Ali Mohammed Ali El Horeny

شعر عامى

abeer

She3er

رابعة

poeta

مصر قصيده

شعر

BeSo

حلال على ترابك
غناء : محمد الصنهاوي 
كلمات : إسلام هجرس
ألحان : هيثم محفوظ 
توزيع : محمد سامي
مكساج : محمد الجيار
 إنتاج : مد للإنتاج الفني ( محمد مصطفى - دعاء ماجد) 

facebook personal account :

www.facebook.com/mohammad.alsanhawy

facebook fanpage :

www.facebook.com/Al.Sanhawy?fref=ts

twitter :

twitter.com/alsanhawy

الأغنية على يوتيوب :

http://www.youtube.com/watch?v=hIwe0dzJP-g

علمتي صوتي جلال الرعد 
رفعت اسمك للملكوت 
ابنك وواخد منك وعد
الموت يقرب مني يموت 
.......
نصري اللي كان بس بداية 
خلي الهزايم طعم ولون 
ولقيت في كل طريق آية 
ولقيت في كل متاهة عيون 
......
ماتسمينيش يابلادي بطل
يكفاني من شرفك اسمي
حلال على غيابي حضورك
حلال على ترابك جسمي
......
دارت على الظلم الدورة
ماتصدقيش غيمة غيورة
أنا ثورة بتخلف ثورة 
وأصل ليّا مليون صورة

محمد الصنهاوي - حلال على ترابك

د.محمد مرسي - كلمات لن تُنسى

عبد الرحمن يوسف - الشهيــد

كلمات وألحان:صهيب شكري
توزيع:شريف عبدالسلام
مهندس صوت:عمار خاطر
جيتار:شريف فهمي
عود:هشام عصام

ماتخليهومش يكسروك - جديد - محمد عباس

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

متخليهومش يكسروك

كلمات رآئعة من الشاعر الرائع : تميم البرغوثي

معين الدمع ..لن يبقى معينا

تسجيل صوتي لقصيدة على راسها بطحة ،،، من كلمات الشاعر عبدالرحمن يوسف

يا عيون مصر الحزينة
ارمي حزنك كله فينا
كفّني بصبرِك شهيدِك
وامسحي دمع المدينة
ـــــــــــ
يا عيون مصر الحزينة
ـــــــــــ
احضني محمد وعيسى
واقتلي الفتنة الخسيسة
جُوّا جامع أو كنيسة
ربنا شاهد علينا...
ـــــــــــ
يا عيون مصر الحزينة
ـــــــــــ
قولي للدنيا الغبيَّة
مصر واحدة وإيد عَفِيَّة
م الصعيد.... لاسكندرية
كلنا ف نفس السفينة
ـــــــــــ
يا عيون مصر الحزينة
ـــــــــــ
اللي خانِك واللي خانّا
مش حسين ولا هوا حنّا
اللي خان... مش من وطنّا
عمرُه ما يكون حدّ فينا
ـــــــــــ
يا عيون مصر الحزينة
ـــــــــــ
اصرخي بحرقة... وصيحي:
اللي مات... ابني ودَبيحي
تفرق ايه... مسلم... مسيحي؟
دمّ أحمد.... دمّ مينا
ـــــــــــ
يا عيون مصر الحزينة
ـــــــــــ
الصليب فارد إيديه
والهلال مَحني عليه
حضن وِحدة... ما تلاقيه
غير في مصر العايشة فينا
ـــــــــــ
يا عيون مصر الحزينة

*********
شعر/ مصطفى الجزار
https://www.facebook.com/mostafa.algazzar.poet

يا عيون مصر الحزينة - بصوت علي الهلباوي - كلمات مصطفى الجزار

يحيى حوى يهدي هذا العمل لفتيات مصر اللواتي حكم عليهن بالسجن ظلما 
يحيى يقول لكل فتاة مصرية أبية : أنت حرة 



حرّة حرّة | يحيى حوى

من أجمل ما غني في الثورة
زي الحمام طايرين
..
راديو ميدان :
www.facebook.com/radiomidan
الفنان أحمد شطا :
twitter.com/AhmedShata22
منتج منفذ عز الدين دويدار :
www.facebook.com/dir.ezzeldeen.dwedar

كلمات : حمدي ليلة
الحان : احمد شطا
توزيع وهندسة صوتية : احمد حبيب
عود & جيتار : احمد شطا
رؤية ومنتج منفذ : عز الدين دويدار
إنتاج راديو ميدان
.....
الفجر شقشق شق زيف الليل
والصبح جيّ وجاب معاه فِكرة
قـَطر الندى لسة يادوب بيسيل
والحُرّة نازلة تجيبلنا بُكرة

صادها الخسيس واتباهى بخيانته
والقاضي راضي والشهود عميان
والحُرة واقفة ف قلب زنزانته
ضحكتها طعنة فـ قلب كل جبان

زيّ الحَمام طايرين
سور القفص غِيّة
أصل البراح زنازين
والسجن حريّة
والثورة حق ودين

ورِّي ابتسامتِك للّي فاكرينِك
لمّا اتسجنتي هينحني جبينِك
همّا تغيب الشمس فـ عيونهم
وانتي تِغير الشمس من عينِك

زيّ الحَمام طايرين
سور القفص غيّة
أصل البراح زنازين
والسجن حريّة

لابيض دا لون العِزة ياعروسة
انتي اللي حُرة وبلدي محبوسة
صوتك يا(بنت الحق) بقى ثورة
قادرة ترجّع مصر محروسة

زيّ الحَمام طايرين
سور القفص غيّة
أصل البراح زنازين
والسجن حريّة
والثورة حق ودين
والنصر أغنية

