الشيخ إمام - وهبت عمري للأمل

قولوا لعين الشمس ماتحماشى.mp3

أنا ليه دوبت العالم بيني وبينك ثم هاجرت

قبل طلوع الشمس_شعر_يحيى السيد|القاء_صفاء أبوصبيحة

زينب احمد فؤاد نجم تغني احد قصائد ابيها

كلمات و القاء: سالي توما>>>>.
عن نوفمبر و شارعنا و قصتنا...

انهاردة ذكرى محمد محمود الاولى...سنة ونا بدورعليك في وشوش الاسود والاحرار../ سنة وبكمل الي ابتدا بيك لما شارعنا كان قايد نار!
 
يوم متقابلنا كنت لابسة البالطو الاسود ابو كاب..و قناع الامن الصناعي الي بيه بقدر اقف و اسعف الاسود لما تنهشهم اوسخ الانياب

…في جيبي بخاخة فنتولين وفي ايديا محلول و خميرة/...اكيد انت مشوفتنيش بس انا شفتك..بطل جي يحررني ويتوجني اميرة....
ايوة انت البطل وانا السجينة...انت فرحة عمري و انا بهية ام عيون حزينة ..

فاكرة لحظة اللقا اكنها امبارح...شايفاني...فاكراني..وادي نفس احساسي يومها بيرجعلي النهاردة تاني...

فاكرة الفوضى و الدوشة و الدم و البطولة.. ده كان المشهد يوم ما جيت انت و كملتلي اجمل صورة...
ضربات قلبي كانت سريعة زي حركتي..اسود كتير بتقع ولازم اساعدها تقف تاني...مش عارفة ايه خلاني سرحت.. في علم مينا ثواني!!!

 وفجأة اتقنص حد ووقع على رجليا..وطيت اسعفه وصرخت انا طبيب بعزم ما فيا ..ولكن ولا حد سمعني من تحت قناعي وخدوه بسرعة على موتوسيكل الحرية.. 

وفضلت دقيقة على الارض باصة على الدم الي في ايديا..قررت ساعتها اقوم..وفي لحظة واحدة اتخبطت... اتاخدت..اتندهت.. شفتك عملاق على السحاب..ماسك السحاب.. بترمي السحاب على الديابة واشرس الانياب...
اسد وسط اسود...اسد شارع محمد محمود!!

عينيك ساعتها شالوني وعلسحاب الي محاوطك ليك جابوني..
و همست في ودني: "قاومي و ثوري يا بهية و ساعتها  اكيد هتكوني!!" ومن يومها ونا بقاوم..
 
عارف انت  الوحيد الي كان نفسي يشوفني بدون قناع..اخترقت قناعي وقلبي ولقيتني ارتبكت..لازم اشيل عيني من عليك يا اما هموت من رصاصة خاين..

"اجري اجري" >>> قالهالي اسد من الاسود..
مش عايزة اتحرك قلتله وسلكت منه ايدي اصلي اتسمرت في الارض وكان فيك حاجة من الخوف والموت وخداني..معقوقلة هسيبك بعد مالقيتك..معرفش حتى تفاصيلك عشان ارجع ادور عليك تاني..
اسد وسط اسود>> ماشي على السحاب >>وماسك السحاب  في محمد محمود>> هو ده كل الي اعرفه عنك وهو ده شكلك في ذاكرتي..

مش فاكرة وشك لكن حافظة روحك..سنة ونا بفكر عايش ولا ميت..سنة ونا بفكر يمكن يلاقيني وشارعنا من تاني بجمعنا ....شهر ورا شهر و موت ورا موت والدنيا بتضيق تاني عليا  والناس بتقل من حواليا..بس انا عارفة انك لساك موجود..مقطع بطاقتك ومكمل ثورتك وزيي قاطعت الزيف..اصلنا شوفنا الموت واتغطينا بيه في برد نوفمبر وشوفنا البطولات والتضحيات عشان بلدنا تعيش..عشان حبنا الي اتولد مع موت الورد والشجر يكبر ويملا الكون حرية..

