺧﻴﻂ ﻓﻲ ﻧــَﻌﺸﻲ
ﺑﻌﺘﺮﺗﻨﻲ ﺍﻟﻮِﺣﺪﺓ ﻳﺎﻣَّﻪ
ﺯﻱ ﻣـَﻄﺮﺓ ..
ﺑﻌﺘﺮِﺗـﻬﺎ ﺳﺤﺎﺑﺔ ﺳﻤﺮﺍ ﻛﺎﺕ ﻣﺨﺎﺻﻤﺔ ﺳﺤﺎﺑﺔ ﺑﻴﻀﺎ
ﻭ ﺃﻣﺎ ﺟﺖّ ﺗﺼﺎﻟﺤﻬﺎ ﻳﺎﻣّﻪ ..
ﺑﻌﺘﺮَﺗﻨﻲ
ﺯﻱ ﺧﻮﻓﻚ ﻟﻤَﺎ ﻫـَﺪّ ﺍﻟﺤــُﺰﻥ ﻣـَـﺘﻨﻲ
ﻟﻤﺎ ﺷﻮﻓﺘﻲ ﺍﻟﻔـَـﻜﺮﺓ ﻣَﺮّﺓ ﺭﺍﻭﺩَﺗﻨﻲ
ﻋﻦ ﺟﻨﻮﺣﻲ ﻳَﻢ ﻣﻮﺗﻲ
ﻗﻴّﺪﻳﻨﻲ 
ﻗﻴّﺪﻳﻨﻲ إن ﺷﻮﻓﺘﻲ ﺻﻮﺗﻲ ﺗﺎﻧﻲ ﻏــَﻨّﻲ
ﻋﺮّﻓﻴﻨﻲ !
ﻫﻮّ ﻟﻴﻪ ﺍﻟﻠﻪ ﻧﺰﻋﻨﺎ ﻣـِ ﺍﻟﻨﻌﻴﻢ ﻟﻠﻐﺎﺑﺔ ﺩﻳّﺎ
ﺭﻏﻢ ﺇﻥ ﺍﻟﺨــُﻠﺪ ﻋُﻤــﺮﻩ ﻣﺎﻳﻮﻡ ﻏﻮﺍﻙِ
ﺣﺘﻲ ﺃﺑﻮﻳﺎ ﻣﺶ ﻣﻌﺎﻙِ
ﺷﺠﺮﺓ ﺍﻟﺘﻔﺎﺡ 
ﺑﻌﻴﺪﺓ ﻋﻦ ﺩﻳﺎﺭﻧـَﺎ
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..!
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..! ﺭُﺩّﻱ ..!
ﻟﻴﻪ ﺭﻣﺎﻧﺎ ﻭﺳﻂ ﺧــَﻠْﻖ
ﻳﺎﻛﻠﻮﺍ ﻗﻠﺐ ﺍﻟﺤـَﻲّ ﻳﺎﻣّﻪ ..!
ﺧﺎﻳﻔﺔ ﻣﻨﻬﻢ
ﻏﻤّﻲ ﻋﻴﻨﻲ ﺟﻮّﻩ ﺣﻀﻨﻚ
ﺩﺍﺭﻱ ﻛَﺴﺮﺓ ﺿﻬﺮﻱ ﺩﺍرﻱ
ﺇﺳﺘــُﺮﻳﻨﻲ
ﺧﺒّﻲ ﺭﻭﺣﻲ ﻣﻦ ﻛﻼﺑﻬﻢ
ﺩﺛّﺮﻳﻨﻲ
ﺩﺛّﺮﻳﻨﻲ
‫


خايفة يامّة _ منّة كردى _خلود ايهاب

كارول سماحة - اول ماقبلتك

أحمد منيب - طلب القهوة

لساك دفا

لسّاك بـ رغم البرد ساكن ف الضلوع

و مالكش حضن يكلفتك

و بـ رغم خوف ساكن ف قلبك من زمان

قادر تكون انت الأمان"

..قادر تكون انتَ الدفا

 

لساك مصرّ ان الدموع

قنديل فرح..

..نازل على خدودك بـ يرقص فى الخفا

لساك تداوى فـ القلوب

مع ان قلبك كان يادوب

بيدوب فى احضان الشفا

!..لساك دفا

 

ازاى بتعرف تبقى بلسم للجروح

مع ان جرحك لسة حىّ

مع ان عتمة دنيتك..

