الشاعر مصطفي الجزار

خاااض

الجزار

الشاعر مصطفى الجزار

شعر

انا

BeSo

دبحونا بالأحزان، قلتوا زهور وحمام .. 
واللي قتل البراءة، مجرم ماهوش انسان ..
لكن واحد وطنا، محال هدم اللي بينا .. 
دم ولادك دا غالي، هيوحدنا في طريقنا .. 
مش هيرجعنا خوف، ولا هيشقوا الصفوف .. 
أحلام شعب وأساه، عايشين نفس الظروف

دبحونا بالاحزان | محمد عباس

سيأتي الضياء ،،،بصوت : أبو زياد & أبو عبد الملك


سيأتي الضياء برغم الغيوم... وتشدوا الطيور بذاك القدوم
ونمضي سوياً على دربنا... وفي كفنا شعلة من علوم

فقرآننا ذلك القائد... وتفسيره ساطع كالنجوم
وفي روحنا سنة المصطفى... وفقه الشريعة علم يدوم

وتوحيدنا عزة المسلمين... به قد قهرنا عنيدًا ظلوم
فلا عصبة تستبيح الحياة... وتجعل منها دماءًلحوم

ونحن الأباة وإسلامنا... به قلعة المكرمات تقوم
ستأتي خيوط الضياء على... سماء الحياة بأحلى الرسوم

ونرحل في موكب الفاتحين... وفوق الركاب الطيور تحوم
فإن جاءنا الموت لسنا نخاف... وفي موقف الحشر تأتي الخصوم

نشيد روعة سيأتي الضياء برغم الغيوم

هي زوجتي .. عنوانها عنواني
وحبيبتي .. بستانها بستاني
ورفيقة العمر الذي أيامُه .. في بيتها أزكي من الريحان 
هي أمـ أبنائي و روضة وهجتي وشريكتي في الفرح و الأحزان 
هي من إذا ملّ الفؤاد رأيتُها .. زهراً جديداُ يانعَ الالوان
و إذا اشتكيت من الصعاب وجدتها ..  سهلاً مريحاً لين الأركان
و إذا أتيت من الظهيرة مُتعباً .. كانت كأنفاس النسيمـ الحاني

في وجهها أمل و ملئُ عيونها .. هي نعمةُ الرحمن يا أخواني
نمشي علي درب السلامـ و في يدي .. يدها .. فتشعرني بكل أمان
هي أمـ أبنائي و روضة مهجتي .. و شريكتي في الفرح والأحزان

هي من إذا مل الفؤاد رأيتها .. زهرا جديدا يانع الألوان
و إذا اشتكيت من الصعاب وجدتها ..  سهلاً مريحاً لين الأركان
و إذا أتيت من الظهيرة مُتعباً .. كانت كأنفاس النسيمـ الحاني
يا رب فاملأ بالمحبـة بيتنآ .. والود والإخلاص والإيمان

هي زوجتي ♥ | محمود المالكي

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

محمود درويش و الثـــــلاثي جبــــران | أنا لست لي

كَفْكِف دموعَكَ وانسحِبْ يا عنترَه
فعيونُ عبلةَ أصبحَتْ مُستعمَرَه
لا ترجُ بسمةَ ثغرِها يوماً، فقدْ
سقطَت من العِقدِ الثمينِ الجوهرَه
قبِّلْ سيوفَ الغاصبينَ.. ليصفَحوا
واخفِضْ جَنَاحَ "الخِزْيِ".. وارجُ المعذرَه
ولْتبتلع أبياتَ فخرِكَ صامتاً
فالشعرُ في عصرِ القنابلِ ثرثرَه
والسيفُ في وجهِ البنادقِ عاجزٌ
فقدَ الهُويّةَ والقُوى والسيطرَه
فاجمعْ مَفاخِرَكَ القديمةَ كلَّها
واجعلْ لها مِن قاعِ صدرِكَ مَقبرَه
وابعثْ لعبلةَ في العراقِ تأسُّفاً
وابعثْ لها في القدسِ قبلَ الغرغرَه
اكتبْ لها ما كنتَ تكتبُه لها
تحتَ الظلالِ، وفي الليالي المقمِرَه:
"يا دارَ عبلةَ" بالعراقِ "تكلّمي"
هل أصبحَتْ جنّاتُ بابلَ مُقفِرَه؟!
هل نَهْرُ عبلةَ تُستباحُ مِياهُهُ
وكلابُ أمريكا تُدنِّس كوثرَه؟!
يا فارسَ البيداءِ.. صِرتَ فريسةً
عبداً ذليلاً أسوداً ما أحقرَه!!
متطرِّفاً.. متخلِّفاً.. ومخالِفاً
نَسَبوا لكَ الإرهابَ.. صِرتَ مُعسكَرَه
عَبْسٌ.. تخلّت عنكَ.. هذا دأبُهم
حُمُرٌ -لَعمرُكَ- كلُّها مستنفِرَه
في الجاهليةِ.. كنتَ وحدكَ قادراً
أن تهزِمَ الجيشَ العظيمَ وتأسِرَه
لن تستطيعَ الآنَ وحدكَ قهرَهُ
فالزحفُ موجٌ.. والقنابلُ ممطرَه
وحصانُكَ العَرَبيُّ ضاعَ صهيلُهُ
بينَ الدويِّ.. وبينَ صرخةِ مُجبَرَه
"هلاّ سألتِ الخيلَ يا ابنةَ مالِكٍ"
كيفَ الصمودُ؟! وأينَ أينَ المقدِرَه؟!
هذا الحصانُ يرى المَدافعَ حولَهُ
متأهِّباتٍ.. والقذائفَ مُشهَرَه
"لو كانَ يدري ما المحاورةُ اشتكى"
ولَصاحَ في وجهِ القطيعِ وحذَّرَه
يا ويحَ عبسٍ.. أسلَمُوا أعداءَهم
مفتاحَ خيمتِهم، ومَدُّوا القنطرَه
فأتى العدوُّ مُسلَّحاً بشقاقِهم
ونفاقِهم، وأقام فيهم منبرَه
ذاقوا وَبَالَ ركوعِهم وخُنوعِهم
فالعيشُ مُرٌّ.. والهزائمُ مُنكَرَه
هذِي يدُ الأوطانِ تجزي أهلَها
مَن يقترفْ في حقّها شرّاً.. يَرَه
ضاعت عُبَيلةُ.. والنياقُ... ودارُها
لم يبقَ شيءٌ بَعدَها كي نخسرَه
فدَعوا ضميرَ العُربِ يرقد ساكناً
في قبرِهِ.. وادْعوا لهُ.. بالمغفرَه
عَجَزَ الكلامُ عن الكلامِ.. وريشتي
لم تُبقِ دمعاً أو دماً في المِحبرَه
وعيونُ عبلةَ لا تزالُ دموعُها
تترقَّبُ الجِسْرَ البعيدَ.. لِتَعبُرَه...
*********
شعر/ مصطفى الجزار
www.facebook.com/mostafa.algazzar.poet?ref=hl

