نهر الأحزان


عيناكِ كنهري أحـزانِ

نهري موسيقى.. حملاني

لوراءِ، وراءِ الأزمـانِ

نهرَي موسيقى قد ضاعا

سيّدتي.. ثمَّ أضاعـاني

الدمعُ الأسودُ فوقهما

يتساقطُ أنغامَ بيـانِ

عيناكِ وتبغي وكحولي

والقدحُ العاشرُ أعماني

وأنا في المقعدِ محتـرقٌ

نيراني تأكـلُ نيـراني

أأقول أحبّكِ يا قمري؟

آهٍ لـو كانَ بإمكـاني

فأنا لا أملكُ في الدنيـا

إلا عينيـكِ وأحـزاني

سفني في المرفأ باكيـةٌ

تتمزّقُ فوقَ الخلجـانِ

ومصيري الأصفرُ حطّمني

حطّـمَ في صدري إيماني

أأسافرُ دونكِ ليلكـتي؟

يا ظـلَّ الله بأجفـاني

يا صيفي الأخضرَ ياشمسي

يا أجمـلَ.. أجمـلَ ألواني

هل أرحلُ عنكِ وقصّتنا

أحلى من عودةِ نيسانِ؟

أحلى من زهرةِ غاردينيا

في عُتمةِ شعـرٍ إسبـاني

يا حبّي الأوحدَ.. لا تبكي

فدموعُكِ تحفرُ وجـداني

إني لا أملكُ في الدنيـا

إلا عينيـكِ ..و أحزاني

أأقـولُ أحبكِ يا قمـري؟

آهٍ لـو كـان بإمكـاني

فأنـا إنسـانٌ مفقـودٌ

لا أعرفُ في الأرضِ مكاني

ضيّعـني دربي.. ضيّعَـني

إسمي.. ضيَّعَـني عنـواني

تاريخـي! ما ليَ تاريـخٌ

إنـي نسيـانُ النسيـانِ

إنـي مرسـاةٌ لا ترسـو

جـرحٌ بملامـحِ إنسـانِ

ماذا أعطيـكِ؟ أجيبيـني

قلقـي؟ إلحادي؟ غثيـاني

ماذا أعطيـكِ سـوى قدرٍ

يرقـصُ في كفِّ الشيطانِ

أنا ألـفُ أحبّكِ.. فابتعدي

عنّي.. عن نـاري ودُخاني

فأنا لا أمـلكُ في الدنيـا

إلا عينيـكِ... وأحـزاني

نهر الاحزان نزار قباني

إني عشقتك .. واتخذت قراري
فلمن أقدم _ يا ترى _ أعذاري
لا سلطةً في الحب .. تعلو سلطتي
فالرأي رأيي .. والخيار خياري
هذي أحاسيسي .. فلا تتدخلي
أرجوك ، بين البحر والبحار ..
ظلي على أرض الحياد .. فإنني
سأزيد إصراراً على إصرار
ماذا أخاف ؟ أنا الشرائع كلها
وأنا المحيط .. وأنت من أنهاري
وأنا النساء ، جعلتهن خواتماً
بأصابعي .. وكواكباً بمداري
خليك صامتةً .. ولا تتكلمي
فأنا أدير مع النساء حواري
وأنا الذي أعطي مراسيم الهوى
للواقفات أمام باب مزاري
وأنا أرتب دولتي .. وخرائطي
وأنا الذي أختار لون بحاري
وأنا أقرر من سيدخل جنتي
وأنا أقرر من سيدخل ناري
أنا في الهوى متحكمٌ .. متسلطٌ
في كل عشق نكهة استعمار
فاستسلمي لإرادتي ومشيئتي
واستقبلي بطفولةٍ أمطاري..
إن كان عندي ما أقول .. فإنني
سأقوله للواحد القهار...
عيناك وحدهما هما شرعيتي
مراكبي ، وصديقتا أسفاري
إن كان لي وطنٌ .. فوجهك موطني
أو كان لي دارٌ .. فحبك داري
من ذا يحاسبني عليك .. وأنت لي
هبة السماء .. ونعمة الأقدار؟
من ذا يحاسبني على ما في دمي
من لؤلؤٍ .. وزمردٍ .. ومحار؟
أيناقشون الديك في ألوانه ؟
وشقائق النعمان في نوار؟
يا أنت .. يا سلطانتي ، ومليكتي
يا كوكبي البحري .. يا عشتاري
إني أحبك .. دون أي تحفظٍ
وأعيش فيك ولادتي .. ودماري
إني اقترفتك .. عامداً متعمداً
إن كنت عاراً .. يا لروعة عاري
ماذا أخاف ؟ ومن أخاف ؟ أنا الذي
نام الزمان على صدى أوتاري
وأنا مفاتيح القصيدة في يدي
من قبل بشارٍ .. ومن مهيار
وأنا جعلت الشعر خبزاً ساخناً
وجعلته ثمراً على الأشجار
سافرت في بحر النساء .. ولم أزل
_ من يومها _ مقطوعةً أخباري..

القرار  نزار قباني

عندما_تبكينَ#

إني أُحبكِ عندما تبكينَ
وأحبُّ وجهكِ غائماً وحزينا

الحزن يصهُرنا معاً ويذيبنا
من حيث لا أدري ولا تدرينا

تلك الدموع الهاميات أحبها
وأحب خلف سقوطها تشرينا

بعض النساء وجوههن جميلةٌ
وتصيرُ أجملَ عندما يبكين


عندما تبكينَ  نزار قباني

الشاي_باللبن#

أربـع إيـديـن عـلى الفـطار

أربـع شـفايف يشربوا الشاى باللبن
ويـبوسوا بعض ويحضنوا نور النهار
بـين صدرها وصدره وبين البسمتين
ويحـضنـوا الحب اللى جمعهم سـوا
على الفطـار
ويحـضنوا الشمس اللى بتهز السـتار
وتـخش من بـين الخيوط وبعضـها
مع الهــوا
للأودة تـرسم نفسـها عـلى أرضها
عـلى البساط اللى اشتروه مع الجهاز
على الغرام اللى اشتروه من غير تمن
وعلى القـزاز
ويـشربـوا الشــاى باللــبــن
فى فنجالـين
عــلى الفـطار أربــع إيـديـن
ودبلتـــين
بيـصـحُّوا قـلبى كل ليلة فى المنام
وبـيكتـبولى بـلـون منَـور فزدقى
على الهـوا الاسود وع الجفن اللى نام
كلمة "سلام"

الشاي باللبن صلاح جاهين

قصيدة_بلقيس#

شُكراً لكم ..

