♥ صوتيات ذات مذاق خاص

طاقة أمل

خواطر رائعة

صوت الكتاب

sama Nawar

Poetry

ممـا رآاق لـي

مذاج

 كاميليا جبران - شعر محمود درويش

عن انسان

كلمات :اسراء مقيدم
أداء زينب فرحات

نوستاليجا

Maghna Khan Band - الشمس مكسوفة

حــرف / اسراء مقدم
https://www.facebook.com/esraa.mokaidam?fref=ts
القاء / ســما نوار
https://www.facebook.com/samanawar2

لسّاك دفا-سما نوار_إسراء مقدم

حــرف / شيماء فؤاد
https://www.facebook.com/seleen?fref=ts
اداء صوتي / سـما نوار
https://www.facebook.com/samanawar2 

عيش نفسك_سما نوار_شيماء فؤاد

القاء / سما نوار     
حرف / مينا مجدي 
https://www.facebook.com/mena.magdy.71
هندسة صوت / فوازالناصر
اضحك .. لما تبقي راكب مترو زحمة ومش لاقي مكان تقف فيه .. في ناس نفسها بس تحس إن في ناس حواليها :)

اضحك .. لما تحط إيدك ف جيبك ومتلاقيش غير 2 جنيه مغسولين .. كويس إن مامتك سابتهملك ف البنطلون :)

اضحك .. لما تبقي ماشي مضايق اوي .. والمطره تغرقك , دي بتزغزغك عشان تضحك :)

اضحك .. لما تحب حد جدآ و فجأة يسيبك و يمشي .. كفاية إنك حبيته بجد وقلبك دق شوية انت يعنى لازم تاخد كل حاجة ؟؟ :)

اضحك .. لما حد يستندل معاك .. قوله بضحكتك "طـــظ " ! :)

اضحك .. لما تبص ف ورقة الإمتحان ومتعرفش تحل .. عشان  لو ظهرت النتيجة ونجحت هتضحك إن جت معاك كده .. ولو شيلت المادة هتضحك إنك خدت فرصة تانية تعلم نفسك :)

اضحك .. لو رجليك فقفقت من كتر اللف ع الشغل .. كفاية إنك شميت هوا الشارع و إحساس ان ربك بيسعى معاك :)

اضحك .. لما تضحى كتير عشان خاطر حد ، و بعدين تلاقيه مش مقدّر اى حاجة انت عملتهاله !!:)

اضحك .. لما تشتري بطيخه وتطلع قرعة .. مش أحسن ما كان اشتراها واحد غلبان مبيشوفهاش  غير م السنة للسنة !:)

اضحك .. لما فجأة كده تتعب اوي ,, أكيد هيظهر علي موبايلك إسم حد كان واحشك :)

اضحك .. لما تحس إنك لوحدك !! وخليك واثق إن في حد ف الجانب الأخر من العالم بيشاورلك وبيقولك استناني :)

اضحك .. لما تحب حد أوى ويطلع مش من نصيبك ، أكيد رينا كاتب لك الخير مع حد تانى .. هتعرف اكتر من ربنا ؟!! :)

اضحك 
تعرف تضحك :)