الشيخ محمد العريفي يلقي قصيدة عيون عبلة - شعر مصطفى الجزار

إهداء إلى.. صدام حسين
صباح سقوط بغداد في أيدي الأمريكان
****

قال انا صامِدْ
قال انا جاااااااااااااامِدْ
قال مش هاسمَحْ
إنّ تْرابْ بغداد يِتْنجِّسْ... مِن رِجليهُمْ
قال مش هاقبَلْ
إنّ عينيها...
تبكي دْموع بترول ف إْيديهُمْ
قال انا قااااااااااااهِرْ
قال انا قااااااااااااادِرْ...
أمحي وجودهم
وادفِنْ جُوّا عْنادي صْمُودهم
قال انا طَلْقة..
تِحْمي حْدود البيت المِلْك
قال انا هاقطَعْ رِجْل الظلم انْ حاوِل مرة يعدّي السلْك
لما سْمِعنا كلامُه فْرِحنا
واتشوَّقنا
قُلنا اهو جالنا اللي يفوَّقنا
وامّا سْمِعنا الخبر ايَّاه
إنّ تْراب بغداد الطاهِر.. ما بَقَاش طاهِر
وانّ خلاص البيت المِلْك.. أصبَح شِرْك
وقتها بس..
اتأكدنا..
إنُّه صحيح كان طَلْقة شْديدة
بس خسارة
طَلْقة فْشِنْك!!!
*****
ليه يا مُناضِل؟؟؟
ليه سدّدت الطعنة ف صدر الأمل الفاضل؟؟؟
ليه تخلّينا نحلَم بيكْ
ونخلّيكْ
فتى أحلام الأمة بحالها
تيجي تشيلها من أوحالها
تِرفع راسها وتِعْدِل حالها
ليه تخلّينا نقول لولادنا إنّ صلاح الدين موجود
واننا لازم نلبِسْ مِيرِي ونبقى جنود؟؟؟
*****
كُنت باشوفَكْ..
لما بتصرُخْ وتقول: "لأ"
آخُدْ صوتَكْ واصرُخْ بيه للناس وأقول:
"يحيا الحقّ"
وافتَح وِدْني لْصوت الراديو
بِيغنِّي لي
بِيغنِّي لَكْ
كُلّ أغاني الوطن الحلوة:
"عاش الجيل الصاعد عاش"
"وطني حبيبي الوطن الأكبر"
"صورة للشعب الفرحان"....
لكن فجأة الدنيا "اسودّت"
لما رفعت الراية "البِيضا"
يومها فتحت الراديو عشانَكْ
لكنْ وِدْني ما كاتْش بتسْمع
غِير أغنية وحيدة وبَسْ
نَبرة حزينة وصوت موجوعْ:
"ليه تصحِّيني ف وِسْط الجنّة بْنار ودْمُوع"
كُنت ارحمني...
وسِبْني شويّة...
أعيش...
مخدوع
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( طلقة فشنك ) للشاعر مصطفى الجزار

عشان انتَ شاعر..
وحِلمَك بيرفُض سكوتَك وغالبَك
هاطاوعَك وهاخدَك على قدّ قلبَك
ويمكن.. أحبَّك
عشان انتَ شاعر..
ولحمَك ودمّك معاني ومشاعر
وقلبَك ما هوش زيّ كل القلوب
بكلمة يِدَوِّب..
وكلمة يِدُوب
ويتمنى نظرة شروق مِن عيون الغروب
ويحلم يطير.. حتى مِن غير جناح
ونِفْسُه يدُوق مَرّة طَعم البراح
ويمسح بحِلْمُه اللي جاي دمع حِلْمُه اللي راح
لأنَّك..
رقيق..
زيّ كلمة غَزَل..
بتتقال بهمس بشفايف خَجَل
لأنَّك..
حقيقي..
وليك وِشّ واحد..
ما هُوّاش ملوِّن بلون الضباب
وواضح وضوح الحروف الجريئة في عنوان كتاب
وصافي قوي..
زيّ نقطة مطر فوق خدود السحاب..
بترفض لُقا الأرض رغم انُّه مكتوب عليها..
وخايفة يعكّرها ذَنْب التراب
ودايماً بتحلم بحُضن القمر.. حتى لو كان سراب
***
عشان انتَ طيِّب..
بَاحسَّك قُريِّب
باحسّ المسافة اللي بينّا.. ما فيش
ولما تِدَوَّر..
على حاجة تجمع ما بيني وما بينَك..
غير انّ احنا توأم خيال.. ما تلاقيش!
**
عشان كل ده..
رافضة اشوفَك سجين..
زيّ عصفور ملوِّن..
وسِجْنَك ظُروفَك
وقرّرت اكسّر سلاسل مشاعرَك
واخلّيك ترفرف..
وتفرِد جناحَك..
وتتحدى خُوفَك
وتبقى ف خيالي حبيبي..
وأبقى ف خيالَك.. حبيبتَك
واطير بيك وافُكّ الشعور اللي رابطك
لكنْ إوعى تزعل..
إذا جيت ف يوم وانتَ طاير...
.. وسِبتَك..
ساعتها..
هتصعب عليا قوي لو لقيتَك..
بتنزل على جدور رقبتَك
لكن مش بإيدي..
ولا هُو بإيدَك
هتتعب شوية..
وتحزن شوية
وتكتبني فوق الورق ذكريات
وتوصفني إني الغرام الوحيد اللي عاش.. لما مات!
وتبكي عليا..
لكن مش هتندم..
لأنك في كل اللي شوفته..
..بتحلم..!
وحرفَك دا هوّا الحقيقة الوحيدة
وَادِيك عِشت قِصّة ومشاعر جديدة
ومبروك عليا وعليك القصيدة..
وفرصة سعيدة!
...
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( فرصة سعيدة ) للشاعر مصطفى الجزار