شُكراً لكم . .

فحبيبتي قُتِلَت .. وصار بوُسْعِكُم

أن تشربوا كأساً على قبر الشهيدهْ

وقصيدتي اغْتِيلتْ ..

وهل من أُمَّـةٍ في الأرضِ ..

- إلا نحنُ - تغتالُ القصيدة ؟

بلقيسُ ...

كانتْ أجملَ المَلِكَاتِ في تاريخ بابِِلْ

بلقيسُ ..

كانت أطولَ النَخْلاتِ في أرض العراقْ

كانتْ إذا تمشي ..

ترافقُها طواويسٌ ..

وتتبعُها أيائِلْ ..

بلقيسُ .. يا وَجَعِي ..

ويا وَجَعَ القصيدةِ حين تلمَسُهَا الأناملْ

هل يا تُرى ..

من بعد شَعْرِكِ سوفَ ترتفعُ السنابلْ ؟

يا نَيْنَوَى الخضراءَ ..

يا غجريَّتي الشقراءَ ..

يا أمواجَ دجلةَ . .

تلبسُ في الربيعِ بساقِهِا

أحلى الخلاخِلْ ..

قتلوكِ يا بلقيسُ ..

أيَّةُ أُمَّةٍ عربيةٍ ..

تلكَ التي

تغتالُ أصواتَ البلابِلْ ؟

أين السَّمَوْأَلُ ؟

والمُهَلْهَلُ ؟

والغطاريفُ الأوائِلْ ؟

فقبائلٌ أَكَلَتْ قبائلْ ..

وثعالبٌ قَتَـلَتْ ثعالبْ ..

وعناكبٌ قتلتْ عناكبْ ..

قَسَمَاً بعينيكِ اللتينِ إليهما ..

تأوي ملايينُ الكواكبْ ..

سأقُولُ ، يا قَمَرِي ، عن العَرَبِ العجائبْ

فهل البطولةُ كِذْبَةٌ عربيةٌ ؟

أم مثلنا التاريخُ كاذبْ ؟.

بلقيسُ

لا تتغيَّبِي عنّي

فإنَّ الشمسَ بعدكِ

لا تُضيءُ على السواحِلْ . .

سأقول في التحقيق :

إنَّ اللصَّ أصبحَ يرتدي ثوبَ المُقاتِلْ

وأقول في التحقيق :

إنَّ القائدَ الموهوبَ أصبحَ كالمُقَاوِلْ ..

وأقولُ :

إن حكايةَ الإشعاع ، أسخفُ نُكْتَةٍ قِيلَتْ ..

فنحنُ قبيلةٌ بين القبائِلْ

هذا هو التاريخُ . . يا بلقيسُ ..

كيف يُفَرِّقُ الإنسانُ ..

ما بين الحدائقِ والمزابلْ


بلقيس

حبيبتي كل ما بنسى تفكرني الحاجات بيكي
أئنك تدمعك عيني كأني مش هغنيكي
دمايا ماتستاهلش تكون كحلة ليله لعينيكي
وأنا الدرويش
أنا السابح بمسبحتي ومبخرتي وتوب الخيش
أغنيلك وامولك مواويلك ماتسمعينيش ولا تشوفينيش
ومش لازم ما دام عايشه ما دمت بعيش
وياما بيكي عقلي إتجن
وياما بيكي عقلي اتجن
وانتي الان وانتي الظن
وانتي قلمي لحظة فن
يا غنيوتي انا احزن اغانيكي
وانتي الحلم اه مـ الحلم لا نسيني ولا نسيكي
يبيعوا اللون يغشوا الدم يهزوا الكون يشيلوا الكيف في عِب الكم
أنا أنفساسك الخضرا وأنا الجرح اللي في جبينك
أنا اللقمة في إغغيد طفلك وأنا قبرك وأكفانك
وأنا الشمعاية في حفلك
أنا الجاهل لكين بقرا
وبفهم غاية النظرة
أنا دارك ونا أهلك
وأنا والدك وأنا نسلك
أنا رغيفك وفرانه وحطب النار
وزيتوك وزتانه أنا القاطف و أنا العصار
و إسلامك وقرآنه وقلبي منشد الأذكار
انا العابد انا الزاهد انا اللي يحب مايلومينيش انا الزاهد انا الدرويش
صلاة الثورة ما تفوتنيش
و دم شهيدي وضاني بماء تاني..بماء من نبع نوراني
في قلبي مفيش في أسراري ولا حكايتي إلا انتي
يا خيط النور يا كوة ف سور
يانور منظور يا خير محظور
أنا الإيد اللي مانعاني
أنا الآسر وأنا المأسور
أنا الغايب أنا الدايب صبابه والجناح مكسور
وأنا التايب عن الماء الحرام والعيش
أنا الدرويش أبو الدراويش
جناحات قلبي من غير ريش
وحاوريني صعيدي بس قولي إيه فلسطيني
ومصري بس قلبي إيه ؟
فلسطيني وعربي
بس جرحي إيه ؟
فلسطيني فلسطيني فلسطيني
وأنا الدرويش
أنا الماشي و إنتي الفكر
وأنا المجنون في قلب الذكر
ومحتكر المحبه البكر
سكنتي إزاي كده في عيشي ونخششتي في نخاشيشي
كأنك فيا مولودة و موجوده ومفقود حب مفقوده
و أغانيكي أنا هي
على صدري غيطان زعتر و مراميه
مراميه على صدري
ويوم ما أموت تحشيها وترميها على قبري
أنا المنقوش في كفينك يا موشومة على صدري
يا كُبشة عطر ريحاني يا صوت دمي إذا يِسري
ولا يفصلنا يوم فاصل ودا الحاصل
فـ ما تلومينيش
دا أنا الدرويش
أنا الدرويش

حبيبتي الابنودي

أنفاسنا في الأفق حائرة..

تفتش عن مكان

جثث السنين تنام بين ضلوعنا

فأشم رائحة

لشيء مات في قلبي وتسقط دمعتان

فالعطر عطرك والمكان.. هو المكان

لكن شيئا قد تكسر بيننا

لا أنت أنت.. ولا الزمان هو الزمان

* * *

عيناك هاربتان من ثأر قديم

في الوجه سرداب عميق..