زي الحمام طايرين .. رائعة أحمد شطا وراديو ميدان .. مذهل ورائع

ما باكتِبش القصايد فيكي بالسّاهِل
برغم انّ القصايد فيكي تستاهل
وانا عُمْري..
ما كنت ف حِرْفتي عاجز ولا جاهل
لكن ساعة ما اقول إني هاقول فيكي..
ألاقي الحرف جوّايا ما بين مقتول.. وبين قاتل
وعارفة.. كل دا مِن إيه؟
باحِسّ انّ الكلام عنِّك.. سحابة عالية فُوق فُوقي
وانا واقف على قلبي وْعلى حُبّي وْعلى شُوقي..
وبرضه لسه مش طايل!
ولما يقولوا: "غَنِّلْها..
وقُول الشِّعر فِ عْنِيها عشان يِرضَى عليك نِيلها..
وتِعدِلْ بَخْتَك المايل"..
أَرُدّ بْكُلّ إحساسي: مَنِيش قايل..
يا مَصر الشِّعر فِ عْنِيكي ما هُوش سطرين بيتقالوا
ولا موّال بيتغنّى وانا قايلُه و"مِتْقالُه"
ولا شوية كلام شعارات بيتحطّوا.. ويتشالوا
يا مَصر الشِّعر فِ عْنِيكي جبال عالية
وحِمْل تقيل..
يشيلُه إبنِك الفارس
وانا لسّه مَنِيش فارس
لكنْ حاسِس..
بإني هابقى يوم هُوَّا
ساعتها يا امَّه تِبقى الكِلْمة مِن جُوَّا
وأبقى قَدّ قُول قلبي
وامِدّ إيديَّا لإيديكي
ساعتها بسّ أستاهِل..
أقول الشعر ف عينيكي
****
يا شايلَة كْتير على اكْتافِك
ومش هَمِّك/ ومش هامِّك/ وبتشيلي
وساقيَة الكُلّ من دَمِّك
وبتقولي: "فِدا نِيلي"
يا أيُّوبَة..
يا غالبَة وانتِ مغلوبَة..
يا نِسمَة ف عِزّ صيف باردَة
وحُضن ف عِزّ ليل طُوبَة
باحبِّك.. وانتِ مش غِيرِك
باحبِّك لما تبقِي انتي
بِطين الزرع وبْخِيرِك
ف عِشَّة صْغَيَّرَة سْكِنْتي
باحبِّك وانتِ مش "هانم"
ولا لابْسَة الكعوب عاليَة وماليَة وِشَّها أحمر
باحبِّك وانتِ فلاّحَة..
ولابْسَة الحِشْمَة والطِّيبَة وْعلى جْبِينِك.. عَرَقْ أخضر
واحبِّك لما ألقاكي بتتوضِّي بميّة نيلِك الأسمر
وبتصلِّي على التّرْعَة..
وفَارْدَة الكُوووون مِصَلِّيَّة
باحبِّك..
وانتِ مَصْرِيَّة
ما تبقيش واحدة منسوخة..
وممسوخة..
ف آخْر الصَّفّ مَرْمِيَّة
يا أُمّي إرفعي راسِك
ودُوسي كل مِن داسِك
وِحِبِّيني..
أنا شعبِك.. أنا ناسِك
أنا أرضِك.. أنا فاسِك
أنا العايش بأنفاسِك
أنا العطشان لنقطة فايضة من كاسِك
لا انا طمعان أنول دَهَبِك..
ولا مَاسِك..
دا انا مَاسِك..
بإيدي الجمر طول عُمْري
ولا خَيِّبت يوم ظنِّك ولا كدِّبت إحساسِك
ولو عايزة.. أكون تاجِك
واكون لو عايزة كَنّاسِك
واكون عَلَمِك..
واكون قَلَمِك..
واكون حِبرك وكرّاسِك
واكون كُرباج على ضَهْر اللي يوم غَشِّك
وقرّب إيدُه مِن وِشِّك
وقال لِكْ إنُّه مِن جُندك وحُرّاسِك
وع الخَدّ اليمين ضَرَبِك.. وع الخَدّ الشمال.. بَاسِك!
***
يا أُمّي.. حِسّي بوْجودي
دا انا الكِلْمة اللي فوق سَطْرِك
طب اعمل إيه عشان خاطرِك؟
عشان خاطرِك.. أكون مَدْفَعْ..
واحارب في صفوف الجيش
واكون أجدَعْ..
واحارب في طابور العيش
ولو ينفع.. أعيش زيّ الملايكة هاعيش..
ولا آكُل.. ولا أشرب.. ولا أحزن.. ولا أغضب
ولو كان اللي جاي أصعب.. ولا يهمِّك
ما انا اتعوِّدت يا "غالية".. على "الغَلَيان"
وإنّ الفاضي دلوقتي.. صَبَح بيصُبّ ف الملْيَان
وإنّ الْمَكْسِي عايز هِدْمَة م العِريان
وإنّ سعادة الشبعان..
بيطلُب لُقمة م اللي مْقَضّي طول عُمرُه نهار رمضان
أنا اتعوِّدت ع الدنيا اللي بالمقلوب
وع اللي بيتُه مَبنِي إزاز لكنْ وَاصِل..
فيِحْدِف حِلْمِنا بالطوب
أنا اتعوِّدت..
ع الجري اللي للمتاعيس
وع الزَّفَّة اللي فوق أرضي ومش لِيَّا..
وماشي فيها ألف عريس..
وبِنْت بْنُوت..
حِلِمْت ف يوم تكون لِيَّا.. واكون ليها
حِلِمْت اسكُنْ على نِيل رمشها الصافي..
واقابل بُكرة ف عْنِيها..
حِلِمت بكُلّ شيء فيها..
وفجأة ألاقي أحلامي..
سَمَا عمّالة بتمطَّر سيول كوابيس
فاقوم مِن نومي مِن فَزَعِي
ألاقي الصُّبْح بيشَقْشَقْ على وَجَعِي
يصحِّيني بُكا الأشعار..
فأغسل وشّي بالأخبار
واحضَّر مِن همومي فْطار.. يكفّي قلبي طول الشهر
وابلَّع لُقمتي.. بالقَهْر
ولما اشبع من الأحزان..
أبوس على إيدي وِشّ وضَهْر
واقول.. نِعْمَة..
هتفرق إيه نشوف الدنيا أو.. نِعْمَى؟
يا مصر القلب مش قادر يشوف.. غِيرِك
ولا قادر ينول.. خِيرِك
ولا قادر.. يكون مِن غير جناح طِيرِك
لكنْ برضُه بيستحمِل
يقول عادي.. ولا يهمِّك
أنا اتعوّدت يا غالية.. فمدُّقِّيش
ما انا هافضل كده عايش على أمل اني بُكرة هاعيش
واقضّي عُمري مش فارقة ألاقي اللقمة أو ما الاقيش
وانام برضُه جعان لكنْ..
أخاف احلَم..
بسوق العيش!
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( أول قصيدة ف مصر ) للشاعر مصطفى الجزار

