يا ديني ع الجمال الله بجد عليك 

ياساند بسمتك ع الصبر .. وساند دمعتك ع الليل

***سؤال  -كلمات :"مصطفى هلال و كاتو حافظ"-
-غناء , تلحين , تسجيل الات موسيقية "جيتار / بيز جيتار / برمجة وكتابة نوته درامز" , توزيع , هندسة صوت : كاتو حافظ-
-الكلمات : .
-في حيرتي وحيد أنا هناك ...... حيرني كام سؤال وسؤال
أنا ليه هنا وسط الهلاك ؟ ... واقع في بير من غير حبال ؟
-ليه الفقير راضي بـغباء ؟ .. حلمه يضيع وينسى الأمل ؟
ليه الغريب صابر كتير ؟ .. على  ظالم ناكر حق العمل ؟
-جوايا ألم ... وماينفعش الندم ... عميان واصفين الطريق .. والحالم بقى متهم
-طماع بياكل حق الفقير .. ويقول ده حقي وهو بجح
يظلم يقتل من غير ضمير .. ضميره فين ؟ اصله وقح !
-حيران أنا بقيت غريب .. مسالم لكني بنجرح
مظلوم حتى من القريب .. وصورتي ابتدت تتمسح
-جوايا ألم ... وماينفعش الندم ... عميان واصفين الطريق .. والحالم بقى متهم

*"برجاء عدم النشر أو التحميل (بطريقة غير قانونية) , حتى يتم جمع اكبر عدد من المشاهدات أو الإستماع من على تلك القناه فقط و"عدم ضياع مجهود المؤلف المبذول في ذلك العمل" .

*جميع الحقوق الملكية الفكرية مسجلة و محفوظة برجاء عدم نشر أو استخدام حقوق المؤلف دون إذن أو تصريح مسبق .

-كاتو حافظ أو محمد حافظ , هو ميني ألبوم عمل فني فردي لشخص واحد لموسيقى الميتال ,وهو الأول من نوعه باللهجة المصرية !!
و الألبوم ده , بيتكلم عن مشاكل شخصية مر بيها كاتو في حياته, وعن المرض والسلبيات الموجودة في المجتمع المصري والشرق الأوسط عامة..
و هو يريد تدمير تلك السلبيات عن طريق موسيقاه البسيطة , على امل إنها تتغير أو تؤثر فيها في الوقت الحالي أو في المستقبل..
الميني ألبوم مكون من 4 أغاني فقط, تم تسجيلها وتلحينها,وغنائها, ولعبها , وتوزيعها وهندسة الصوت عن طريق كاتو ..فقط
A New track every 10 days :)
Kato Hafez or Mohamed Hafez , is a One Man Metal Solo Project (EP) , The first of it's kind in an Egyptian Dialect , this mini album (EP) is about some Personal issues Kato has been through in his Life , and about some Sickness and Negatives in the Egyptian and Middle eastern society in general, and he wanted to destroy these negatives with his Simple music maybe it could affect or change anything Now Or later in the Future ..
This Mini Album contains 4 Tracks only , Recorded , composed , played , arranged , & vocal lines by Kato .. only ..

www.facebook.com/katohafez
www.youtube.com/katohafez

سؤال - Soal - Kato Hafez (EP)

كلمات الشاعرة - دعاء عبدالوهاب
-
صباح بريحة المطر ولون بياض الفل
عصافير في حضن الشجر والشمس جاية تطل
مافيهوش جراح او ألم ولا في مكان لهموم
صباح سعادة وهنا متفرقين ع الكل
صباح .. صباح الفل x2
صباح مفطوم علي الضحكة وعاشق زقزقة العصافير
بيشبه عفرتة عيل وماسك بالونات بتطير
صباح رايق كما الموجة ودافي زي دعوة ام
صباح اصلا بيتلكك عشان يبقي صباح الخير
صباح .. صباح الفل x4
صباح موال واغنية وشمس امان وحنية
يا بكرا رسمته بأديا عشان يوعدني ويوافي
صباح يشبه خضار قلبك ويشبه صوتك الدافي 
حروف مهما تقول في عنيكي تلاقي الوصف مش كافي

بارانويا - صباح الفل

كلمات - أحمد حمدي
-
اضحك للدنيا ضحكة حلوة .. اضحك دي الضحكة لحن غنوة
تسمعها قلوب الناس .. اضحك بكل احساس
واوعك تقفش لو حتي حبة .. دي الدنيا مش مستاهلة حتي
لو كنت عايش محتاس .. اضحك بكل احساس
(chorus)
وان كان خوفك بيوقف حلمك اوعي تخاف
وارسم طريق الحلم بالالوان
وان كان كل الي تتمناه لسة مجاش انساه
بكرة حاييجي وتترسم بسمة