في القرآن
ربّك قال للناس: "ادعوني"
علشان هوا كريم وبيدّى
وف رمضان الناس بتصلّي
تملا الجامع في التراويح
وإْمامهم يدعي ويعيّط
واللي وراه بيقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
"يا الله
رجّع لينا صلاح الدين..
يا الله
دا احنا بشوق مستنيّين
يا الله
لو جالنا هنقوم واقفين
يا الله
نمشى وراه ونكون طايعين
يا الله
و نحرّر أرض فلسطين
يا الله
بس ييجيلْنا صلاح الدين
يا الله..
*****
ربك دايماً..
ربّ قلوب
بيحبّ العبد اللي بيطلب
وامّا لقى الملايين بيقولوا
رجّع لينا صلاح الدين
سبحانُه.. حقّق رغبتهم
ولقينا الأرض بتنشقّ..!!!
قُدرة ربّك
مين هيكدّب ويقول: "لأ"؟!
ولقينا فارس من نور
وحصانه بيجري ويْدُور
وف إيده السيف المتعافي
استعجِبنا..!!!
وسألناه: "انت اسمك إيه؟!"
قال بالفُصحى:
"أنا يا قومِ صلاحُ الدينْ
قد أحياني اللهُ القادرُ
حين دعوتم
أنْ يبعثَني اللهُ إليكم
ها أنا ذا
قد جئتُ إليكم
لكنْ نُبّئتُ بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه.. للأنجاسْ!!
لكن.. لا بأسَ.. فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا..
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"
*****
كل الناس كانت ف ذهول
م اللي بيحصل
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف..
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع وأهِيص
لكن حرب؟!!!
سلامُو عليكم.. أنا مش فاضي"
*****
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
وانا غلبان
باقْطَع من جسمي وبادّيهُم
لو رُحت معاك -افرض يعنى-
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق.. مش إحنا
بس انا خايف
والبَرَكه ف باقي الرجاله
هُمّا يسدّوا بدالي هناك
وانا هادعيلكُم كل صلاه"
*****
واحد تالت
قال: "انا تاجِر
عندي المصنع والدكّان
ومشاغِل أشكال والوان
أبقى عبيط لو سِبت مصالحي وْجيت ويّاك
لكن هابقى معاكو بقلبي
*****
واحد رابع..
واحد خامس..
سادس..
سابع..
عاشر..
ألف..
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر دِين..
يِبقى خلاص ما احناش عايزين
إحنا هنقعد منتظرين
وهندعيلَك بالملايين:
يا الله
إِبْعِد عنا صلاح الدين
يا الله
إحنا بحالنا كده راضيين.. يا الله..
*****
بعد ما قالوا كل كلامهم
بَصّ صلاح الدين بعينيه
مالقاش ولا واحد حواليه
يعمل إيه؟
الأرض انشقّت من تاني
علشان تاخدُه
مارضيش ينزل تحت الأرض
عايز يعمل حاجه ف بالُه
فوق "الأرض"
غَيَّر لِبْسُه
ولِبِس زيّ شباب القُدس
نفْس الشكل ونفْس اللون
كان متغاظ
من كل الناس اللي سابوه
جَمّع غِيظُه.. تحت هْدُومُه
ودخل وسط كلاب الأرض.. وفجَّر نفْسُه..
علشان يفضل
زي ما هوا.. صلاح الدين
لكن ساب في القدس رساله
بيقول فيها
إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
لما يقولوا: "يا الله..
رجَّع لينا صلاح الدين"
لازم يدعوا كمان ويقولوا:
"يا الله
عايزين جيشُه يكون ويّاه
علشان إحنا مش فاضيين
مش هَنْسِيب المال والجاه
مش هنسيب الدنيا الحلوه وْنِمشي وراه
يا الله..
مش عايزينُه ييجي لوحْدُه
لازم جِيشُه يكون ويّاه
لازم جِيشُه..
يكون..
ويّاه..
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( معجزة ) للشاعر مصطفى الجزار