! علقم

بتعرف تبقى ضىّ

لساك بـ تتشعبط فـ حبل لحلم جىّ..

...لساك بتقطع بالمودة

كل احبال الجفا

 

ياللى انت عكاز للخطاوى فى الدروب

لسة الوجع عارف يطبطب ع القلووب

لا الدنيا عن لوع الوجع ناوية تتوب

..ولا انت ناوى انك تبطل

فى العكارة...تكــون صف

----------------
كلمات: إسراء مقيدم
هندسة صوتية: رغدة أيمن
إلقاء: زينب فرحات

لساك دفا

العشق - شعر  الحلّاج - غناء  باسل زايد

Official demos for products by 8Dio, ProjectSAM, Sonokinetic, Soundiron sample library developers.

8Dio Adagio Cellos - Arum Palaestinum

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

كلمات: صلاح جاهين
ألحان: سيد مكاوي
**********************


قبة سيدنا الولي دول نوّروها
ما أحلى البيارق والناس بيزروها
قبة سيدنا الولي .. والقهوة عالية
ما احلى البيارق لما دوّروها

بتاع الحمص يقول :
حمص حمص تل ما ينقص عالنار يرقص
حمص حمص تل ما ينقص عالنار يرقص
حمص حمص تل ما ينقص عالنار يرقص
يرقص يرقص ويقول .. الي شاف حمّص ولا كلش
حب وأتلوع ولا ولا طلشي

تضحك الفتاة .. :
وتقول
يسترك هات حبة بقرش
يضحك الشباب
ها .. ها .. ها
حمّص .. حمّص .. حمّص
حمّص .. حمّص .. حمّص
أسعى .. أسعى .. أسعى .. أسعى
حمّص .. حمّص .. حمّص
حمّص .. حمّص .. حمّص
أسعى .. أسعى .. أسعى .. أسعى

مصوّراتي يقول :
خدلك صورة ستة في تسعة
أسعى .. أسعى .. أسعى .. أسعى
خدلك صورة ستة في تسعة
يا سي عجورة النار خسعة

رجال وبائعين في المولد يقولون :
الله .. الله .. الله
عجمية .. باللوز .
الله .. الله .. الله
طعمية .. أراجوز
الله .. الله .. الله .. الله .. الله .. الله

الاراجوز يقول ومعه الاطفال :
الليلة الكبيرة يا عمي والعالم كتيرة
مالين الشوادر يابا من الريف والبنادر
الليلة الكبيرة يا عمي والعالم كتيرة
مالين الشوادر يابا من الريف والبنادر
دول فلاحين ودول صاعدية
دول من البلد ودول رشايدة

حوار بين الاراجوز والعمدة
العمدة : يا حضرة الاراجوز قولي
الاراجوز : نعم يا عمدة عاوز ايه
العمدة : منين يروحو المتولي
الاراجوز : فتح يا اخينا وصلي عليه
العمدة : صلى اللهم صلي عليه
الاراجوز : تمشي كده على طول على طول لحد ما تلاقي عمارة
العمدة : لحد ما الاقي عمارة
الاراجوز : تكسر يمين تلقى بتاع فول دكانته على ناصية حارة
العمدة : دكانته على ناصية حارة
الاراجوز : تدخل يمينك وشمالك شارعين وفي التالت تكسر
العمدة : شارعين وفي التالت أكسر
الاراجوز : على اليمين واخد بالك .. وتمشي على طول تتمخطر
العمدة : وأمشي على طول واتمخطر
الاراجوز : تفضل كده تمشي وتلف .. وتخش من مطرح ما طلعت
العمدة : وأخش من مطرح ما طلعت
الاراجوز : ولما تلقى مقلة لب .. تعرف بأنك تهت وضعت
العمدة : ااهاا دي وصفة سهلة ..
الاراجوز : سهلة اوي
العمدة : ودي وصفة هايلة
الاراجوز : مع السلامة .. مع السلامة .. مع السلامة يا ابو عمة مايلة
الاطفال : مع السلامة يا ابو عمة مايلة .. مع السلامة يا ابو عمة مايلة
رجل يدعو الشباب للتصويب ببندقية في المولد يقول :
فتّح عينك تاكل ملبن
فينك فينك .. تاكل ملبن
فتّح عينك تاكل ملبن
فينك فينك .. تاكل ملبن
أوعى لجيبك للعيب عيبك
قرّب .. جرّب .. نشّن
وسطن ايدك .. وسطن
أضرب ..
ضرب أحد الشباب بالبندقية .. واصاب الهدف .. فقال له صاحب البندقية :
يحميك يا ابني تبقى غالبني
قرّب خدلك حتة ملبن
قرّب خدلك حتة ملبن
قرّب خدلك حتة ملبن