اضحك .. تعرف تضحك_سما نوار_مينا مجدي

نص: إسراء مقيدم
هندسة صوتية: شادي عبدالله
أداء:زينب فرحات
___________________________
وهتعمل ايه يابو قلب مصبوغ بالجَدَب
مع بنت تكوينها بيشبه للشتا؟
متلوّنة بريحة يناير
روحها عاشقة الكلفتة
واكمنها..مروّية فى القلب بتعب
كان فيها منه حجات كتير
يمكن دفاها..أو جفاها
أو شرودها عن دواها
أو هواها للسهر
وبرغم سقعة جوّها
تلقاها تقدر لو تعوز..تصبح غطا
البنت سكة للسفر
وانت المسافر فيها مهما كان قلبك عجوز
..لساك فتى
 كات جدتى بتحكى زمان
ان البنات..
تأويلها جوة الحلم دنيا
والحلم كان واجب نفاذه فـ خطوتين
"كام رقصة صولو من الوجع
على رتم أوتار الكمان"
وكأنه ديْن
وان الميزان..علشان يوازن كفتين
فـ البنت يلزمها تعيش كام ألف ضحكة
عشان يعادلوا حزنها
والحزن لو كان تُقل وزنه يسوى مَبْكى
بضحكة واحدة منّها.
يامفرّقين حبة دفا ع البردانين
قلب الشتا زى الرصيف
او زى شارع كان مداه ضلمة
ومخبّى وسط العتمة نور 
والبنت برضه قلبها شتوى
عكس الخريف
يسكنها حبة ضىّ رغم الليل
..كل البنات
تقرب لروح البرد فى البوح والسكات
زى الحكاوى الدبلانين
حدوتة كات متشتتّة
مكتوبة لكن ما اتحكتش
مش ميتّة..لكنها
تفاصيلها لسة ماتعاشتش
وعشان كدة
كل الصبايا فطبعهم..
بيكونوا أجمل فى الشتا
كل الصبايا فطبعهم
بيكونوا أجمل..
..
فى الشتا

بنت تقرب للشتا

شعر/ اسراء مقيدم
آداء/ زينب فرحات


وهتعمل ايه يابو قلب مصبوغ بالجَدَب 
مع بنت تكوينها بيشبه للشتا؟ 
متلوّنة بريحة يناير 
روحها عاشقة الكلفتة 
واكمنها..مروّية فى القلب بتعب 
كان فيها منه حجات كتير 
يمكن دفاها..أو جفاها 
أو شرودها عن دواها 
أو هواها للسهر 
وبرغم سقعة جوّها 
تلقاها تقدر لو تعوز..تصبح غطا 
البنت سكة للسفر 
وانت المسافر فيها مهما كان قلبك عجوز 
..لساك فتى 
كات جدتى بتحكى زمان 
ان البنات.. 
تأويلها جوة الحلم دنيا 
والحلم كان واجب نفاذه فـ خطوتين 
"كام رقصة صولو من الوجع 
على رتم أوتار الكمان" 
وكأنه ديْن 
وان الميزان..علشان يوازن كفتين 
فـ البنت يلزمها تعيش كام ألف ضحكة 
عشان يعادلوا حزنها 
والحزن لو كان تُقل وزنه يسوى مَبْكى 
بضحكة واحدة منّها. 
يامفرّقين حبة دفا ع البردانين 
قلب الشتا زى الرصيف 
او زى شارع كان مداه ضلمة 
ومخبّى وسط العتمة نور 
والبنت برضه قلبها شتوى 
عكس الخريف 
يسكنها حبة ضىّ رغم الليل 
..كل البنات 
تقرب لروح البرد فى البوح والسكات 
زى الحكاوى الدبلانين 
حدوتة كات متشتتّة 
مكتوبة لكن ما اتحكتش 
مش ميتّة..لكنها 
تفاصيلها لسة ماتعاشتش 
وعشان كدة 
كل الصبايا فطبعهم.. 
بيكونوا أجمل فى الشتا 
كل الصبايا فطبعهم 
بيكونوا أجمل.. 
.. 
فى الشتا



أداء صوتــي /  سما نوار
https://www.facebook.com/samanawar2 
حـــرف / اميرة عبد العزيز
https://www.facebook.com/amera.abdelaziz.7?fref=ts