سرحت فيك ياما ولقيت فيك المعاني..ايوة انت الحرية.. انت النور في عز الضلمة دية..
انت المخلص انت المسيح..انت جيفارا..انت المنتصر و انت الجريح..
انت دقة قلبي الحرة وامنياتي..انت اسرار وخبايا عمري الي راح وعمري الي لسة اتي ..
زقوني بعيد عنك..فقدت الاتصال بعينيك.. و في عز الضرب عني اختفيت.... مع اني ولا دقيقة سرحت عنك ولا من مكاني مشيت...
مش لقياك..رحت فين؟ على موتوسيكل متصاب ولا لسة واقف؟

سالي توما- و لساهم اسود

تأليف : مصطفى سعيد
https://www.facebook.com/Never.Try.Never.Fail

أداء : منّة كُردى
https://www.facebook.com/Kawkabmashy?fref=photo&ref=tn_tnmn

موسيقى : فيلم الحفيد 

هابتدي الحكاية زي ما ابتديت وابتدينا كلنا حياتنا واعلننا عن وجودنا بـــ وااااااااااااااء كبيره .. 
ولحد النهارده مش مقتنعه بالتفسير الرومانسي
بتاع اننا
 بنبكي عشان خرجنا من بطون امهاتنا المريحه لعذاب الدنيا والكلام اللي بيثبتونا بيه.
وبرغم ان كلامنا عن الحب الا ان اول شعور حسيت بيه لما جيت الدنيا كان كره .. كرهت الراجل اللي مخبي
 نص وشه وضربني على خوانه 
ماهو لو كان مش خايف مني مكنش خبى وشه واتحجج انه تعقيم 
.. رحمته مني الكمامه
 وكونه دكتور ومتعلم ومعاه شهادات ده مايديهوش الحق انه يضرب بنات الناس .. يلا المسامح كريم.
وعشان انا مش زي اي حد
 انا واحده من القليلين اللي ماكملوش الـ 9 شهور حمل 
مش من العصبيين بتوع الـ 7 شهور 
انا قعدت 8 شهور بس ..
 وطبعا لزم يدخلوني حضانه 
وهناك
 كانت اول قصة حب .
لما دخلت الحضانه ابتديت احاول اعرف انا فين ومين بيسيطر على المكان ..
 لحد ماوصلت حضانتي وعملوا معايا الواجب 
وفتحولي قزازة لبن مشبره 
وكانوا ناس زوق زوق بصراحه ... 
ريحت اتعودت ع المكان وابتدينا نتعرف .
الجميل اني كنت نازله عارفه اسمي 
لانهم اختاروا لي اسم منة من وانا لسه مشروع بني أدمه 
وعرفت بعد كده من جوابات
 ماما وبابا وهما مخطوبين انهم كانوا بينادوا بعض بأبو منة وأم منة ...
وحمدت ربنا لما لقيت اطفال كتير معايا مش عارفين
 هما مين ..
وشفت اتنين تؤم ماسكين في خناق بعض 
ده يقوله انت كنت بترفص 
وده يقوله وانت كنت بتشفط الاكل كله لوحدك 
ودوشه 
وزيطه
وفجأه سمعت احلى واااااااااء في حياتي 
وااااء كلها حنيه ورجولة في نفس الوقت.
وشدني ليه اكتر اني لقيته عمال يضرب الممرضه ويرفص 
عشان بتغيرله الكافوله قدامنا 
حسيت ناحيته باعجاب من الكافوله 
الاولى 
وأول ما الممرضه خلعت ابتديت اتعرف عليه ..
 كان لسه معرفش اسمه برضه 
بس قلت مش مهم الأسم 
المهم الحشو 
اللي هو الجوهر يعني 
وعرفت انه مش من هنا 
وانه جي من مستشفى تانية عشان معندهمش حضانات كفايه وقاللي ده من حسن حظي 
وابتدى يريل عشان يلفت انتباهي 
لحد ماحصل وريلت انا كمان 
وفهمت انه معجب بيا زي ما انا معجبه بيهه 
وقررت اني اعترف له واصارحه
 بأني حبيته وأنه 
الأنسان - بأعتبار ماسيكون - اللي هابقى سعيده انه يشاركني رضعتي وغياراتي 
ولسه بقول واااااااااااا...
 جت ماما عشان تشوفني هي وصاحباتها.
ودي كانت اول فصله في حياتي 
وقتها جاتلي فكره اعمل نفسي نايمه 
كان نفسي اصحي وبالمره فرصه اعرف ماما عليه بس 
قلت بلاش تسرع 
وبالمره لما انام هارحم نفسي من التفعيص ومن اني اشوف التعبيرات الغريبه اللي بيعملها الكبار 
كفاية 
الشويه اللي شفتهم قبل ما انام ...
ونمت وروحت في النوم لانى كنت واصله الفجر حوالي الساعه اربعه ده اللي عرفته
 لما كبرت 
واكتشفت كمان ان دي المره الوحيده اللي بابا ما زعقليش فيها عشان هتأخر.
صحيت متأخر ولقيته اختفى واخدت اول صدمه في حياتي ...
بس ما طولتش فيها لان وقتها قابلت رجل احلامي ... 
بابا ♥