رجل يبيع العاب للأطفال يقول :
فوريرة للعيل
يا ابو العيال ميّل
خدلك سبع فرارير
زمّارة شخليلة
عصفورة يا حليلة
طراطير يا واد طراطير
طراطير يا واد طراطير
طراطير .. طراطير طراطير طراطير
طراطير .. طراطير طراطير طراطير

في السيرك رجل يقول :

الليلة .. اللية السيرك تعالو دي فرجة تساوي جنيه قولو هيه ..
هيه هيه هيه
بمناسبة هذا المولد يا ولاد زورنا يا ولاد
الليلة .. اللية السيرك تعالو دي فرجة تساوي جنيه قولو هيه ..
هيه هيه هيه
بمناسبة هذا المولد يا ولاد زورنا يا ولاد قولو هيه
هيه .. هيه .. هيه
في السيرك شجيع يهجم على السبع ويركب دغري عليه قولو هيه ..
هيه هيه هيه
وبنات قمرات زي الشربات حلوين مش عارف ليه قولو هيه
هيه .. هيه .. هيه
وكمان بلياتشو تعالو اسمعو ناتشو
وشوفو حيعمل ايه قولو هيه
هيه .. هيه .. هيه
وكمان بلياتشو تعالو اسمعو ناتشو
وشوفو حيعمل ايه قولو هيه
هيه .. هيه .. هيه
رجل يستعرض عضلاته في السيرك .. او ربما في ركن اخر على أرض المولد يقول :
أنا شجيع السيما
أبو شنب بريمة
أنا شجيع السيما
أبو شنب بريمة
أول ما اقول علي هب
واصرخ لي صرخة
ها .. ها .. ها
السبع يتكهرب ويبقى فرخة
حالا بالا سأصارع أسد أنما ايه متوحش
وحخلي وجهه شوارع
تصقيفة يا ناس ميصحش
حالا بالا سأصارع أسد أنما ايه متوحش
وحخلي وجهه شوارع
تصقيفة يا ناس ميصحش
تصقيفة يا ناس ميصحش

الاسد وصل .. ويقول الرجل :

أهو جه أهو جه .. تصقيفة بقى
أهو جه أهو جه .. تصقيفة بقى
تصقيفة أومال .. تشجيعة أومال
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي
تصقيفة أومال .. تشجيعة أومال
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي
فرقة موسيقية عابرة .. يقول رجل فيها :
دقي يا مزيكا

واحد واقف بشوية أكل .. سمك .. منبار .. فشة في المولد يقول :
السمك مقلي .. كل وبرقلي
صنف زي الفل
استخار واختار
فشة أو منبار
يلا يلا سمي وكل
يلا يلا سمي وكل
يلا يلا سمي وكل
يلا يلا سمي وكل

فتاة تغني وتدعو الأمهات ليباركن أولادهن وتقول :
يا أم المتطهار رشي الملح سبع مرات
يا أم المتطاهر رشي الملح سبع مرات
في مقامه الطاهر خشي وقيدي سبع شمعات
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
يا أم المتطهار رشي الملح سبع مرات
يا أم المتطاهر رشي الملح سبع مرات
في مقامه الطاهر خشي وقيدي سبع شمعات

بالذمة ده سابع عيّل مزفوف من وقت قليل
مولد شلاه يا معلم .. عقبال أولادك

عالقهوة

رجل القهوة يقول :

واحد مظبوط واتنين مصري
عالنار حاضر جايلك دغري

فنان يغني على القهوة ويقول :

مساء التماسي .. مساء التماسي
يا ورد قاعد على الكراسي
مسى التماسي .. مسى التماسي
يا ورد قاعد على الكراسي

رجل جالس على القهوة يقول :
هات شاي يا دقدق ..

