قصيده عارفه يا اما للشلعر محمد علي


عارفه ي ما
كان كلامك صح جدا
بس انتي عارفه
من امتي يعني 
وعقلي دا بيقل كلام 
ابنك بقى 
ودماغه ناشفه زي ابوه
عارفه يا اما 
السفر ملعون ابوه
السفر
مش حل زي ما كنت فاكر
اللقمه بتجوع هنا
وصبار اراضي الغربه
يتسمى السكاكر

عارفه ياما
انالسه فاكر 
صوتك الناي الحنون
لسه ريحه  حضنك الدافي
رافض تطلع م الهدوم
عارفه ي اما 
قصادي دايما 
كل اما انام
 او حتى اقوم

من يوم ما سبتك
لسه الدموع مسابتش عيني
سبتيني ليه ع الباب بقول هل هوحشك 
ومكنتش اعرف انك انت هتوحشيني 

هانت خلاص 
قربت اجمع قرشينات
لجل ما تقومي بسلامه
والله يا اما 
واحشاني يامه

 يحرق ابو دا المرض الاعمى
ال مش شايف جمالك
قومي لينا بالسلامه 
قومي ليا واحضنيني
قومي ي  اما ي نن عيني

انا موافق وهرجع وهتجوز
 اي واحده  هختاريها
اصل ياما انا مش هنقي
لاكني هشرط
تبقى اصيله شبهك انتي
تكون لي ام بإسم زوجه
تكون لي اختي 
تكون لي بنتي

ولا اقولك مش ناويها
مش عايز اتجوز خلاص 
انا عايزك انتي 

انا عايز ارجع وسط لمتنا
و لمه ياما كفرت بيها

واحشك انا جدا وباين
بتقولي دايما 
صورتي اللي انتي بتحضنيها

الا بصحيح لسه الصور متعلقه
مطرح مشاور ابويا ف الصاله
لسه بتخبي اللعب عن اخواتي
 وتشيلي عديتهم جوه حصاله

الا بصحيح
لسه الورد بيفتح  على صوتك
لسه الهدوء ساكت على سكوتك
والدنيا دي كانت  وقت ما كونتي
عارفه ي اما كل حاجه ناقصه انتي

الناس بتقول 
ان الجنه اتسحبت مني
وان كمان للدنيا مداس
ياااه لو كل الناس ف جمال امي
لكن يااه انا امي اجمل من كل الناس

ازاي ي امي
 ابويا  قالي ان انتي موتي
ازاي تروحي هو دا كان اتفاقنا
 شوفت كام مره اتفارقت
المره دي فعلا فرقنا

امانه ياما تعودي ليا
زعقيلي و هزي فيا
مدي ايد فوقيني
ادي بدل الكف ميه
امانه تصحي يا بهيه

امانه تصحي بلاش هزار
لسه في ف حياتي وقت
لسه في كدا كام قرار

اني هرجع 
واني عايز تاني اسمع 
صوتك لما تدعيلي
 وانا ف الدنيا دي بضرب وعافر
شوفتي ياما
ياريته قلبي كان يومها سامع 
صوتك ليا وانتي بتقولي
خليك ف حضني بلاش تسافر

قصيده عارفه يا اما الشاعر محمد علي

خلاص عرفت
عملوا ثورة وشالوا زفت 
بس ما تقوليش خلاص مشوا حمارك !
أى واحد بعده هنخليه حمارنا ..
حتى لو ماكانش إسمه " .. حمارك " !

شعب مين يا جحش إنت ..
هيّ مصر إمتى حكمها شعب ..
مصر بتسلم ودانها لأى كلب ..
بس يتزوق شوية !
شرعية !
ديموقراطية
ليبرالية
عسكرية
أى كلمة فيها " إيّة "
أى كلمة تكون " طرية "

الشباب المصرى منظر ..
كله فاكر نفسه عنتر ..
إنفخوهم إنتوا بس وعظموهم !
فهموهم إن رأيه ده أمانة ..
و إن أى كلام يخالف رأيه أوبا .. يبقى بدأت الخيانة ..
وإفردوا إديكم شوية بالفلوس .. الناس جعانة .

فنانين ! .. فنانين و مثقفين دول عند خالتك ..
دول شحاتين !
يابنى كله قصاد فلوسك ..
راح يبوسك ..

