مسك الليل - نوران أبو طالب وسامر جورج

الشعر إيه؟
ايدين بتخش ف الضلمة ..وتطلع منها بحكاية
عيون بتبص ع الدنيا وعين بتبص جوايا
كلام على طرف كل الناس محدش منها بيقوله
سحاب
دخان
سراب لمكان
 مفيش انسان ما يعرفهوش
وواحد فيه شبه م الكل
برغم وشوش ما يتشابهوش
ومركب فيها واحد بس
بتتهادى بدون مقاديف
أمل صادق ويأس مخيف
ربيع وخريف بيتصاحبوا
جنون 
وظنون 
وكن فيكون
وقلب يساع حدود الكون
 ومش قادر يساع صاحبه
معاني وشوشها مكشوفة
وايد مكسوفة ما بتخطفش
ومسّ بيكوي ما يلطّفش
و واحد غيّر العالم
لكن بعنيه..
الشعر إيه..
الشعر إيه..
معرفش

Photo by : معتز زكي

الشعر إيه؟ - مصطفى إبراهيم

سايس حصانك مستعادة عن الشيخ امام
اعادة توزيع خالد صبيح وورشة الراحل الكبير
بيانو : خالد صبيح
عود : عماد حشيشه/
بزق : عبد قبيسي
إيقاع: علي الحوت 
غناء : ساندي شمعون - نعيم الأسمر
عرض في مترو المدينة - بيروت 6/9/2013




سايس حصانك-فرقة الراحل الكبير

Follow on Social Networks:

www.twitter.com/amrsobhy
www.instagram.com/amrsobhy
google.com/+amrsobhy
www.facebook.com/amr.sobhy

دائماً - حين أمشي - أرى السُّتْرةَ القُرمزيَّةَ
بينَ الزحام.
وأرى شعرَكِ المتهدِّلَ فوقَ الكتِف.
وأرى وجهَك المتبدِّلَ..
فوق مرايا الحوانيتِ,
في الصُّور الجانبيَّةِ,
في نظرات البناتِ الوحيداتِ,
في لمعانِ خدودِ المُحبين عندَ حُلول الظلامْ.
المقاهي التي وهبَتْنَا الشَّرابَ,
الزوايا التي لا يرانا بها الناس,
تلكَ الليالي التي كانَ شعرُكِ يبتلُّ فيها..
فتختبيئينَ بصدري من المطرِ العَصَبي,
الهدايا التي نتشاجرُ من أجلِها,
حلقاتُ الدخانِ التي تتجَمَّعُ في لحظاتِ الخِصام
دائماً أنتِ في المُنتصف!
أنتِ بيني وبين كِتابي,
وبيني وبينَ فراشي,
وبيني وبينَ هدُوئي,
وبيني وبينَ الكَلامْ.
ذكرياتُكِ سِّجني, وصوتكِ يجلِدني
ودمي: قطرةٌ - بين عينيكِ - ليستْ تجِفْ!
فامنحيني السَّلام!
امنحيني السَّلامْ!