في القرآن
ربّك قال للناس: "ادعوني"
علشان هوا كريم وبيدّى
وف رمضان الناس بتصلّي
تملا الجامع في التراويح
وإْمامهم يدعي ويعيّط
واللي وراه بيقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
"يا الله
رجّع لينا صلاح الدين..
يا الله
دا احنا بشوق مستنيّين
يا الله
لو جالنا هنقوم واقفين
يا الله
نمشى وراه ونكون طايعين
يا الله
و نحرّر أرض فلسطين
يا الله
بس ييجيلْنا صلاح الدين
يا الله..
*****
ربك دايماً..
ربّ قلوب
بيحبّ العبد اللي بيطلب
وامّا لقى الملايين بيقولوا
رجّع لينا صلاح الدين
سبحانُه.. حقّق رغبتهم
ولقينا الأرض بتنشقّ..!!!
قُدرة ربّك
مين هيكدّب ويقول: "لأ"؟!
ولقينا فارس من نور
وحصانه بيجري ويْدُور
وف إيده السيف المتعافي
استعجِبنا..!!!
وسألناه: "انت اسمك إيه؟!"
قال بالفُصحى:
"أنا يا قومِ صلاحُ الدينْ
قد أحياني اللهُ القادرُ
حين دعوتم
أنْ يبعثَني اللهُ إليكم
ها أنا ذا
قد جئتُ إليكم
لكنْ نُبّئتُ بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه.. للأنجاسْ!!
لكن.. لا بأسَ.. فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا..
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"
*****
كل الناس كانت ف ذهول
م اللي بيحصل
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف..
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع وأهِيص
لكن حرب؟!!!
سلامُو عليكم.. أنا مش فاضي"
*****
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
وانا غلبان
باقْطَع من جسمي وبادّيهُم
لو رُحت معاك -افرض يعنى-
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق.. مش إحنا
بس انا خايف
والبَرَكه ف باقي الرجاله
هُمّا يسدّوا بدالي هناك
وانا هادعيلكُم كل صلاه"
*****
واحد تالت
قال: "انا تاجِر
عندي المصنع والدكّان
ومشاغِل أشكال والوان
أبقى عبيط لو سِبت مصالحي وْجيت ويّاك
لكن هابقى معاكو بقلبي
*****
واحد رابع..
واحد خامس..
سادس..
سابع..
عاشر..
ألف..
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر دِين..
يِبقى خلاص ما احناش عايزين
إحنا هنقعد منتظرين
وهندعيلَك بالملايين:
يا الله
إِبْعِد عنا صلاح الدين
يا الله
إحنا بحالنا كده راضيين.. يا الله..
*****
بعد ما قالوا كل كلامهم
بَصّ صلاح الدين بعينيه
مالقاش ولا واحد حواليه
يعمل إيه؟
الأرض انشقّت من تاني
علشان تاخدُه
مارضيش ينزل تحت الأرض
عايز يعمل حاجه ف بالُه
فوق "الأرض"
غَيَّر لِبْسُه
ولِبِس زيّ شباب القُدس
نفْس الشكل ونفْس اللون
كان متغاظ
من كل الناس اللي سابوه
جَمّع غِيظُه.. تحت هْدُومُه
ودخل وسط كلاب الأرض.. وفجَّر نفْسُه..
علشان يفضل
زي ما هوا.. صلاح الدين
لكن ساب في القدس رساله
بيقول فيها
إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
لما يقولوا: "يا الله..
رجَّع لينا صلاح الدين"
لازم يدعوا كمان ويقولوا:
"يا الله
عايزين جيشُه يكون ويّاه
علشان إحنا مش فاضيين
مش هَنْسِيب المال والجاه
مش هنسيب الدنيا الحلوه وْنِمشي وراه
يا الله..
مش عايزينُه ييجي لوحْدُه
لازم جِيشُه يكون ويّاه
لازم جِيشُه..
يكون..
ويّاه..
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( معجزة ) للشاعر مصطفى الجزار