فيه ولد شاعر كويس ..
شوفته مرة بيشتم الريّس ..
طلعوا الولد ده فى الاعلام كتير !
اشتروه حتى لو كان سعره غالى ..

هاتوا رجله واحدة واحدة و بالطريقة ..
و اكسروا عينه وودانه ..
بس إوعوا يحس بينا ..
إديه فلوس .. إدوه كتير !
واحدة واحدة هيبقى واحد م الحمير !

و الحمير واقفين طابور ..
و إحنا مالناش أى دور ..
إحنا بس يادوب بنديهم فلوس !
بس إحنا مش على المسرح يابابا ..
إحنا فين ؟ .. في الكالوس !

هما هيأدوا الوظيفة فرد فرد ..
إحنا هنجيب الديكور و نظبط إضاءة .. يبقى عرض .
هما ثورة و هما شعب .. ياكلوا بعض ..

أما إحنا ..
أحنا نسمة .. إحنا بلسم ..
وحلّنى على بال محد يفوق و يفهم ..

____

- ليه يا شيخنا ..
طب هنعمل إيه يا شيخنا ..
طول ماهو الإعلام فاشخنا .. ( سالخنا )
و إحنا برضو يعنى لسة مسيطرين !
طول ما الناس جعانة و مطحونين !

الجوع جهالة .. و الجهل جوع ..
و الجوامع تحت إيدنا فى البلاد و فى النجوع ..
هى الناس هتفهم " ليبرالية " و " مرقصية " ..
الناس هتفهم " إسلامية " ..

الغلابة فى القرى ما لهمش خلق للحوار ..
دول ناس غلابة !
يا إما " جنة " يا إما " نار " ..

و إحنا طبعاً طرح جنة ..
هى الناس هتاخد دينها عنهم ولا عنا ؟ ..
إحنا اللى بنقول الحرام و إحنا اللى بنقول الحلال !
إحنا اللى هنسوقهم يمين و إحنا اللى هنسوقهم شمال !

الفنانين ..
إن كان ممثل ولا مطرب ولا شاعر !
اللى يناصرنا هنمدحه بالخيرو نذكر اسمه ع المنابر !
و اللى يعادينا يكش ما يكون شيخ بعينا هنقول ده فاجر .. ولا كافر !

و الناس بتمشى ورا الخطب ..
و الجهل ناره قايدة قايدة !
إحنا بس يا دوب هنرميله الحطب ..

___________

- تمام يا فندم ..
كل متظبط و متشيك و متهندم يا فندم ..
هو بعد الناس ما شافت حد ليه وش يتكلم يا فندم ..

طبعا الإعلام بتاعنا وطنى حر ..
إحنا بس خايفين نفتح الخيط للعيال لا الخير يكر ..
دى سحابة صيف يا فندم هتاخد وقتها وعلى طول تمر ..

الرموز الإعلامية ..
الصراحة مية مية ..
و هى دى الديموقراطية ..
إحنا ما معناش مذيع يطلع على القنوات و ينقد ونشتم ..
أحنا بنقفل القنوات يا فندم

الشعب منحاز لينا طبعا ..
بالتمام ..
فنانين و ومثقفين و مطربين .. مفيش كلام ..
أيوة طبعا غنوا لينا !
أيوة غنوا لمصر طبعا يبقى طبعا غنوا لينا !

قالو إيه ؟ قالو :
" مصر يا أما يا سفينة ..
مصر عايشة فى بحر هايج و إحنا ربان السفينة ..
تسلم .. .. تسلم الإيد اللى ربت تسلم الكيكة العجينة "

إحنا مش فاضيين يا فندم للأغانى وللكلام ..
الكلاب هيّ اللى فاضية للنباح !
أما إحنا بتوع سلاح !
________

" الشعر مصلوبٌ على وتر الوريد ..
كفراشةٍ دامت بكل محاجر العهر استفاقت ..
نملة تشتم منسأةِ الرسولِ و ترفع الأحلام شعباً لا يريد ..
وجعٌ على الأباوب يكسر نابه ..
قل للسراب متى سيفتح بابه ..
ف أنا مللت من الحكايا كل ليلٍ دون أن يأتى جديد ..
النيل اّهاتٌ ورمزٌ للجياع ..
خذ كل ما يأتى لتهدأةِ الضباع ..
و أرقض على الأسفلت و أقطل طفلةً لا يعرف العشاق معنى عشقهم إلا بأوقات الوداع ..
الشعر مصلوبٌ على وتر الوريد ..
و أنا على المرسى الطويل ..
كماءِ بحر من حديد .. "

