يامنه اعملى زى تراك دا تانى لما قلبى بيوجعنى باجى اسمعها

كل كلمه ليها معنى ررائع ^_^

وكل سؤال اتقابل بالجفا واللوم

مانحسبش من خسايرنا ما ينقصم .. ما ينقسم

قصاد الصمت الى ليه كام الف معنى # 

Yarab Nagena mn necyan eltfasiil mn Pahtan mlam7hum x 3enina mn qelt dfa lmsehum mn 7odn mytamnch :((

عجبت منك ومني

نص: مي مجدي
هندسة صوتية وآداء: زينب فرحات
_____________________________
أنا هنا؛
أقف على بُعد خُطوات من كل الأشياء التي أرغب بها ولا أصل 
أقول لنفسي لا يهم! 
وأعود لأبكي فى الزاوية كطفل صغير فقد أمه 
أنا هنا؛
أعيش حياة روتينية، أُجبر فيها على الذهاب إلى العمل 
والبحث عن طريقة لأكون الأفضل ثم أعود لأسأل نفسي 
هل يستحق الأمر كل هذا العناء؟ 
جسدي يؤلمني 
وعقلي مُرهق 
ويداي ترتعشان 
كل هذا من أجل ألا تزاحمني أفكاري ليلًا وألا أفكر فى الموت مرة آخري وألا أعيش دون سبب 
أصبحت إنسانًا بلا شعور وأنا لم أكسر مُنتصف العشرينات بعد
ثم أدركت
كيف يموت المرء فى وطنه دون أن يحظى بمُتعة الحياة!

صوت الونس

كي لا تزاحمني أفكاري ليلًا

كنتي أسهل بڤه تقتل "يك شيش"

يك_شيش

كلمات : سارة عاشور 
https://www.facebook.com/Sasooo

أداء : منّة كُردى 
https://www.facebook.com/Kawkabmashy?ref=tn_tnmn

موسيقى : OTTOMAN SUFI MUSIC 

الكلمات : 
يا رب نجّينا من نسيان التفاصيل
من بهتان ملامحهم في عنينا
من قلة دفا لمسهم
من حضن مايطمنش
من قرب شبه البُعد
من عمى العلامات
من استهلاك البُكا
من هلك الذكريات
ومن الحاجات الباقية
ومن فراق انكتب ومن رُحاه نِجينا

يا رب صبّرنا على انتظار الجاي
وعلى انتصار مش جاي
وعلى انكسار الحلم كإطار ملهوش ضمان

يا رب لصّمنا قصاد الصمت اللي له كام ألف معنى
وقويّنا على كلمة تطلع مننا فتوجع اللي يسمعنا
وقويّهم على بلعها فيبتسموا ولا يتفتفتوش قدامنا

يا رب سامحنا على كل مفروض مشينا فيه
وكل تحميلة حمّلناها على الغيب اللي ما نعلم بيه
وكل نرفزة حلت محل الطبطبة ف الحزن
وكل مرة قولنا أنها دي الأخيرة
وكل أخيرة اتكررت بعدها
وكل سؤال اتقابل بالجفا واللوم
وكل حنين انكتم
وكل مرة كدبنا
وكل مرة ضعفنا
وسامحنا عن كل دعا بالغلط مننا
وكل مرة كنا مضطرين نكون الشر
عشان نعيش على الهامش
مانحسبش من خسايرنا ما ينقصم معاها الضهر

يا رب كنا مضطرين نتبلى بقولنا أنك خالقنا كده سوادنا فينا متحكم ..



مُناجاة _ منّة كُردى _ سارة عاشور

غالية بنعلي - مالي فتنت

ميل بنل زجزاج

كلمات : رامى وفا 
https://www.facebook.com/ramy.wafa?fref=nf

أداء صوتى : منّة كُردى
https://www.facebook.com/Kawkabmashy

Background : موسيقى بنتين من مصر

الكلمات : 