وتلال أحلام وحلم زائف

ودموع قنديل يفتش عن بريق..

عيناك كالتمثال يروي قصة عبرت

ولا يدري الكلام

وعلى شواطئها بقايا من حطام

فالحلم سافر من سنين

والشاطئ المسكين ينتظر المسافر أن يعود

وشواطئ الزمان قد سئمت كهوف الإنتظار

الشاطئ المسكين يشعر بالدوار..

* * *

لا تسأليني..

كيف ضاع الحب منا في الطريق؟

يأتي إلينا الحب لا ندري لماذا جاء

قد يمضي ويتركنا رمادا من حريق..

فالحب أمواج.. وشطآن وأعشاب..

ورائحة تفوح من الغريق

* * *

العطر عطرك والمكان هو المكان

واللحن نفس اللحن

أسكرنا وعربد في جوانحنا

فذابت مهجتان

لكن شيئا من رحيق الأمس ضاع

حلم تراجع..! توبة فسدت! ضمير مات!

ليل في دروب اليأس يلتهم الشعاع

الحب في أعماقنا طفل تشرد كالضياع

نحيا الوداع ولم نكن

يوما نفكر في الوداع

* * *

ماذا يفيد

إذا قضينا العمر أصناما

يحاصرنا مكان

لم لا نقول أمام كل الناس ضل الراهبان؟

لم لا نقول حبيبتي قد مات فينا.. العاشقان؟

فالعطر عطرك والمكان هو المكان

لكنني..

ما عدت أشعر في ربوعك بالأمان

شيء تكسر بيننا..

لا أنت أنت ولا الزمان هو الزمان..

لا أنت أنت ولا الزمان هو الزمان  فاروق جويدة

الغرام ف الدم سارح
والهوى طارح معزة
والحنين ف القرب بارح
والنوى جارح يا عزة

يا ابتسامة فجر هلت
بددت ليلى الحزين
يا ندى الصبح اللى شقشق 
فوق خدودى الدبلانين
بل شوقهم
صحى لون الورد فوقهم
كل خد وشمله وردة
ومين يدقوهم غيرك انتى ومين سواكى
يا حياتى ..يا ملاكى
يا نسيم الحب لما هب هز القلب هزة 
يا هوى الأحلام يا عزة
الليلادى 
جم خدونى يا ملاكى
جوز تنابلة ونص دسته من التيران
كنت بحلم يا حبيبتى
كنت بحلم بيكى انتى
ومين سواكى
يا حياتى ....يا ملاكى
يا نسيم الحب لما هب هز القلب هزة
يا هوى الأحلام يا عزة
كنت قال انا وانتى قال
ف جنينه خضرا
ومحاوطنا البرتقان والسيسبان
وانتى جو قرنفلاية
بالعبير بتستحمى
اجرى يمك يا هوايا
تسبقينى وتجرى يمى
والغصون واقفة وشايفة
بتراعينا بس خايفة م العيون
والعيون بتقول كلام
والكلام طاير حمام
بينادينا بالأغانى ويهادينا بالسلام
وانطلق ف الجو فجأة
يا حبيبتى صوت مفاجأة
صوت يخلى الدم يجم 
اصحى يا احمد
اصحى يا احمد
انتو مين؟
انتوا دود الأرض والآفة المخيفة
انتوا ذرة رمل ف عنين الخليفة
انتوا كرباج المظالم والمآسى
انتوا علة ف جسم بلدى
انتوا جيفة
سكتوه ابن الكلاب
سففوه من التراب
فتشوا كل الأماكن
طلعوا رفوف الدولاب
كممونى يا حبيبتى
كتفونى يا حبيبتى
قومونى
قعدونى
كل شعرة ف جسمى بالعين فتشوها
المخدة من جنانهم
شرحوها
وانتها التفتيش....مفيش
صديقنى
هو فى يا عزة عندى ممنوعات
غير بحب الناس وبكره السكات بص واحد م التانلة جو عينى
وانتى عارفه
عنيا صافية وطيبين
زى كل عيون شبابنا يا حبيبتى
شباكين
ع القلب دغرى موصلين
كان مناه يلمح علامة خوف بسيطة
طب هيجى الخوف منين ابن العبيطة
هو مين فينا الجبان
ولا مين فينا اللى خان
اللى قلبه بالامانى
والربيع الاخضر مزهر والاغانى
ولا كلب الصيد واسياده الاباطرة
أكالين لحم البشر فوق الصوانى
هو مين فينا الجبان
ولا مين فينا اللى خان
هو بص ف عينى بصة 
ارتجف وف حلقه غصة
واتعوج ومال وقال
جملتين مش مفهومين
أصله شاف صورتين جمال
ف العيون الطيبين
مصر ف العين الشمال
وانتى ف العين اليمين
ايوة انتى ومين سواكى
يا حياتى...يا ملاكى 
يا نسيم الحب لما هب هز القلب هزة
يا هوى الأحلام يا عزة.




بلدى وحبيبتي_ عزه أحمد فواد نجم

مقهى، وأنت مع الجريدة جالس
لا، لست وحدك. نصف كأسك فارغ
والشمس تملأ نصفها الثاني ...

ومن خلف الزجاج تري المشاة المسرعين
ولا تُرى [إحدي صفات الغيب تلك:
ترى ولكن لا تُرى]
كم أنت حر أيها المنسي في المقهى!
فلا أحدٌ يرى أثر الكمنجة فيك،
لا أحدٌ يحملقُ في حضورك أو غيابك،
أو يدقق في ضبابك إن نظرت
إلى فتاة وانكسرت أمامها..
كم أنت حر في إدارة شأنك الشخصي
في هذا الزحام بلا رقيب منك أو
من قارئ!
فاصنع بنفسك ما تشاء، إخلع
قميصك أو حذاءك إن أردت، فأنت
منسي وحر في خيالك، ليس لاسمك
أو لوجهك ههنا عمل ضروريٌ. تكون
كما تكون ... فلا صديق ولا عدو
يراقب هنا ذكرياتك /
فالتمس عذرا لمن تركتك في المقهى
لأنك لم تلاحظ قَصَّة الشَّعر الجديدة
والفراشات التي رقصت علي غمازتيها /
والتمس عذراً لمن طلب اغتيالك،
ذات يوم، لا لشيء... بل لأنك لم
تمت يوم ارتطمت بنجمة.. وكتبت
أولى الأغنيات بحبرها...
مقهى، وأنت مع الجريدة جالسٌ
في الركن منسيّا، فلا أحد يهين
مزاجك الصافي،
ولا أحدٌ يفكر باغتيالك
كم انت منسيٌّ وحُرٌّ في خيالك!

