تأليف : جوزيف فيكتور
إلقاء : أمير طلعت
هندسة صوت : إيرينى كامل
===================================
اللي بيسأل عن الطريق ... عمره عن الطريق ما يتوه
وإللي بيسأل نجوم السما ... هل يا ترى النجوم يدلوه؟
همَّ جماعة من المجوس ... مكان سكنهم في المشارق..
وكل إللي كان فارق معاهم يسمعوا كلام النجوم ...
كشَّاف من السما نوَّر عليهم ضلمة الليالي ...
كشَّاف ونوره متشاف من أعلى نقطة في الأعالي... 
وإكمنهم متعودين على صوت النجوم ... لبّوا الندا..
بس المرَّادي الصوت مختلف والكلمة كانت متحدِّدة..
النجم كان لواحد عظيم ... النجم كان صوته فخيم..
ومن الفخامة كان العلامة كان الدليل كان الهُدى... 
مفيش معاهم م النبوات غير القليل ... مافيش بديل ..
غير إنهم يتأكدوا من نجم زارهم في وسط ليل ...
أخدوا الهدايا .. طلبوا الهِداية .. راحوا لغايه مالهاش ملامح
غير نجم واضح بين النجوم...
يا ما أحلى دعوة الأحباء من بعيد...
يا ما أحلى نور البهجة لما .. يقلب الضلمة لعيد.. 
ونعيد في أحداث القصة أكيد ... 
طول ما النجم شاقق بنوره عتمة السما

نجم فى السما

RadioSama