جربت قبل كدااا #تطمن لربنا ؟؟ ،، جربت تطمن لاختياراته وتدبيره فى كل أمور حياتك ؟؟ ،، جربت تطمن لما #الإبتلاءااات تكتر عليك أوى .. وتضيق بيك نفسك وتبقى واثق إن الفرحة #قريبة ؟؟ ،، جربت تعيش إحساس إن #الأحزان مابقتش فارقة معاااك ؟؟ لأن كدا كدا ربنا هيفرح #قلبك فى الأخر ،، جربت تطمن إن ربنا أرحم بيك من نفسك ولما بيبتليك ويرزقك بشوية حزن فــ دا لأنه #بيحبك ،، يعنى ساعااات الواحد لازم ينكسر أوى علشان يقدر يكمل مشواره فــ #الحيااااة .. لازم ينكسر علشان #قلبه يحس إنه مالوش حد فى الكون داا كله غير #ربناااا ،، لازم ينكسر علشان يقوى ويفهم الدنيا >> #أطمن ووشوش قلبك وأكدله إن الفرحة كدااا كدااا جاية ،، يمكن #دلوقتى أو متأخر #شوية ،، بس أكيد هتيجى ،، و اشكر #حزنك اللي فهمك الدنيا أكثر و قربك من ربنا أكثر ،، وخلاك تحس باللي حواليك ..
ومتنساش إن بعد #العسر #يسرا 

بس أنت أصبر واطمن

إطمن_سما نوار_أميرة عبد العزيز

مشاري العفاسي سورة الأحقاف ١٤٣٣هـ
surat al-ahqaf
https://twitter.com/alafasy
http://www.facebook.com/Alafasy

سورة الأحقاف 1433هـ | 2012 م مشاري راشد العفاسي

حاجة كدة زي الشعر ..
أداء صوتي لـ : محمد فاروق ..
ومونتاجه وتظبيطه أيضا

وكتبها حاتم عرفة
تقدر تقراها على صفحته على الفيس بوك من هنا :
http://www.facebook.com/note.php?note_id=251117048232826

للأعمال الأخرى لـ محمد فاروق ممكن تتابعها من هنا
https://soundcloud.com/mfmaegy-1


فاكرة لما كنتي حلوة أوي

اداء صوتي / سما نوار 
https://www.facebook.com/samanawar2
كلمات / اسراء مقدم 
https://www.facebook.com/esraa.mokaidam?fref=ts


الصراحة
الحياة لما كانت
جوة فصلى فتالتة تالت
كانت الحسبة بسيطة
قلب ابيض ...صفحة بيضة
حبة حبة لما تكبر
حبة الالوان بتكتر
جوة قلبك كان بيظهر
خط ازرق 
وللا اسود
وللا اخضر
وللا اصفر
لما تكره
وللا تحقد
وللا تعند
وللا تكسر
كل حاجة كات كبيرة وانت عيل
جوة عينك كات بتصغر لما تكبر
لما تكبر
كل حاجة عليك تهون
كل مرة تحط لون
واما تغرق مش هيفرق
لو تكون او لا تكون
مش هيفرق لو تحاول
او تداول
او تقاول
صفحتك مابقتش بيضة
بِركتك صبحت غويطة
هو ينفع لو تغمض وسط زيطة....ييجى نوم؟
هو ينفع لو لقيت نفسك بتغرق
تبتسم وتقول دة عوم؟
مش هينفع لو تصرّخ او تزوم
~~
لحظة واحدة
ايه اللى قالك مش هينفع
ايه اللى قال مالهوش لزوم
طول ما شمس عليك بتطلع
يبقى لسة علينا لوم
ليه بتحكم بالنهاية
ليه تقفّل ليه تشّطب
وانت لسة فمبتداه
لو تشخبط وللا تشطب جوة صفحة
لسة باقى دفتر ابيض....ايه ملاه؟
طول ما لسة كتابك ابيض
يبقى تكتب
اكتب اكتب
محنا فيها زى عيل
لف دار..قام معبّط
قام مخبّط
واما تاه ...راح معيّط
واما عيط
...
كف حانى عليه وطبطب
فاكتَشَف معنى الحياة
~~
هو دة طبع الحياة
ناس بتبعد ...ناس تفارق
يترسم بالخط الاسود
المفارق
جوة كشكول الحياة
واما تغرق...تلقائيا
يترسم بالخط الابيض
طوق نجاة


طوق نجاة_سما نوار_اسراء مقدم

لساك دفا

لسّاك بـ رغم البرد ساكن ف الضلوع

و مالكش حضن يكلفتك

و بـ رغم خوف ساكن ف قلبك من زمان

قادر تكون انت الأمان"

..قادر تكون انتَ الدفا

 

لساك مصرّ ان الدموع

قنديل فرح..