هي دعوةُ اللهِ التي أَوْحَاها

للمصطفى، فأقامها وحَمَاها

يا شِعْرُ يا مَن قَدْ شَرُفْتَ بأحمدٍ

قُلْ للدُّعاةِ تَعَلَّمُوا مِن طَه

كانت قريشٌ قَبْلَهُ مغموسةً

في لُجّةِ الكُفْرِ الذي غَشَّاها

لما دعاها -مُشْفِقاً- لِنجاتِها

وَلَّتْ، وضاقَتْ أرضُها وسَمَاها

وبكُلّ لُطْفٍ قال: إني مُرْسَلٌ

لا أدّعي هذا ولا أَتبَاهى

قالوا: فإنكَ كاذبٌ ومُضللٌ=

أصنامُنا لا نرتضي إلاّها

***

وبأرضِ مكةَ أَجْمَعَ الأعداءُ

أنْ يقتلوهُ، ولم يكُنْ ما شَاؤوا

هَجَرَ الديارَ، ولم يُرِدْ هِجرانَها

وأتى المدينةَ، فاهتدى النُّصَرَاءُ

حتى أتى فَتْحٌ لمكةَ، فانحنتْ

أعناقُ كُلِّ المُشرِكينَ، وباؤوا

يومُ التشفي جاءَ طَوْعَ محمّدٍ

أعداؤُهُ في سِجْنِهِ أُسَرَاءُ

نَادَاهُمُ: ماذا تظنُّ عقولُكُمْ؟

قالوا: كريمٌ، أهلُهُ كُرَمَاءُ

فأجابهم: قُوموا.. لقد سامحتُكُمْ

ولْتذهَبُوا، فلأنتمُ الطُّلَقَاءُ

***

وتَرَى العجوزَ بِحِمْلِهَا.. ومُحَمَّدَا

في السوقِ، قد بَلَغَ العَنَاءُ بها المَدَى

لما رآها قالَ: "خَلِّي عَنْكِ ذَا"

قالت له: "احْمِلْ، قد جُعِلْتُ لَكَ الفِدَا..

ولَكَ النصيحةُ.. إنَّ قولَ محمدٍ

كَذِبٌ، فلا تَسْمَعْ -بُنَيَّ- لِذَا النِّدَا"

فأجابها بسماحةٍ وبرحمةٍ:

"يا خَالَتِي.. أوَتَعرِفينَ مُحَمَّدا؟"

قالت له: "ما لي بِهِ؟!"، فأجابها:

"إني رسولُ اللهِ أَدعُو للهُدَى"

قالت له: "صَدَّقْتُ أنكَ مُرْسَلٌ

حَقٌّ علَيَّ بأنْ أُقِرَّ وأَشْهَدَا

***

هذا.. محمدُ.. يا دُعَاةَ المسلمينْ

فَتَعَلَّمُوا مِنْ هَدْيِ رُبّانِ السفينْ

يَدْعُوا إلى الدينِ العظيمِ برحمةٍ،

وسماحةٍ، وفصاحةٍ عُليا.. ولِينْ

مَن قال إنّ الحقَّ سادَ بسيفِهِ؟!

هل في سماحةِ دينِنا حِقْدٌ دَفِينْ؟!

يا مسلمونَ تَنبَّهُوا.. لا تُخْدَعُوا

لا تَجْرَعُوا يوماً سُمُومَ الماكِرِينْ

فَمُحَمَّدٌ.. نَشَرَ السلامَ بِحِلْمِهِ

أخلاقُهُ دَلَّتْ على رِفْقٍ مَكِينْ

ما كانَ يوماً داعياً بفظاظةٍ

ما جاءَ إلا رحمةً... للعالمينْ

**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( هذا محمد ) للشاعر مصطفى الجزار

كلمات : إسلام هجرس
ألحان : صهيب شكري
توزيع : شريف عبد السلام 
هندسة وميكساج : عمار خاطر

........................................

الأغنية على يوتيوب 
Youtube :

http://www.youtube.com/watch?v=P9uzOQTHwy4&feature=share

صفحة محمد الصنهاوي على فيس بوك 
facebooc offecial page :
www.facebook.com/Al.Sanhawy

* Twitter :
twitter.com/alsanhawy

سادد عليّا النفَس .. فاتح عليك النار 
مش بالسلاح باهزمك .. لكن بسيل أحرار 
مابين ميدان وميدان .. هتلاقي برضه ميدان 
مليان بثورة غضب .. والثورة للجدعان


قول ياخسيس باسمعك .. ردي صمود وثبات 
وجعْتني وهاوجعك .. والعبرة بالنهايات 
اللي قتلني جبان .. واللي خذلني جبان 
واللي نصرني جدع .. والثورة للجدعان


مش هاحلف بس أقسم بالله .. نخضع مستحيل 
الثورة مستمرة .. لو كان المشوار طويل
الثورة في المدارس .. والشوارع .. والحيطان .. الثورة للجدعان



أول حروف الأمل .. طلقة تساوي حياة
شايل عزيمة جبل .. صابه الرصاص نجاه
ياصبرك الفتان .. ياقلبك الإنسان
واقفها وقفة جدع .. والثورة للجدعان


ياحضرة العسكري .. أنا حضرة الثاير
أنا اللي حلمي ابتدا .. لبلادي في يناير
ماكانش بالمجان .. حلم اني اعيش إنسان 
مايشيله إلا الجدع .. والثورة للجدعان

الثورة للجدعان - محمد الصنهاوي


تقدموا .. تقدموا 
الظالمون سيندموا 

اياكم تستلموا وخذوا القرار 

تقدموا .. تقدموا 

سيروا اليهم واهدموا ذل الحصار 

لن ننحنى , قولوا لهم لن ننحنى 
لسنا تراثا او عبيدا او عقارا 

لسنا نمل من الهتاف مهما طال الانتظار 

لسنا نساوم او نخاف او نطأطأ باعتذار 

قولوا لهم ان الليالى مهما طال ظلامها لم تستطع حجب النهار 


تقدموا .. تقدموا 
الظالمون سيندموا 

اياكم تستلموا وخذوا القرار 


تقدموا .. تقدموا 
سيروا اليهم واهدموا ذل الحصار 

نبقى على عهد الشهيد ولن نخون 

مهما يُقتًل فى الاراضى أبرياء 
وتخضب الارض الدماء 
للناس رب فى السماء 
مهما يكن منهم ومهما يفعلوا 