انسي الي فات وارمي همومك .. علشان الضحكة تبقي في يومك
وان كان الحزن في يوم بيلوم .. علي وضعك يابني وخليه يلومك
عيش كل يوم وكأنه جديد وافرد جناحك وطير لبعيد
ومهما قابلت جبال في طريقك .. اضرب بقوة وعزم شديد
(chorus x2)

بارانويا - إضحك

كلمات - مؤمن إبراهيم
-
ايام بتجري اسرع م الثواني .. وايام علي مهلها وسايباك تعاني
بندور في الرقصة بين يأس واماني .. والنور تقلان علينا وجاي تاني
فماعلينا .. ماعلينا .. ماعلينا (x2)
اوقات الصبح بيحيي الحلم فينا .. واوقات الشمس بتكتف عنينا
مقسوم العمر بين توهة وسفينة .. وفي يوم الشط ييجي يطبطب علينا
فماعلينا (يوم ليك ويوم عليك) ماعلينا (يوم ليك ويوم عليك)(x2)
ماعلينا .. ماعلينا .. ماعلينا (x2) 
يوم ليك  ويوم عليك والدنيا بتمشي فماعليك
يوم ليك  ويوم عليك قوم اقف مستني ايه
ووووووه
ماعلينا (x4)

بارانويا - ما علينا

كلمات - مؤمن إبراهيم
-
وكيف نهرب من الزحمة طالما الدنيا اصلا سوق
وليه بنغني للازمة ونرقص رقصة المخنوق
يا سايبين العيون سارحة في تفاصيل الفراق والشوق
ماتيجي نصدق الفرحة ونهرب من الوجع ونفوق
(Chorus)
من الآخر ماهيش فارقة كتير الدمع بس الضحكة ليك ابقي
وكل ماترتوي وشوشنا حتيجي الدمعة وتحوشنا عن الفرحة 
لكن عادي ماهيش فارقة

قول للي سابك في الفضا تبدأ خطاوي الالف ميل
العبرة مش ب الي ابتدي العبرة بالنفس الطويل
يا ساند بسمتك عالصبر وساند دمعتك عالليل 
وحلمك حرب كر وفر ماتستسلمش للمواويل
(Chorus)

بارانويا - مش فارقة

كلمان - أحمد سعد
-
انا بيني وبينك زي مابين الخير والشر
انا اخر نوة بتفصل بين الشتا والحر
انا شيخ بزبيبة انا صوت اجراس
انا اول مسلم في القدّاس انا حاجة غريبة علي الكوكب
وفي ايدي انا سبحة وجوب وكاس
(chorus)
انا جيل بالكامل ماترباش .. انا لاسة وخل وقطن وشاش
وعيال يتفقوا علي خروجة .. فيقابلوا اصحابهم في الانعاش

متربي في محراب الجامع بتنفس غاز وعوادم عربيات
ومخطط اسمي ببنط عريض علي فرش كراسي الميكروباسات
انا اول بوسة انا اول صوت .. نازل بالعافية ومش مبسوط
انا كسر صحيح انا لسة جريح انا ماتش بيخلص بخسارة وشوادر موت
Chorus x2))

بارانويا - الإنعاش

كلمات - أحمد سعد
-
انا اصلا مايعرفنيش .. وعادي تشابه الاسماء
انا الحبر الي كان عالفيش .. وصورتي في موجز الانباء
انا حبة براح ضاقوا .. انا قمر اتكسف يطلع
خناقة سكرانين فاقوا .. وعلقة في اول المطلع
(chorus)
انا الطفل الي مش نافع .. ومن جوا مافيش دافع
ولسة لحد دلوقتي .. غرامي اليكي مش نافع
بقيت زحمة علي الفاضي .. وكل شوارعي مابتفضاش
ساعات عن نفسي مش راضي .. ساعات نفسي الي مابترضاش

انا قطر الصعيد مزحوم .. وشايل هم ركابي
انا الدرس الي كان مختوم .. بختم النسر في كتابي
انا زحمة محطة مصر .. انا بقال في سوق العصر
وواد صايع يبيع الكيف .. علي مكتب في قلب القصر
(chorus)

بارانويا - مفيش دافع

كلمات - كريم قنديل
-
كل الخلق ضدك .. برضه خايف تبقي وحدك
او يكون
مش فاضل في تفكيرك امان تاني
عارف ايه فاضل لك؟ .. سيب شيطانك جوّه ضلّك
مستحيل
تستأمن عليه غيرك .. وحاتعاني
مش عارف تصدق غير كلام داير في عقلك
تتوهم
تستسلم تقول الدنيا كارهاني
مبسوط جوّه سجنك ولا عامل قال كأنك
مكتفي
حانسي الدنيا ما هي الي ناسياني
(chorus x2)
خوفك اصبح اوهام .. رسمة من غير الوان
وكل عيون الناس شايفة ورسمة صورتك من غير عنوان

