شعر وإلقاء: بسنت عبداللاه

صبر جميل | بسنت عبداللاه

بودعك قبل الوداع بسنين
يا مليحة القول والفعال
يا طاهرة الشفتين
بمسك فى ديل جلابيتك وأبكى
رجليَّ رجل في جنتك
ورجل فى شكى
بمسك فى ديل جلابيتك وأنوح
بحب
لكن لا فؤاد ولا روح
لما اليتيم بيعانق المجروح
يقُع القمر نصين
يا وادعة
يا طاهرة الشفتين

قطر الصباح قبل الصباح جانى
ولما جانى الصبح
قطر الصباح كان صوته عدانى
كان صوته أبعد صورة فى ودانى
قعدت أشرب ع الرصيف وأنعى
تدوس رجول الناس على دمعى
وطعم شفتيك مرار اليتم
ومن بعيد كانت بيوت الناس
متكومة.. تحت النخيل والصبر
وانا عالرصيف الصخر وحدانى
أدارى بيدى عورتى وأنعى
وتدوس رجول الناس على دمعى
ومالمهمش بيدى

جوه الطعام طعامين
جوه الشراب شرابين
دلوقت بوستك بوسه ولا إتنين؟
دلوقت إِنتى واحدة ولا إتنين؟
كل الحاجات دلوقت
لها طعمين
وفي كل شىء شىء
كل شىء إتنين

لما تبصى ف عينى وتلاقى
إبقى ماتبقيش تقولى
لإنى عارف

وداع - عبد الرحمن الأبنودي

Mahraafat - مَزْجٌ ثَالِثٌ - اخْتِلالٌ

دخاني كلبي الوفي 
الشاعر وائل فتحي

دخاني كلبي الوفي-وائل فتحي

"آدى أيّام العجب والموت
جات بسرعة زى غمضة عين
ليه ماقلتش زىّ لمح البصر
كنت باتقلّب على الجنبين
والكابوس من كل جنب يجيبني
زىّ أعمى يحسّ لمّا يجسّ
ألقى نفسي واللا اشوف نفسي
بالتفت من آخر الدنيا
الحمير بتجرجر العَربَات
السما اللى تحت منها حابات
عند كوبرى أبو العلا بتشتي
أنكمش فى جتّتى من البرد
لسّه حارجع طفل تحت المطر
وأنحنى ع الأرض وافضل عجوز
اتوهمت الخوف دهسنى الخطر
كل شيء إلا الخيانه يجوز
ألبس التوب اللى مش توبى
أعمل الممكن مع المستحيل
أمشى زي الخنفسة وألبَد
جنب حيطة فى رُكن ع السلّم
الحجر الاصفر بيتألّم
فيه أثر للعشرة مهما تهون
أقبل الظلم اللى في الأشياء
والليالي بخدّها المدهون
والحياة والناس وحتى في نفسي
واقرا في الجرنال كلام تاني
وانتقل في الماضى واستغرب
وابكى ع المستقبل الفاني
واحمل الضلمة على عينيّا
وانتبه من نومي واسمع نعي
الزميل جودة سعيد الديب"