تقدموا .. تقدموا 
الظالمون سيندموا 

اياكم تستلموا وخذوا القرار 

تقدموا .. تقدموا 

سيروا اليهم واهدموا ذل الحصار 

اهتف بصوت الدم 
من القلب مش من الفم 
خلى الصفوف تتلم 
على صفارات انذار 
على الهتاف متخافش 
امشى ومتوقفش 

خلى المسيرة طابور ماشى كما الاعصار
مهما يزيدوا النار هنرد مش خايفين 
الشهدا ليهم تار باقى ليوم الدين

مهما يزيدوا النار هنرد مش خايفين 
الشهدا ليهم تار باقى ليوم الدين


غناء: محمد عباس
كلمات: محمود السراج
ألحان: صهيب شكري
https://www.facebook.com/SohaibShokryMusic
إخراج: محمد داود


Takadamo - Mohamed Abbas | تقدّموا - محمد عباس

اغنية رووووووووووووووعة لـ التراس بنات ثورية فجر حماسك 
كلمات : آية علاء الحان : صهيب شكري توزيع: شريف عبد السلام جرافيك : اسامة الشافعي

https://www.youtube.com/watch?v=eLYqefIu5Ho الكليب


بنت الثورة - التراس بنات ثورية

انتهيت من تسجيل 44 حديث صحيح في حرمة الدماء أسأل الله أن ينفع بها الأمة 

#خدمة_العفاسي

44 #مشاري_العفاسي #حديث #القتل

قصيدة المكالمة للشاعر هشام الجخ

جديد : هشام الجخ - المكالمة

حصريا| أغنية سجون الغدر - إهداء لحرائر مصر

كلمات: سارة أسامة
غناء: تسنيم السيد
ألحان وتوزيع: محمد مالك

=====
الكلمـــات
=====

جوة سجون الغدر ...
 كتبت اسـمـها .. أخـتـك لوحـدها .. إزاي قـادر تـنـام و كـاشـفـيـن سـتـرها ؟!!

جوة سجــون الغــدر ... 
تــدعـي ربها .. دمــوع عـلى خـدها .. إزاي قـادر تـنـام و رايـديـن ذلـهــا ؟؟!

لو مش هتغضـب يوم لأختك ... يـبـقـى ايه تـغـضـب عليه ؟!
لو تـضـيـع منك رجـولـتـك ... بـاقـي ايــه تـبـكـي عـلـيه ؟!
لو تـبـيـع فـي يـوم شـهـامـتـك ... يـبـقـى فاضـل تـاني ايـه ؟!

أصل الحكاية ل في حيائك ... اللي كاشف ضعفهم
لما تــقـفي و بـثـبـاتــك ... الرعـب يمـلـى قـلـبـهـم
كانوا عايـزيـن يحـنـوا راسك ...  بكرة هنشوف ذلهم


حصريا| أغنية سجون الغدر - إهداء لحرائر مصر

للقصيدة كاملة والفيديو 
http://www.algakh.com/albums/%D8%B7%D8%A8%D8%B9%D8%A7-%D9%85%D8%A7%D8%B5%D9%84%D9%8A%D8%AA%D8%B4-%D8%A7%D9%84%D8%B9%D8%B4%D8%A7/