الحضّانة _ منّة كُردى _ مُصطفى سعيد

ِقل للمليحةِ في الخمار الأسود
ِماذا فعلتِ بزاهدٍ متعبد
قد كان شمّر للصلاة ثيابه
ِحتى ظهرتي له بباب المسجد
ردّي عليه صلاته وصيامه
ِلا تقتليه بحق دين محمد

قالوا تسلى عن المحبوب قلت بمن ؟
 كيف التسلي و في الأحشاء نيران ؟
إنّ التسلي حرامٌ في مذاهبنــا 
و كيف أرضى بكفرٍ بعد إيمــان
ُفشاربُ الخمرِ يصحو بعد سكرته 
! ُو شارب الحب .. طول العمر سكران

أيّ شيءٍ في العيد أهدي إليك ِ يا ملاكي، وكلّ شيء لديكِ ؟
أسِوارٌ ؟ أم دملجًا من نضار ؟  

ِلا أحبّ القيود في معصميك
ِأم خمورًا ؟ وليس في الأرض خمر  كالتي تسكبين من لحظيك
ِأم ورودًا ؟ والورد أجملهُ عندي  الذي قد نشقت من خدّيك
ِأم عقيقًا كمهجتي يتلظى ؟ والعقيقُ الثّمين في شفتيك
ِليس عندي شيء أعزّ من الروح  وروحي مرهونة في يديك