..نازل على خدودك بـ يرقص فى الخفا

لساك تداوى فـ القلوب

مع ان قلبك كان يادوب

بيدوب فى احضان الشفا

!..لساك دفا

 

ازاى بتعرف تبقى بلسم للجروح

مع ان جرحك لسة حىّ

مع ان عتمة دنيتك..

! علقم

بتعرف تبقى ضىّ

لساك بـ تتشعبط فـ حبل لحلم جىّ..

...لساك بتقطع بالمودة

كل احبال الجفا

 

ياللى انت عكاز للخطاوى فى الدروب

لسة الوجع عارف يطبطب ع القلووب

لا الدنيا عن لوع الوجع ناوية تتوب

..ولا انت ناوى انك تبطل

فى العكارة...تكــون صف

----------------
كلمات: إسراء مقيدم
هندسة صوتية: رغدة أيمن
إلقاء: زينب فرحات

لساك دفا

أنت لا تعرفني. أنت لا تعرف لم أمد إليك يدي بمقص النيكل عبر هذه الشاشة.
(بروجتل وكامبل) لا تريدك أن تعرف هذا، لكني سأقوله.
اقطع علامة الصنف عن قميصك، عن الجينز، عن البوكسر، عن ظهر ربطة العنق. اقطع بحد المقص كل اسم ليس لك. دع وخز أطراف التيكت المنزوع يشكك. اخمش قفاك حتى يتخثر الدم الممزوج بلحمك تحت أظفارك. سأقص عليك تاريخ الهزائم، فقد سقطت - مثلك - من كشوف الحساب. خيبة أمل الأحبة فيك راحة لا نهائية. لا انتظار ولا جديد. مجرد هزائم هزائم هزائم.
أنت لا تعرفني. أنت لا تعرف عدد الندوب التي أتركها، واسمي المألوف لا يعنيك، لذا أغمض عينيك. انحن على نفسك.
تكور.
دع الهبش يطلق سراحك؛ ردد ورائي:
«أوبيستو بورالا؛ لوميبو تواخا»
---------------------
مقطع من الرواية الجديدة 
تأليف وقراءة | أحمد العايدي 
هندسة صوتية وموسيقى | رفيق عدلي


اليوم سأشربُ من دمك | أحمد العايدي

حرفـ : عبد العزيز عبد الله
أداء : سما نوار
https://www.facebook.com/samanawar2

لما تحس بأن الدنيا معاندة معاك
وانها ولا بتحس وجودك ولا شايفاك
وانك مهما تحب وتخلِص 
تلقى حبايبك مش حاسّاك
وانك لما بتفرح حبّة
تلقى دموعك تستناك
لازم تعرف حاجة مهمة
ان الدنيا مهيش قصداك
وانك لاجل ما تمشى حياتك
لازم ترمى الهم وراك
أتشعبط ف الحلم وعافر
هتلاقى الأحلام ويّاك
كل الكون راح يبقى ف صفك
لو حسّك صادق ف غُناك