و أنا مياه من نيلك يا بلدى ..
و أنا مياه من طينك يا بلدى ..
أنا مش معهم كلهم !
ولانيش تبعهم كلهم !
لسانى فاكر مشية الكورنيش و إيدك ..
وحشنى رمضانك و الفطور على صوت ادان رفعت و عيدك ..

وسط البلد وحشتنى من غير الحواجز و الحجارة !
أنا كنت زمان بمشى ماكنتش أعرف إن في الشارع وزارة !
كنت بتحامى بعينيكى و بإيد حبيبتى و بالسيجارة !
كنت بدفى أما بركب ميكروباص ..
عملت كل حاجة تزعلك لكنى ما ضربتش رصاص ..

وسط البلد نسيت صوابعى اللى اتهروا ..
نسيت سجايرى الفرط و هدومى اللى دابوا واتبروا ..
يا عم يا بتاع الخطب يا عم يابتاع السلاح !
هو إحنا يعنى يا إما نبقى سداح بداح !
يا إما تضغوا وتفتروا ..
بزيادة لينا 3 سنين بتبيعوا فينا و تشتروا ..

إحنا البلد ..
إحنا السند و المستند ..
إحنا اللى قبل ما تبنى سدك كنا سند ..
و إحنا اللى علشان القنال كانت ضهورنا بتتجلد ..
إحنا البلد ..
ملعون أبو اللى ما ضاقش جوعى !
و إن كنت مش هصعب عليه و الله ما هوريه دموعى !

أنا أقوى منكم ..
أنا جدر ضارب فى البلد دى غصب عنكم ..
يا عم يابتاع السلاح . يا عم يا بتاع الخطب !
تركتوا أصلاً نخل شاخ ولا عاتش بينزل رطب !

أنا مش طرف في خناقة الحكم اللى قفلت قلبكم ..
أنا قلبى مؤمن إن ملك الله بيهبه لمن يهب !
بس إوعى تفتكر إنى هرضى بجوع عيالى ..
أو إنى أشوف بلدى قصادى بتتنهب !

و الله معمولك عمل ..
شعب اتنحس على نحس همى !
شعب اتوقف على حرق دمى !
أدب إيدى في غيط شعور ..
عشمان أنول بدر البدور ..
يطلعلى شال أمى !

لو حد زعلان إنى ثورت ..
أدينى غورت ..
بطلت ثورة و بطلت نيلة
و شلت على راسى التقيلة

ملناش يا عم نصيب نفرح بخلفتنا ..
ما يترضى بالمكتوب يا ترضى بالفتنة ..
يا دوب شافونى عريس
نصبوا الطريق متاريس
وحاصروا زفتنا ..

هندارى ليه و نلف و نداري فى الألاعيب ..
الاعتراف مش عيب ..
لو كنا شوفنا الغيب ..
لا كنا قندلنا ولا كنا زفتنا !

صعبان علية الحلم ..
شايفه بيتكسر ..
و عينيا طايلة المدى
بس الإيدين أقصر ..
أنا اللى عمره ما غاب
و عمره ما إتأخر ..
تطرح عينيكى عذاب
يزرع عينيه سكر ..
أنا اللى قال حاضر
لا شرط ولا إتأمر ..
ولا طمع ولا إتدانى
ولا بطش ولا إتجبر ..
أنا اللي كل ما أجوع
ببعينيكى بتصبّر ..
ما يغركيش العدد
و الله أنا أكتر ..