قصيدة باللهجة الصعيدية المصرية
//////
أمريكا قالت:
"يا عرب..
العلم قال.. انّ السما من غير عمود"
احنا العرب..
قُلنا: "دى قُدرة ربّنا"
أمريكا قالت:
"يا عرب..
العلم قال.. الكون ما بتحدُّوش حدود"
احنا العرب..
قلنا: "دى حكمة.. ربّنا"
أمريكا قالت: "يا عرب، العلم قال..
القدس من حق اليهوووووووود"
احنا العرب..
قلنا: "يبارك ربنا"!!!
***
مليون قصيده يا عرب
مليت خلاص من دى القصايد والخطب
مليون قصيده عفّنت
وريحتها فاحَت م العطب
مليون قصيده يا عرب
***
مليون قصيده ع الورق متستفه وْ..
متحنتفه وْ..
لسه الإيدين..
متكتفه وْ..
متلفلفه..
بقيود ولكن مش حديد
دى قيود يا ناس من نوع جديد
طب هيّا إيه؟!!
جندى يهودى
جاب لبانته اللى في بقه
و شدها زى الخيوط
قاموا العرب مدوا إيديهم ناحيته
قام لفها حوالين إيديهم
أصبحت هيّا القيود!!!
ميته إيديكم يا عرب
تقوى على الخيط الضعيف؟!!
و تقطعه بنفخة هوا
من صدر واحد منكم
قلبه صحى..
أو مستحى..
مليون قصيده يا عرب
كان نفسها
تتقال في يوم الإنتصار
كان نفسها
تهرب من الليل.. للنهار
كان نفسها
تخرج عن السطر الضريح
و تسابق الريح اللى رايحه
تحرر الأقصى الجريح
كان نفسها وكان نفسها وكان نفسها..
لكن كسرتم نفسها..!!!
ميته تفوقوا يا عرب؟!!
و القدس اهه
محبوسه في أوضة يهودى بتغتصب
و انتم خواتها
و بكره ييجى الدور عليكم
و هتدخلوا أوضة اليهودى
اللى بناها بجبنكم من غير حيطان..
ما انتو اكتفيتم بال.. قصايد والخطب
يادى القصايد والخطب
خلتنا نهزم إسرائيل..
جوا الكتب!!
ورق القصايد والخطب
بتقطعوه
و تلفلفوه
علشان تسدوا بيه ودانكم
لاجل ما تسمعش صرخة مستغييييث..
ندل وخسييييس
كل اللى عرضه راح هدر
ما مسحش عاره
كل اللى أرضه بتنسرق
و ما خدش تاره
مليون قصيده يا عرب
قالت لكم:
"قوموا نحاااااارب.."
ما سمعتوهاش
قالت لكم:
"قوموا نجرب نبقى رجاله
و اهى الدنيا تجاااااارب.."
قلتم:"بلاش"
قالت لكم:
"القدس بتنادى ( كفاااااايه!!
دايمًا عليه
حاولوا يوم تبقوا معاااايه!! )"
ما فهمتوهاش..
*****
لفيت على كل العرب
و باقول لهم:
"قوموا يا فرسان العرب للمعركه..
قوموا يا فرسان العرب للمعركه..
قوموا يا فرسان العرب للمعركه.."
اللى يقول لى:
"لو نحارب
مسكونى سيف ( عمر )
و احنا ضرورى ننتصر"
يا سيف ( عمر )..
ما تقول لى إيه السر فيك
حدادك اللى صنعك
ركب زرار النصر فيك؟!
خلاك تحارب تنتصر
حتى ولو في إيدين جبان؟!!!
و اللى يقول لى:
"لو نحارب
ركبونى حصان ( صلاح )
و تلاقوا عصر الظلم راح"
يا حصان ( صلاح )..
ما تقول لى إيه خلاك بطل؟!!
كات وكلتك
وكلة ميتين م الاحصنه؟!
ولا تلاقيك بعشر رجول!
ولا براسين!
بتخش أرض المعركه
و بتنتصر
حتى ولو كان اللى راكبك
ماسك الخمره وحاضنها بين شفايفه!!!
*****
المعجزه مش في الحصان..
و لا عمرها كانت في سيف..
عايزين نجمع يا عرب
من كل دوله ميت جنيه
و ننقى حتة أرض (( طاهره ))
نبنى عليها مصنعين
واحد يصنع لينا جيش مابينهزمش
يركب على ضهر الحصان
و التانى يعمل لينا كام دستة إيدين
علشان تحارب بالسيوف
لو مامعاكوش..
لو مامعاكوش حق المبانى يا عرب
أنى مستعد
أتباع في سوق النخاسين
و ادفع لكم
و لما تبقو أغنيا بين الأمم
ابقوا ساعتها ردوها لى
*****
و بالمناسبه..
قبل ما اخلص كلام..
أمريكا باعته لكم سلام..
بتقول لكم:
"متشكرين
لولاكم انتو يا عرب
ما كانتش ليا منزله بين الأمم
إنتو اللى وطيتم عشان
نركب على اكتافكم سنين
و عشان كده
بنقول لكم من قلبنا
متشكريييين..
و عشان كده
راح اوصى إسرائيل عليكم
علشان تبطل ضرب فيكم
.. يا إسرائيل.. يا بنيتى
اطمنى..
مافيش سلام..
لكن بلاش الضرب في بلاد العرب يا إسرائيل
دا مش عشان انتى رحيمه وطيبه يا بنيتى
لكن عشان..
( الضرب في الميت..
.. حرام.. )
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة (مليون قصيدة يا عرب ) للشاعر مصطفى الجزار