�����مقهى وأنت مع الجريدة ‏ محمود درويش

انا دبت وجزمتي نعلها داب
من كتر التدوير ع الاحباب
يا سلاملم لو اعتر ف حبيب
دا انا ارقص من كتر الاعجاب
واتنطط واتعفرت واترقص 
كدهوه كدهوه كدهوه

انا قلبي مزيكا بمفاتيح
من لمسة يغنيلك تفاريح
من اني ما فطرتش وجعان
ومعذب ومتيم وجريح
باتنطط واتعفرت واترقص
كدهوه كدهوه كدهوه

بيانولا وألابندا وحركات
اطلعي بقى يا نصاص يا فرنكات
انا عازمك يا حبيبي لما الاقيك 
على فسحة في جميع الطرقات
نتنطط نتعفرت نترقص كدهوه
كدهوه كدهوه كدهوه


بيانولا صلاح جاهين غناء سيد مكاوي

قالت: حبيبي.. سوف تنساني

وتنسى أنني يوما

وهبتك نبض وجداني

وتعشق موجة أخرى

وتهجر دفء شطآني

وتجلس مثلما كنا

لتسمع بعض ألحاني

ولا تعنيك أحزاني

ويسقط كالمنى اسمي

وسوف يتوه عنواني

ترى.. ستقول يا عمري

بأنك كنت تهواني؟!

* * *

فقلت: هواك إيماني

ومغفرتي.. وعصياني

أتيتك والمنى عندي

بقايا بين أحضاني

ربيع مات طائره

على أنقاض بستان

رياح الحزن تعصرني

وتسخر بين وجداني

أحبك واحة هدأت

عليها كل أحزاني

أحبك نسمة تروي

لصمت الناس.. ألحاني

أحبك نشوة تسري

وتشعل نار بركاني

أحبك أنت يا أملا

كضوء الصبح يلقاني

أمات الحب عشاقا

وحبك أنت أحياني

ولو خيرت في وطن

لقلت هواك أوطاني

ولو أنساك يا عمري

حنايا القلب.. تنساني

إذا ما ضعت في درب

ففي عينيك.. عنواني


في عينيك عنواني فاروق جويدة

أماية ... وأنتي بترحِّي بالرّحي ..
على مفارق ضحى
وحدك وبتعدّدي
على كل حاجة حلوة مفقودة
ما تنسينيش يا أمة في عدُّودة
عدّودة من أقدم خيوط سودا في توب
الحزن
لا تولولي فيها ولا تهللي
.. وحطي فيها اسم واحد مات:
كان صاحبي يا أمه ..
واسمه ناجي العلي
***
يا قبر ناجي العلي.. وينك يا قبر
يا قبر معجون بشوك مطلي بصبر
الموت يقرّب عليك .. يرتد خوف
وإذا ما خافشي الموت .. يرتد جبر
***
يا قبر ناجي العلي.. يا دي الضريح
كان ميِّتك للأسف وطني صريح
تحتك فتى ناضر القلب .. غضّ
كان قلبه .. أرض مخيّمات الصفيح
***
الأرض متغربة .. والحلم ملْكْ
خريطة شبه الوطن محاصرها سلك
واقف وراها شريد عاقد إيديه
حنّ الوطن ذلك .. للأرض تلك
غشيم في حب الوطن .. طبعا غشيم
ياللي تحب الوطن من الصميم
على طريقة العرب في الحب عيش
وَليْ.. نقي.. متقي.. لكن لئيم
***
ناجي العلي في الأغنية
هلّ عليْه
زي الغزالة البرية
ماسك رسمة
...........
والرسمة فيها دمع وضحك
وأرض مِلك
وابن واقف خلف السلك
قصاد رسمه
................
والرسمة فيها يهود... بحاخام
والأنكل سام ..
وعرب لطاف عايشين في سلام
جوه الرسمه
.............
رسم الكفوف زي الصبّار
حنظل بمرار
صبي قصير واقف محتار
قدامه رسمه
............
رسما لا نعرف تتحادق
ولا بتنافق
نايب ناجي إنُّه عاش صادق
عاش للرسمة
...............
كان زييّ.. يائس يأس مميت
لكن عفريت
دخل لأعدائه في البيت
شايل اسمه
..................
والرسمة ما فيهاش سما وبيوت
لكن لها صوت
يا ناجي.. كان لا بد تموت
برّه الرسمة
..................
قتلت ناجي العلي لما رسم صورة
يواجه الحزن فيها براية مكسورة
لما فضحني ورسمني صورة طبق الأصل
ما عرفشي يكذب ولا يطلع قليل الأصل
الناس بترسم بريشة وهوه ريشته نصل
فضح رموز الرواية وهيّه عَ المسرح
قتلته بأيدي وإيد غيري في آ خر الفصل
يا بلادي ..
ما تزعجيش نفسك عشان صورة !
أهلي لا أهلك . ولا أهلك ساعات أهلك
ما تحكليش ع اللي قتلك ..
مش حاخد لك تار
ما ملكش غير أحسدك خالص على قتلك
قتيل في غربة .. بيفرق عن قتيل الدار
يا ماشي للنور.. ومش ماشي على مهلك
واحنا خطاوينا يمّ الموت .. تجيب العار
أنا الموساد .. والفساد.. قاتل كتير قبلك
كمال .. وغسان .. واسأل ماجد أبو شرار
وحاموت .. لاشفتك .. ولا حاعرف في يوم قبرك
لا حاحُط زهرة عليه ولا حأغرس الصبّار
حاولت قتل الجهل طلع الجهل متعلّم
وأهه قتلك
وحولك وأنت واضح . . سر من الأسرار
***
أمايه..
وأنتي بترحِّي بالرحى
على مفارق ضحى
وحدك .. وبتعددّي
على كل حاجة حلوة مفقودة
ما تنسنيش يامّه في عدوُّدة ...
عدوّدة..
من أقدم خيوط سوده في توب
الحزن
لا تهّللي فيها ولا تولولي
وحطّي فيها اسم واحد مات
كان صاحبي يامه ..
واسمه ناجي العلي..
***
أطفالك البؤسا.. قاموا هناك ورا الشباك
بيفتحوا بالضوافر.. فكرة الشباك
مين أول اللي رسمهم في الصحف إلاّكَ؟
قلعوا الهدوم القدام .. وطلعوا بهدومك
إصحى يا ناجي العلي.. قامت القيامة هناك
***
قامت قيامة ثمانية وأربعين .. غارفة
في طريقها ذل السنين العاقر الناشفة
إصحى يا ناجي العلي.. أهي صحيت الضفة
يقشعروا الأرض .. إصحى جاوب الهزة
سنّ القلم من جديد وارسم بنات غزة
غزة اللي حضنت سلوكها وعشقت الحزة
ماماتتش..
طب ما انت مت...

