القصيدة دي 📝♥️

nymfjil

tefv

علامات الساعة
..........................
وانا قاعد زهقان من جهلي 
وبدلدق من إيدي حياة
علامات الساعة بتندهلي
وبتذكُر أسماء الله
والطفاية بتصرخ مني 
طَافْيت فيها اتناشر نني
وانا مني بيتهرب مني
من غير مني مايعمل صوت
دورني يا فنجان القهوة
علي قِبلة إحساس الموت
الشارع تفاصيل تفاصيل
والكدب ف باكو المناديل
والبسكوت نام ع الترابيزة
والكبريت قاتل وقتيل
والطفاية بتصرخ مني 
طَفْيت فيها اتناشر نني
وانا مني بيتهرب مني
من غير مني مايعمل صوت
مش عايز مناديل ولا شهوة
ولا فاتح باكو البسكوت
دورني يا فنجان القهوة
علي قِبلة إحساس الموت .
....................................... ميدو زُهير

علامات الساعه ميدو زهير

احمد حلمي - قصيدة ازرق || من مسلسل الجماعة

في ليلة غير كل الليالي
 هتعيش فاكرها مهما قلت نسيت
 هتخبط الايد الغريبة بچنتلة ع الباب 
وهيدخل الضيف الودود ...
 شایل ما بينكوا الكلفة و العيب والحدود .. 
يقعد معاك ع الأكل ..
 زي اللي طول عمرهم أحباب 
وحبة حبة هيبقى عنده مکان 
في كل اوضة وعنده ريحة وشكل
 هتسيب ايديه علامات .. 
فوق الستائر والحيطان والعفش
 مرة في علامة مكان دماغه على المخدة
 مرة تانية في ريحة جوا الفرش 
حتى مكتبتك حبيبتك
 اللي انت دخت تلم فيها سنين
 هتبقى شبهه
 وذوقها من ذوقه
 حتى الصور .. 
كل حيط في البيت هيغير البراويز .. 
المتعلقين فوقه 
وهتراقبك عيون تانيين
 هتراقب عاداتك
 و قلبات موداتك
 وشكلك في المتاهة وانت هایم 
بين حيطان الدنيا وأحضانها 
كل ريحة هتختلف
 حتي صوت الدوشة جوه البيت 
في ليلة غير كل الليالي 
هتعيش فاكرها مهما قلت نسيت 
اللي شقلبلك حياتك .. 
وقاسمك الأيام .. 
وقاسمك الأحلام .. 
وقاسمك العالم بأفراحه وأحزانه 
هيمشي فجأة بدون کلام 
من غير ما حتى يقول سلام 
و كأن كله كان خيال
 لا عمره كان 
ولا الليالي عمرهم كانوا
 في الوقت ده .. 
لازم ترتب البيت من جديد 
وكل شيء يرجع مكانه
 تنضف الحيطة
 تغير الاقفال
 تكسر البراويز 
وتكسر وياها الاماني
 وتكنس كل حاجة
 وتمشي زي الحياة لقدام 
وتبدأ حياتك من هنا .. 
من جديد تاني

نشيد للحب - ماريا ميرسيدس كاررانسا

ساعات أقوم الصبح قلبي حزين 
أطل بره الباب.. ياخدني الحنين 
اللي اشتريته انباع.. واللي لقيته ضاع 
واللي قابلته راح.. 
وفات الأنين
وارجع وأقول 
لسه الطيور بتفن.. والنحليات بتطن
والطفل ضحكه يرن
مع إن.. مش كل البشر فرحانين

حبيبي سكر مر طعم الهوي 
فرق ما بينا البين ما عدناش سوا 
حرام عليك يا عذاب.. نبقي كده أغراب 
دا البعد والله جرح من غير دوا

آدي اللي كان و آدي القدر و آدي المصير 
نودع الماضي.. وحلمه الكبير 
نودع الأفراح.. نودع الأشباح 
راح اللي راح ماعادش فاضل كتير

إيه العمل في الوقت ده يا صديق 
غير إننا عند إفتراق الطريق 
نبص قدامنا.. على شمس أحلامنا 
نلقاها بتشق السحاب الغميق
وأرجع وأقول 
لسه الطيور بتفن.. والنحليات بتطن
والطفل ضحكه يرن
مع إن.. مش كل البشر فرحانين

- صلاح جاهين.

ساعات اقوم الصبح لصلاح جاهين

هاني عادل قصيدة فصول كلمات ميدو زهير

Athan - Lyro | اثان - ليرو (Prod. Athan)

Written and performed by : Athansios
Prod. By : Athansios
Recorded at : The East
Mix and master by : Twister 
Art work by : youssef ahmed

سم وبناوله
خيالات وبتزاوله
بيراقب عمايله
ليرو ليرو ليرو
*2

فانا مكمل فالسكة بالسحلة
فاذيت نفسي ببقا نحلة
مكملين وبكرا احلي
انا بكدب خليك علي مهلك 

علي كل اللي اتقال 
عشان الدماغ قالو الناس دي شمال
لو كان خلي بالو كان حفظ المال
كله فسبيل راحة البال

كله فسبيل راحة البال 
*4

بس فاكس مش هعند مع الدنيا اكتر من كدا 
قولت جايز الاكتئاب مش فترة دي موهبة 
ومش عايز مع اني عارف اخرة السكة هنا
بس دايس يمكن تطفي دماغي الملهلبة

سم وبناوله
خيالات وبتزاوله
بيراقب عمايله
ليرو ليرو ليرو
*2
مع الوقت ببدا ادرك
الاكتئاب من سما لعيني دايركت
مع الوحدة ببدا اكتب
انا بحالات ودا اللي كان فايتك 

فانسي مش انا اللي عرفتيه
حكيت كتير والقلم اولي بيه 
مش متشكر علي اللي احتوتيه 
العالم كان يستاهل اوريه 

مكنتش عارف اهرب مني ولا مِنُهم 
كنت الشيطان اللي بيرمو عليه ذنبهم 
وكل دا عشان اول غلطة عملتها
فهموني غلط ولاموني كلهم 

مش باقين ومحدش باقي
متستنيش انا مش هاجي
غرقانين ومحدش ناجي
يمكن العزلة هي علاجي

سم وبناوله
خيالات وبتزاوله
بيراقب عمايله
ليرو ليرو ليرو
*2

Athan - Lyro | اثان - ليرو (Prod. Athan)

"  على هذا الكوكب معرض "ميدو زهير

High-D (TA'ALEI_تعالي)

premiered Feb 15/2020

preformed by: 3lue & High-D 
written by: 3lue
RECORDED at: M3LESH STUDIO 
powered by: art an earth 

3LUE ft. HIGH-D  | هنبقي تمام - HNB2A TAMAM |   pr

صحبي يا عشرة سنين ميدو زهير

"Dear God, make me a bird so I can fly far, far away from here.

links

st0932591@gmail.com

https://www.facebook.com/profile.php?id=100025230795405



ساعات اقوم الصبح لصلاح جاهين

sara