دقدق رجل القهوة يقول :
عيني وراسي
سمعنا يا ريس حنتيرة
للصبح معاك السهيرة

الجالسون على القهوة يقولون :

سمعنا .. سمعنا .. سمعنا .. سمعنا

الريس حنتيرة يغني ويقول :

يا غزال .. يا غزال العشق حلال دوبتني دوب خلتني خيال خيال
يا غزال .. يا غزال العشق حلال دوبتني دوب خلتني خيال خيال
يااااااه .. يا شفتك فص فراولة .. ولا لا قوة ولا حول
دوبتني قلبي على لولاه .. يا غزال العشق حلال
يـــــــــــــــــــــا ليل
يــــــــــــــــــــــــا ليل
يارب يا عالم بالحال .. تهدي حبيبي ويصبح عال
يارب يا عالم بالحال .. تهدي حبيبي ويصبح عال
واغني وارقع بالموال .. واقول يا غزال يا غزال
يـــــــــــــــــا ليل

صاحب القهوة يقول بغضب :
وقّف يا ريس حنتيرة
فيه ناس هنا قاعدة كتيرة
ولا حد قال هات تعميرة ولا واحد شاي
اه .. الي حيطلب راح يقعد ولا ما يطلبش يبعد
رجل جالس على القهوة يخرج بسبب ما قاله صاحب القهوة ويقول :

يلا بينا نخرج يا مسعد شارع التورماي

يكمل الريس حنتيرة غنائه ويقول :
يــــــــــــا ليل .. يـــــــــــــــــا ليل
يا غزال يا غزال العشق حلال دوبتني دوب خلتني خيال خيال
يا غزال يا غزال العشق حلال دوبتني دوب خلتني خيال خيال

صاحب لعبة لأظهار القوة يقول :

ورينا القوة .. يا ابني انت وهو
مين عنده مروّه وعاملي فتوة
يقدر بقادرة على زق الطارة .. ويفرقع بومة
رجل وقع في القخ واعلن عن دخوله للعبة وقال :
وسع .. وسع .. وسع
أنا أزق الطارة وأضرب مية بومة
ده أنا اللسطة عمارة من ضرب شاكما
صيتي من القلعة للقلعة للسوق تلالة
أنا واخد السمعة

صاحب اللعبة يقول :
طيب يلا تعالى

الرجل :
لا يا عم سعيدة
دي البدلة جديدة

صاحب اللعبة بتهكم :
هأ هأ هأ سعيدة يا ابو بدلة جديدة
الاطفال يقولون ايضا بتهكم :

هأ هأ هأ سعيدة يا ابو بدلة جديدة

الرجل الذي ترك القهوة السابقة فارا من كلام صاحبها يقول وقد وجد قهوة اخرى ومعه صديقه مسعد :

إوعد يارب إوعد .. إوعد يارب إوعد .. إوعد يارب إوعد .. إوعد يارب إوعد ..
أدي كمان قهوة .. يلا بينا يا مسعد .. ندخل على سهوة .. ايوة على سهوة

ودخلو القهوة .. وكانت هناك من تغني وتقول :
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي

الرجال في القهوة يرددون :
يا حلاوة .. يا حلاوة .. يا حلاوة
هوى العصاري
على سطح جاري
هوى العصاري
على سطح جاري
خدني ورماني رماني عليك ولا انت داري
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي
آآه يا ناري .. يا ناري
منك يا جاري
آآه يا ناري .. يا ناري
منك يا جاري
خني ورماني .. رماني عليك هوى العصاري
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي

صاحب القهوة الجديدة .. يؤكد على الموجودين .. ويقول كصاحب القهوة السابقة :
ماشي .. ماشي .. ماشي كلامك آه
الي حيطلب راح يقعد
والي ميطلبش يبعد

الرجل يقول لصاحبه مسعد :
يلا بينا نخرج يا مسعد شارع التورماي
اتنين في المولد اكتشفو وجود اقارب لهم من نفس بلدتهم يقول احدهم :
ناس من بلدنا هناك اهم
روح يا ابراهيم اندهلهم
سلامات .. سلامات .. سلامات على البلديات