هي دعوةُ اللهِ التي أَوْحَاها

للمصطفى، فأقامها وحَمَاها

يا شِعْرُ يا مَن قَدْ شَرُفْتَ بأحمدٍ

قُلْ للدُّعاةِ تَعَلَّمُوا مِن طَه

كانت قريشٌ قَبْلَهُ مغموسةً

في لُجّةِ الكُفْرِ الذي غَشَّاها

لما دعاها -مُشْفِقاً- لِنجاتِها

وَلَّتْ، وضاقَتْ أرضُها وسَمَاها

وبكُلّ لُطْفٍ قال: إني مُرْسَلٌ

لا أدّعي هذا ولا أَتبَاهى

قالوا: فإنكَ كاذبٌ ومُضللٌ=

أصنامُنا لا نرتضي إلاّها

***

وبأرضِ مكةَ أَجْمَعَ الأعداءُ

أنْ يقتلوهُ، ولم يكُنْ ما شَاؤوا

هَجَرَ الديارَ، ولم يُرِدْ هِجرانَها

وأتى المدينةَ، فاهتدى النُّصَرَاءُ

حتى أتى فَتْحٌ لمكةَ، فانحنتْ

أعناقُ كُلِّ المُشرِكينَ، وباؤوا

يومُ التشفي جاءَ طَوْعَ محمّدٍ

أعداؤُهُ في سِجْنِهِ أُسَرَاءُ

نَادَاهُمُ: ماذا تظنُّ عقولُكُمْ؟

قالوا: كريمٌ، أهلُهُ كُرَمَاءُ

فأجابهم: قُوموا.. لقد سامحتُكُمْ

ولْتذهَبُوا، فلأنتمُ الطُّلَقَاءُ

***

وتَرَى العجوزَ بِحِمْلِهَا.. ومُحَمَّدَا

في السوقِ، قد بَلَغَ العَنَاءُ بها المَدَى

لما رآها قالَ: "خَلِّي عَنْكِ ذَا"

قالت له: "احْمِلْ، قد جُعِلْتُ لَكَ الفِدَا..

ولَكَ النصيحةُ.. إنَّ قولَ محمدٍ

كَذِبٌ، فلا تَسْمَعْ -بُنَيَّ- لِذَا النِّدَا"

فأجابها بسماحةٍ وبرحمةٍ:

"يا خَالَتِي.. أوَتَعرِفينَ مُحَمَّدا؟"

قالت له: "ما لي بِهِ؟!"، فأجابها:

"إني رسولُ اللهِ أَدعُو للهُدَى"

قالت له: "صَدَّقْتُ أنكَ مُرْسَلٌ

حَقٌّ علَيَّ بأنْ أُقِرَّ وأَشْهَدَا

***

هذا.. محمدُ.. يا دُعَاةَ المسلمينْ

فَتَعَلَّمُوا مِنْ هَدْيِ رُبّانِ السفينْ

يَدْعُوا إلى الدينِ العظيمِ برحمةٍ،

وسماحةٍ، وفصاحةٍ عُليا.. ولِينْ

مَن قال إنّ الحقَّ سادَ بسيفِهِ؟!

هل في سماحةِ دينِنا حِقْدٌ دَفِينْ؟!

