شعر سوداني

محمد الحسن سالم حميد

حِمّيد

سرسار

ريري

العميد

Mazin Atta

ابو السيد

حميد

كلمات محجوب شريف - غناء محمد الأمين - أداء الثوار بمصاحبة آلة الكمان فقط

مساجينك - أداء الثوار

قصيدة محجوب شريف احرموني ولا تحرموني بصوت الناقد والكاتب إبراهيم حمودة. الصورة المرفقة بورتريه للشاعر محجوب شريف من أعمال الفنان حسن موسى

محجوب شريف بصوت إبراهيم حمودة

لو تعرف الشوق / شرحبيل احمد

ي عينيك عينيك داريها
داري عينيك عينيك داريها
فيها الفتنة وفيــها وفيــــها
دلال الحب ودلالها وتيهها

شفته عيون خمريـــة كتــيـــــر
شفته عيون في رموشها سعير
شفته عــــيون الشافـــه اســير
شفتة عيون الليـــل ضاميـــها
لكن عينيك ما شفــته شبيهها

داري عينيك عينيك داريها
داري عينيك عينيك داريها

عيونك وردة رموشها جناين
وكل الناس لي عينيك بتعاين
لان الحب في نعاسن بايـــن
فيـــها دلال هـــو مدسيـــها
من الحساد يا رب تحميــها

داري عينيك عينيك داريها
داري عينيك عينيك داريها

يا اهل الحــب انا قلبي احتــــار
عشقته عيـــون زي الازهـــــار
في نظرة نور و في نظرة نـــار
رضيت بي نورها ونارها الفيها
بس داريها عـــينيك داريــــــها

داري عينيك عينيك داريها
داري عينيك عينيك داريها


نانسي عجاج - داري عينيك

amzjradio's tracks - سميرة دنيا - يمة أنا زولى ما جا (made with Spreaker)

الضو وجهجهة التساب

ازهري محمد علي في تخليد ذكرى شاعر الشعب في يوم السبت ١٧ مايو، ٢٠١٤ بمنزل الشعب الثورة الحارة ٢١.

ازهري محمد علي - محجوب شريف


خطاب حسن احمد  في تخليد ذكرى شاعر الشعب في يوم السبت ١٧ مايو، ٢٠١٤ بمنزل الشعب الثورة الحارة ٢١.

خطاب حسن احمد - محجوب شريف

محمد النصرى - سر العيون

مصابيح السما التامنة وطشيش- محمد الحسن سالم حميد

محمد النصري باكرنا نيل

محمد النصري زمن الفجيعه

محجوب شريف غني ياخرطوم

فقدتك الاما نقنق    كلمات حميد الحان واداء عثمات عبد العظيم

مصطفى سيد احمد .. مريم الاخرى اوركسترا

هردت لهاتي بالغنوات محمد الحسن سالم حميد

ضهر المعزه محمد الحسن سالم حميد

يا الله ما أحلى الوطن
يا الله ما تديني يا
أديهو عمري يكون فدا
عشان تبقى الحياة المخضرة بينات اوفياء
الأرض ورث الصالحين الأنقياء
ويا دنيا مين زي المسالمين اتقياء؟
ويا الله إن زالو الرسل ما زالو منك اولياء
أقبلني واحد منهم والهمني صبر الأنبياء
على عالمي المجنون يكون مسكون محنة وحن ضياء
من ناس شموس تطرد ديوش الظلمة والضر والرياء
يا الله انا الكادح إليك طول الزمن ما بوصلك من دون وطن تديني يا