أنا اللى مش إخوان و أنا اللى مش عسكر


المكالمة‬

كلمات :سامح رضا 
أداء:سامح رضا 
ــــــــــــــــــــــــــــــــــــــــــــــــــــــــــــــــــــــــــــــ
سَاند حلمه على كَنَبَه تحت الشيــش ..
 روحه بِتِتْسَرسب منه
 بِتِتْكوِّم في سيالته
 نِفسه في نِسْمة فَجر بس مفيــش !!
 بينه وبين نفسه مَقْبض شيــش
 تَواشيح الفَجْر طايفه حوالين سَمْعُه .. بدون فَايده
 إمْشــي يا نُور الصُبْح خايف من الوحْده
 خايِف لـ تْمِس كرانيش فُسْتانها وَقْت الزًّفــه
 إفْرَحى إنْتى .. أنا فرْحِتى خايفــه !!
زَاهِدْ تُراب نَفْسى وتَحْريكه لِتفاصِيلــى
 طول عُمرى أَجْري عَلى عُيونِك ولا تِجِيلــي
 بَزَعَّقْ وعُروقى تِتْبعتر عَلى رَقبْتي مِن الزَّعْقه.. ومَتْخَوِّفْــش ،،
 جَبَــان يـا أنـــا ،،
عايِش في الحَياه بِضِلّى ..عايش بِعَفَاريتــى
وبِلْياتشو مِصَاحِبْ حِتّه مِن رُوحى .. بَضّحّكْ بيها حَبّة نـاس 
خــــايـب .. خايب في وصف ملامح تشبهنــى
 مَعَ إنى بِمِليون وِش !! 
رَسْم الكَنَبَه بِتَفَاصيلها .. بِرُكْن الشيش وستايرها.. مِزاحمه كَرَاكيبى جوايــا 
تِهَيّج عفَار الخنقه في صدري 
تِدْمع عُيُونى وتِحْكي لِلحُضُور قصّه .. يُحْـــــكَــى أَن ..
 الحِلْم لو طوّل .. يِعْشَق الأَوْهَــام 
والحُزْن لو ميّل .. هَيْزُق في الأيّـــامْ 
يِسْنِد الحُزن راسُه على جِدار الحَياه ويبتســــمْ
 يِلبِس عَبايتُه الغَميقـــه ويِتْرســــمْ
 نَاسِجْها مِنْ يِجي مِلْيون عــامْ 
مِتْرَقّعه بِوشوش خَلق مَوجوعَــه
 أَعْرفْهم كُلّهم .. واجْهل سِر أوجاعهـــــمْ !!
 أفوت ومامرمِيش السّـــلامْ
يطْلق نَصَايحُه زى سِرْب من الحَمــــامْ
 ضَل الطريق لمسَامعــــى
 أَجرى ..وأَجَرّى الحِلم فى نفســى
 يُصرخْ .. يِلمْس حِتّه من البراح
 يلعَن صفَاتى المِلاح ،،
يغْضَب يرجع يضيـــــق .. ويستجيب آخِر الطريــق 
وكأنى .. وكأني بقصُد اتْكعبل فى تُوب الحِلم !!
 كأنى أصْلا بَحْلم بَحق وحقيــق ،،
 وكل حَاجه فى حَياتى (كَأنى)  كأنّى بَـحِـبْ , كأنى بَحـْـلَـم , كَأنى مَـاشِى،،
 يا خُوفى لــ العمر يِقْطَع ضفاير شَعرها السوده 
ويدْهَس زَهْر أَنْفاسى عَلى المَاشــــى
 ويقْلع زَوايا البيـــت
 يا خُوفي لـ يحْسِبْنى كَأنى مَكُنتش جِيـــت 
 لَكنى رافِضْ .. لكني رافض الفِكْره
 رفْض السِجين للزَنازيــنْ .. للسّــور .. لِلأســـلاك 
رافض فَك ضَفايرها السّوده ونَزْع البيـــت
 رافضْ فِكرة إنّى مَعُدّتش هَشوف عُيونْها .. بِتودّعنى من الشبّـــاك
 لَكني هَحَاول .. هَسافر ويا نــور الصُبحْ واعْملّها فُستان فَرَحها بأيديـــا
 هَرْفُضْ إنّى أصَاحبْ حُزْنى مِن تاني .. صَعْبه عليـــــا !!
 سامِحْنى يا صَاحبى .. مَفيشْ بينى وبينَكْ أى كَلام
 نَصَايحَك ..ومش سامـــع
 وبَردو هَعَدّى عليك ومِش هَرْمى أى ســــلامْ
 جَعان السّعاده  .. يِحْلم بسُوق الفـــرح ْ
يِحْلم بِموسم الطّــرحْ 
وجَعَان الوِحْده ..  يِحْلم بِغِيِط بنِى آدميـــنْ
 يِحْلَم بِهُدوم الشتا .. وريحة المطَره فُوق الطيـــنْ 
يِحْلَم يصاحبْ .. يصاحب حتى أَحْزانه ،،
يا صَاحبي ..حَاول زيي تصاحبْ نُور الصبـــح 
إحْلم .. إحْلم شِدْ الهوا لِصدرك وتباريحـــهْ 
عِيش .. عِيش حِلمْك متتكبـــرشْ
 حِلْمكْ يكبرْ .. متتكبــــرشْ 
عِيش كَما أَسْنان المشــطْ
 عِيش حِلمَك كَأنك عشْــت !!


