تأليف : جوزيف فيكتور
إلقاء : أمير طلعت
هندسة صوت : إيرينى كامل
===========================================
لما الزمان تم ... وكل شئ إكتمل
وما عاد فيه كلام يتقال ... أو حتى شئ يتعمل
والشر ملا القلوب ... وإتفقد منها الأمل
جه على أرضنا ... وشرفها بميلاده.. الحمل

في البدء كان هو الكلمة ... والكلمة كان عند الآب
نزل لأرضنا وإتجسد ... وحمل عنا الحزن والأتعاب
ساب أمجاده وعظمته ... عشان قدامنا يفتح الباب
وأظهر لينا محبته.. ومحبته.. من غير أسباب

كان الإعلان للرعاة ... إتولد في بيت لحم .. راعي
يدبر شعبه ويقوده ... ويمشي بيه وسط المراعي
وكانت الفرحة في السماء ... المجد لله في الأعالي
على الأرض حل السلام ... وما عاد فيه للحزن داعي 

وسط السماء كانت النجوم ... بتسبح وتمشي في الفلك
وفي وسطيهم ظهر نجم ... يبشر بمجئ الملك 
الشعب هايشوف النور .... ويسيب الظلام إللي فيه.. سلك
ويمجد الرب الإله ... إللي لأجله أمجاده.. ترك

وورا النجم ... كان المجوس ماشيين
عشان يعرفوا مين الملك ... ويسجدوا ليه .. خاشعين
يقدموا ليه هداياهم ... مُر ولبان وذهب ثمين
إفتكروا إنه في قصر هيرودس ... لكن للأسف.. كانوا مخدوعين

قالت النبوة من زمان ... إنه هايتولد لينا ولد
في بيت لحم اليهودية ... ومش هاتكون أصغر بلد 
إسمه عجيب .. مشير قدير ... وأب حنان لينا للأبد
وعشان ينقذنا من الدينونة ... جناح رحمته لينا فرد

لما الزمان تم

RadioSama