واحدة زيي تحب ليه ؟
و تحب مين ؟
و إزَّاي تحِب !
و إزَّاي تسلِّم قلبَها المقفول لقَلب 
أهلي لسَّه بيضغطوا .. 
و بيبنوا سور ورا سور 
و انا لسَّه عارفة أشوف النور .. 
و عارفة أشِب 
- سنِّك كِبر 
= حاضِر 
- هتعنِّسي 
= ماشي 
- فيكي العِبَر 
= حاضِر 
- و هتتنِسي 
= ماشي
بتستَهبِلي .. 
شاوريلي على عيب بس فيه 
يخلليكي رافضة تقبلي 
و عمَّالة تجري ورا حلمِك المجنون 
مُستقبَلي !
و مقدَرش أشوف مُستَقبلي 
لمرَّة أولى ف الصالون 
شايفاه زبون .. 
جاي يعاين البضاعة أو يدوقها 
واحدة زيي .. 
عُمرها حتَّى ما خدِّت أبسط حقوقها 
واحدة زيي .. 
كل يوم مرايِتها أتعس م اللي قبله ... 
و كل يوم ببعت رسايل .. 
للي مفروض إنِّي اقابله
واحدة زيي .. 
كفَّها متحَنِّي غُربة 
قلبَها متحَنِّي غربة 
جِسمها بتكره معالمُه 
و اللي آلمُه .. 
فيه خلايق لسَّه عايزين يشتروه .. 
شايفينه حَي و أرض صالحة تبقا تُربة
واحدة زيي 
بطَّلت تسمَع أغاني .. 
بطَّلت تكتِب معاني 
بطَّلِت كل الحاجات 
إلا الأرق 
لسَّه ليها اصحاب زمان 
بس ولا شيء مُشترَك 
بطَّلت بُكا ع الريق
بطلِّت تختار طريق 
سابت الحِلم البريء
و الأهم .. 
بقالها فَترة مبطَّلة تصديق 
أي حاجة .. و كل حاجة 
زي سكران تاه عشان 
ما شرِبش حاجة 
و لسَّه ماشي وسط الناس يقول 
كلُّه ... 
كلُّه كِدب 
واحدة زيي ..
تحب ليه ؟
و تحب مين ؟ 
و إزَّاي تحب !


واحدة زيّى _ رامى وفا _ منّة كُردى


انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”

تفرانيل 50

أنا بفضل دايما للآخر

ف جيمات الكونكان والشايب

و ف كشف الحاضر والغايب

وف حجز شقق مصيف بلطيم

أنا آخر تايب في اصحابي

وآخرهم ف الصلا ف التسليم

وف دور المدرسه في التطعيم

وفي وقت السين

أنا آخر جيم

أنا جرح قديم...كان متغطي

إكمني مشتي ولابس كم

سبتني الدنيا بستين أم

وسبتلها ميت مِلّه ودين

ولحد ماتميت ست سنين

أنا كنت بحب البني آدمين

وكرهت الناس من بعديها

علشان نسّوني أنا أصلاً مين

مش فاكر إمتى حقيقي بدأت

إنما فيه فتره فاكرها طشاش

كان فنجان قهوتي مابيفضاش

وبكلم ربنا طول الوقت

عمري ماصدقت بنات غير ريم

ويمكن دلوقتي ما اصدقهاش

آخر مره

شفتها فيها

كانت تقريبا بتعزل

و كان فيه سواق تاكسي منزل

ف شنط ناس حتحل مكانها

ووشوش بني آدمين معرفهاش

أنا ريم يمكن كانت قدي

أيامها... لكن دلوقتي أصغر

عارفه إن أنا يوميا بكبر ؟

وبعجز إكمني مابنساش

أنا فاكر أيام بالميللي

أنا فاكر أيام بالتفصيل

أنا فاكر يوم دفنة أختي

حتصدقي..؟ أكتر مافاكرها

وساعات بنسي ف ليله كبيرها

أنا فاكر شقة قصرالنيل

ومش فاكر حد من السكان

من صغري وعمري مابنسي مكان

أنا أصلاً فاكر بيت شادي

مع إني مازورتوش غير مره

بأمارة فيه برواز بره

كان جواه صورته ف إعدادي

كان لسه ساعتها طالعله شنب

ونا حاسس إني طلعلي أتب

من تقل الشيله و م التفكير

معلش أنا آسف برغي كتير

وبسف ف وقتك وف وقتي

أنا حاسس بدماغي بتتقل

أنا نفسي أنام

أنا عاوز أروّح دلوقتي

متشكر جداً ع الجلسه

حنكمل إمتى علاج طيب ؟

لازم حنشوف بعض قريب

أنا ماشي...

سلام

مصطفى إبراهيم ، تفرانيل 100  .

 هذه القصيدة القاها الشاعربمناسبة  الذكرى الثانية لرحيل والدته الاديبه رضوى عاشور ، في الاول من حزيران ٢٠١٦ ، عمان - الاردن

قصيدة باسمك يا امي - تميم البرغوثي

قلب لا يسع العالم.

حدوتة " إضطراب مابعد الصدمة\PTSD
_______________________________
نص:ياسمين مدكور
هندسة صوتية و أداء: زينب فرحات

مساهمة في مبادرة " حكاية كل يوم" للتوعية بالأثار النفسية للعلاقات المؤذية ومساعدة الناجيين والناجيات منها على التعافي، لمؤسستها " ياسمين مدكور"

حدوتة إضطراب ما بعد الصدمة الـ PTSD

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

مُناجاة _ منّة كُردى _ سارة عاشور

Menna kordi

Recent comments

princess NoNa ♥

Moniaa224

ᗰᗩᒪᗩK ఌ♥️👑

Nouran Jamal

Related tracks