انا شوهت الصوره الحلوه

يا جروحي
باحتويكي كضيف تقيل
و ايأس و اصبر
و امشي سكة بدون دليل
ابكي وحدي
احضن ف نفسي
اسند ف غيري و أبدأ أميل

ابكي اوّل..
حزني يمشي مش مطوّل
ابكي تاني..
يا واد بسيطة بلاش تهوّل
ابكي تالت..
ابكي رابع..
معقولة لسه الحوار مكمّل؟!

ابكي خامس واسكت شوية
ابكي سادس..
ابكي سابع..
هو لسه فـ قلبي ميّه ؟!!
ابكي تامن..
و أقول هآمن..
و امسك ف كل وعوده ليّا
ابكي تاسع..
وابكي عاشر..
خلاص يارب نشفت عنيّا.
 
أصرخ و أغضب، و أقول هاملني
ليه بتاخد الحلو منّي؟
لا فيك صلاح ولا فيك أبوّة
ما هو برده يعني غصب عنّي.

ووسط كله ..
لساني يفلت و أقول بأحبك
كـ اعتذار من قلبي ليك
وإن حبي هو هو
وإني لسه طالب إيديك..
وإني فعلاً عايزك أنت
وإني بأبكي ... ولحد امتي؟!

لحد لما
عيني تصفي
وف دموعها تلمح بكاك
وانك فاهمها، وعارف وجعها
وانك قريب مش سايبها وف سماك

وانك ابويا
قلبك حنين والقساوة مش طبع فيك
ولا وقت حاجتي القاك بتبعد
لما نفسي بتناديك
 
وإن حبك
يصعب عليه أكون بأعاني
وإن قلبك
وقت جرحي موجوع عشاني
وإنك انت
هتفضل انت
مهما كنت ومهما ابقي
ومهما ف جهله قال لساني

تحريراً في ٣ من أكتوبر ٢٠٢١م

#الاستراحة


هتفضل أنت

عندما ابحرُ إليك
على موجات الحبِ
أصيرُ قطرةً في مياهك
ويسبح نحوك مركبي

وأتهادى في سكون
وأتمايل في مياهي
فتنساب لك شجوني
يا محبوبي وإلهي

وأبعد أبعد عن أرضي
وأقربُ منك بلا فرضِ
فلوجهك أتجه مرضي
والدفة من يدك ليدي

ومن مياهٍ لمياه
يصبِغُ سِفرُك أسفاري
يرفرفُ علمُك في عمقي
وفي مركبي أعلى الصاري

هل هذا سرُّك أم سرِّي
وهذي مياهٌ أم خمرِ
أنا ساكن أم هذا سيري
وغمرك يدعوني لغمري

ينعكس في صفحةِ صفوي
لون سمائك يا صفوي
على موجاتي فتضفي
فرحاً في مسيري وفي طفوي

و أفصح فيك من سمعي
ويَدمَعُ من فيضِك دمعي
وأعبُرُ فيك بلا منعِ
لأصبَّ فيك يا نبعي

وأنظم في البحر شعوري
فينتظمُ فيك مسيري
وأكتب عنك في سطوري
وأسفاري أنك نوري

ونجمك يُشرقُ في قطبي
فأشرعُ نحوك بالحب
وكل شراعٍ في قلبي
قد فُتح بطلبك يا طلبي

أحبك يا حباً صار
لسفينتي سيراً وفنارا
ورفيقُ الرحلة وربانا
لحياتي وفيك الترحالا

ألقيت سفيني في يمناك
ورجائي ومرساتي هناك
فمتى ترسيني لألقاك
حيث لا بحر ولا فراقا

قد اخترتك يا من اخترت
ودعوتك حين دعوت
وأبحرت لك يا من جئت
في غرقي وظلمتي وأنرت


سفينة الحب.ماهر فايز

les misérables steven labat ❤️

فات عليها وجه باركها وقال مبارك شعبها
وبصلاتنا كان حارسها ولدموعها سمعها
رافعين قلوبنا للسما ساندين على وعدك لها
تملاها بركة بشعبها تحمي بالدنا وأرضها

القرار- مهما كان هتعدي بينا حتى لو وسط البحور
يا يسوع إنت السفينة تعدي بينا لبر نور
مصرنا راجعة إلينا بعد قسوة الانتظار
فجأة فجر الحر قرر الظلام يصبح نهار

كلنا بنصرخ تعالَ وفي قلبنا مصدقين بالمحبة
هتيجي تجمع بين قلوب المصريين
يا رب مصر بتندهك يا رب يالا مد إيدك ساكتة
وعايزة تسمعك ساجدة وحاطة عينها عليك

يا مصر وسط المحن اوعي بقى تدمعي
وإن كان لحبك تمن إياكي تتوجعي
يا عالية فوق الزمن آن الأوان ترجعي
آن الأوان ترجعي يا مصر


آن الاوان ترجعي

يا مريم سلام لك -  انت ابني أنا - مجموعة عمانوئيل

هتفضل أنت

Mina Nabil (sfsf)