يا الله ما احلي الوطن محمد الحسن سالم حميد

في دبابة .. في دبابة
مساويكك في دبابة
أباريقك في دبابة 
و مشاويرك في دبابة
تنوم و تحس في دبابة
و عاد لي متين في دبابة
تظل معزول عن الدنيا
و مَقطِّع بينك أسبابا
ولا تاخد خبار أهلك
و لا أخبارك في زول جابا
رويدك لا يغرنك
نعيم الفيها و أطيابا
حصارك كلما طول
موايدك جفت أكوابا
نهارك و إنت ماك فلاح
سموم و هجير وتَّابة
و من النسمة التهب بالليل
بقت عينيك هوابة
في دبابة
مصاقر حالك التبدي
و تراعي عليهو جلابة
تمارض وضع ينساقط
فروع ضبلاني من غابة
تعوِّر مركب التاريخ
تعصلج دفتو وتابه
صلاحو الطيبة ما هبت
بلا حبّانا و أحبابا
يا عايق الشعب يا غافل
ضياء عمرك في دبابة
بلاك يا سيدي الغافل 
عن الأيام و دولابها
منو الفي الدنيا ما فاكر
شوارع الثورة جيّابه
منوا لفي الدنيا ما فاكر
كراع البقرة جيّابه
شنو البتش شمس باكر
تظاهر ناسا و إضرابا
و مجرد فرض يا قاصر
و إرادة الشعب غلاّبة
إذا سديت دروب الأرض
وإنطامنت علي أبوابها
فكيف تضمن سماء الخرطوم
سماها الماها كضابة

