في دبابة .. في دبابة
مساويكك في دبابة
أباريقك في دبابة 
و مشاويرك في دبابة
تنوم و تحس في دبابة
و عاد لي متين في دبابة
تظل معزول عن الدنيا
و مَقطِّع بينك أسبابا
ولا تاخد خبار أهلك
و لا أخبارك في زول جابا
رويدك لا يغرنك
نعيم الفيها و أطيابا
حصارك كلما طول
موايدك جفت أكوابا
نهارك و إنت ماك فلاح
سموم و هجير وتَّابة
و من النسمة التهب بالليل
بقت عينيك هوابة
في دبابة
مصاقر حالك التبدي
و تراعي عليهو جلابة
تمارض وضع ينساقط
فروع ضبلاني من غابة
تعوِّر مركب التاريخ
تعصلج دفتو وتابه
صلاحو الطيبة ما هبت
بلا حبّانا و أحبابا
يا عايق الشعب يا غافل
ضياء عمرك في دبابة
بلاك يا سيدي الغافل 
عن الأيام و دولابها
منو الفي الدنيا ما فاكر
شوارع الثورة جيّابه
منوا لفي الدنيا ما فاكر
كراع البقرة جيّابه
شنو البتش شمس باكر
تظاهر ناسا و إضرابا
و مجرد فرض يا قاصر
و إرادة الشعب غلاّبة
إذا سديت دروب الأرض
وإنطامنت علي أبوابها
فكيف تضمن سماء الخرطوم
سماها الماها كضابة

في دبابه محمد الحسن سالم حميد

موثق للانسان محمد الحسن سالم حميد, اله الشعر عند العربان
واخرون...

من كتير الزاد مسافر بي غُنايا

نحن الطيـابة الصح كتـار ٳحنا الغلابة ٲكبر حزب

I love f music.. Acatuely i think It's merakel

في دبابه محمد الحسن سالم حميد

Mohamed Issam Bob