أيام العجب والموت - فؤاد حدّاد

فؤاد حداد - مفتتح أيام العجب والموت

رتيبة - حقا المعصرة عندكم تشرح القلب زي الزريبة تمام و لا ...
طلبة - بتنتج خمس أضعاف انتاج الخواجة كركور احنا ايه هننهب؟
رتيبة - و قالولي على عشة الفراخ الي انتا مقعد فيها أخوك بعد الغيبة الطويلة دي. يا أخي دا شريكك
علي - يعني ما يهمش طلبة بعدين هيبقى ...
طلبة - شفت يا سيدي أهو كله من ده دي مجرد عينة من مفهوم حضراتهم عن الشركة معندهومش مانع أجيب منشار و أقطع المكن حتة حتة حتة باسم الست رتيبة رتيبة هانم صامولتين تلاتة للست فاطمة مفتاح انجليزي لسعادة البيه البيه الكبير و انت و أنا نخلع البلاط و نقسمه بينا و البيه الصغير رمز المستقبل هه يبقى صاحب و مدير عام عموم المقشة هاهاهاهاهاههههاه و الي شقي و داخ ورا الأوراق عشر سنين لحد ما اتقطع قلبه فكل دا ببلاش هه عشان خاطر سواد عيونهم كادو آدي يا سيدي مفهومهم للشركة الشركة الي أنقذتها أنا الي استلمتها خردة و طلعت منها البدع 
فاطمة - أيوة لكن بفلوس مين؟
طلبة - أولا مصلحة مين ؟ مين المستفيد ؟ و لا كنتوا طول عمركو عايشين في العز ده؟ و بتلهفوا الأصناف دي كل يوم؟ أنا الي بأعرق هنا الوحيد ما تقولهم يا علي الناس فاكرة النجاح بيجي بالساهل قولهم انك يا ما جريت و خطبت و جعحعت و قولت كتير و في النهاية رجعت مهزوم ديلك بين رجليك 
علي - هوا برضه طلبة من حقه انو ...
فاطمة - طلبة مش من حقه يحطنا في موقف ما نعرفش راسنا من رجلينا فيه بتلبس طاقية ده لده و ده لده و تغرقنا في بحر مستندات و أوراق و كل حاجة بكره و بعده 
طلبة - و الله الي مش عاجبه
فاطمة - يمشي مش كدا؟ هو حد قادر يمشي و ما مشيش؟ دا ايه الشجاعة دي كلها؟!
رتيبة - مهو انت كمان مالميتناش من ع الارصفة  يا سي طلبة الأموال الي بتشتغل بيها دي أموال عيلتنا احنا أموال عيشة و أموال فاطمة أما أموال عيلتكم فروح دور عليها في الصحرا مطرح ما بعزقها البيه والدك
محمد المدبولي - أنا رايح أغير هدومي
المهرج - اجري يا علي جري الوحوشي غير رزقك لم تحوشي

مقطع من فيلم عودة الابن الضال

بهاء جاهين - قصيدة كلام من أم

Bahaa Jaheen

الجواب الأخير - الأسطي حراجي القط - الأبنودي

ياما بناديلك - لحن وغناء: زين صافى - كلمات: نجيب سرور

سلملي ع الكراريس و ع الأوتوبيس وفرن العيش
سلملي ع العشــــاق ومشـــــيتهم على الكــورنيش
سلملي ع البنت اللي فـاتحـة من زمـــان شـــــــباك
يمكن يعــدّي ابن الحـــــلال لابس هـدوم الجــــيش

سلملي ع الجــرنـان .. موظف شــايله تحت البـاط
سلملي ع الدلـع اللي بيكــهــرب و ع الحـــــركات
يامــــا ألف شـــاعر للعـــيـون والغــــمازات غنّى
سلملي ع الـواد اللي عقله من غـــرامهم شــــــاط

سلملي ع الحـــلــوة وعلى غــنـــوة قــــالتــهــالي
فـاتت عـلـيـهـا ســــنين وتــاه اللـحــن من بــــالي
سلملي ع الصـــــحـبـة و ع الســـــهـيرة وفـلـوكة
مـاشـــية في وسط النيـــل تغني والمـــــزاج عالي

سلملي ع الحــــكايات من الجــــدات و ع البراويز
سلملي على ســـاعة العصارى وضـحكة العواجيز
سلملي على مكنة خـــياطة قـديمـــة في لاظوغلي
سلملي على طـبقين "كـريم كرامِّل" طـعمه لذيـــذ

ســكران و قلبي بالغـنـــــا والفــضــفــضــة والـع
ســكران ببـحـر إســـــكـنـدرية وســـرها البــــاتع
ســكران بليــل القــــــــاهـرة ... سـلّم وســمعـني
دقـة حـوافـر خـيل في عـز الليــل على الشـــارع

كلمات أحمد حداد .. غناء يحيى غنام


Bahaa Jaheen

Sarwardy