عرفت تتوفى؟!

ناجي العلي الابنودي

يا ملتقى الصحبة.. يا لاللي
يا ورد في الصحبة.. يا لا للي
منورين في القعدة تملّي
يا صهبجية.. إيه يا لا للي
عاوزين شوية.. إيه يا لا للي
حاجة م اللي هيّه.. إيه يا لا للي
حبة آهات على ليل على عين على ترلا للي
***
الحلو قال جاي ولا جاشي
بقيت أكلم روحي وأنا ماشي
هي الأسية شوية عليَّا؟!
يا صهبجية.. إيه يا لا للي
***
يوعدني قال ويقول معلشي
أورِّي للناس إزاي وشي
يا صهبجية.. إيه يا لا للي
***
أنا وحبيبي روحين في زكيبة
يتعلموا منا الحبِّيبة
أما العوازل جتها رزية
يا صهبجية.. إيه يا لا للي

يا صحبجية - كلمات صلاح جاهين

قبة سيدنا الولي دول نوّروها 
ما أحلى البيارق والناس بيزروها 
قبة سيدنا الولي .. والقهوة عالية 
ما احلى البيارق لما دوّروها 

بتاع الحمص يقول :
حمص حمص تل ما ينقص عالنار يرقص 
حمص حمص تل ما ينقص عالنار يرقص 
حمص حمص تل ما ينقص عالنار يرقص 
يرقص يرقص ويقول .. الي شاف حمّص ولا كلش 
حب وأتلوع ولا ولا طلشي

تضحك الفتاة .. : 
وتقول 
يسترك هات حبة بقرش 
يضحك الشباب 
ها .. ها .. ها 
حمّص .. حمّص .. حمّص 
حمّص .. حمّص .. حمّص 
أسعى .. أسعى .. أسعى .. أسعى
حمّص .. حمّص .. حمّص 
حمّص .. حمّص .. حمّص 
أسعى .. أسعى .. أسعى .. أسعى

مصوّراتي يقول :
خدلك صورة ستة في تسعة 
أسعى .. أسعى .. أسعى .. أسعى
خدلك صورة ستة في تسعة 
يا سي عجورة النار خسعة

رجال وبائعين في المولد يقولون : 
الله .. الله .. الله 
عجمية .. باللوز . 
الله .. الله .. الله 
طعمية .. أراجوز 
الله .. الله .. الله .. الله .. الله .. الله

الاراجوز يقول ومعه الاطفال : 
الليلة الكبيرة يا عمي والعالم كتيرة 
مالين الشوادر يابا من الريف والبنادر 
الليلة الكبيرة يا عمي والعالم كتيرة 
مالين الشوادر يابا من الريف والبنادر 
دول فلاحين ودول صاعدية 
دول من البلد ودول رشايدة

حوار بين الاراجوز والعمدة 
العمدة : يا حضرة الاراجوز قولي 
الاراجوز : نعم يا عمدة عاوز ايه 
العمدة : منين يروحو المتولي 
الاراجوز : فتح يا اخينا وصلي عليه 
العمدة : صلى اللهم صلي عليه 
الاراجوز : تمشي كده على طول على طول لحد ما تلاقي عمارة 
العمدة : لحد ما الاقي عمارة 
الاراجوز : تكسر يمين تلقى بتاع فول دكانته على ناصية حارة 
العمدة : دكانته على ناصية حارة 
الاراجوز : تدخل يمينك وشمالك شارعين وفي التالت تكسر 
العمدة : شارعين وفي التالت أكسر 
الاراجوز : على اليمين واخد بالك .. وتمشي على طول تتمخطر 
العمدة : وأمشي على طول واتمخطر 
الاراجوز : تفضل كده تمشي وتلف .. وتخش من مطرح ما طلعت 
العمدة : وأخش من مطرح ما طلعت 
الاراجوز : ولما تلقى مقلة لب .. تعرف بأنك تهت وضعت 
العمدة : ااهاا دي وصفة سهلة .. 
الاراجوز : سهلة اوي 
العمدة : ودي وصفة هايلة 
الاراجوز : مع السلامة .. مع السلامة .. مع السلامة يا ابو عمة مايلة 
الاطفال : مع السلامة يا ابو عمة مايلة .. مع السلامة يا ابو عمة مايلة 
رجل يدعو الشباب للتصويب ببندقية في المولد يقول : 
فتّح عينك تاكل ملبن 
فينك فينك .. تاكل ملبن 
فتّح عينك تاكل ملبن 
فينك فينك .. تاكل ملبن 
أوعى لجيبك للعيب عيبك 
قرّب .. جرّب .. نشّن 
وسطن ايدك .. وسطن 
أضرب .. 
ضرب أحد الشباب بالبندقية .. واصاب الهدف .. فقال له صاحب البندقية : 
يحميك يا ابني تبقى غالبني 
قرّب خدلك حتة ملبن 
قرّب خدلك حتة ملبن 
قرّب خدلك حتة ملبن