في دبابه محمد الحسن سالم حميد

الجابريه محمد الحسن سالم حميد

عبيت زاودني الريقة من بايت القوى 
بايت القوى الوطن الدشر … 
غيمو الربط 
ساعة بقينا من الروى …… 
فرسخ مطر 
سافرت لك بأشواقي لي آخر المنافي 
بحت في كل المخافي .. 
وكست عنك في الخرط 
في التواريخ القديمة .. 
التواريخ الرؤومة .. 
بين نقوش نبتة ورسوما 
في الطنابير العظيمة 
وبين لغة مروي القديمة 
وخط .. في خط 
راجعت بك كل الأسامي .. البعرفا 
كل الجمل .. 
حتي الضمائر .. وأحرفا 
صححت بك زمني الغلط 
باختبك قلبي الشقي .. 
وبشرتو بي لقياك عبط 
يا طيبة زي شارع وسط .. 
يمشيبو كادح وأرزقي 
وممتنعة زي قبض المياه 
والمافي 
والما بتلقي 
غالبني جيتك أصادفا 
لا في المعابر والموانيء المترفة 
لا في المطارات الوسيمة كما الفراغ 
لا الأرصفة 
كل الدروب التعرفيها وبعرفا 
التألفيها وبألفا 
خشيت دغيش سِعن الدني 
المرفوع علي سيبات وفا 
روابي كان قطاع غني .. 
وشوقاً مفورن وانكفي 
قدام خطي الوجد الِحفي 
غابن صباحات القرب … 
وبقت ضلامات الجفا 
وضي المصابيح الجريح .. 
كترت علي الريح …. وانطفا ؟؟؟ 
هوي يا بنية من الغبش .. 
من حر أباطهم مترفة !!! 
وين إنتي شان نرقد قفا 
وين إنتي وين .. في يات دغش 
ما بيننا بين غيبتك كفي 
لو بق حسك في... 
هشيم دبش الضياعات والسأم 
زي أغنية شوق .. 
زي نشيد .. 
اندبي همسك زي نغم 
او خب خطوك زي شهيد .. 
رفت مسيرتك زي علم 
ما كان مهابات الصقور 
(نخت) تحت رخة رخم 
وين إنتي وين .. 
ما كان هجم ديش العجم …. 
والدنيا ضو 
وامسن سبايا الأغنيات 
العزل … ألاه … شن تسو ؟؟؟؟ 
ولا في الكفوف الخاوية سيف … 
لا في الكتوف الزاوية ضو !!! 
دلَّجت درب الأربعين .. 
براً 
وبحراً 
حتي جو 
أشريك قلت من الزمن 
واعتق معاك رقة مشاعري 
أزوجك كل الوطن 
كل الرجال الحملو أرضك بالحلال 
وأفتق سحاب العشق شو 
ولا بنتي في الزنج البجم … 
لا كنتي في العرب الأشو 
لا في شلوخا … 
ولا الوشم .. 
لا في شيوخا ولا في عو 
بل فيك غشاني الزمن … 
أداني صرصر وبعتو نو 
كوترني .. بي حبل الوخم 
كل ما انقطع تو .. بان لي .. تو 
ناقز وراك .. 
ناقز وراك .. 
ناقز وراك .. 
انترتعت رؤياى .. 
هكع .. 
ما بين أريت … يا ام زين … ولو 
وبين تبقي وين .. 
لاك في الوجود 
لا في العدم 
لا في الحقيقة … ولا الوهم 
لا زين 
لا شين 
لا البين بين .. 
يا راحة الباقالو هم 
لا عنك أفتاني الزمان .. 
لا منك انقطع العشم 
يا ريتو أغناني الكمان 
آ طيبة عنك صوتك نغم 
من أعلي ميضنة فيي 
كان أعلنت موتك للأمم 
أو .. صح بجيتك لي الرمم 
لكنو صمتك طال … 
وحان ميعاد زفافي علي الألم 
قلت أرفع أيديني وأقول … 
خاني الصبر .. 
خان وانهزم ؟؟؟ 
زي ما أتهزم كمين نبي … 
وخانت علاي التاريخ ذمم 
آ طيبة أخافك ؟؟؟ واللا اخاف 
السبة واللعنة الوبيلة ؟؟ 
تحل ورايا كما الجفاف ؟؟ 
أو ….. تار علي أكتاف قبيلة ؟؟ 
معلمي الله من عتاد .. 
يبرد حشاها .. ولا في حيلة 
بلا تأمل في البعاد .. سنين .. 
سنين .. ودنين .. طويلة 
وكيف ؟؟ وكم ؟؟ 
والإنأخذ بالدم غصب … 
مافي البرجعو إلا دم !!!! 
آ طيبة هيلة .. 
سلام 
عوافي يا أصيلة .. كما المعانا 
أو .. بديلة علي اللي مافي 
يمه أدخلي علي غنانا .. 
يا أمرقي من القوافي 
يا أحذرينا وما تخافي 
وما بنخيب حاشا ظنك … 
ينفخوها وما بتموت 
حية نارك … حية يوت 
ختي قدرك في الأثافي .. 
يوسف الفي الجب يمرق 
ضاربا ريقة اليلقي قوت 
روقي أكنك .. 
واللا كنك .. 
تاوقي في البحر الخرافي .. 
يونسك في ياتو حوت 
سمَّ ينده جوفو حافي .. 
وهطينا علي الأثافي …. 
وهبي نارك لا تموت 
يا حمامة غار محمد .. 
يا خيوط العنكبوت 