جديد : هشام الجخ - طبعا ماصليتش العشا

كلمات :سامح رضا 
أداء:سامح رضا 
ــــــــــــــــــــــــــــــــــــــــــــــــــــــــــــــــــــــــــــــ
سَاند حلمه على كَنَبَه تحت الشيــش ..
 روحه بِتِتْسَرسب منه
 بِتِتْكوِّم في سيالته
 نِفسه في نِسْمة فَجر بس مفيــش !!
 بينه وبين نفسه مَقْبض شيــش
 تَواشيح الفَجْر طايفه حوالين سَمْعُه .. بدون فَايده
 إمْشــي يا نُور الصُبْح خايف من الوحْده
 خايِف لـ تْمِس كرانيش فُسْتانها وَقْت الزًّفــه
 إفْرَحى إنْتى .. أنا فرْحِتى خايفــه !!
زَاهِدْ تُراب نَفْسى وتَحْريكه لِتفاصِيلــى
 طول عُمرى أَجْري عَلى عُيونِك ولا تِجِيلــي
 بَزَعَّقْ وعُروقى تِتْبعتر عَلى رَقبْتي مِن الزَّعْقه.. ومَتْخَوِّفْــش ،،
 جَبَــان يـا أنـــا ،،
عايِش في الحَياه بِضِلّى ..عايش بِعَفَاريتــى
وبِلْياتشو مِصَاحِبْ حِتّه مِن رُوحى .. بَضّحّكْ بيها حَبّة نـاس 
خــــايـب .. خايب في وصف ملامح تشبهنــى
 مَعَ إنى بِمِليون وِش !! 
رَسْم الكَنَبَه بِتَفَاصيلها .. بِرُكْن الشيش وستايرها.. مِزاحمه كَرَاكيبى جوايــا 
تِهَيّج عفَار الخنقه في صدري 
تِدْمع عُيُونى وتِحْكي لِلحُضُور قصّه .. يُحْـــــكَــى أَن ..
 الحِلْم لو طوّل .. يِعْشَق الأَوْهَــام 
والحُزْن لو ميّل .. هَيْزُق في الأيّـــامْ 
يِسْنِد الحُزن راسُه على جِدار الحَياه ويبتســــمْ
 يِلبِس عَبايتُه الغَميقـــه ويِتْرســــمْ
 نَاسِجْها مِنْ يِجي مِلْيون عــامْ 
مِتْرَقّعه بِوشوش خَلق مَوجوعَــه
 أَعْرفْهم كُلّهم .. واجْهل سِر أوجاعهـــــمْ !!
 أفوت ومامرمِيش السّـــلامْ
يطْلق نَصَايحُه زى سِرْب من الحَمــــامْ
 ضَل الطريق لمسَامعــــى
 أَجرى ..وأَجَرّى الحِلم فى نفســى
 يُصرخْ .. يِلمْس حِتّه من البراح
 يلعَن صفَاتى المِلاح ،،
يغْضَب يرجع يضيـــــق .. ويستجيب آخِر الطريــق 
وكأنى .. وكأني بقصُد اتْكعبل فى تُوب الحِلم !!
 كأنى أصْلا بَحْلم بَحق وحقيــق ،،
 وكل حَاجه فى حَياتى (كَأنى)  كأنّى بَـحِـبْ , كأنى بَحـْـلَـم , كَأنى مَـاشِى،،
 يا خُوفى لــ العمر يِقْطَع ضفاير شَعرها السوده 
ويدْهَس زَهْر أَنْفاسى عَلى المَاشــــى
 ويقْلع زَوايا البيـــت
 يا خُوفي لـ يحْسِبْنى كَأنى مَكُنتش جِيـــت 
 لَكنى رافِضْ .. لكني رافض الفِكْره
 رفْض السِجين للزَنازيــنْ .. للسّــور .. لِلأســـلاك 
رافض فَك ضَفايرها السّوده ونَزْع البيـــت
 رافضْ فِكرة إنّى مَعُدّتش هَشوف عُيونْها .. بِتودّعنى من الشبّـــاك
 لَكني هَحَاول .. هَسافر ويا نــور الصُبحْ واعْملّها فُستان فَرَحها بأيديـــا
 هَرْفُضْ إنّى أصَاحبْ حُزْنى مِن تاني .. صَعْبه عليـــــا !!
 سامِحْنى يا صَاحبى .. مَفيشْ بينى وبينَكْ أى كَلام
 نَصَايحَك ..ومش سامـــع
 وبَردو هَعَدّى عليك ومِش هَرْمى أى ســــلامْ
 جَعان السّعاده  .. يِحْلم بسُوق الفـــرح ْ
يِحْلم بِموسم الطّــرحْ 
وجَعَان الوِحْده ..  يِحْلم بِغِيِط بنِى آدميـــنْ
 يِحْلَم بِهُدوم الشتا .. وريحة المطَره فُوق الطيـــنْ 
يِحْلَم يصاحبْ .. يصاحب حتى أَحْزانه ،،
يا صَاحبي ..حَاول زيي تصاحبْ نُور الصبـــح 
إحْلم .. إحْلم شِدْ الهوا لِصدرك وتباريحـــهْ 
عِيش .. عِيش حِلمْك متتكبـــرشْ
 حِلْمكْ يكبرْ .. متتكبــــرشْ 
عِيش كَما أَسْنان المشــطْ
 عِيش حِلمَك كَأنك عشْــت !!


جعان سعادة

نفسي الفداء لكل منتصر حزين  الشاعر تميم البرغوثي

وحّد إلهك ..

واترمي كنَفه وجنابه ..

واشكره ..

وامّا تيجي تشكره .. أشكره ..

إنه علّم حد فينا يعلّمك .. إزاي بقلبك تذكره .. وتشكره ..

وحّد إلهك ..

واترمي في كنفه وجنابه ..

ما تفارقش ف يوم عَتابه ..

واسعى سعيك .. احبي حبيك ..

وامشي مشيك .. واجري جريك ..

مهما تقلت المعاصي .. اوعى تيأس ..

ربنا مش زيّه زيّك .. ربنا بس اللي ما بيقفلش بابه ..

فاحتمي ف كنفه وجنابه ..

واحفظ السكة اللي ترجع منها ليه ..

إن عصيت .. وأكيد حتعصى .. استحي وارجع ناديه ..

اللي دخلوا الجنة يا ابني مش ملايكة .. اللي دخلوا الجنة كانوا زي ابوك .. شنقوا من كتر المعاصي .. بس تابوا ..

وانت حظك .. ان ربك رحمته سبقت عذابه ..

فاترمي ف كنفه وجنابه …..
عينك على امك ..

مهما كان حجم انشغالك ..

اوعى تكبر وانت مش واخد بالك ..

اوعى تعرج .. ولا تتقل ودنها ومتاخدش بالك ..

اوعى يلهيك عنها حالك ..

عايز امّا اموت ..

يفضل لي كف وعين وصوت ..

وكتف تتسند عليه متكلفتة ..

ونفس يدفي فرشها ف برد الشتا ..

وقلب مطمن بإني مشيت وسبتها لك ..

فاوعى يلهيك عنها حالك..

طول حياتها .. شيلها في عنيك وف وريدك ..

حج بيتها كل يوم .. بيتها ريدك ..

في المدافن وانتو جايين حابقى في العين اللي جنبك ..

حابقى شايفك ..

عايز اشوفك وانت بتنزلها بيدك ..

وانت صاين لحمها لحد الممات ..

سيبها تتباهى بآخر لمسة منك لما تنزل وسط باقي الأمهات ..

حتقول ده ولدي .. صلب ابوه ..

جبته للشيلة الأخيرة .. وسبته لاخواته البنات ..

أوعى تطلع واد جبان ..

اجري خلف الموت يخافك ..

موت فدا البلد اللي ربت لك كتافك ..

اوعى تنكر خيرها زي الخوانين ..

الطماعين اللحاسين الكدابين ..

اوعى لينسوك يا ولدي انت مين ..

وابن مين ..

اوعى ماتفرقش بين العفيانين والورمانين ..

اقرا من كتب الشمال ..

واقرا من كتب اليمين ..

اقرا لصحاب البلاط ..

واقرا أدب المسجونين ..

شوف حكومات السياط ..

واقرا سيرة الراشدين ..

أوعى لينسوك يا ولدي .. مصر مين ..

