(كرباجك)

محمد الحسن حسن سالم حميد

النص:-

كُرباجك القطرانو حزب السارقين

نازل علي ضهر القوي والاسمو ضُلالتو اليقين

مابستكين .. لو روحو فاضت وبتقت في كل ربوع وطنو الحزين

لو انتو شلة مسخرة وعبدة كراسي ومفترين
 
نحنا البلد درقا وسيوفاً طالعة وشلال يقين 

بنقولكم يامفترين

العندو دين .. مابسرق البلد العبادو موحدين

العندو دين .. ماببني قصرو العالي فوق جوع الغلابة المعدمين

العندو دين .. مابسمي أعداء الوطن جند الوطن والحادبين

العندو دين .. مابسمي من قالو الحقيقه المرة خونه ومارقين

وبنقولكم يامفترين .. حالفين يمين

حالفين يميـــــــــــــــــــــــــــــن

كورال الحزب الشيوعي  كرباجك ( كلمات الراحل محمد الحسن سالم حميد)

زيدان ابراهيم - لو تعرف اللهفة

يامتخبية خلف وضوحك- محمد الحسن سالم حميد

ست الدار- محمد الحسن سالم حميد

ضهر المعزه محمد الحسن سالم حميد

صياعه مع ابي ذر الغفاري محمد الحسن سالم حميد

شوك الشوق - محمد الحسن سالم حميد

هاتْ لَينا صباح
أشعار: عبد الرحمن الرَّيَّح 


يـخـجـل البـدر
ويـخـمـد المـصـباح 
يـالـيــل هــات لـيــنـا صـبـاح

نحنا كل صباح 
نبني في الآمال ماوجدنا رباح
سِـرَّنـا المـكـتـوم بـالـدمـوع انـباح 
والسـهـاد أصـبح فينا أمـرو مـباح

القلوب ترتاح 
للكمال التام في الكمال نرتاح
أصلو زول لكن صوَّرو الفتاح 
من سُلاف الروح محنة للملتاح

الجمال شراح 
للصدور لكن للقلوب جراح
قالو أهل الحب في الزمان الراح 
نشوة الأشواق أحلى من الراح

النسيم لو فاح 
يمتزج بزُلال دمعنا السفاح
كم عشوق مهجور مُضنى بالإصفاح 
عينو في الورد ونفسُو في التفاح

ياهوي الأرواح 
أنت للعُشَّاق كالشذى الفوَّاح
عطِّر الدنيا واملأ الأسواح
يزهو بيك الكون في غدو و روَاح


هات لينا صباح - عبد العزيز محمَّد داؤود / عبد الرحمن الرَّيَّح

بادي محمد الطيب - الشاغلين فؤادي

محمد الامين،، نرجسة

محمد الامين،، لما شفتك

موثق للانسان محمد الحسن سالم حميد, اله الشعر عند العربان
واخرون...

ضهر المعزه محمد الحسن سالم حميد

Mohamed Issam Bob