Mstdfr Show 2023

كلنا اليومين اللي راحت سمعنا عن توقيع كريستيانو رونالدو مع نادي النصر السعودي… ومع إنه فوائد هذه الصفقة على البلد له فوائد كثيرة… بعض الناس يشوفوا انه الموضوع ما يسوى الهيلمان هذا كله بالذات انه رونالدو معد صار زي أول. لكن هل احنا فعلاً نحتاج منه اليوم قدراته الرياضية؟ أو نحتاج منه خبرته العالمية أكثر؟

وهذا الكلام ينطبق بشكل كبير على كل الناس اللي وصلوا سن التقاعد في عملهم… هل تشوفوا انه خبرتهم في هذا السن أهم من قدراتهم الإنتاجية؟

#289: ما نحتاج قدراته ترا نحتاج خبرته

بمشاركة [ فايز مليباري ]

مع السنة الجديدة كثير من الناس يحاولوا يبدأوا حياة جديدة… ومو لازم تغيير كلي، يحاولوا يتغيروا حتى ولو بجزء بسيط. لكن ليش هذه التغييرات ما تجي غير مع بداية السنة؟ جانا هذا التسائل وقررنا نناقشه مع صديق البرنامج الدافور القديم فايز مليباري اللي حكانا عن بعض التغييرات اللي هو قرر يطبقها في حياته مع بداية سنة ٢٠٢٣.

#290: عادات جديدة بس مستدامة

بمشاركة [ فيصل عسيري و ياسر ناصف ]

اليوم طلعنا الرياض وقعدنا مع مستدفرنا القديم… ولدنا الضايع فيصل عسيري وشاركنا صديقنا العزيز ياسر ناصف. وفي نهار ممطر في الرياض جلسنا ندردش على مواضيع مختلفة بدأت بكروية الأرض وانتقلت لبعض ألعابنا المفضلة على البلايسيشن إلى ما وصلنا لحقوق حفظ القصص والشخصيات.

وللأسف كان في مشكلة في التسجيل وبالتالي الصوت ما كان بالجودة المطلوبة، بس ما حبينا نترككم اليوم من غير حلقة… فقررنا ننشرها ونعتذر مقدماً على الجودة.

#291: الأرض وميكي ودوري مافي

بمشاركة [ أميرة شيخ و مرام العيسائي ]

إنتاج المحتوى من فن أو برامج أو غيره يحتاج خبرة، ومو دايماً تكون متوفرة عندنا الموارد الرسمية أو الفرص المناسبة اللي تعطينا هذه الخبرة. في هذه الحالة عندنا واحد من خيارين… يا نستسلم ونقعد نحلم بحياة تمنينا نعيشها لسنوات… أو نلاقي طريقة نعلم نفسنا ونشتغل بالطول وبالعرض. والخيار الثاني هو المفهوم اللي ضيوفنا اليوم بيطبقوه في حياتهم كل يوم وبه قرروا يعيشوا الحياية الفنية اللي حلموا فيها وهم صغار.

صديقة البرنامج الفنانة أميرة شيخ وصديقتنا الجديدة الفنانة مرام العيسائي شاركونا اليوم الحديث وأتكلمنا عن ”الكود سويتشيج“ اللغوي والفن والتعليم وكمان صناعة البودكاست.

#292: فنانة رسمت شيكين ناجت

بمشاركة [ فيصل عسيري ]

مؤخراً صرنا نلاحظ إنه كثير من المشاهير حول العالم بدأوا يحطوا نفسهم في مواقف بايخة تخرب عليهم شغلهم وحياتهم بشكل كبير… هل المشكلة في الناس؟ أو المشكلة كانت دائماً موجودة… ولكن الآن صار الوصول للمعلومات المخفية أسهل؟

صديقنا الدافور القديم فيصل عسيري شارك معانا النقاش اليوم واتكلمنا عن مواضيع مختلفة من ضمنها سباقات الفورميلا ون وناقشنا كمان مدى تأثيرها على حياتنا اليومية.

#293: هنا فورميلا ون والفنان أتجنن

بمشاركة [ عبدالله رافعة ]

العادات والتقاليد عند أي مجتمع حول العالم هي دائماً جزء لا يتجزأ من هويته وثقافته اللي تميزه عن باقي المجتمعات، لكن وجودها وتطبيقها بشكل دائم له فوائد ثانية نادراً ما نفكر فيها. اليوم قعدنا مع صديقنا الفنان عبدالله رافعة واتكلمنا على مجموعة من المواضيع المختلفة زي فوائد وجود العادات والتقاليد عند المجتمعات المختلفة والاحتفال باليوم الوطني وطرق التعبير عنه.

وحابين كمان نقول لكم انه برنامجنا اليوم برعاية مكاتب ڤايبز… الحل الأمثل لمساحات العمل المشتركة… وكمان بيت مستدفر من ٢٠١٩

واذا انتم من رواد الأعمال أو حتى من أصحاب الشركات الناشئة وبتدوروا عن مجتمع يمكنكم ومساحة عمل تلهمكم وتزيد من انتاجيتكم…  فڤايبز عندها مكان لكم… وإيش في أحسن من انكم تكونوا جيراننا؟

أتفضلوا بزيارة موقعهم www.vibesoffices.com عشان تعرفوا أكثر… أو تقدروا تتابعوهم على وسائل التواصل الاجتماعي @Vibesoffices

#328: ما يميز عاداتنا زيادتها لأمننا

بودكاست مستدفر هو برنامج إذاعي سعودي من تقديم عمار ورامي يأتيكم كل أسبوع فجر يوم الأحد من مدينة جدة ويقدم لكم حوارات عصرية  وترفيهية وثقافية مع مجموعة من أبرز العقول في مجتمعنا اليوم.

ونقدم لكم محتوانا بشكل عفوي وصادق من قلوبنا إلى عقولكم