الصورة الغنائية الإذاعية الليلة الكبيرة

#ليست_كلمات_صلاح_جاهين ولكن بصوته
يا أبو زعيزع قوم صلي دانتا في ريح المتولي

خلي مراتك زعزوعة تلحق تطبخ وتقلي

لسة الشهر اتنين منه والجيب عمران على سنه

زعزوعة فين بواجيرك؟ فين حللك فين مواجيرك؟

أنا رايح زاوية أبو شوال بدل الجامع والزحمة

على بال الخطبة ما تتقال تكوني انتي طبختى اللحمة

وهجيب لك حاجة تحلي

أبو زعيزع راح صلى ورجع م الجوع يتقلى

لقى بوابيره مطفية والحلة كمان مكفية

زعزوعة يا زعزوعة مالك كدا ليه مرزوعة

قالت له عندي زغطة واللحمة كلتها القطة

الراجل بقا يتكفى حط القطة في الكفة

القطة طلعت كيلو واللحمة كانت كيلو

يا بروطة يا أم زغطة هو مفيش عندك رحمة

آدي القطة فين اللحمة وادي اللحمة فين القطة

أبو زعيزع بصوت صلاح جاهين ليست كلماته

اجل رباعيات صلاح جاهين باجمل صوت

رباعيات صلاح حاهين

ممنوع من السفر
ممنوع من الغنا
ممنوع من الكلام
ممنوع من الاشتياق
ممنوع من الاستياء
ممنوع من الابتسام

وكل يوم فى حبك
تزيد الممنوعات
وكل يوم باحبك
اكتر من اللى فات

حبيبتى يا سفينه
متشوقه و سجينه
مخبر فى كل عقده
عسكر فى كل مينا
يمنعنى لو أغير
عليكى أو أطير
بحضنك
أوأنام
فى حجرك الوسيع
وقلبك الربيع
اعود كما الرضيع
بحرقة الفطام

حبيبتى يا مدينه
متزوقه وحزينه
فى كل حاره حسره
وف كل قصر زينه
ممنوع من انى اصبح
بعشقك او ابات
ممنوع من المناقشه
ممنوع من السكات

وكل يوم فى حبك
تزيد الممنوعات
وكل يوم بحبك
اكتر من اللى فات

الممنوعات الشيخ امام  كلمات احمد فؤاد نجم

لو اننا لم نفترق
لبقيت نجما في سمائك ساريا
وتركت عمرى في لهيبك يحترق
لو اننى سافرت في قمم السحاب
وعدت نهرا في ربوعك ينطلق
لكنها الاحلام تنثرنا سرابا في المدى
وتظل سرا في الجوانح يختنق
لو اننا لم نفترق
كانت خطانا في ذهول تبتعد
وتشدنا اشواقنا
فنعود نمسك بالطريق المرتعد
تلقى بنا اللحظات
في صخب الزحام كاننا
جسد تناثر في جسد
جسدان في جسد نسير وحولنا
كانت وجوه الناس تجري كالرياح
فلا نرى منهم احد
ما زلت اذكر عندما جاء الرحيل
وصاح في عينى الارق
وتعثرت انفاسنا بين الضلوع
وعاد يشطرنا القلق
ورأيت عمرى في يديك
رياح صيف عابث
ورماد احلام وشيئا من ورق
هذا انا 
عمرى ورق
حلمى ورق
طفل صغير في جحيم الموت
حاصره الغرق
ضوء طريد في عيون الآفق
يطويه الشفق
نجم اضاء الكون يوما واحترق
لا تسألى العين الحزينه
كيف ادمتها المقل
لا تسألى النجم البعيد
بأى سر قد افل
مهما توارى الحلم في عينى
وارقنى الاجل
ما زلت المح في رماد العمر
شيئا من امل
فغدا ستنبت في جبين الافق
نجمات عديدة
وغدا ستورق في ليالى الحزن
أيام سعيدة
وغدا اراك على المدى
شمسا تضىء ظلام ايامى
وان كانت بعيده
لو اننا لم نفترق
حملتك في ضجر الشوارع فرحتى
والخوف يلقينى على الطرقات
تتمايل الاحلام بين عيوننا
وتغيب فى صمت اللقاء نبضاتى
والليل سكير يعانق كأسه
ويطوف منتشيا على الحانات
والضوء يسكب في العيون بريقه
ويهيم في خجل على الشرفات
كنا نصلى في الطريق وحولنا
يتندر الكهان بالضحكات
كنا نعانق في الظلام دموعنا
والدرب منفطر من العبرات
وتوقف الزمن المسافر في دمى
وتعثرت في لوعة خطواتى
والوقت يرتع والدقائق تختفى
فنطارد اللحظات باللحظات
ما كنت اعرف والرحيل يشدنا
انى اودع مهجتى وحياتى
ما كان خوفي من وداع قد مضى 
بل كان خوفى من فراق أتى
لم يبقى شىء منذ كان وداعنا 
غير الجراح تئن فى كلماتى
لو اننا لم نفترق
لبقيت في زمن الخطيئة توبتى
وجعلت وجهك قبلتى وصلاتى
لو اننا لم نفترق

#فاروق_جويدة

لو أننا لم نفترق فاروق جويدة

جوابات الاسطى حراجي القط العامل في السد العالي
وزوجته فاطنه عبد الغفار في جبلاية الفا

جوابات الاسطى حراجي القط - الجزء الأول - عبد الرحمن الأبنودي

والله وشبت يا عبد الرُّحمان ..

عجّزت يا واد ؟

مُسْرَعْ؟

ميتى وكيف؟

عاد اللي يعجّز في بلاده

غير اللي يعجز ضيف !!

هلكوك النسوان؟

شفتك مرة في التلفزيون

ومرة .. وروني صورتك في الجورنان

قلت : كبر عبد الرحمان!!

أمال انا على كده مت بقى لي ميت حول!!

والله خايفة يا وليدي القعدة لتطول

مات الشيخ محمود

وماتت فاطنة ابْ قنديل

واتباع كرم ابْ غبّان

وانا لسة حية..

وباين حاحيا كمان وكمان

عشت كتير

عشت لحد ماشفتك عجّزت يا عبد الرحمان

وقالولي قال خَلَّفت

وانت عجوز خلَّفت يا اخوي؟

وبنات..!!؟

أمال كنت بتعمل إيه

طيلة العمر اللي فات؟

دلوقت مافقت؟

وجايبهم دِلْوكْ تعمل بيهم إيه؟

على كلٍّ..