بلغـوهـا إذا أتيـتـم حمـاهـا
أننـي مـت فـي الغـرام فداهـا

ٍوأذكرونـي لهـا بكـل جمـيـل
فعساهـا تبكـي علـيّ .. عسـاهـا

واصحبوهـا لتربتـي ، فعظامـي

تشتهـي أن تدوسهـا قدمـاهـا

…

علي الهلباوي . قصيدة قل للمليحة في الخمار الاسود

مزج صعيدي _ الم , تراث

باكتبلكم من اوطى نقطة في العالم
من روحي الضلمة
باكتبلكم بارادة حرة
من غير ورقة وقلم
غير ميكروفون 
وخشبة المسرح تقول:
يا ايها الناس اسمعو
لم يسمع احد
يا ايها الناس اجمعو
لم يجمع احد
لكن ما زلت بقول واغني 
على خشبة المسرح
تمر ذكراكي ف خيالي اسرح
ما اعرفش ايه خلاني اعمل كده
لأ
عارف
انا كنت ضعيف وخايف
كنت بترجى الاجابة وانسى السؤال.
انا ابقى ايه ? 
وهبقى مين ?
وشايف نفسي فين كمان خمس سنين ?
سألتني (الاتش آر) بمنتهى الانانية 
وسكت بمنتهى الاهمال
لكن في عقلي تدور افكار عيال
ماعندهاش تربية
عن شكل رجليها تحت المكتب 
ولون الجزمة 
دلوقتي اقدر اجزم 
اني كمان 5 سنين 
هبقى كتاب مالوش لازمة
يسندو بيه كعب ترابيزه بتميّل 
مع السنده
.. 
انا مش عايز ابقى زي عم محمود
ومش ببحث زي بدر عن الخلود
ولا بهرب زي كيفي من الاله
ولا ازمتي في بنت حبيتها وصدتني 
فصدتني
- لكن -
هذا اقرار مني بندالة منهجي
وخذلاني لخلاني 
وهوان العشره على ولاد الحلال ، مش سهل
مش سهل برد الفرشة
كل اللي اتعلقو بطرفي ، 
اتعلقو بقشة 
انا ولا حاجة
انا اللي اخترعت اللاشئ وحبيته
وانا اللي نهيته بايديا دول
معرفتي بالحياة 
اني جيت في رابعه ابتدائي
حبيت ايه احمد
واني كنت خلفة صالحة
من اب صالح
وام صالحة
واني كنت فالح في العلام
واني كنت اول اخواتي
واخرهم باين
مش عارف
بس بردو كنت خايف
و أبله جليله 
كانت توصلني المدرسه بدري
درءاً لخوف امي اني اتوه
كنت بحبها لكن 
خليت امي تقطع رزقها
لما العيال افتكروها امي
وبقت امي توصلني
واقول للعيال امي اهي امي اهي
ما اعرفش ايه حصل
خلاني استعر من نفسي زي ابله جليله
من جوفي .. من خوفي 
و قلة حيلتي ، وهدوئي الكيّس
ما اعرفش ايه خلاني اوصل كده 
انا كنت كويس
كنت كويس
كنت بعرف انصح الناس
وآويهم 
كنت احب القعدة وسطيهم
لحد ما بقيت من غير قصد بأذيهم .. ويأذوني
اعزيهم .. يعزوني
وكنت 
في تانية ثانوي او في اولى
مش فاكر
لاجئ في بير مسعود
زي العساكر 
كنت بترجى نظرات البنات
ونظرات البشر 
دلوقتي نظراتهم تاكلني
*قرنفلايه تحت ضرس العقل* 
وانا معدي في وسط البلد بالليل
ما اعرفش ايه حبك لوسط البلد
ما اعرفش ليه حب البشر كلهم لوسط البلد
مالها اطرافها؟ .. 
بعيدة .. و غريبة زينا 
يمكن عشان كده بنلملم نفسنا 
من حوالين البلد
ونروح وسطها
عشان ما نحسش الغربة 
والغربة ناشفة ،، بتفرّط 
وامي لسه كانسة الارض م الفرافيت.
...
مسيري هوصل للي مش عارفه
ومسيري هبقى اللي مش عايزه
زي ما بقيت كده بالظبط
انا هموت بنوبة ذكرى
او بنوبة ضغط
مش عارف .. بس هموت
دي رحلتي بردو 
من الكيوت 
للاصفر البهتان
دي تكملة قصة امبارح
بس انا كنت تقريبا غرقان
ولسه بصحى اهو وبفوق
و انزل لتحت
ما اعرفش تعبان ولا ارتحت
ما اعرفش انا فين
ما اعرفش انا ليه
ما اعرفش ازاي
عليك السلام يا ضيف احمد 
والرحمة والبركات
وتعالى نوزع قُرص ، و نشرب شاي 
رحمة على روحك ، 
على كل اللي مات
اهو انا دلوقتي اقدر الليلادي ابات 
مرتاح
او شبه مرتاح
وبكره راح يطلع صباح 
هيثبتلي ان اللي قولته ده كله كدب 
وكل اللي هقوله كدب 
كلها محاولات 
لايه? ما اعرفش
بس بنحاول
بنحاول اننا نبقى اي حاجة 
عشان نعرف نداري 
طراطيف صوابعنا الخناجر
لو غرزناها في قلوبهم
هيصيبهم عمى في عينيهم
ويصيبهم شلل ف رجولهم 
معلش معلش معلش انا اسف
انا اسف اسف اسف معلش
انا اسف يا كل الناس
على جوف القلب وقلب الوش
اسف لخالي ابراهيم 
على رميته محروق 
اسف ل خالي حسين 
لما مات مضغوط
اسف يا خال مجدي 
على حادثة الاسعاف
اسف يا حاج سيد 
على وقعتك مكبوت
ودورة الكون بعدك دورة كاملة باستخفاف
كان ما حصلكش حاجة
اسف ل جدي 
اللي كان نفسه يشوفني رفيع 
عشان كنت بصعب عليه
تُخني بيدرّله الشفقة ف عينيه
ماعرفش ليه شافني مُدّر للشفقه
ماعرفش ليه شافني 
ذو شأن 
كل اللي شافه ما صابنيش 
لكن دوشني
ما اعرفش ليه ما ودعتوش قبل الموت
ما اعرفش كنت ببكي على سريره بجد 
ولا كنت بمثل عشان عمي يشوفني
فيحسني بحب العيله اكتر
ما اعرفش ليه بصغر دلوقتي او بقصر
ما اعرفش ليه بعد نبؤة كل العالم
اني هكون احسن واحد في العالم
دلوقتي بدمر كل قناعتهم عني 
ورؤاهم الساذجة العبيطة
ربما غرتهم لمعة خدودي 
ونظراتي الحويطة 
ربما غرتهم نفختي الكدابة 
ربما 
بملك برائة ف عينيا ، بس جوفي
ما فهوش برائه
في حاجات لو تطلّعو عليها
هتجحدوني بالحيا
او يمكن ترؤوفو بحالي
تمدو ليا ايديكو عطف
وعينيكو شفقة
انا اسف
انا اسف
هنام دلوقتي 
وبكره الصبح 
هكمل حياتي زيكو 
وتصبحو على خير 
ويبعدني عنكم في المنام
اول واحد بيصحى 
واخر واحد ينام
سلام
...
محمد السيد عزيز

انا كنت كويس

Mohamed Aziz