يا مسلمونَ تَنبَّهُوا.. لا تُخْدَعُوا

لا تَجْرَعُوا يوماً سُمُومَ الماكِرِينْ

فَمُحَمَّدٌ.. نَشَرَ السلامَ بِحِلْمِهِ

أخلاقُهُ دَلَّتْ على رِفْقٍ مَكِينْ

ما كانَ يوماً داعياً بفظاظةٍ

ما جاءَ إلا رحمةً... للعالمينْ

**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( هذا محمد ) للشاعر مصطفى الجزار

قَلْبي .. تَناثَرَ عِشْقُهُ .. في كُلِّ رَابِيَةٍ وَوَادْ
حَمَلَتْهُ رِيحُ العِشْقِ فَوْقَ سَحَائِبِ الأَشْوَاقِ
فَاخْضَرَّتْ بِوَابِلِهِ بِلادْ
حتى إذا ..
مَا طَارَ فَوْقَ مَدَائِنِ التَّارِيخِ
أَسْقَطَ دَمْعَةً شَرْقِيَّةً
وَأَنَاخَ رَاحِلَةَ المِدَادْ
وَأَشَارَ نَحْوَ تُرَابِهَا المَعشُوقِ..يَهْتِفُ بِاسْمِهَا
وَيقُولُ: قِفْ يَا شِعرُ ..
واسْجُدْ هَا هُنَا ..
قَبِّلْ تُرَابَ حَبِيبتي ... بَغدادْ
* * * * *
بَغدادُ .. إني ..
رَغْمَ بُعْدِي - يَا قَرِيبةُ - عَنْ رِحَابِكْ
وَبِرَغْمِ أَني لَسْتُ نَبْتاً..قد تَهَدْهَدَ في تُرابِكْ
وَبِرَغْمِ أنّ هُوِيَّتي حَمَلَتْ هَوَى الأهرامِ .. .. مِصْرَ ..
ولم أَطَأْ يوماً ثَرَاكِ .. ولم أَصِلْ يوماً لِبابِكْ
وَبِرَغْمِ .. .. كُلِّ الرَّغْمِ .. إلاَّ أَنني ..
قَدْ عِشْتُ حُزنَكِ كُلَّهُ ..
وَقَضَيْتُ عُمْرِي في مُصَابِكْ
جُرْحِي وَجُرْحُكِ وَاحِدٌ ..
مَطَرِي ..
يُسَافِرُ في سَحَابِكْ
* * * * *
بَغدادُ يَا نَزْفَ العُرُوبَةِ ..
يَا فُرَاتَ الحُزْنِ ..
يَا جُرْحَ السَّمَاءْ
يَا دَمْعَةً قَدْ أَغْرَقَتْ جَفْنَ الوُجُودِ ..
وَأَبْحَرَتْ في مَوْجِهَا .. سُفُنُ البُكَاءْ
يَا صَرْخَةً شَقَّتْ عَبَاءَاتِ الرَّجَاءْ
يَا طِفْلةً رَسَمَتْ بَرَاءَتَهَا ..
عَلَى جُدْرَانِ وَاقِعِنَا ..
بِأَلْوَانِ الدِّمَاءْ
أَنتِ التي ..
حَمَلَتْ عَلَى أَهْدَابِ عَينَيها ..
حَدَائِقَ بَابِلٍ
وَاسْتَوْدَعَتْ مَا بَيْنَ جَفْنَيهَا ..
مَآسِيَ كَرْبِلاءْ
مَا زِلْتِ يَا بَغدادُ ..
قَافِيَتي التي تَغْفُو عَلَى صَدْرِي
وَتَمْسَحُ غُرْبَتي
وَتُذِيبُ لَيْلِي في نَهَارِ عُيُونِهَا
فَتَسِيلُ مِنْ حَرْفِي نُبُوءَاتُ الضِّياءْ
مَا زِلْتِ يا بغدادُ .. جَيْشَ مَشَاعِري
مَا زِلْتِ بَيْنَ كَتَائِبِ الإِحْسَاسِ ..
حَامِلَةَ اللِّوَاءْ
مَا زِلْتِ عَاصِمَةَ الخِلافَةِ في دَمِي
حتى وإنْ هَجَمَ التَّتَارُ ..
وَأَحْرَقُوا ثَوْبَ السَّلامِ ..
وَأَغْرَقُوا شَرْعَ الكُتُبْ
وَأَتَاكِ "هُولاكُو" ..
لِيَحْفُرَ في تُرَابِكِ .. بَاحِثاً ..
عَنْ كَنْزِكِ المخبُوءِ .. في بِئْرِ الذَّهَبْ
وَتَجَمَّعَ الكُهَّانُ حَوْلَ البِئْرِ حتى يُغْرِقُوكِ ..
وَيَأْخُذُوا مِنْكِ القَمِيصَ ..
وَيَرْجِعُوا لِشُعُوبِهِمْ بِدَمٍ كَذِبْ
وَاسْتَيقَظَ التاريخُ يَهْذِي .. مِثْلَ مَحْمُومٍ ..
وَيَسْألُ: مَا السَّبَبْ ؟!
هَلْ مَزَّقُوا مِنْ صَفْحَةِ التاريخِ أيَّامَ العَرَبْ؟!
هَلْ نَامَ جَيْشُ "ابْنِ الوَلِيدِ" عَلَى الثُّغُورِ ..
لِيَحْلُمُوا بالنَّصْر ِ ..
حتى قامَ يَجْنِي الحُلْمَ جَيْشُ "أبي لَهَبْ"؟!
* * * * *
يَا لَيْتَ شِعْرِي في يَدَيَّ ..
رَصَاصَةٌ عَرَبِيَّةٌ
أَرْمِي بِهَا .. مِنْ فُُوهَةِ القَلْبِ المُصَوَّبِ..
نَحْوَ هذا المُغْتَصِبْ
لَكِنَّني ..
مَا كُنْتُ إلا .. شَاعِراً
مَا في يَدِي إلا ذَخِيرَةُ أَحْرُفي المَلأَى ..
بِأَلْغَامِ "الأَدَبْ" ..!
قَلَمِي .. أُعَبِّئُهُ بِحِبْرِ عُرُوبَتِي
فَيَرَاكِ بَاكِيةَ العُيُونِ عَلَى قُبُورِ الأُمْنِيَاتِ
فَيَرْجُفُ القَلَمُ الغَيُورُ بِرَاحَتِي
وَيَظَلُّ يَقْذِفُ بِالقَوَافي الحارقاتِ
يَقُولُ: لا تَسْتَسْلِمِي يَا حُرَّةَ العَيْنَينِ
يَا مَنْ عَلَّمَتْ أَشْجَارَها ..
وتُرَابَها .. وبُيُوتَها .. وفُراتَها ..
.. لُغةَ الغَضَبْ ..
لا تَيْأَسِي إنْ جَفَّتْ الأغصانُ وَقْتَ خَريفِها
فالجِذْرُ في الأَعمِاقِ يَحمِلُ بَيْنَ كَفَّيْهِ الرَّبِيعَ
.. هديةً لَكِ ..
وَالسَّوَاقِي .. لا تَزالُ مَليئةً بالحُلْمِ
وَالشَّمْسُ العَنِيدَةُ لم تَغِبْ
فاسْتَبْشِرِي يَا زَهْرَةَ التَّارِيخِ
وَلْتَتَزَيَّنِي .. بِقَلائِدِ النُّورِ المُزَغْرِدِ
وَالْبَسِي الثَّوبَ المُطرَّزَ بِابتِسَامَاتِ الشُّمُوسْ
فالنَّصْرُ ..
فَارِسُكِ الوَسِيمُ
أَتَاكِ فَوْقَ حِصَانهِ ..
وَعَلَى يَدَيْهِ الفَرْحَةُ البَيْضَاءُ ..
صُبَّتْ في كُؤوسْ
فَلْتَشْرَبِي نَخْبَ السَّعَادَةِ مِنْ يَدَيْهِ ..
وَأَعْلِنِي الأفْرَاحَ في عَيْنَيْكِ ..
أَيَّتُهَا العَرُوسْ
وَلْتَبْسُطِي كَفَّيْكِ نَحوَ الحُلْمِ ..
فَالأحْلامُ تَحتَاجُ العِنَاقْ
وَدَعِي فُرَاتَكِ ..
كَي يُقَبِّلَ كُلِّ حَبَّاتِ التُّرَابِ
فَتَرْتَوِي رَحِمُ الحُقُولِ ..
وَتُنْجِبُ الأيامُ .. أزهارَ التَّوَحُّدِ وَالوِفَاقْ
وَغَداً..
سَيَسْبَحُ في حُروفِ النُّورِ صَوتُكِ..
شَادِياً:
يَا لَيلُ.. قَدْ جَاءَ النَّهَارُ
وَفَازَ خَيلِي بِالسَّبَاقْ
يَا شَعْبُ..
قُمْ واهْتِفْ
وَجَدِّدْ بَيْعَةَ العِشْقِ القَدِيمةَ
ثُمَّ رَدِّدْ نَصَّ مِيثَاقِ المحَبَّةِ
قُلْ مَعِي:
(( الحُلْمُ بَاقْ ..
والنَّبْعُ فَاضَ بِالاِشْتِيَاقْ ..
وَدَمُ العُرُوبَةِ واحدٌ ..
واللهُ أكبرُ يَا عِرَاقْ
اللهُ أكبرُ ........
......... يَا عِرَاقْ ))
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة (مطري يسافر في سحابك) للشاعر مصطفى الجزار- ورأي لجنة تحكيم أمير الشعراء 2007

