ამ ეპიზოდში ვსაუბრობთ შფოთვაზე, მის ფორმებსა და მასთან გამკლავების გზებზე, მსმენელების კითხვებს კი ფსიქოლოგი ანა ღვინიანიძე პასუხობს.

სიმშვიდის ლაბორატორია — ეპიზოდი 02 — რა მოვუხერხოთ შფოთვას?

სიმშვიდის ლაბორატორიის ამ ეპიზოდში წამყვანები სტუმართან, სთენდაფ-კომიკოს ანა სიხარულიძესთან საუბრობენ დაბალ თვითშეფასებაზე და იუმორზე, როგორც ცხოვრებისეულ პრობლემებთან გამკლავების მეთოდზე.

სიმშვიდის ლაბორატორია — ეპიზოდი 03 — ცხოვრება დაბალ თვითშეფასებასთან ერთად

პოდკასტების ქროსოვერი: ნიკო ნერგაძესთან ერთად ვლაპარაკობთ მენტალურ ჯანმრთელობაზე, ე.წ ქუჩის აკადემიაზე, ადიქციებზე და ათას სხვა რამეზე. ამ პოდკასტიდან გაიგებთ: რომელი უფრო მარტივად იწვევს შეჩვევას, ჰეროინი თუ სუბოტექსი, როგორ ვიურთიერთოთ თინეიჯერ შვილებთან და რა ხდებოდა 90-იანების დისკოტეკებზე.

სიმშვიდის ლაბორატორია — ეპიზოდი 05— ნიკო ნერგაძე მენტალური ჯანმრთელობის შესახებ

რას გვასწავლიან და ვერ გვასწავლიან ცნობილი სერიალები მენტალური ჯანმრთელობის შესახებ? ამ ეპიზოდში წამყვანები საუბრობენ ბოჯეკ ჰორსმენზე, Girls-ზე, Jessica Jones-ზე, Crazy Ex-Girlfriend-ზე, Sex Education-ზე და განიხილავენ, რომელი სერიალი წარმოაჩენს ყველაზე უკეთ პერსონაჟების მენტალურ მდგომარეობას.

სიმშვიდის ლაბორატორია — ეპიზოდი 06 — მენტალური ჯანმრთელობა სერიალებში

მიჯაჭვულობის სტილი, რომელიც ჩვენი ცხოვრების ლამის პირველივე წელს წყდება, დიდობაში ჩვენს ურთიერთობებს განსაზღვრავს. რატომ არის, რომ ზოგი ადამიანი მარტივად პოულობს სიყვარულს, ზოგი კი ერთი მეორეზე ცუდ პარტნიორს ირჩევს? (ასევე გაიგეთ, რომელ ტიპს მიეკუთვნებიან პოდკასტის წამყვანები)

მიჯაჭვულობის თეორიის შესახებ: https://youtu.be/WjOowWxOXCg @Sprouts

სიმშვიდის ლაბორატორია — ეპიზოდი 06 — რატომ გვიყვარდება "ცუდი" ადამიანები

ევოლუცია მომდევნო თაობებში ბიოლოგიური პოპულაციების მემკვიდრეობითი ნიშან-თვისებების ცვალებადობაა — ეს მშობლიდან ნაშიერს რეპროდუქციის შედეგად გადაეცემა. სწორედ ევოლუციამ წარმოშვა ბიომრავალფეროვნება ბიოლოგიური ორგანიზმების ყველა დონეზე, სახეობის, ინდივიდუალური ორგანიზმებისა და მოლეკულების ჩათვლით.

მეცნიერები ზოგჯერ ევოლუციას სიცოცხლის გვერდით ეფექტსაც ეძახიან, რაც ნიშნავს, რომ სიცოცხლე მსგავსი პროცესების გარეშე წარმოუდგენელია. 

პოდკასტში სწორედ ევოლუციაზე ვსაუბრობთ, ვცდილობთ გავიგოთ რა არის ის და როგორია მასთან ერთად "თანაცხოვრება" და რამდენად შევძლებთ მის კონტროლს. ჩვენი სტუმარია ბიოინჟინერი, თეიმურაზ გოჩიტაშვილი.

შემდეგი პოდკასტი: ევოლუცია — სიცოცხლის გვერდითი ეფექტი

სიმშვიდის ლაბორატორიის ამ სერიაში ვსაუბრობთ სოციალური მედიის გავლენაზე ჩვენს მენტალურ ჯანმრთელობაზე: ვის და რატომ ვადარებთ თავებს და რატომ განვიცდით, რომ სოციალური მედიისთვის საკმარისად კარგები არ ვართ? პარალელურად, ტიკტოკსაც გადავწვდით და On.ge-ის ქომიუნითი მენეჯერთან, გაბისთან ერთად ვიტიკტიკეთ ტიკტოკზე (ხო მაგრა ჩავახუჭუჭეთ ესა?!)

სიმშვიდის ლაბორატორია — ეპიზოდი 07 — რას გვიშვრებიან ლაიქები, დაგულვები და ფილტრები?

ამ ეპიზოდში ნინიკო და ანინა დოდი ხარხელთან ერთად საუბრობენ პოსტპარტუმ დეპრესიაზე: დოდი საკუთარ გამოცდილებას უზიარებს მსმენელებს და ყვება, როგორი რთულია პოსტპარტუმ დეპრესიასთან გამკლავება, მაშინაც კი, როცა იცი, რომ სწორედ ეგ გჭირს. 

პოსტპარტუმ დეპრესია ქალების 12-20%-ს ემართება და ჯერაც საკმაოდ ტაბუდადებული თემაა.

სიმშვიდის ლაბორატორია — ეპიზოდი 08 — როცა ბავშვები ცხოვრების სასწაულები არ არიან, ანუ პოსტპარტუმი

მახსოვს, რომ 21 ნოემბერი იყო, როცა მივიღე იბოგა, რომელმაც არჩევანის თავისუფლება დამიბრუნა — გვიყვება ადიქტოლოგი დათო სუბელიანი, რომელიც წლების განმავლობაში ებრძოდა სხვადასხვა ადიქციას. სიმშვიდის ლაბორატორიის ეს ეპიზოდი პასუხს რამდენიმე კითხვას სცემს: როგორ მივხვდეთ, რომ პრობლემა გვაქვს, რა შეუძლიათ გააკეთონ ახლობლებს ასეთ დროს და რა მეთოდები არსებობს ადიქციისგან გასათავისუფლებლად საქართველოში

სიმშვიდის ლაბორატორია — ეპიზოდი 05— ნიკო ნერგაძე მენტალური ჯანმრთელობის შესახებ

On.ge

Related tracks