el la7b 7lw w tawze3 bs el lyrics labsa fe 2tr

Talaat Zein - Ban El Awam / طلعت زين - بان القوام

Benengerih (Unreleased) - بننجرح

Afro أنا والعذاب وهواك


باب اللوق 

كلمات مصطفي الجارحي
لحن مصطفي رزق
توزيع موسيقي احمد الصاوي

في باب اللوق
قعدت استني جيتها و بتمرجح بحبل الشوق 
و ناس تيجي و ناس ماتجيش
و هي ليه ماهيش جايه
و ناس علي عينها قافله الشيش
و ناس بتنط في عنيا 
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق 

علي يميني شباب بيغني للثوره
و بنوته تقول الست مش عوره
علي شمالي مظاهره جايه من شبرا 
عجوز يصرخ يقول والله سنين غبره 
يضيع صوته في كومه قش كما ابره
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق

وناس تسآلني عالكرسي و اقول محجوز
تكشر قبل ما تمشي و تضرب بوز
و بنت مسلوعه ترقص لواد كلبوظ
و جرسون زي فرقوعلوز يقول عايز كمان قهوه
و اقوله يعوز .. اقوله يعوز 
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق

Bab Ellouq .Mostafa Rizk باب اللوق مصطفى رزق

رسيني يا ساقية عذاب..
فين اللي راح فين اللي غاب..
قوليلي راحوا فين..
وأشكي الفراق لمين..
وأروح لمين..

ايه اللي باقي مني..
بعد اللي راح ... غير الجراح
أنده عليك يا حبيبي..
ولا انت داري بي ... في بعدك

مسجونة في العمر اللي فات..
من بعد ما روح قلبي مات..
خد كل العمر معاه ... ما فاتش غير الآه
وعذاب الآه..
ليه يا موت تحرمني من الأحلام ... مش حرام؟
دبلت ليه في ربيعي..
وشفت خضوعي..
في ردك..

ليه يا ابني تسيب حضني ليه..
فيه أدفي من حضني إيه..
رحت وسبت وحده مره وليل طويل..
رحت وأخدت قلب كنت بعيش عليه..
وفردت بعادك شراع..
من غير ولا كلمة وداع..
آه ياريتني أعرف بس رحت فين..
كنت أمشي لك كل خطوة برمش عين..
خد كل العمر معاه..
ما فاتش غير الآه..
رسيني يا ساقية عذاب..
فين اللي راح فين اللي غاب..

Rasseny - Gamalat Shehaa (Egypt - Africa)

مبسوط كتير 
من ألبوم باب اللوق 
كلمات / مصطفى الجارحى 
لحن وغناء /مصطفى رزق 
توزيع موسيقى / أحمد الصاوى 
ميكساج وماستر / عصام السحرتى 

Mabsoot Kteer مبسوط كتير

ياللى ماشية ع الطريق
من ألبوب باب اللوق  
كلمات / مصطفى الجارحى 
لحن وغناء مصطفى رزق 
توزيع موسيقى/ أحمد الصاوى
ميكساج وماستر / عصام السحرتى  

Yally - Mashia - Mp3.mp3  مصطفى رزق / ياللى ماشية ع الطريق

صباح الخير

كلمات   مصطفي الجارحي
لحن     مصطفي رزق
توزيع موسيقي    احمد الصاوي 
فوتوغرافيا   حسن امين
ارت وورك   ادم عبد الغفار
3D سامح الطويل

لما قالتلي صباح الخير
اتلخبط ماشفتش غير
المصيده قفلت ع الطير 

ايه مالك ماعرفتش ارد
بس عرقت ف عز البرد
طرحت بينا جناين ورد
ضحكت ف نسيت التكشير

لما قالتلي صباح الخير

مشيت و انا كان نفسي ابوح
و اشرحلها شيء مش مشروح
نص كسوفي حلاوه روح
والنص مغرقني ف بير

لما قالتلي صباح الخير

اه يا سلام لام لام يا سلام 
صاحي كاني ف عز منام
بامشي لورا و ارجع قدام
الهوي مش محتاج تفسير 

لما قالتلي صباح الخير
اتلخبط ماشفتش غير
المصيده قفلت ع الطير

Mostafa Rizk-Sabah - Elkhir - مصطفى رزق - صباح الخير

youtube.com/watch?v=jDpo1sIaORY

Ruby - سلم علي

یا قلبي لا تحزن
ولا تجري ورا الدوشة المخنوقة
یا قلبي لا تقلق من الوحدة
ده كام من مرة طلّت عین و بعدین غابت
یا قلبي لا تقسى
یا قلبي سابقني دایمًا و مش صابر
وهو دا الي جایبلي شقا وانا حایر
لكنه كمان بیبقى ساعات سبب السعادة في اللحظات
فیا قلبي لا تصبر
ولا تسمع كلامي
یا قلبي لا تحزن
كل الوجع بیفید
یا قلبي لا تسكت
كمّل معایا للآخر
انا مكمّل
یا قلبي لا تزهق
ما بین اللحظة والتانیة
ولا تفكر
أنهي لحظة في الاتنین كانت حانیة؟
وأنهي لحظة عندك باقیة؟
یا قلبي لاتبكي على اللي راح
یا قلبي لا تجري على اللي جاي
یا قلبي لا تسمع كلامي
یا قلبي لا تحزن
كل الوجع بیفید

Mabsoot Kteer مبسوط كتير

Mostafa rizk

Recent comments

Sarah Al Ghorab

Ahmad Saif

Ahmed Gabreil

mohmeed mk

Related tracks