أوعى تركن للكلام اللي يوماتي بنسمعه م الرغايين ..

مصر خوفو .. مصر خفرع .. الحضارة .. السنين ..

لا يا ولدي .. مصر انت .. مصر شغل وناس بتعرق ..

مصر جيش من غيره نغرق ..

مصر حواليها العِدا متربصين ..

اوعى تنضم لعشيرة البياعين ..

حتى لو تهموك يا ولدي زي ابوك وقالوا كافر ..

قل لهم أنا ديني ربي .. وبعد منه .. مصر دين ..

آخر وصية ..

لما تكبر حتلاقينا في التاريخ ..

باب صغير .. حيداروه .. مكتوب عليه (شباب ثاير) ..

مش بعيدة يعلموكم في المدارس وقتها إن اسمها نكسة يناير ..

قل لجيلك .. إنها ماكانتش نكسة ..

واننا جيل البداية وانتو دوركم جاي لسة ..

وافرد كتافك واحكي عن جيلي بفتوة ..

عايز الناس لما تسمع نبرتك في الميكروفون يقولوا (هو) ..

اللي خلف لسة عايش ..

لسة صوته ونبرته فيها الوجع ..

لسة واقف ضد ظلم الجبارين .. وقفة جدع ..

آخر وصية ..

سبت لك ورثك براح .. تسقي كرمه يزيد ويكرم ..

سبت لك ستر وجناح .. عقل يفهم .. قلب يرحم ..

سبت لك حب الغلابة .. ناس كتيرة .. جيش عرمرم ..

وان جم يقايضوك بالفلوس .. ويقعدوك وسط الكبار .. ويسكتوك ..

قل لهم أنا زي ابويا ..

لا عمره كَلّ فضلة موايد .. ولا عمره رمرم ..

سبت لك حب الغلابة .. أغلى من كل الدهب .. واكتر .. وأعظم.

جديد : هشام الجخ - حمزة

RAMY ESSAM - YA ASKARY رامى عصام - يا عسكرى

تميم البرغوثي  دعي لي ذنوبي

أصل الحياه للعلم
مفهاش حاجات ببلاش
وعشان ماتصبح فيلم
وأصلا عشان تتعاش
كادر الحياه المشحون
فرح والم وشجون
لازم يكون بيلف
لازم يكون بيدور
يتقل عليك ويخف
ويعشّمك بالنور
ف نهاية المشوار
ونا قلبي لف و دار
ميت ألف ليل ونهار
نفسه ف فرحه كادوه
وحلاوه من غير نار
ومّا الزمن تعبه
قصقص شريط الفيلم
وخَد كادر كان عاجبه
وقرر يعيش ف الحلم
و الحلم كان كامل
جدا تمام خالص
ولجل الكمال لله
كل الحاجات جواه
لكن في شيء ناقص
فاضي بشكل غريب

‫قصيدة مافهاش حاجات ببلاش - مصطفى إبراهيم‬‎

الشاعر هشام الجخ 
قصيده متزعليش

هشام الجخ - متزعليش.

من وحي الأنبياء الجثدد (الثلاثية كاملة) : http://vimeo.com/52792066

إنى رأيت اليوم ... الصورة من بره
قلت الحسين لسة ....حيموت كمان مره 

إنى رأيت اليوم ... فيما يرى الثائر
ان الحسين ملموم .. فوق جثته عساكر
بيدغدغوه بالشوم ؛
كل أما ييجى يقوم !
و ان البشر واقفة ؛
تبكى بدال ما تحوش !
و ان العلم مصفه ؛
م السونكى و الخرطوش !
و ان الطريق مفروش... بالدم للآخر ...

إنى رأيت اليوم...
الدم ع الآيش....
و إن الحسين إحنا....
و مهما اتقتل عايش !!

