اتوحشتك

شعر : محمود عصام
عن ديوان : بُعد رابع
توزيع : ميدو راشد
Music : Jorge Méndez

أخر ماكان ممكن 
مامكنَّاش
اخر مكان ممكن 
هيجْمعَّنا 

مَكنش القُرب ليه لذَّه
فـــ ليه البُعد يوجعنا
مَكنش لأي شئ معنى 
مَكنتش حتي بستناكي تحت البيت 
عشان اتملَى في عينكي 
مَكنتش بحسد الساعه اللّي في ايديكي 
ولا موبايلك 
عشان مسكاه
مغيرتش لما شوفتك يومها 
ماشيه معاه 
وغيرُه كتير 
مكنتش حابب التفكير 
بـــــ حكْمة كهل ستيني 
فعادي ان كنتي سبتيني 
وعادي ان كنتي كرهاني 
او إني اقل في عينيكي 
من إنِك تبقِي نسياني 

يا ستي كلام مالوش لزمه 
بلاش تقوليه
لا هيقدّم ولا يأخر 
لَا هينسيك يوم بدري 
ولَا ينسيني متأخر



تمام جدا 
سيناريو عظيم 
ياريت متقولش حرف زياده من عندَك
ولَا تنقص كلام من النُص 
و لو هَتعوزها تحترمك 
عليك الألتزام بالنَص


What really happened


اخر ماكان ممكن
ياريته يكون 
اخر مكان ممكن 
يجمَّعنا

معدش لأي شئ معني 
هيدبل عمري من غيرك
هتدبل روحي في غيابِك

يجوز انا سبت شريانِك 
لكن شرياني لو سابك
يموت وقتي 
بلاش تسبيني دلوقت
بلاش بكره 
بلاش مواعيد نحددها
سبيني اتنفسك واختل
ايديا بترتعش جدا
قوليلي الحل
..
..

اسف بعتذر عارف
مَكنش كلام يليق بينا 
مفيش طرُقات ترجَّعنا
اخر ماكان ممكن 
مامكنّاش 
اخر مكان ممكن 
هيجْمعنا

كهل ستين

الابنودى - عمرو حسن

Written by: wagdy
Music: Free Beat
Vocals : wagdy
Mix & master by : Wagdy
كلمات

Verse 1

علقيني بيكي بشدة
زي كازابلانكا
عمري ليكي ما أنسي
إنتي بسمة بعد خنقة
إنتي معني جوه رسمة
بحبك مهما كان اختلافنا
كل حاجة وحشة
بيكي بتبقي أحلي
حياتي بتضحك تملي
طول ما إنتي معايا جنبي  
أعمي في قلبه سكنتي 
فشاف الدنيا بمبي
إنتي حلوة زي غنوة
فيكي سكر حلي طعمي
إنتي مش من هنا
إنتي ملاك نازل م السما
ما بنحكيش اللي بينا
لكن تفضحنا عينا
فيفضل شك بينهم 
و يبقي سر بينا
كل الحاجات ناقصة
في عينك تبقي  كاملة
يا نور وسط عتمة
يا كل آية من آيات المولي
إنتي لحظة ما تتنسيش 
إنتي فرصة ما تتسابيش
زي شمس ملهاش بديل
إنتي نجوم في عز الليل
يا ست البنات 
يا تاج من الجنة 
إنتي حاجة حلوة
فيها عزوة و لمة 

Chourus 
فستان وسط بناطيل
مختلفة في حاجات كتير
إنتي حلم في ليل جميل
باتمني أصحي ألاقيه

Verse 2 
بقيت أنسي اللي فات 
من يوم ما قلبي داب
بقيت باشوف بدايات
كنت فاكرها نهايات
م البداية واقفة معايا
وقت ما كله  باعني
كانت هي دعمي 
ما احتاجتش حد يشجعني
إنتي قوة وقت ضعفي
أول حب في عمري 
فيكي بيتي أهلي وطني
حبيبتي بنتي أمي
كل يوم بيعدي
يتمسك بيكي قلبي
في الشدة تبقي جنبي
ما بتسيبنيش لوحدي
هكون سند يشيل عليكي همك
بحلم أكون أب و نفسي في طفل منك
باتعب و أشقي ليالي عشان تكوني حلالي
إنتي رزقي ومالي إنتي اللي باقيالي
كلميني صوتك بينسيني الزعل 
احضنيني حضنك بيديني أمل
لهفتك و خوفك عليا من التعب 
بتخليني بيكي أتعلق للأبد

Wego  - مختلفة عنهم

El Joker

El Joker - Mosem El Ze2ab l الجوكر - موسم الذئاب

قصيدة "ساقط ثانوية" _ عبدالله نبيل

محمد عبد المحسن "كآبة" - لو كنا صحاب

احمد منصور - بكلمك من العزلة

"حواديت العالم خلصت يا زينه"

قبل النهايه بيوم

لم يكن الأمر يستحق العناء

اقتباس " بيروح جمال الورد لو زين التوابيت " 

- للشاعر حسن عبد الباقى 
https://soundcloud.com/hassan-abd-elbaky-541936669 


محمد عبد المحسن "كآبة" - لو كنا صحاب

Muhammad Abdul-Mohsen