صارخ ولا ساكت ولا واضح ولا باهت؟
مرتبك
مش عارف تقرر انت مين فيهم
سامع صوت سكوتك والشكوك معناها موتك
محتمل
تبقي انت الي في دماغك بتحييهم
حابس الف فكرة جوّه روحك الف مرة
تنتهي 
كل ما تيجي تبدأ ليه تعيش بيهم؟
عيشتك او دمارك .. حاجة مرهونة بقرارك
لعبتك
ايامك في ايدك .. وانت في ايديهم
chorus x2

بارانويا - أوهام

كلمات - أحمد سعد
-
انا اصلا مريض نفسي .. وعادي بعاني من صراعات
بشخبط عالحيطان يأسي .. وبتجنن مع الاوقات (مع الاوقات)
انا اصلا مريض نفسي .. وعادي بعاني من صراعات
بشخبط عالحيطان يأسي .. وبتجنن مع الاوقات
وبرسم ضحكة علي قدي .. بعيش جوا الحياة انسان
وباخد في الكلام وأدّي .. مع سيجارتي مع الدخان
(chorus)
احنا في عالم مريض نفسي .. في عالم مريض نفسي x2
انا اسف متسألنيش بقيت ازاي في دي الحالة
بعيش بالليل مع الدراويش وباصحي الصبح رحالة
ساعات باعقل واعيش في الدور وبارجع تاني م الاول
ولو جبتوا لي 100 دكتور .. انا عمري ماحتحول
ماحنا في عالم مريض نفسي .. في عالم مريض نفسي x2 
انا مريض نفسي في عالم مريض نفسي (مريض نفسي)
(chorus x2)

بارانويا - مريض نفسي

كلمات - أحمد حمدي
-
انا اهون .. عارف اني اهون
ولو لفت الحياة عارف ان انا مش حقدر ألوم
انا مجنون اني نفسي في يوم اكون 
حلم وانكوي في قلبك ارتوي ضحكة في العيون
(chorus)
يا روح .. يمكن قلبي مسامح لكن عقلي الجارح شايل هم وسارح
يا روح .. ابدا عقلي مش راضي ينسي كل الماضي زي كأنه امبارح

صعب اني انساكي سهل انك تنسيني
عارف ان فراقي كان وارد مسموح
صعب انك تخفي الحقد في قلبك تاني 
قلبك جواكي كان دايما ممسوح
مليان اوهام طبعك مهما ان قلتي
دبلت ألوان القلب وصار مجروح
لميت احزاني وشايل حمل في ظهري 
من كتر الاحزان مش قادر انساكي 
(chorus)
روح...يا روح
روح...يا روح

بارانويا - روح

كلمات - آمار مصطفى
دوبلاج الدكتور- المليجي محمود
-
يحكي ان..كان فيه مرة نجم سارح في المجرة
والمجرة حضن واسع للي داب منها في نظرة
قال يقرب حبة منها .. يرسم الاحلام بلونها
طاف وشاف الي في عيونها
نني شمس .. ونني قمرة
غيره مافيش ولا اي كوكب مسموحله يخرج عن مداره
ولا لعيونها يقرب وعشان كده الكل غاروا
(chorus)
فالكواكب عملوا ثورة .. اصل يعني اشمعني هو
لوعدّوهاله وسامحوا مرة .. ده بس يعني علشان الاخوّة
..............
يحكي ان .. النجم تاه والنصيب عاند معاه
وبرغم احزان الحياة هي فضلت برضه صابرة
اصله بين تفاصيلها ساكن .. هي ليه كل الاماكن
يعني يبعد حبة لكن .. مستحيل يخرج لبرة

يحكي ان..كان فيه مرة نجم سارح في المجرة
والمجرة حضن واسع للي داب منها في نظرة
(chorus)

بارانويا - المجرة

Paranoia is a Progressive rock band from Alexandria/Egypt formed during the end of 2014

Band members:
Ahmed Hamdi: Vocals, guitars and keyboards
Sameh Ali: Guitars and backup vocals
Mohamed Elsaied: Keyboards
Omar Adel: Bass Guitar
Ahmed El Kholy: Drums
=
Contact vie 
Ahmed Hamdi, 01282221564
band manager, Marvel E.P: 0100 084 6931

بارانويا - مش فارقة

Paranoia Official

Recent comments

Abdelrhman bahaa

Cairo'S number 1 DJ saiko

Mohamed Fetouh

Ahmed Karam 48

Related tracks