فى كل فنجان قهوة بلمح ضحكتك
كل امّا اتوه بيكون دليلى سكتك
إنتى الحياة وانتى الغنا و انتى الكلام
و شربت من نبع المحبة فى صحتك

كفك وطن .. شعرك بحور .. حضنك بلاد
بتبانى فجأة و تختفى من غير ميعاد
فى عينيكى ضحكة مستمرة إبتدت
من ييجى ميت مليون سنة قبل الميلاد

يا وردة طرف لسانها بيدوق الحروف
علّمنى أكتب شعر و ابقى فيلسوف
يا وردة بلدى طالّة من عروة قميص
و سحر عطر غناها بيجمّع ألوف

بتعدّى وسط الزحمة عاملة ديل حصان
شعرك يهيش أقول مافيش فى الكون مكان
غير حضننا .. غير ركننا ساعة الغروب
ساعتها بس بالاقى للدنيا أمان

لــ - أحمد الحجار
ألحان - أحمد حداد

فى كل فنجان قهوة .MP3

هند صبري وخالد صالح- فيلم احلي الاوقات

ساعات أقوم الصبح قلبي حزين 
أطل بره الباب.. ياخدني الحنين 
اللي اشتريته انباع.. واللي لقيته ضاع 
واللي قابلته راح.. 
وفات الأنين
وارجع وأقول 
لسه الطيور بتفن.. والنحليات بتطن
والطفل ضحكه يرن
مع إن.. مش كل البشر فرحانين

حبيبي سكر مر طعم الهوي 
فرق ما بينا البين ما عدناش سوا 
حرام عليك يا عذاب.. نبقي كده أغراب 
دا البعد والله جرح من غير دوا

آدي اللي كان و آدي القدر و آدي المصير 
نودع الماضي.. وحلمه الكبير 
نودع الأفراح.. نودع الأشباح 
راح اللي راح ماعادش فاضل كتير

إيه العمل في الوقت ده يا صديق 
غير إننا عند إفتراق الطريق 
نبص قدامنا.. على شمس أحلامنا 
نلقاها بتشق السحاب الغميق
وأرجع وأقول 
لسه الطيور بتفن.. والنحليات بتطن
والطفل ضحكه يرن
مع إن.. مش كل البشر فرحانين

- صلاح جاهين.

ساعات اقوم الصبح لصلاح جاهين

اجمد مشهد رومانسي من فيلم عن العشق والهوي


انا حبّيت و اتحبّيت و داريت .. و اتمنّيت حبي يعيش 
و مخبّي لروحي كلام في روحي .. و روحي ماتخبّيش 


و كلامي شجَر عطشان للفن عطش الجناحين للريش 
فينك يا عبد الحي .. يا سلامه .. يا شيخ سيد درويش؟ 


حبيت و انا حبي كلامه حكايه تكبر يوم ورا يوم 
و حروفه مطر ضفايرها مرايه و ريح و شجر و نجوم 


عطشان لوتر؟؟ سفر .. لكن يا خساره مافيش 
فينك يا عبد الحي .. يا سلامه .. يا شيخ سيد درويش؟ 


انا حبي فرح و نسيم و اغاني .. و ميه و فلاحين 
و كلامه ساعات و حروفه ثواني .. تقول يا ليل يا عين 


عطشان لطرب صادق في الحب .. انا غيره ما يطربنيش 
فينك يا عبد الحي .. يا سلامه .. يا شيخ سيد درويش؟ 


حبي اللي سرقته كلمه كلمه من صوت العصفور 
عطشان لاغاني تخلّي الضلمه ورده ريحتها نور 


لكن يا خساره اليوم اغانينا تغنّي و ما تغنّيش 
فينك يا عبد الحي .. يا سلامه .. يا شيخ سيد درويش؟ 







كلمات : ادم فتحي
الحان : عبد الحكيم بلقايد

Lotfy Boshnak - Ana Habbit | لطفي بوشناق - أنا حبيت

الكلمات:

حاسة بحاجة غريبة
رايحة لحالة غريبة
قلبي مزقطط عجيبة
مالكم يا عالم ومالي

خطوة وبتزق خطوة
قهوة وجنبيها قهوة
وردة وماسكاها واحدة
شارع وخاطف خيالي

شارع شبه حلم ليا 
أمشي بينده عليا
لكن في دوشة طريقي 
يهرب مني الدليل

لكني بارجع وتاني
ترسم عيوني مكاني
تجري الساعات بالأماني
يجري عليا الحنين

حاسة بحاجة غريبة
رايحة لحالة غريبة
قلبي مزقطط عجيبة
ماشية وبكعب عالي

واقفة إشارة مرور
زاغت عينيا تدور
زحمة وبانيالنا سور
فينك تسلّم عليا

شارع شبه حلم ليا 
أمشي بينده عليا
لكن في دوشة طريقي 
يهرب مني الدليل

لكني بارجع وتاني
ترسم عيوني مكاني
تجري الساعات بالأماني
يجري عليا الحنين

Recording& mix. : Taher Saleh
Drums: Mohamed Raafat
Keyboards: Faisal Fouad
Strings: Ahmed Hassan& the group
Guitar& Bass guitar: Kareem Hossam


فيروز كراوية - حاجة غريبة | Fayrouz Karawya - Haga Ghareba

- كلنا ضحايا يا وداد 
- يا سيدي يا كمل عالعقل 
- بتتكتري عليا 
- أيوااا ! أيوا بقا زغت فيا و شخط فيا ماهو انا الملطشة بتاعتك مش تحمد ربنا إني مستحملاك العمر كلو !
-العمر كلو إيه ؟ ده انا بعرفك من 15 يوم بس وبعدين لا هزأتك و لا..
-إبعت هات المأذون وتجوزني يا زين ..
- ليه؟
- عشان بحبك, مش أنا بحبك والنبي ؟ والنبي ما هتلاقي ضفري عشان خاطري ربنا يخليك يا زين إتجوزني والنبي ..
- طب يا وداد مش لازم انا كمان احبك ولا انت عايزاني أضحك عليكي ؟
- هو إنت لسه ماحبتنيش ؟ يا نهارك إسود ! ليييه .. ليه انا ناقصني إيه؟ أنا عيوبي إيه ؟ فيا إيه غلط يعني ولا إنت كده إلي خلقك جنح وجلدك تخين كده ؟؟
- أنا مضروب مدشدش أنا لغاية دلوقتي مش قادر اقف على رجليا حتى حورية مقدرتش اعملها حاجة , حورية ورزقي الي ضاعوا يا وداد ..
- انا إلي حرمت أحبك خلاص ! أهو لو حبيتك تاني ! والمصحف الشريف ما ها حبك تاني خالص.
أنا إلي محقوقة ! أنا إلي محقوقة يا زين .

ده أنا اللي حرّمت أحبك خلاص- عبلة كامل أحمد زكي- من فيلم هيستيريا

(Voice Record - Al-irhab wal kabab)| طيب مفيش حاجة هترخص ؟

underground Musician Band El Ma3'Na KhaNa 
تسجيلات من حلقة البسطة قناة 25

دوريني

ياللي عيونك في السما fayrouz

Helm Donia Mas3od - حلم دنيا مسعود

"Dear God, make me a bird so I can fly far, far away from here.

links

st0932591@gmail.com

https://www.facebook.com/profile.php?id=100025230795405



ساعات اقوم الصبح لصلاح جاهين

sara