إتشعبط في الحلمـ_عبد العزيز عبد الله_سما نوار

لما تعمل اي حاجة اديها حقا 
يعنى أما تزعل أزعل أوى علشان لما يجى الفرح تعرف تعرف أوى
و لما تكتئب أكتئب أوى علشان لما ربك يفك الكرب ترتاح أوى
و لما تحب حب أوى علشان تعرف تدى أوى
و لما تسامح سامح أوى بس ماتنساش علشان لما يفيض بيك تبقي عملت كل اللي في وسعك
و لما تضحك أضحك أوى علشان تعرف تبكى أوى
و لما تنبسط أنبسط أوى علشان تعرف تتكدر أوى
و لما تغلط كرر غلطتك علشان تعرف تتعلم 
و لما تعمل أى حماقه خد بالك علشان تتعلم الحكة
أعمل كل حاجة لأخرها و أديها حقها و أتعلم من كل اللي حواليك أتعلم من قليل الأصل و ابن الاأصول أتعلم من الكريم و البخيل أتعلم من الغبي و الذكى أتعلم من المتواضع و المغرور أتعلم من اللي شايف نفسه و اللي مقلل من نفسه أتعمل من المحبط و من المتفائل أتعمل من كل ده علشان هيمر عليك مواقف تبقي فيها مرة كدة و مرة كده و أعرف إن اللي فات لو كان وحش الأوحش جاى و إن كان حلو الأحلي و إن ياما دقت علي الرأس طبول و إن كل ده هيخليك أحسن بس أهم دى كل حاجة وقتها ماتسمعش اللي قولك أنت عايش في الدور لكن أسمع اللي حاول يواسيك بكل أو نصيحة مش مهم تعمل بيها المهم تحطها في بالك علشان هيجى يوم وقتها أعمل كلب اللي نفسك فيه اوى طالما لا حرام و لا عيب و أعرف إن هتلاقي ناس كتير منهم اللي يكمل معاك و اللي يفارقك و اللي تأخده الحياة أو يأخده الموت كل ده هيأثر و أعرف إن فيه اللي فاهمك و حابك كده و معاك و فيه اللي مش فاهمك بس مرتحالك بس أهم أدى كل حاجة حقها و ماتكتمش جواك
---------------------------------
خواطر: ماجى إيهاب أنور
هندسة صوتية: رغدة أيمن
أداء صوتى: زينب فرحات

أوى

تفرانيل مصطفى ابراهيم

كلمات احمد الصباغ 
اداء ’’ سما نوار

آسف جداً   ’’ اداء / سـما نوار

كلمات : ابتسام مختار 
https://www.facebook.com/ebtesam.ahmed.mokhtar
هندسة صوت / يُوسف الدالي
https://www.facebook.com/daly.yusuf?fref=ts
أداء / سما نوار
https://www.facebook.com/samanawar2

ياما قُلت
ومحدِّش صدَّقنى
إنى بحبها.. وبتكرهنى
وبتخنقنى
وبتزعجنى
وتشعلقنى
وتمرمطنى..
وافضل احبها رغم الزحمة
رغم البيه السيد حِشَرى
واخته الرغَّاية.. واخوه الكِشَرى
وبرغم الأمورة.. الرِخمة!
وبرغم الكُرسى المِتكسَّر
وبرغم التنطيط ع الكوبرى
ما هو كله يهون علشان خاطر
خَط من الأول للآخر..
قادر.. بالصُدفه يعلٍّمنى
قادر إنه يخرَّج منى..
ضحكة بتخُض اللى يشوفها
فِكرة.. بتخلينى اعرفنى!
شوف رغم دى حاجه بترْكَبها
مع ذلك بتعلِّمك المشى!
وشوارع مصر المحروسـة
الواقفة.. الزحمة.. المنحوسة
تدِّيك الصبر ده مجَّانى
فوق إن سماعك للرغى
بيضيفلك عُمر واحد تانى
بالذمة ده عرض ده يتفوِّت؟
هتقولى الزحمة دى بتموِّت!!
طب مش حلوة الموتَة جماعة؟
أرحم من كام واحد حى
يومياً بيموت م الوحده..
فِعلياً عُمره ما جرب سَعى
عُمره ما جرب رِزق الكرسى الفاضى الْمِستَّنيه
الكرسى الفاضِل.. مَخصوص لْيه!
عُمره ما جرَّب بسمِة جِدة..
لْواحد فاضِل..
فضَّل راحِة سِت كبيرة عليه
مع إنه فعلاً مش قادر..
يفضَل واقف على رجليه
يعنى بالعربى من الآخِر..
إن كان أتوبيس, ولَّا سيرفيس, ولَّا مشروع!
إن كنت جعان ولا تعبان ولا موجوع
وسواء بردان.. هتموت م الحَر
صايم.. فاطِر ..
فى الزحمة هتتعلم تِدى
تِكسب وِدى
هتدوس على رجله يبرَّقلك
تتأسفله, هيروح زاقَّك!
وفاجأة يضحكلك من قلبه
ويقولك: يا عم وَلْا يهمك!
ويبُصِلها: يا آنسة فى مكان
آه.. هناك جنبُه!
ويوسَّع ويسيبها تعدِّى
فى الزحمة انا باخد شنطتها
وبشيل عنها..
وبتشيل عنى
وبفكَّرها بمحطتها
بيفرمِل, هى بتستندنى!
فى الزحمة هتقرا الجرنان
تسمع قرآن.. أو هتغنِّى
هتلاقى حلاوة فـ وسط المُر
وفـ عز الخنقة هتكون حُـــر!
وفـ عز الدوشة مبتموتشى
أصل محـدِّش..
بيموت م الصبر