صاحت بغاثٌ ببازينا لتُفزعه.....فلم يبالي بها البازي ولم يُجبِ
والحال منه بلا تيه ولا عُجُبٍ:
أنا الهِزبْر الذي إن رِيئَ في بلد.....واجتازه خِيف دهرا ذالك البلدُ
لا أحسب الذِّيب في بَيْدائِه أسدا.....ولا أفرُّ إذا ما جائني الأسد
إنها وطفاء تمطر حروفا من صاب وخردل، وعلقمٍ وجندل، وسُمٍّ وحنظل، على كل ذي ثُؤَاجٍ وشَحِيل، وخُوار وضجيج، ونهيق وعَجيج،من مكابر لئيم، ومعتد أثيم، يحاول النيل من جناب الله العلي العظيم، ومقام النبي ذي الخلق العظيم، وكل صحابي كريم، تقول:
اخسأ! ما الصُّفْر مثل السبائك....تنح ابن ثَفْرِ الكلب عن كل شامخٍ
فإنك لن تسطيع تلك الروابيَ
وإن تسعى يابن الكلب تطلب طاهر......لتدركه لا تفتأ الدهر عانيا
يا خبيثا غويا رجيما فاجرا عاهرا.....عُتلًّا زنيما، وعليه من السفاهة سِيمَا
لا زلت ترفل في خِزْيٍ وَمَلْأَمَةٍ
تجر أذيال ذل بين كل ملا......إذ اليقين لدي أنك ابن خلا
كم هر قبلك كلب حول منزلنا.....فما فزعنا لكلب مَرَّ نَبَّاحِ
فليس يضر نبح الكلب نجما.....وليس تخاف من حمر أسود
تقاصر فما الشُّمُّ الشواهق كالصُّوا.....سألقيك من علياء نِيقٍ إلى الهُوا
وأُسقيك كأسا من حروفيَ مُرَّةً.....تَوَدُّ إذا ما ذقتها قبلها الثَوا
لأن حروفي لا يُتاح لها دوا........هي الطاعون ليس له دواءُ
هي الموت الذي يأتي عليكم......وليس لهارب منها نجاءُ
فلا ينبسطْ من بين عينيك من زوى......ولا تلقني إلا وأنفك راغمُ
لأنك بالهِجاء حَرٍ خليقُ.....وشيمتك المناكر والنهيقُ
ونعلك قد زلت وأصبحتَ هاويا......كما قد هوى من قُلَّةِ النيق منهوي
وخزيك مخضر وعرضك قد ذوي.....وهجوك منشور ومدحك منطوي
ياكلب القبائح، وخنزير الفضائح، وتمثال اللوم، وكل مذموم، الشتم لما أن شتمتك قال ليَ:
يامن يشاتمني بمن هو دوني.
يادينار بن دينار، وجارة الجار، ومجمعَ العار، من ذيله قشٌّ لا يتحرش بالنار.
لأدقن بالحرف فاك، ولأقرعن قفاك، ولأرسلنها صواعق محرقات، ودواهي مقلقات، وعقاربَ وحيات، تلدغ الأبشار، وتهتك الأستار، وتُذهبُ الأعمار، مع أنه جاء في الأخبار: "إن الكلاب طويلة الأعمار". 
فلو كنت حرا مُتَّ هجوا....وإنما يضر الهجاء حرا والبشر السوي
فارْتعْ بخزيٍ يادُجَيْجِيلَ المَلا
ليس النباح ينال من بدر الدجى......تفنى المزاعم والسماء هي السما
إنه رسول الله، بل خليل الله، ما وطئ الأرض قدم خير من قدمه، وما خلق الله وما ذرأ وما برأ  نفسا أكرم عليه منه، وما يُعلم أن الله أقسم بحياة أحد غيره.
كم آية فيها اسمه يُتلى وكم....أُخرى بها أوصافه وخلاله
الله شرفه وأعلى قدره......وأجله في العالمين وبجلا
وإلى اسمِه قرن اسمَه لمؤذنٍ ولمن.....تشهد في الصلاة وهلَّلَ
لا زال شانيه محشوَّ الحشى كمدا....والله لا زال عن ما شين يرعاه
به رُفع الهدى وعلى ذووه....وخاب ذووا الضلالة بالضلالِ
فداه أنا وآبائي وأمي........وقومي والعشيرة والأهالي
صلى عليه الله ذو الجلال....وصحبه وحزبه والآل

صاحت بغاثٌ ببازينا لتُفزعه ـــ من روائع علي القرني

للقصيدة كاملة والفيديو 
http://www.algakh.com/albums/%D8%B7%D8%A8%D8%B9%D8%A7-%D9%85%D8%A7%D8%B5%D9%84%D9%8A%D8%AA%D8%B4-%D8%A7%D9%84%D8%B9%D8%B4%D8%A7/

جديد : هشام الجخ - طبعا ماصليتش العشا

حمود الخضر - يا ليل يا بحر السكون بدون ايقاع

وحّد إلهك ..

واترمي كنَفه وجنابه ..

واشكره ..

وامّا تيجي تشكره .. أشكره ..

إنه علّم حد فينا يعلّمك .. إزاي بقلبك تذكره .. وتشكره ..

وحّد إلهك ..

واترمي في كنفه وجنابه ..