أهي ريحة من ريحتك ع الأرض

يونسُّوا بعض

ماشي يا عبد الرحمان

أهو عشنا وطلنا منك بصة وشمة

دلوك بس ما فكرت ف يامنة وقلت: يا عمة؟

حبيبي انت يا عبد الرحمان

والله حبيبي .. وتتحب

على قد ماسارقاك الغربة

لكن ليك قلب

مش زي ولاد الكلب

اللي نسيونا زمان

حلوة مرتك وعويْلاتك

والاّ شبهنا..؟

سميتهم إيه؟

قالولي : آية ونور

ماعارفشي تجيب لك حتة واد؟

والاّ أقولك :

يعني اللي جبناهم..

نفعونا في الدنيا بإيه؟

غيرشي الانسان مغرور !!

ولسه يامنة حاتعيش وحاتلبس

لمّا جايب لي قطيفة وكستور؟

كنت اديتهمني فلوس

اشتري للركبه دهان

آ..با..ي ما مجلّع قوي يا عبد الرحمان..

طب ده انا ليّا ستّ سنين

مزروعة في ظهر الباب

لم طلّوا علينا أحبة ولا أغراب..

خليهم..

ينفعوا

أعملهم أكفان..!!

كرمش وشي

فاكر يامنة وفاكر الوش؟

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي ..؟

حاجي ياعمة وجيت..

لالقيت يامنة ولا البيت

قصيدة العمة يامنة ـ للشاعر عبد الرحمن الابنودي

عنبـــــــــَّـــــــــر .. كله يسمع
 شخشخت بالزهر مانصفنيش ولا مرة
وراهنت بالمهر والبقشيش على مرة
والسجن للحُر وان كان مر .. 
ولا مرة .. فكرتنى بالتوبة من دى النوبة .. ولا مرة !
 الاوله للنبى .. والتانية ايوب ..
والتالته غربتى .. والرابعة المكتوب
والخامسة .. اللى افترى حتماً يبات مغلوب
الاوله يا نبى يا محرر الانسان يا بلسم المُبتلى يا نجدة الغلبان
كرمت صنف البشر عن طايفة الحيوان 
ورفعت سيف الهدى عالى على الطغيان
وزعقت يا امتى .. فى سائر الازمان 
الظلم يوم لو حكم .. والحق يوم لو هان
يحرم عليك المطر والفى والعمران
تسرح بحورك عطش .. فى الزرع والإنسان
ويجر فيك الحنش وتحوم الغربان .. 
ترمى الخراب ع الجبل والسهل والوديان
النور يغور م السما .. وجه القمر ما يبان
والشوف يضيع فى العما والضلمة والاحزان
والخوف يطيح فى البشر من قسوة السجان
الناس تخاف بعضها .. وتخوف السلطان
والتانية ، قولت أنا آيوب وانا مثلين
آيوب ولما ابتلى .. آيوب صبرله يومين
طلعت عليه القصص واتنادى بالاسمين
عدوه من الانبيا والصالحين الاتنين
وانا اللى صبرى هنا جوة اللُمان صبرين
صبرى على خطفتى من عزوتى والبين
وصبر تانى على حكم الزمان يا عين
الندل فينا حكم .. والندل حكمة شين
حكم البقر ع البشر .. بشريعة القرنين
وحق تربة نبى طه كحيل العين
هالبت يوم يتنصب بدال الميزان اتنين.. 
وانظر بعين الرضا للعدل فى الميزانين
والتالته، غربتى فى عالم الاندال
الندل فيه احتمى .. والحُر فيه انطال
والواطى لما اعتلى .. اجرله كام طبال
الشحط والبلطجى واللص والمحتال
ومين يحب النبى .. سقفة كمان يا عيال
الرقص دار فى البلد عمال على بطال
واللحم لما اتكشف .. غطى على اللى اتقال
لا سمعنا صوت فى النغم .. ولا شعر فى الموال
خنقوا الكلام فى الغُنى .. والرنة فى الخلخال
واحد يا موحد الواحد
اتنين يا جد الحسين
تلاته يا سوء الشماته
اربعة يا حبر المطبعة
خمسة يا عزمى يا حى
سته يا بكرة يا جاى
سبعة يا قلبى يا مايل
تمانية يا شوق الزمايل
تسعه يا دنيا يا واسعة 
عشرة يا خاين يا حشرة
اعرفكم جميعاً ان السجن سور ..
اعرفكم جميعا ان الفكر نور
اعرفكم جميعا ان السجن شايخ
واعرفكم جميعا ان بابه خايخ
واعرفكم جميعا ان الثورة فكرة
واعرفكم جميعا انه هايبقى ذكرى
وابشركم جميعاً .. ان الوعدة بكرة
والنور عندنا وعندكوا .. يا حبايب ،

العنبرة أحمد فؤاد نجم

الصخر لو ينفجر النبع إيه ذنبه؟؟
سباق في ساحة 
ما بين إنسان وبين قلبه
مادام لموت إحمل السيف اللي بتحبه
واذا اندفعت اندفع واذا ان وقعت تسد 
طول عمر وطنك بيحلم تبتدي حربه
وجي يا بلد الحرايق وإصرخي بجنون
وإحرقيها مدن وكروم وناس وسجون
ملعون أبوها الحمامة أم غصن زتون
معمولة لجل الضحايا يصدقوا الجلاد
أحبك العمر يا فلسطين واموت مديون
يا إيد يا متكتفة يا ظهر يا منجلد 
يا طفل مين ورثك الاحتمال والجلد
يا طفل بهموم رجال يا بنت قبل الولد
يا أرض تطرح حصى يا قلوب بتطرح عند
مين اللي قال الكلاب تسكن عرين الأسد
...............
لسه ما شبعتش طوافة ؟
ياللي بتطوف من سنين
يا قمر مولود في يافا
واتقتل في دير ياسين
لسه ما كرهت الليالي ؟
لسه ما شبعتش مشاهدة؟
يا قمر حالك في حالي
ضيعونا بالمعاهدة 
يا قمر هدوا قبورنا
واستباحوا اللي ف صدورنا
دمروا قلوبنا ودرورنا
حقنا أصبح خرافة
وضعت يا بلدي الأمين
...........................
يا قمر تصعد في يافا
تترمي في دير ياسين
.................
ع الزتون والبرتقانة
إرمي ضياتك أمانة
احنا يكرها اللي خاين
واحنا تكرهنا الخيانة
يا قمر وغيوم بتحجب
دمنا لما يسرسب 
دنيا تحترم اللي يغلب
حتى لو شيطان لعين
.....................
يا قمر بشر في يافا 
واتصَلَب في دير ياسين
...............
يا صبور الصبر واعر 
للدماغ وللمشاعر 
قلب ندل وحضنوه داعر
ليتني ما كنت شاعر
كنت أفلت م الكمين
..................
صرختي بتموت في همسي
ليتني ما غادرت أمسي 
ليتني ما صاحبت نفسي 
ليتني ضميت خوامسي
يوم ما أقسمت اليمين
................
يا قمر عاشني في يافا
واتقتلنا في جينين
.............................
يا قمر وانت المنارة 
ألف وجه لألف حارة
إنت أطفال الحجارة 
يا قمر وانا طفل مين
.........................
قلبي م الفرحة تأذى 
بحزن الأحزان بلذة
يا قمر عبر بعزة 
عن ميلاد النو في غزة
وف رام الله وف جينين
...........................
يا قمر إغضب بحدة 
إنتفاضة مالها ردة
زي ما في يافا واحدة
واحدة برضك دير ياسين 
.............................
يا قمر خدته ليافا 
واتردمنا في جينين