Music:
https://soundcloud.com/omar_almudaries/turkish-sufi-music

الإصحاح التاسع - أمل دنقل/ عمرو صبحي

كل ما تروح

1- Ahwak - Houssam Al Saabi
2- ما مرق - جوليا بطرس 
3- خالد سليم - انا حبيت 
4- ما بعرف - يارا 
5-بحبك وبموت فيك - فارس 
6-اتحدي العالم - صابر الرباعي 
7-Harley + Joker Mad love from suicide squad
8- حب - تامر ابو غزاله
9- يا فاتنه - هاني عادل 
10- غفرانك - مي عبد العزيز
11- النوبه توود
12- keviin skinner - only one 
13-وعدتك ان لا احبك - ماجده الرومي 
14-يقول اني امراه - ماجده الرومي 
15-لينا شماميان -لما بدا يتثني 
16-مجنون الليالي - زهير البهاوي 
17- will smith from The Pursuit of Happyness 
18 - اديني من وقتك دقيقه - فرقه مشوار
19 - لطفي بوشناق - انا حبيت 
20- تلات سلامات - مدحت صالح 
21- مهما يحاولوا - مياده الحناوي 
22- كاظم الساهر - احبيني 
23 - Toto Cutugno - L'italiano
24-حمزة نمرة - تذكرتي رايح جاي 
25-دينا الوديدي - ادين بدين
26 - وائل جسار - خدتوا ايه 
27- اسود الليل - جوليا بطرس 
28- جورج وسوف - صياد الطيور 
29-طال السهر - رامي عياش 
30- لقد خلوت مع الحبيب - ريم بنا
31- احمد عدويه - المراسي 
32- تامر حسني - عيونه دار
33- لكل عاشق وطن - خالد سليم 
34- كاظم الساهر - قولي أحبك

مزيج | حاجات شبه بعض 2

ايه، قولي أي حاجة -
ايه =
شكلي إتغير؟ الزمن غيرنا؟ قولي أي حاجة؟ -
ما انا كمان شكلي اتغير…كبرت =
ها بقى حبيت كام واحدة بعدي؟ 
بعد كام قصة فشل كده خلاص الواحد بيتعود يعيش حياته بشوية زعل عايشين معاه علطول -
بيتعلم إزاي يعيش لوحده، ويكمل بشوية الزعل دول، صح؟ =
طب أنتَ ما كلمتنيش ليه بعد الفترة اللي فاتت دي؟
فيه حاجات كنت عاوز أقولها وأنتِ قاعدة قدامي =
****
- «احنا هنا معندناش أي عالم غير هو ده العالم بتاعنا. حلو.. وحش، ملناش غيره. ما نعرفش حاجة تانية».

- «أنا ما بقاليش حاجة هنا. اسكندرية بالنسبة لي خلصت».

- «أنا تعبت من البلد دي. أنا بقالي 7 سنين طالع عين أمي؛ بعمل كل حاجة كل الناس عايزاها، مش بعمل اللي أنا عايزاه وآخرتها ايه؟ ها.. ايه اللي حصل؟». 

- «طيب بما إنك لسه راجع من بره، أنا هسألك سؤال، وترد عليه Very Clear:
امتى بتحس إن البلد دي بلدك فعلاً.. لمَّا ايه يحصل؟»
= بلدي؟ بلدي هي البلد اللي فيها الناس اللي بحبُّهم...

- «اللي أنتوا بتقدروا تتواصلوا مع بعض، اللي فيه بينكم وبين بعض أرضية مشتركة، صح؟ طب ده أنا مش حاسَّاه ليه؟»

- «يعني 7 سنين بيطلع عيني، عشان أعمل اختيارات غيري، مش اختياراتي أنا. عارف لما تروح تطلُب ورق ويعملولك نُسخة طِبْق الأصل؟ أنا مش عايزه أبقى نُسخة طبق الأصل!»
ــــــــــــــــــــــــــــــــــــــــــــــــــــــــــــــــــ
فيلم ميكروفون 
إنتاج: شركة كلينيك 
عام 2010
شارك في كتابته هيثم يحيى، قصة وسيناريو وحوار وإخراج: أحمد عبد الله السيد
الفيلم بالكامل مُصوَّر في الإسكندرية. بدأ التصوير في مارس، وانتهى في يونيو