يمة كسناك ضمة مافي .. 
الدروب وين غيبنك ؟؟؟ 
في سؤالنا الضاري عنك .. 
سدن أبوبن بيوت !!!! 
والبيوت البشبهنك .. 
انكرننا وانكرنك !!! 
ننكشف لا لوم عليهن .. 
بس ها كيفن يسترنك ؟؟ 
وفي سكاتنا الجاري منك 
رحبن بينا السجون 
الدرادر والمنافي 
فينا من روَّح فدايتك .. 
وفينا من لا زال … 
وفينا 
ما في من بدل لرايتك 
وانتي في ذات السكوت !!! 
التراب يتشهي حنك .. 
السحاب عابر يفوت 
واللا يكمد للعيون 
بالغبار غمة وسوافي 
وانتي يا آخر المرافيء 
يا أم وجوداً صار خرافي 
في صحاريك داخ غفاريك .. 
من برد زمنو الرعافي 
دون كواريك .. 
مات واتاريك 
غبتي بي كل المرافيء 
يا لساريك .. لاك موافي 
لا كمان قادرين نسيبك 
نمشي في الزمن المجافي 
ما عهدناك عاد تخافي 
كانفعالات المراهق ... 
شابكة كالشجر الضفافي 
خيلك - الريح - حين تناهد 
لوحة التاريخ بيشهد 
لونا والدم الإضافي 
إلا يا وتري وغناهو .. 
راحة أنغامو .. وهناهو 
يا نبي الثورة الغشاهو 
برداً أكتر من غتاهو 
إلا يا بت جاك زمن دارع الأيام قلب 
الدفاتر والكتب 
إستحمت بالغلب 
التلاميذ النجب .. 
طيشا الفقر …. 
الغبينة 
صنت الأجراس وجينا 
إلا يا .. آخ … ما لقينا 
الجوامع مستباحة .. 
والمصلين صر جنب 
الكنائس جالبا دينا !! 
والمدينة تبيع عوينا !!! 
لي النخاسية الغرب 
لي اللحاسية وعقب 
تشتري آفات الرعب 
والهتافات الجرب 
عربدت باسم السما ... 
توكت ريح السحب 
ومن ضروعاً .. كان تكب 
كل أطفال الفقاري .. 
وكلهن في فد شخب !!!! 
في اللغة الجرسية .. سب 
في التقي النجسية .. سب 
في الوقار الفاوة .. سب 
في شعار ما ساوي .. سب 
واللا أريت ما كنا منك .. 
لا في بيناتنا القرب 
كنا أقلا نشوفو عادي 
التردي الجاي وغادي 
دسادي في النعم الزيادي 
وابن آدم بالأيادي 
لي سترة الحال يكافت .. 
غابة غابة .. 
ووادي وادي 
ينبح المسكين يا طيبة .. 
طيبة يا راحة الفتارى 
وواحة الفي الصي حيارى 
عورة الشرفاء الفقاري 
سترها ولب المباديء 
يا بنية الأجر أم خير .. 
أو نبية الشجر الطير .. 
يا رسول البسمة للأطفال … 
حبيبة نيل بلادي 
يا طليقة الغيم … 
عروس طين البوادي 
المناديل بانتظارك … والأيادي 
معبأ شوق .. 
يا طيبة .. 
طيبة .. 
طيــــــــــــ .. 
ولا حياة لمن تنادي 
بكَّاك بكيتي .. سكت برايا 
كنت حافي علي إبر .. 
بتَّ حابي علي شظايا 
من انكسار رماش عيونك 
فوق مسام سام المرايا 
من كتر تعباً تعبتو .. 
قلت ألقاك ما كفاية 
يا تكملي في صمتك 
يا أخلص بيك غنايا 
دي الحنايا وراك يبست 
ولامست عشميق الخلايا 
وبت أمسد من حروفك 
وأقتل الأيام .. قراية 
بتق الغيم .. برضو أرضك 
ما استجابت لي سقايا 
وقلت أخطك بي دمايا 
يا أصابعيني أبقي ريشة 
ويا شراييني الدواية 
وقنعي الريح الورايا 
النكع بالخيل .. محالاً .. 
يدي بي بقر الدرايا 
انتهت كل الخفايا 
وقلت أكوسلك في الخطايا 
لما في ذات لقيا حر .. 
وزاد هواكي علي هوايا 
وقمت خنتيني معايا ؟؟؟ 
اشتكيتك لي القمر 
لما أنسام السحر 
الرياحين والزهر 
شهدوا لي عليك يا اخية 
جاء القمر سواك برية 
وباعتزاز في إبرة حية 
صاح في جمعنا يا برية 
من يكن من غير خطية 
......... 
وقم رميتك بالتحية من اللي في 
فيا ….وفية 
يا معاكي تغيبينا .. 
يا تعالي وابقي جية 
للبعيشو غصب عشانك … 
والبموتو بحسن نية 
حار علينا بعد طراوة … 
وبين عيون أحباب تقية 
نبقي في كتمة وشقاوة 
وبين أراذل 
وارزقيـ……ـة 
كفاك شكية !! 
يا التشرك لي غمامك … 
وتحتك الأنهار قوية 
ما انسرق ذات ليل سنامك … 
لو قبيل كست الحوية 
كفاك شكية !! 
وما بيضيع حق لا قضية 
لو في طلاب من وراهو 
ونية بيضاء وبندقيـة