جعان سعادة

يمكن تكون الصدفة هى اللى جمعت مابينا !!! 

SAMO Mr-VIP | Sodfa - صدفة 
New Romance track .. 

Lyrics , Mixing & Mastering by : Samo Mr-VIP 
Free Beat 

Follow SAMO Mr-VIP on : 

Official Page (Facebook.com):
http://www.facebook.com/Samo.Mr.VIP

HIP-POP Music Band (Facebook.com) : 
https://www.facebook.com/Hip.Pop.Music.Band

Official Group (Facebook.com):
https://www.facebook.com/groups/SamoMrVipOfficialFansGroup/

Reverbnation.com:
http://www.reverbnation.com/Samovip

Soundcloud.com:
http://soundcloud.com/samo-mr-vip

YouTube Channel:
http://www.youtube.com/user/samovip1

SAMO Mr - VIP  | Sodfa - صدفة

عاشق بيبكي حجازي متقال

قل للمليحة في الخمار الاسود & ابعتلي جواب  علي الهلباوي

طول عمري في المواجع

انا الشاكي - مايو

دينا الوديدي   السيرة الهلالية

من غير وداع

CHECK IT OUT ON YOUTUBE :
https://www.youtube.com/watch?v=GMGIM5od3wc


Lyrics 
من صغرنا و احنا اتنين ف كل حاجه نفس الشكل
بنصلي و ف رمضان بنصوم و نفطر نفس الاكل
حطتني جوه كابوس مش قادر ولا عايز افهمه
لاول مره شفت اخ بيكره توأمه

اتغيرت ياريت فكرت جبت مستقبلك الارض
اتدمرت بعرض جنه فالصو و التفجير كان شرط
فكفرت كل فرد انت عمرك صليت فرض
دين تسامح فاتبترت ياما نصحتك وانت اخترت

غمضت عيني حلمت احلم كانت في الاصل عيني مغميه
فتحت عيني في وش اخويا لاقيت في عينه كره ليا 
مت ! عادي موت بالنسبالهم مش ضحيه
انت ثواب في دين ملوش وجود ملكش عنده ديه

بأي نيه أي حبل بينا تقطعه 
ايمانك مين هيرجعه 
مشيت و نسيت تودعه
شيلت من دماغك فكرة انك حاجه كويسه
مانت مخك اتمسح و كل شئ فيه اتنسى

فانسى اهلك انسى كل اصحابك و انك مننا
انسى عشرة كام سنه مانت ناسي ربنا

لأ و مصدق انه حاططك وسط خلق بيحبوك 
مش هتقنع نفسك انك فاكره وتروح تدبح اخوك

اقتنعت بالارهاب ! مش هتقدر تقنع شعب
انت كده محطوط معايا ويا بعض في موقف صعب
موقف ان انت تموتني و متندمش ع اللي حصلي
لو هموت بإيدين اخويا يبقى اموت نفسي احسنلي

مش لازمني اي ذكرى حلوة من ساعة ماكنت ملازمك
شطبت كل كلامك و حرقت كل رسمك
مسحت صوره ليك ف عقلي عكس ماكنت راسمك
عشان لما اتسأل عن مين قتلني انسى اسمك

اخترت نعيم ف عقلك انت بس مش موجود
متخفش ربي و ربك عادل و الميزان مظبوط
مبسوط..منولتش جنه لا ف سما ولا ارض
ياخسره انا كنت بدعي نبقى ف الجنه مع بعض

جعان سعادة

Sameh Reda 8