في الزحمـــة_إبتسام مختار_سما نوار

عمر طاهر - مدرسة

حــرفـ : اسراء مجدي
https://www.facebook.com/ess.magdi?fref=ts
أداء : سـما نوار
https://www.facebook.com/samanawar2 


الصبر ..
مش انّك تكون ..
مستنى حاجة و السلام
الصبر .. انك تبقى واثق ..
ان مهما الوقت طال ..
هيجيك نصيبك .. 
حتى لو من غير كلام
الصبر ..
انك تبقا عايش لاجل حلمك ..
بابتسامة و مش بضيق
الصبر انك .. 
تمشى فى السكة الطويلة المتعبة 
مهما الطريق حواليك يضيق
الصبر مش حبة كلام ..
عن معنى كلمه " صبر" فيك بتكمِّلك
الصبر .. صبر فى القلوب .. 
تستقوى بيه .. و يطمِّنك :)



الصبر_إسراء مجدي_سما نوار

‫نعم سرى طيف من أهوى

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

من كتاب "كأنني اثنتان" لغيدا اليمن- يصدر قريبًا عن الدار العربية للعلوم- ناشرون
صوت وتنفيذ: ريتا خوري

ظلك

نامِت حاضنة الكتاب
والقلم سَـحَـب نفسه
بشويش من إيديها
تحلم زي البنات
بالرقص ع الطبلة وع النجيلة
تشتهي حد عارفة
انه عمره ما حيشتريها
تبكي ف أواخر
كلامه في المكالمة
وان سألها صوتها ماله؟
تقوله "عادي
انا عندي برد"..
ولأنه مكانش بيطَّمن بجد
ما يصدَّق يقفل
في الكلام
ويقول سلام
مش عارفة ليه
حست ساعتها بنغزة
وإنه مكانش ليها
تكتب في الأجندة
بختها المايل..
وكلام أغاني
بقلم ليه ذكريات
يفضَى القلم
يفضل ألم جواها قد الحياة
وتناجي من تحت سابع سما
"شاهد يا رب؟"
بتنام من غير ما تستنى الإجابة
بدمع الخد ناشف
لسا شايلة حلمها
بالأمومة ف ضم المخدة
حُضنها أدفى م الجنة
وطبعها زي العيال
تلعب معاها تحبها
حلمها مبقاش بجد
تلاتـ(30)ـين سنين العمر
وقعوا من إيديها
وعيون خالاتها وبناتهم
وأمها
مبيرحموش
"سيبوني لوحدي
شوية يمكن احبكوا
سيبوني ف حالى 
لحظة
عشان اعيش
-------------------------------------------------
قصيدة شاهد يا رب |  (من ديوان العشق السادي الصادر عن دار الكرمة) | شعر وقراءة أحمد العايدي
هندسة صوتية ومؤثرات | م.رفيق عدلي
تم التسجيل باستودو بداية
-------------------------------------------------
https://www.facebook.com/photo.php?fbid=232379213600438&set=pb.220708241434202.-2207520000.1389715017.&type=3&theater
-------------------------------------------------

