الدم بيروى الأرض تنبت زهرة فل
و الزهره حريق 
ف عيون الطفل الطالع رغم الذل
و الننى ف عين الطفل برئ و جرئ
و الليل ان زاد
فى بلدنا سواد 
راح تفضل شمس يناير كف تشاور ع الجلاد
و تطالب يالاعدام
خطوه لقدام
انا ح افضل أحلم بيكى و اشوف 
الشمس الطالعه على المكشوف
بتطق ف وش المال الداير فى الأسواق
خناق للضى
لكن القدم الحافيه تدب تواكب نبض القلب
وتعلن ان الشارع حى
ولا زى 
الايد القابضه سلاحها بعنف
و لا زى الحرف
ان لف بيلضم صف و يفتح سكه لبكره الجى
و برغم عن الزنازين
و خيانة الوالى و كل بطانته حدادى القصر كلاب عابدين 
وبرغم الموت الناس جايين
ملايين 
زارعين فى الجو شموس طالعين
وف رحم الأرض جنين


الشيخ امام - شمس يناير

يا أيتها الموسيقى! 
يا أنا...




إبقى حيث الغناء فالأشرار لا يغنون


لا تزيّف لي شعورك, لا تخيّب كل ظنّي

الشيخ امام - شمس يناير

Mos Tefa