مشهد خالد وهدير من فيلم ميكروفون

ف الأيام الصعبة ونا شحط
بفتكر الأيام الصعبة ونا عيّل
و بقول عديتهم و انت قليّل
مش هتعديهم دلوقت؟
و لو الأيام غير الأيام..
و الدنيا غير الدنيا..
انتا كمان دلوقتي زمانك واحد تاني..
او واحد تالت
انا بكبر..
و العالم بيقول لي أكبر ونا ساكت
بيقول لي كل ده عادي
و ان انا بكبر ف معادي
و مفيش شيء يستدعي الأزمة
و الحزن الفاضي ملوش لازمة
و بص لغيرك..
حطّيت نفسي ف جزمة غيري
بس لقيتني ف نفس الجزمة
و لقيتني بنفس القلب
و لقيت العالم كله بيجري حواليا من نفس الكلب
و لقيتني ف بحر الخايفين
تايه و وحيد
مش لاحق اراجع مع نفسي انا مين
خايف من بكره و خايف أتغيّر
.....
انا الزبون الدائم للمطاعم اللي بيسهروا لمتأخر
صديق كلاب المنطقة من غير أسامي
شهواني و ملول 
و عدو الناس اللي بتتكلم علطول
تلميذ خيبات الأمل المتتالية
و من أنصار الباب المقفول
بعرف اقول معرفش
و بعرف اقول شكراً
و بعرف اقول للشعب العامل دُمتُم ذخراً
و بقول للشعب العطلان معلش..
انا حاسس بيك
بتمنى الدنيا تدّيني و تدّيك
بتمنى الدنيا تفهمنا واحد واحد
أو تستنانا لحد ما أحزاننا تفارقنا
بحلم زيّٙك أعيش مرتاح..
و أعيش إنسان
و بحلم يوم ما نلاقي طريقنا
تفضل حاجة ما بيننا
إحنا كمان
مش للبيع..
ولا للنسيان

انا بكبر - مصطفى إبراهيم

البوم فيروز كراوية - بره مني

"جرّبت"
كلمات: تامر فتحى
ألحان: عمر الرخاوى
توزيع: أسامة الهندى

07.Garrabt - جرّبت

كأي يوم عادي
وغير مصيري
بدأته ونا لسه ف سريري
بالدخول ع المواقع الزرقا
لقيت تلاتاشر طلب صداقة جديد
ولقيت صحابي
وصحاب صحابي
عندهم حالات وفاة
كاتبين أماكن العزا وتحتها المواعيد
ولقيت أعياد ميلاد كتيرة
لناس صحابي من بعيد
وزمايلي ف مجلس الدنيا
بيتناقشوا بنفس الحماس
 يوميًّا 
في آخر الأحداث
وبيشتموا البُعدا
وناس كتيرة «دايمًا »
طالعين في الصور سُعدا
- إزاي صورهم أجمل من العالم كده؟ -
وواحد ما اعرفوش بيحذَّر
من ضرر قلي البطاطس
اللي بتسبب كذا
وناس بتلفت نظري للأذى الواقع على أقليات الهند
من فضلك اعمل send لكل زملائك
وناس بتخرج م الحياة لأن تليفونها اتسرق
وناس بيدعوا ربنا ع الملأ
يمكن هيسمعهم هنا
حتى الجرايد
برضه سابت الورق
ودايرة على الشاشة بتشحت ناس
وناس بتشتم كلها الستات
وناس بتشتم كلها الرجالة
والآلة قدامك بتتأكد ان انتا مش آلة
ونا لسه بعماصي
بشوف قصص وبشوف مآسي
أكتر مما اتحمِّل
لاكن صباعي لوحده بيكمِّل
لأن الوحدة بتخوِّف
ونا مش وحيد
وامَّا يجد جديد
هكون في انتظاره هنا
أنا
وولادي
وولاد ولادي
على المواقع الزرقا
علشان نعلَّق
ونبرَّق عنينا
ونعرف قد إيه الدنيا حلوة
وفاضية
ومليانة
ومش فارقة
علشان هنا
بنحزن كلنا مع بعض
وبنضحك كلنا مع بعض
واللي بيخرج م القطيع
بنسيبه ورانا
أو ندوسه تحتنا
هنا
أخيرًا
مش هنبقى لوحدنا....

المواقع الزرقا - مصطفى إبراهيم

Mostafa Ibrahim | مصطفى إبراهيم