love it

شعر وغنا

studying mode

زي الايام دي -  حسام حبيب

فريد الأطرش - يا مقبل يوم و ليلة

YouTube - آخر كلام - فرقة الشارع - على إسم مصر

طلعت أدب نزلت أدب
و طالع نازل أئزئز لب


طلعت أدب أدب دبيب
و نزلت أدب سبع سراديب
أنا اخوك الدب مانيش الديب
ومفنجل عيني تقول دا أديب
ولا دا عاشق داب في دباديب
الحلو إلّي بيغطس و يئب
طلعت أدب نزلت أدب

طلعت أدب البط ما بضش
نزلت أدب أخوك ما أبضش
أنا باستعبط و ما بستعبطش
أنا بتلخبط و ما بتلخبطش
أنا صاحب رقه و صاحب تتش
 تزفّر بوئي و لا أسب
طلعت أدب نزلت أدب


طلعت أدب برجل و إيد
و نزلت أدب و عيشه بتإيد
ريحت رقبتي من التحويد
و عملت صغيّر قلت يا سيِّد
إن كانّك مش شايف لبعيد
إعمل زيي على ضفرك شب
طلعت أدب نزلت أدب

طلعت أدب السئف إترج
نزلت أدب البير إعرج
العالم ماله العالم وج
و يا حبيبي كان طعمك فج
إن كنت حبيب أنا برضه مُحب
طلعت أدب نزلت أدب

طـــلــعـــــــــــت أدبّ ولا الأمــــــراء
ونــزلــت أدب يـــا وز عـــــــــــــراق
يـــا حياتي وموتْي ولـقا و فـراق
ويومـــأتى   بـتاكلْ  مني  في  راق
آخـرتي  شـمــاعه  في  قصــر فـراء
مــا حـاســــيبش غير الفرو المجربّ
طلعت أدب
طلعت أدب نزلت أدب
و طالع نازل أئزئز لب

طلعت أدب - امين حداد وكورال جمعية الصعيد

كلمات وأداء : مايكل عادل
ألحان وتوزيع : شادي مؤنس
غناء : دياب أبو زياد وشادي مؤنس

العازفين
احمد عبد الستار - كمان
جون - ناي
ايمن صدقي - ايقاعات
حسام ناهد - تشيللو
شادي مؤنس - عود

الكلمات

قبل الكلام ما بيتكتب وبيتشطب
قبل اختراعهم للدقيقة بكام دقيقة
قبل اختراع الكدب والسكك الغلط
قبل أمّا أصلا نكتشف إيه الحقيقة
قبل اكتشاف ان الحنان شبه العَبَط
وان الطريق المستقيم بين نقطتين أصعب طريق
كان اللي باقي في الحياه أبسط كتير
من إن ضحكة تتسرق تصبح مفيش
أو إن غيرك يقتلك علشان يعيش
علشان نعيش..
لازم نكون وقت اللقا
فاكرين معاد الافتراق
لازم تراعي فـ وحدتك أمَل اللقاء
لازم تراعي في الزحام
عدم الدوام
واعرف بإن الاشتياق قد لا يدوم
وانك في اخر التجربة
لازم تقوم..
علشان تعيش..

.. علشان تعيش
بطّل تفكّر في الخلود
أعصر في أوقات الفَرَح
والابتسام وقت الأمَل
فكّر في إن اللي بيمشي
لن يعود
أعصر في أوقات الحنين قبل اللقا
فكّر في إن أكيد فيه ناس متشوّقة..
علشان تعيش..

علشان تعيش..
قابل جنونك بابتسام
قابل معاركك في الحياة من غير سلام
علشان تعيش..
اعرف بإن قضيتك ليها تمن
وهاتدفعه
مهما يطول بيك الزمن
علشان تعيش..

علشان تعيش..
إنزل على الأسفلت وامسح دمعتك
والمس دماء سالت عشان حريّتك
واحجز مكانك في الصفوف
حدد ملامس كف إيدك في الكفوف
يحرم عليك تلمس كفوف الخائنين
حافظ على الفكرة اللي عاشت من سنين
حافظ وعدّي الاختبار
علشان تعيش..
علشان الدنيا بتقلب فجأة بدون إنذار..