منشدين دينيين يقول واحد منهم :
ليلتكم أنس وجلجلة .. جلجلة .. جلجلة ..
أنشد ولعلع يا ولة .. يا ولة .. يا ولة
شفت في منام صاحب المقام .. ده اوبه .. أوبه .. اوبه
ويمامة حايمة عليه تسبح ربها ..
يا نور النبي .. يا نور النبي .. يا نور النبي
ميّلت فوق
صحوني من النوم .. خدت بعضي وتني جدت
وبعودة .. وبعودة

أمراة تبحث عن طفلتها التي تاهت في المولد وتقول :

يا أولاد الحلال .. بنتي تايهة طول كده
رجلها الشمال فيها خلخال زي ده
رجل يقول :
زحمة يا ولداه .. كام عيّل تاه
ونردد في النهاية ونقول أن المولد هو <<
الليلة الكبيرة يا عمي والعالم كتيرة
مالين الشوادر يابا من الريف والبنادر
الليلة الكبيرة يا عمي والعالم كتيرة
مالين الشوادر يابا من الريف والبنادر

والنهاية آذان الفجر والصلاة ويقول المؤذن :

الله أكبر الله أكبر .. الله أكبر الله أكبر




أوبريت الليلة الكبيرة كاملاً

ProjectSAM LUMINA - Trailer Score

يا غنوة مبتكملش يا دمع يا محبوس .. ليه كل ما أحلم حلم بقى يتقلب لكابوس ؟؟!!!
بسأل ساعات نفسى لو جيت ع بالى .. هى الحقيقة صحيح مكانتش باينالى ؟؟!!!!
ولا ساعات بنخاف نعرفها تجرحنا !!! ولا صدق نجانا ولا كدب ريحنا !!!
هنعيش بنتألم من الدنيا طول ماحنا بنبيع قلوبنا رخيص .. وبنشترى بغالى 
يا غنوة مبتكملش !!!!

يا غنوة مبتكملش - غناء / محمد محسن ... كلمات / مصطفى إبراهيم

ياسمين حمدان-لا مش انا اللى ابكى

 Eman Adel /كلمات 
.
بتاريخ 4/5/2013
.

أداء صوتى / منّة كردى

اوعدك هلاقينى :)

كلمات و أداء : منة كردى


فاكر كلمة ( وحشتينى ) ... ؟ 
فاكر لما قولتلى ( عاوز حضن كبير ) .... ؟
يوم ما قلتلى هاخدك ونلف العالم
يوم ما وعدتنى انى هتخلينى أسعد واحدة فى الدنيا
كنت طايرة مـ الفرحة لأنى كنت حاسّة انك فعلا صادق
ولأنى كنت واثقة فيك , قررت أفضل مبتسمة على طول
فاكر لما قولتلى انتى حاجة منّى .....!
انتى مش فاهمة حاجة....
قلبى طار مـ الفرحة بعدها
لما قولتلى مش هقولهالك دلوقت لإنها مسئولية
على قد ما وشى كشّر شوية بس انبسطت أكتر أد ايه انت بتقدّر العلاقات
فاكر جملة ( هعوزك حلوه على طول عشان لما اجي اخطفك) 
فاكر لما سألتك : انت مبسوط ؟؟
قلتلى : مين يبقى عنده انتى وميتبسطش
مش هنسى لما قلتلى أنا ابتديت أغير من حُبّك لباباكى :)
متتأخريش عشان وحشتيني والبيت وحش من غيرك
ولّا لمّا قلتلى ممكن أكلك ؟؟ :)
ياترى انت فاكرنى أصلا ؟؟
أنا مش زعلانة اننا مبقناش زى الأول 
 أنا زعلانة عشان انت فعلا وحشتنى
انت علمتنى ازاى اضحك وافرح
عرفتنى يعنى ايه حلم مرتبط بشوية سعادة
مش هنساك
بس ...
هتمنى أكون معاك

إنتى حاجة منّى

قراءة : منة كردي 
https://www.facebook.com/Kawkabmashy
كتابة : محمد المدبولي
 https://www.facebook.com/mohamed.elmadboly
----------
قلبك لو كان خسر انسان كان بكل الناس 
فقلبك الحي بالحنين والحب والاخلاص 
قدامه سعة من قلوب خلق الله اللي قلوبهم تشبه قلبك

بعد الفراق | منة كردي

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

ربنا يجمعنى بيك _ منة كردى

Menna kordi