ما تفارقش ف يوم عَتابه ..

واسعى سعيك .. احبي حبيك ..

وامشي مشيك .. واجري جريك ..

مهما تقلت المعاصي .. اوعى تيأس ..

ربنا مش زيّه زيّك .. ربنا بس اللي ما بيقفلش بابه ..

فاحتمي ف كنفه وجنابه ..

واحفظ السكة اللي ترجع منها ليه ..

إن عصيت .. وأكيد حتعصى .. استحي وارجع ناديه ..

اللي دخلوا الجنة يا ابني مش ملايكة .. اللي دخلوا الجنة كانوا زي ابوك .. شنقوا من كتر المعاصي .. بس تابوا ..

وانت حظك .. ان ربك رحمته سبقت عذابه ..

فاترمي ف كنفه وجنابه …..
عينك على امك ..

مهما كان حجم انشغالك ..

اوعى تكبر وانت مش واخد بالك ..

اوعى تعرج .. ولا تتقل ودنها ومتاخدش بالك ..

اوعى يلهيك عنها حالك ..

عايز امّا اموت ..

يفضل لي كف وعين وصوت ..

وكتف تتسند عليه متكلفتة ..

ونفس يدفي فرشها ف برد الشتا ..

وقلب مطمن بإني مشيت وسبتها لك ..

فاوعى يلهيك عنها حالك..

طول حياتها .. شيلها في عنيك وف وريدك ..

حج بيتها كل يوم .. بيتها ريدك ..

في المدافن وانتو جايين حابقى في العين اللي جنبك ..

حابقى شايفك ..

عايز اشوفك وانت بتنزلها بيدك ..

وانت صاين لحمها لحد الممات ..

سيبها تتباهى بآخر لمسة منك لما تنزل وسط باقي الأمهات ..

حتقول ده ولدي .. صلب ابوه ..

جبته للشيلة الأخيرة .. وسبته لاخواته البنات ..

أوعى تطلع واد جبان ..

اجري خلف الموت يخافك ..

موت فدا البلد اللي ربت لك كتافك ..

اوعى تنكر خيرها زي الخوانين ..

الطماعين اللحاسين الكدابين ..

اوعى لينسوك يا ولدي انت مين ..

وابن مين ..

اوعى ماتفرقش بين العفيانين والورمانين ..

اقرا من كتب الشمال ..

واقرا من كتب اليمين ..

اقرا لصحاب البلاط ..

واقرا أدب المسجونين ..

شوف حكومات السياط ..

واقرا سيرة الراشدين ..

أوعى لينسوك يا ولدي .. مصر مين ..

أوعى تركن للكلام اللي يوماتي بنسمعه م الرغايين ..

مصر خوفو .. مصر خفرع .. الحضارة .. السنين ..

لا يا ولدي .. مصر انت .. مصر شغل وناس بتعرق ..

مصر جيش من غيره نغرق ..

مصر حواليها العِدا متربصين ..

اوعى تنضم لعشيرة البياعين ..

حتى لو تهموك يا ولدي زي ابوك وقالوا كافر ..

قل لهم أنا ديني ربي .. وبعد منه .. مصر دين ..

آخر وصية ..

لما تكبر حتلاقينا في التاريخ ..

باب صغير .. حيداروه .. مكتوب عليه (شباب ثاير) ..

مش بعيدة يعلموكم في المدارس وقتها إن اسمها نكسة يناير ..

قل لجيلك .. إنها ماكانتش نكسة ..

واننا جيل البداية وانتو دوركم جاي لسة ..

وافرد كتافك واحكي عن جيلي بفتوة ..

عايز الناس لما تسمع نبرتك في الميكروفون يقولوا (هو) ..

اللي خلف لسة عايش ..

لسة صوته ونبرته فيها الوجع ..

لسة واقف ضد ظلم الجبارين .. وقفة جدع ..

آخر وصية ..

سبت لك ورثك براح .. تسقي كرمه يزيد ويكرم ..

سبت لك ستر وجناح .. عقل يفهم .. قلب يرحم ..

سبت لك حب الغلابة .. ناس كتيرة .. جيش عرمرم ..

وان جم يقايضوك بالفلوس .. ويقعدوك وسط الكبار .. ويسكتوك ..

قل لهم أنا زي ابويا ..

لا عمره كَلّ فضلة موايد .. ولا عمره رمرم ..

سبت لك حب الغلابة .. أغلى من كل الدهب .. واكتر .. وأعظم.

جديد : هشام الجخ - حمزة

للتواصل  
http://www.facebook.com/nagh.top

نشيد ..... الى زوجتى الحبيبه   .... المنشد صلاح  ابو اسلام

زوجتي حبيبتي انشوده

للرادود الحسيني : نزار القطري 

اسم اللطمية : هذا إنتمائي

إصدار : سورة الحسين


نزار القطري - هذا انتمائي

الشاعر هشام الجخ 
قصيده متزعليش

هشام الجخ - متزعليش.

زلزل عروش الظالمين -المنشد التونسي قدور
كتائب الفاروق في سوريا

زلزل عروش الظالمين -المنشد التونسي قدور

في القـُـدْس | محمود درويش - تميم البرغوثي | فريق بين الكلمات العابرة

قصيدة محاولات لقتل امرأة لا تقتل
الشاعر الكبير نزار قباني
صوت محمود أبو عزوم
www.facebook.com/mazoum

محاولات لقتل امرأة لا تقتل... نزار قباني

هشام الجخ - ايزيس ♥♥

نزار قباني - خمس رسائل إلى أمي

صفحة الأعمال الصوتية للشاعر المصري مصطفى الجزار

قصيدة (مطري يسافر في سحابك) للشاعر مصطفى الجزار- ورأي لجنة تحكيم أمير الشعراء 2007

mostafalgazzar