شاهد يا رب؟ | شعر أحمد العايدي

لما الألم يبقى معاك ضِلك
لما يضيق الصبر بنصيحة صَديق
يبقى الندم مش علِمك.. ضَلَّك
زي التراب والتبر يفرقهم حريق

إوعاك تصدق إن اللي راح ممكن يعود
بس اللي ضاع.. ممكن كتير فوقه يضيع
واياك تحقق حلم شامت بالوعود
والأصعب انك تصعب ع الجميع

وسَّع طريقك بالدموع ما بيتمشيش
جايز اللي عيشته عمر مكتوب لك حزين
ما تخليهوش أكتر من المكتوب يعيش

إنسى اللي مَر الـمُر بيعلقم معاه
حلو اللي جاي وأيام تيجي بيه
وإياك تخَّوِن باللي خان كل الحياة..
ليخونك الإحساس.. ف يوم احتجت ليه

لما الألم يبقى معاك ضِلك
لما يضيق الصبر بنصيحة صَديق
يبقى الندم مش علِمك.. ضَلَّك
زي التراب والتبر يفرقهم حريق


قصيدة | لما الألم
شعر | أحمد صلاح
هندسة صوتية وموسيقى | رفيق عدلي
 قراءة | أحمد العايدي


لما الألم | شعر أحمد صلاح

حرفـــ: اسامة عبد الصبور
https://www.facebook.com/pages/%D8%A3%D8%B3%D8%A7%D9%85%D8%A9-%D8%B9%D8%A8%D8%AF-%D8%A7%D9%84%D8%B5%D8%A8%D9%88%D8%B1-%D9%82%D9%8F%D8%B5%D8%B1-%D8%A7%D9%84%D9%83%D9%84%D8%A7%D9%85/131826163582273
اداء : سـما نوار
https://www.facebook.com/samanawar2


صدّقت بكرة
وبكرة لسه مكدّبك
عايز تصاحبه وهو عايز يتعبك
لسّاك مراهن ع الأمانى تنوره
ولسّاه مراهن ع الليالى تشيّبك
بينك وبينه الخوف جدار
عينك ف عينه وباختصار
إنت اللى ف إديك القرار
ويا تغلبه .. يا هيغلبك
بيخوفوك من قسوته
ماهو مـ الطبيعى يخوفوك
ولو يطولوا يكتّفوك هيكتّفوك
عاشوا السنين بيفهموك
إنك مجرد ريشة طايرة ف الهوا
من غير هدف
وإن إنت قطر الحلم فاتك للأسف
وإن إنت قدرك ف الحياة
إنك تموت وتعيش سلف
وإن إنت دورك تبقى ضيف
وإن يوم حلمت تكون طرف
بيحضرولك كل أشباح السنين
ويغرقوك ف الذكريات
يا هل ترى هتوطى سقف الأمنيات ؟
وهترهن الجى من عمرك
لأوهام اللى فات ؟
ولا أنت قادر من جديد تثبت لهم
جهل اللى كان بيقولهم
ماحناش ف عصر المعجزات ؟!!




صدّقت بكرة_أسامة عبد الصبور_سما نوار

 أحداث كربلاء - ديوان المانيفستو

مصطفى إبراهيم - قصيدة إنى رأيت اليوم | من ديوان المانيفستو

جبران خليل جبران ---- البعض نحبهم ----- هيثم تميم - محمد معوض

Jebran - mo -ha

وهو الحَيِيّ
تسجيل خاص وحصري
من خدمة العفاسي
للمزيد : 
http://alafasy.me/Service/Service.html

ُوهو الحَيِيّ

ضل الضلمه
حــرفــــ المُبدع / محمد ابراهيــم
اداء صوتــي / سـما نوار

ضـل الضلمــه / سـما نوار

صدقني ياصاحبي | أحمد منيب

لم يدفئني نور العالم بل قول أحدهم لي أني ذات يوم أضأت نورًا في قلبه

إتشعبط في الحلمـ_عبد العزيز عبد الله_سما نوار

Sama Nawar