البحث عن ذاكره لوطن مفقود محمد الحسن سالم حميد

السلام ملح المشاعر محمد الحسن سالم حميد

تسجيل خرافي سفر الحسين والرضيه

الرجعة للبيت القديم  محمد الحسن سالم حميد

محمد النصري -

من اشعار مصطفي سيد احمد
...
حتي انا ارقب جنتي واعاني
يا ويل لي من غضبت الشطاني
يدنوي اليًً بمحبة لا رهبة فيزوب في نفسي وخلفي لساني
كم جاث عربد في الفواد فما اكتفي
كم قادني في قصه الحرماني
كم مره نفث السموم بخاطري
حتي ملات بجرمها احضاني
كم خت لي في الحق اقبح منظر
كم قادني قسرا الي اللزعاني
فكرهتهو وكرهت نفسي والدنا
وكرهت عمري في حكمه الاحزان
عمرا تلاك يومه عبر الاسي
وسنينه حزنا من الاشجان
ومصيره يا ويلي نفسي زكره
قلق اتي كتفجر البركان
عمر من العدم البغيض وجوده
ووجوده ذكر الي النسيان
فيهي الليالي الساكانت مسامع
تصغي لبث الحزن والاشجان
متنفس ابدا نلوذ بصمته
والصمت يخفي حده الصوراني
لكني عانيت فيها تمزقي
حتي كسوت به اجفاني
هكذا الغرام اذا خمدت شمعاته
ووعوده وقفت عن اللمعان
وعفافه امسي قتيلا غيل في عقر دار الاهل والخلاني
لا قد مضي ذاك الزمان وما به
الا خلود الذكري والعرفاني
وقد انتهي زمن السعود وها انا
مستنطق للصمت والجدراني
واحس اني كالغريب بدنيتي
وامل حتي رفقه الانسان
فاعود اخيب ما اكون ماولاً
وقد اقتنعت بلمه الشيطان

أرقب جنتي - شعر - مصطفى سيداحمد

حكاية الضوّة بت عجبين

متقريفك*

هناك

نورا........مصطفى سيد احمد

والماهية اف عيشة هاك وكف

في هذا الزمن تف يا دنيا تف

مصطفى سيد احمد - عم عبد الرحيم

مصطفي سيد أحمد،،، صديقي الأول

مصطفى سيد احمد شقاء الايام - تغريد محمد

تعال قص البلد وارجع
تعال ادي الغبش طلة
بقالا اليل غُـتى ومقنع
سترتك يا صباح الله
ضراعك مدو لي رضّع 
ضروع اماتو قطّن قط
مراكب شوفة لا مشرع 
ولا بان في مداهن شط
-------------------
تعالنا نحن من شفع 
نفك الحيرة بي حيرة
ولما  الليل يصن نسمع 
وراء الآهات غُلب نورا
-------------------
ابوى قالولنا جيبن ده
صباحات الله بخيرها
تويب امي الزمن هدا
صباحات الله بخيرها
وصباحات الله لاقيتا
لا كراسا لا قلما
صباحات الله لاقيتا
ململم في العيون الما
صباحات الله لاقيتا
تليس في شقوق بيتا
صباحات الله لاقيتا
وشيها عليهو وتّابة
 ورمت للمعزة ورتابة
مودّي التُرمة للبقرع
تباصر وكم رجا إتقطّع
صباحات الله أبت تطلع
محل خليتها تتوجّع 
في مستشفى
فِطن إندايا - جامع - سوق
محطة - ملمة - 
اكان في قيفة أو مُشرع
------------------
صباحات الله ما إنتو
دقّوا من الأرض مطرة
إنتو بقّوا من الأرض مطرة
شنو الخايفنلو يا فقرا
شنو الداخرنو في مترة
دقيقاً ما يقك الريق
وسمكةً ما في في بحرها
شديراتن بقت حطبا
وتمرةً ما تفك طلبها
وبيوتاً جنّـها المطرة
دي فجيعة نورا يا فقرا
ترف من شدرا لشدرا
تلف الدنيا كايسالكم
تجبد الكُدَّح الأجرا
ومن التعب البلا صالح 
يجبد الكُدَّح الأجرا 
------------------

تعال قص البلد وأرجع - محمد الحسن سالم حمّيد - ياسين عبد العظيم - صابر عبد الهادي

AfArm

رسائل ست الدار بت أحمد جابر
محمد الحسن سالم حميد
محمد النصري

ست الدار

الضو و جهجهة التساب - حميد

موثق للانسان محمد الحسن سالم حميد, اله الشعر عند العربان
واخرون...

ضهر المعزه محمد الحسن سالم حميد

Mohamed Issam Bob