الموت علي الاسفلت

اللي ماقالتهوش أمي ليا

و اللي عاشت عُمرها تخبيه عليا

أمي مش محتاجة حاجة

لا لكلامي ولا لهدية

علمتني حاجات كتيرة بالسنين مش بالدراسة

بالوراثة اللي علّم فيها علّم برضه فيا

اللي ماقالتهوش أمي ليا شئ تاعبني

ليها رب و عن رضاها هايحاسبني

و دة حسابه مش شويّة

هي كانت عاملة حساب اللحظة ديّا

أما انا ياللأسف

كنت من الناس اللي امنت صدقت

في البتاعة اللي عايشين فيها بيسموها دنيا

من لا شئ خليتني واحد و الزمان اهو عدّى فيا

طفل كنت بعودي ساند على اللي عُمره ما مال عليّا

الزمن خلّاني جاحد و السنين غمّت عينايّا

هي صدرها كان مخدّة

و طرح قلبها كان مودة

و طرح قلبي كان قسيّة

اللي ماقالتهوش أمي ليّا

انها صِبرت عليا لما عيشت سنين في خيرها

كبرت ساويتها بغيرها

كان لا بُد اعمل حسابي

شوفتها في طلعة شبابي قيد و خنقة

ماكانتش فارقة

انزل امشي اخرج اسرح

لما بتأنبني اشوّح

كنت ادوّر وشّي " أُف "

هي ناقصة كمان تقوللي كنت فين ريحتك سجاير

ولّا صليت النهاردة

خٌش نام الساعة واحدة

شوفت حنيتها ضعف

هي شارية بقلب راضي

و دنيا دايرة و كاسها فاضي

كنت باشرب فيه سكِرت

ليه مُصرّة تخنقيني

يامّا مش وقتك سيبيني

انتهينا خلاص كِبرت

اتاخدت في سكّة تانية

زهقت من لعبك معايا

زهقت من خوفك عليا

من عينين عبّت خُطايا في جري حوالين الجنينة

و خوفها لمّا الليل يليل

كانت تبُص بعين حزينة و كانت تقوللي

" لسة يرضه في عيني عيّل "كنت انام عامل حسابي

بكرة هاصحى الاقيها جانبي

يعني هاتروح منّي فين

بكرة هاصالحها و هاترضى

بكرة انا هاطيّب خاطرها

بكرة اقوللها كلمتين

بكرة جاب بكرة و بكرة

و القسى في القلب راكز

أمي ماسمعتش مني طول حياتها إلا " عايز "

أمي في المطبخ كلامها تاه في تخبيطة الأزايز

كنت سامع صوت جرسنا

و لما تليفوننا يرن

رد يا ابني مين اللي طالب

عمري ما اهتميت بسِن

كنت اعلّي  صوت الأغاني

كنت ليه دايما أناني

كانت تعانبني بحُزن

يا ابني محتاجة لسَندة

بص شوف الشعر شايب

ايوة بيتي كان لوكاندة

عيشت فيها واكل و شارب

عمري ما اهتميت بحاجة

أمي تفتح أمي تقفل

أمي تمسح أمي تغسل

أمي تطبخ أمي تغزل

أمي تعمل كل حاجة

من رضاعة لحد وقتي

كنت باكير سانتي سانتي

و هي احساس الشَبَع

أمي يا اخر سفينة

بابتسامتها الحزينة كانت بتسقيني الدلع

السنين طلبت باقيتها

يا اللي مش عارقين قيمتها

أمي حصّالة الوَجع

أمي قبل النوم بتدعي

مش علشانها كان علشاني

اللي على التسريحة دة مش دواها

دي حاجات ضايعة و لاقيتها

زي سبحتها و حاجتها

نضارتها كل شئ واخد ريحتها

و فيا حاجة مخوفاني

ابتدى احساسي يصحى

السنين على الوش واضحة

رعشة الإيد اللي شالت و الكلام ممزوج بكُحّة

زي شجرة علشان تظلل الغصون لازم تميل

اللي ياما قالتلي " همّ "

اتملت علشاني هَمّ

الأساس هي و لولاها كان زماني زرعة مايلة

أُمي اهي بتاخد الدوا بالغَصب بمُحايلة

يامّا ليه ظهرك كدة في الهمّ ليه شايلة

رُدي يا بيت الدُعا

ابنك الأصغر عروقه اتودّكت

فاكرة لما كان بيحبي بأربعة !

فاكرة ضحكُه و أغنياتُه

فاكرة دعواتك علشانه

النهاردة العُمر خانه

ذكرياته أمنياته

حلمه ألَمه سنين حياته

اتخلّى عنهم فاق لأول مرة يفهم معنى " أم "

يعني ايه التضحية

ياخدوا عُمري منّي بس اخر أُمنية

يا ملاك الموت تمهّل

لسة انا في عينيها عيّل

سيبها بكرة

سيبها بعده

سيبها اسبوع

سيبها شهر

سيبها عُمر

سيبها لسة

سيبها أرجوك

سيبلي فُرصة

نفسي اسمع تاني " يا ابني "

اللي ماقالتهوش أمي ليا هو اكتر شئ تاعبني

انها كانت عارفة اني في يوم هاسيبها

أو هايجي في يوم تسيبني

Popular tracks by صلاح جاهين فاروق جويدة نزار قباني