"علشان الدنيا بتقلب فجأة بدون إنذار
وعشان الناس علشان الجنة
جابولنا النار
ولأن العالم فجأة بيفضى وتبقى وحيد
وعشان الضلمة وشيل الهم
ولإنك لو هتروح للشارع
تغرق دم
والزحمة هتخلص من حواليك
من غير أعذار
والناس لو شايفينك طيّب
هايقولوا حمار
ولعدة أسباب اتقالت..
هتروح لبعيد
بالتالي هتبدأ م الأول..
فأكيد مشوارك هايطوّل..
وحنينك لحمارك ياخدك
على هَمّ جديد..


علشان تعيش - مايكل عادل وشادي مؤنس

قابليني

من حفلة الجيزويت مارس 2012 
بيانو:محمد صالح 
اكورديون :وائل السيد 
كمانجا :نانسى منير 
درامز:مصطفى عباس 
بركشن:ايمن مبروك 
باز:حميد صبرى 
الحان وغناء :دينا الوديدى 

A7eih a7eih

ساعات أقوم الصبح، قلبي حزين 
أطل برا الباب، ياخذني الحنين 
اللي إشتريتو إنباع، واللي لقيته ضاع 
واللي قابلتو راح، وفات الأنين 
وأرجع وقول: لسه الطيور بتحن، 
والنحليات بتطن،
 والطفل ضحكو يرن مع إن، 
كل البشر فرحانين
 حبيبي سكر مر طعم الهوى فرق ما بينا البين، ما عدناش سوى 
حرام عليك يا عذاب، نبقى كده أغراب
 أدي اللي كان،
 وأدي القدر وأدي المصير نودع الماضي وحلمه الكبير
 راح إللي﻿ راح ومعدش فاضل كتير 
إيه العمل دي الوقت يا صديق غير إننا عند إفتراق الطريق 
نبص قدمنا، ع شمس أحلامنا نلقاها بتشق السحاب العميق


I don't own the copyrights of the song or the music

ماجدة الرومي - مفترق الطرق

من ورشة مع المغنية الأثيوبية Minyeshue بالأسكندرية 
كلمات - عمر مصطفى 

الحان  وغناء - دينا الوديدى 

شكر خاص 

محمود صيام - هانى بدير - حسين سامى - عصام السحارتى 

Sayer

Egyptian Project - Soufi  سقاني الغرام

Do You Hear The People Sing - Les Miserables


الشاعر/مصطفى ابراهيم
ادين بدين الجدعنة وبدين رفاق الدرب 
وبقوله احنا مش انا فى المعمعة والضرب 
وبدين ماكنت مصدقة فى المعركة الأولى 
وبدين جثث فى المشرحة اساميها مجهولة 
وبدين من ساب على الأسفلت اخواته مقتولة 
أقول التوبة مقبولة الا فى وقت الحرب . 

الشاعر / جرجس شكرى 

زينو جسمه باللى عندينا 
ما احنا سبايا وراحوا أهالينا 
زينو جسمة باللى سابوه 
خربوا بلدنا والطفل قتلوه 

الموسيقين
الحان وغناء / دينا الوديدى 
بيانو / محمد صالح 
جيتار / محمود صيام 
باز / سيكا 
كمانجا / نانسي منير 
اكورديون / وائل السيد 
درامز / محمد رأفت 
شكر خاص لمهندس الصوت 
وماستر وميكساج 
محمود ديااز 

وشكر خاص 
استوديو الحجار تسجيل 
استوديو وسط البلد ماستر وميكساج 


ادين بدين الجدعنة

الكوتشى اللى باش - كلمات مصطفى إبراهيم - غناء محمد محسن 
http://www.youtube.com/watch?v=sikRkD4nrJQ

الكوتشى اللى باش -  محمد محسن

قصيدة والد الأراجوز للشاعر فؤاد حداد القاء سامية جاهين و اية حميدة

كلمات : عبد الرحمن الأبنودي 
ألحان : بليغ حمدي 

طاير يا هوى .. طاير ع المينا 
رايح يا هوى .. تخبر اهالينا 
قصة الهوى وتفتن علينا 
أوعي يا هوى تخبر اهالينا

جينا يا هوى .. للبحر جينا 
والشط وناسه .. بعيد عن عينينا 
وحلفنا الميه ما داري علينا 
ناوي يا هوا تخبر أهالينا

عارف يا هوى ايه الحكايه 
مكتوب ع الميه قصتها معايا 
وداريتها الموجه خايفه علينا 
منك يا هوى ومن اهالينا

دايما يا بحر تخبي اسرارنا 
ولا عمرك مره بتحكي اخبارنا 
لكن الهوى ماله ومالنا 
امرك يا هوى خبر اهالينا 

YouTube - آخر كلام - فرقة الشارع - على إسم مصر

Mohamed A Ref