فيما يري الثائر : من وحي الأنبياء الجُدد - مصطفى إبراهيم

قفي ساعة - تميم البرغوثي

هشام الجخ - ايزيس ♥♥

تميم البرغوثي ستي أم عطا


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

هشام الجخ - أيوة بغير Aywa Ba3'ir - Hisham Al Gakh


 
انطردي الآنَ من الجدولْ
 
 
موتي فالكلُّ هنا ماتوا
وأنا اعتدتُ حياتي أَرْمَلْ
 
واعتدتَ الهَجرَ بلا سببٍ
وبرغمِ الحيرةِ لم أسألْ
 
وظلَلْتُ أسجِّلُ أسماءً
وأسطِّرُ خاناتِ الجدولْ
 
ضُنِّي إحساسَكِ ما شئتِ
فأنا مَلِكٌ لا أتوسَّلْ
 
لا أبكي لفراقِ حبيبٍ
أو أترجَّى أو أتذلَّلْ
 
رقةُ شِعري قَوْلٌ إفكٌ
فَفُؤادي مِن صَخْرٍ جَنْدَلْ
 
علَّقتُ نساءً في سَقْفِي
وجلسْتُ فخورا أتأمَّلْ
 
وغزوتُ عُيوناً لا تُغْزَى
غافلتُ رموشاً لا تَغْفَلْ
 
و زَرَعْتُ النُّسوةَ في أرضٍ
لا آخرَ فيها أَوْ أَوَّلْ
 
ديكتاتوريا إن أُعْطِي
ديكتاتوريا إن أَبْـخَلْ
 
 
فانطردي الآن من الجدول
 
 
غِيبِي فَلَكَمْ قَبْلَكِ غابوا
لا شيءَ يَـجِيءُ وَ لا يَرْحَلْ
 
ما الوردُ إذنْ لَوْ لَمْ يَذْبُلْ ؟؟
ما الشمسُ إذنْ لو لم تَأْفُلْ ؟؟
 
لا تَنْتَظِرِينِي نَسْنَاساً
أَقْبَلُ يَوْمَاً أن أتَسَلْسَلْ
 
وَ يَـجِيءَ الناسُ إلى قَفَصِي
لِيَـرَوْا عُشَّاقاً تَتَـحَوَّلْ
 
تتقافزُ كالقِرَدةِ عِشْقَاً
وَ تَـمُوتُ هَيَاماً وَ تُوَلْوِلْ
 
لُمِّي أشياءَكِ و ارتَـحِلِي
بَحثاً عن آخرَ قَدْ يَقْبَلْ
 
أمَّـــايَا .. فلا ثَمَنٌ عِنْدَكِ
تَقْبَلُهُ يدايَ لِتَتَكَبَّلْ
 
إن كان غرامُكِ لِي نَبْعَاً
فَنِسَاءُ الدنيا لي مَنْهَلْ
 
وَ الجدولُ مُكْتَظٌّ جِدَّاً
بِكَثِيرٍ مِثْلِكِ بَلْ أجمَلْ
 
 
فانطردي الآن من الجدول
 
 
غِيبِي وَ تَمَادَيْ في جَهْلٍ
فأنا لا أعشقُ مَنْ يَجْهَلْ
 
إني بَحَّارٌ تَرْفُضُنِي
كُلُّ الشُطْآنِ فَأَتَنَقَّلْ
 
اِعتدتُ السفرَ على مَضَضٍ
وَ قَضَيْتُ حياتي أَتَجَوَّلْ
 
أرتشفُ بلاداً ونساءً
فَهُنـا عَسَلٌ وهُنا حَنْظَلْ
 
وهنا عشت كلص نذل
وَ هُنَا كُنْتُ نَبِيَّاً يُرْسَلْ
 
و هنا ذَبَحُوا شِعري عَمْدا
وهنا شعري صارَ يُرَتَّلْ
 
وأنا والغُربةُ ما زِلْنَا
نبحثُ عن وطنٍ لِنُظَلَّلْ
 
صادقتُ الغُربةَ في الغربةِ
وقضيتُ سنيناً أَتَعَلَّلْ
 
بَرَّرْتُ جميعَ حماقاتي
وَ ظَنَنْتُ بأني أتَجَمَّلْ
 
اليومَ أُزِيلُ عباءاتي
وَ أُكَشِّفُ عن وجهي الأَوْحَلْ
 
مَلِّي عينيكِ بِلاَ خَجَلٍ
فأنا الـمَوحولُ ولا أخجلْ
 
أَغْرَتْنِي أحلامُ الصِّبْيَةِ
فَعَدَوْتُ إلى حُلْمِي الأمْثَلْ
 
وَ بدأتُ السفرَ بلا زادٍ
وظننتُ بأني أتعجَّلْ
 
وَ نسيتُ اللهَ.. فأَهْمَلَنِي
مَنْ ينسَى اللهَ وَ لا يُهْمَلْ ؟
 
حُمِّلْتُ بأثقالِ الدُّنيا
أهربُ مِنْ ثِقْلٍ للأثقَلْ
 
و التفَّتْ طُرُقِي مِنْ حَوْلِي
واختلطَ الأَقْصَرُ بالأَطْوَلْ
 
واخْتَلَطَتْ أحْرُفُ لافِتَتِي
فَوَقَفْتُ مَكَاني كالأخْطَلْ
 
لَمْ أُسْطِعْ أن أُكْمِلَ سَيْرِي
فجلستُ وحيداً أَتَسَوَّلْ
 
وَ بَنَيْتُ مَزَاراً وَ مَبِيتاً
لا يَصْلُحُ إلاَّ لَلثُّمَّلْ
 
وَ قضيتُ حياةً واهِنَةً
لا تَسْوَى في نَظَرِي خَرْدَلْ
 
فَعَلامَ تُرِيدِينَ بُكَائِي ؟
وَ أنا ذو قلبٍ مُسْتَعْمَلْ
 
أَبْلاَهُ الماضي لم يَتْرُكْ
شيئاً لِبَلاءِ الـمُستقبَلْ
 
لا تَتَّهِمِينِي في عِشقِي
فأنا أعشقُ حتَّى أُنْحَلْ
 
والجملُ وإن يعطشْ يصبِرْ
وَ كَفِعْلِ الجَّمَلِ أنا أفعَلْ
 
أَهْلِكْتُ شَبابي وسنيني
فَرَمَتْ بِي في صفِّ الكُهَّلْ
 
وَ وقفتُ بعيداً لأشاهدَ
قصةَ عُمرِي وهِيَ تُمَثَّلْ
 
رفعوا خنجرَهم ودموعي
لم تجعلْ أحداً يَتَمَهَّلْ
 
والتهبَ المسرحُ تصفيقاً
وأنا أُطْعَنُ وأنا أُقْتَلْ
 
فَعَلامَ تظنينَ بِأنِّي
آتٍ مِحْرابَكِ أتَبَتَّلْ ؟؟
 
دَوْرُكِ في الـمَشْهَدِ فَرْعِيٌّ
بِوُجُودِكِ أو دُونَكِ يَكْمَلْ
 
وَكِلانا مكتوفُ الأيدي
وَ سِتارُ المسرحِ لا يُسْدَلْ
 
والـحُكْمُ الصادِرُ في أمرِي
حُكْمٌ فَصْلٌ لا يَتَأَجَّلْ
 
فدعيني في موتي وَحْدِي
فأنا والغُربةُ لا نُفْصَلْ
 
ما دامَ الوطنُ بلا شيءٍ
فالموتُ على شيءٍ أفضلْ
 
 
فانطردي الآن من الجدول


هشام الجخ - إنطردي الآن من الجدول

صفحة الأعمال الصوتية للشاعر المصري مصطفى الجزار

قصيدة ( معجزة ) للشاعر مصطفى الجزار

mostafalgazzar