كلمات ?✋

شعر

Seif

Samia  jaheen

بهاء جاهين _ العبقري ابن العبقري

سرديات

مليت خدني عالبيت

Musica di Stelvio Cipriani.
Eseguita dal Sirenide Ensemble (violino, mandolino, mandola, fisarmonica, chitarra, contrabbasso). Arrangiamento e orchestrazione di Paolo Propoli.

Composed by Stelvio Cipriani.
Performed by Sirenide Ensemble (violin, mandolin, mandola, accordion, guitar, double bass). Arrangement and scoring by Paolo Propoli.

Anonimo Veneziano

وفجأة 
هبطت على الميدان
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا 
بالقبض على القبضه 
وتقديم الكف
الدم
قلب الميدان وعدل 
وكأنه دن نحاس مصهور
انا عندى فكرة عن المدن 
اللى يكرهها النور
والقبر اللى يبات مش مسرور 
وعندى فكرة عن العار 
وميلاد النار 
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح 
ولسه فى صوتى هديل الينابيع
لسه فى قلبى صهيل المصباح 
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع

ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل

وفى ليله التشييع 
كان القمر غافل ..مجاش
والنجم كان حافل 
لا بطل الرقصه ولا الارتعاش

لما بلغنى الخبر 
اتزحم الباب 
وجونى الاحباب 
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب 
ما اجمل نومه على كتوف اصحابك 
تنظر صادقك من كدابك
تبحث عن صاحب انبل وش 
فى الزمن الغش

والرؤيه قصادى اتسعت
بصيت واحسب نفسى بين خلان 
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه 
نحلب ليالى حلمنا المنتظر
وامتلات الاسواق بالمواكب 
تبيع صديد الوهم والمراكب 
وفارشه بالوطن على الرصيف
بالفكر والجياع والكواكب ومذله الرغيف 

شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة 
دنيا "فسه"
ما اتعس الانسان 
ما اسعد الحيوان
وعبر
وصف من الزوانى وراه
متلطخين بالبودرة والمعاجين 
حاصرين غطاوى الروس 
بطونهم عريانين
بيغنوا طوبى لضحكه المساجين

وعيال عرايا
تفيض بها الطرقات 
من القرى ومن المقاطعات 
اطفال فى لون الجوع
صوت النفس مسموع
اطفال شبه وضلوع

اما انا 
فاتسعت الرؤيا 
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

قبل مرورى على بعض مكان 
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن 
وقدرت تموت !!
وتفوت اللحم العارى المتهان
فى المدن اللى معداش منها ريحه انسان !!
انا مت 
ومش منظور لى جواب
متحصن بكتوف الاصحاب 
ولذلك فت

عند التربه 
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن

ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق 
فى قماشى الابيض 
من جوف القبر
التقدم ضابط واتعرض
قبض على الجثه 
وطلب الاوراق 
مزع الاكفان
عدل الوش 
ووقف وركلنى
وقالى بلؤم شديد 
حتى فى الموت بتغش
شيلوه

ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت 
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين 
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن "الوسخة" ياكلب 
اظنك حتقولى تانى الشعب 
وصفعنى وتنى على بطنى بالكعب 
يا سعادة البيه وانا ايه؟ او ليا فى العمال ايه ؟
ما تضيع الدنيا والعمال دى تغور
يا صاحب هذا المبنى الموروث 
ضل جدودك فى الجدران مغروس 
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان

اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده 
كلب ..محاصر ..متهان ..منبوذ ..جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى اى زمان

واتذكرت سنه ما اتبنت القلعه 
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل 
وآخر الليل جانى بدم صحابى فى الاكل

استأذنت ارتب اقوالى 
قفل الباب 
واتفتح الباب
وخلاص

يا عم الضابط انت كداب 
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم 
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت

احنا شعبين ..شعبين ..شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها ..بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعت انفاسها
واحنا ولاد الكلب الشعب
احنا بتوع الاجمل وطريقه الصعب 
والضرب ببوز الجزمه وبسن الكعب 
والموت فى الحرب

لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون 
اللى تاريخى مركون
وانت قلاوون وابن طولون ونابليون 
الزنزانه دى مبنيه قبل الكون
قبل الظلم ما يكسب جولات اللون

يا عم الضابط 
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال 
واكيد فيه جيل
اوصافه غير نفس الاوصاف 
ان شاف يوعى 
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى 
ما خدمك الا من سجنك

قصيدة الأحزان العادية لعبد الرحمن الأبنودي موسيقى راجح داود

La page Caramel ʚϊɞ ➨ https://www.facebook.com/IkramCaramel

متكنف درڨة ومدرڨ متكدر ودموعي دفيڨة ... لخيالك ڨلبي متشوڨ تشويڨ العاشڨ بحڨيڨة ... ضانتني لجراح مطوڨ مهموم نعاني في حريڨة ... لمتى ؟ لمتاش نحبك ؟ لمتاش نحبك في الخافي ونخبي على عرضي خايف في ڨلبي سكنت لعوافي متكنف درڨة ومرايف ... لمتاش نحبك كي نشوف خيالك نتدرول يا سمحة يا لون الفلة ... يا شهبة يا ڨد السرول وحواجب تڨويس الهلة ... نخلة عراجينها تدلى مولاها يحرس ويدلل ... لمتاش ؟ لمتاش نحبك ؟ لمتاش نحبك في الخافي ونخبي على عرضي خايف في ڨلبي سكنت لعوافي متكنف درڨة ومرايف ... لمتاش نحبك حبك ما عادشي متدرڨ وفراڨك ما ڨدرت نطيڨا ... متبهذل فكري متفرڨ في كبدي لڨراح غريڨة ... ضاڨت مالمغرب للمشرڨ أرض الله بسماها ضيڨة ... لمتاش ؟ لمتاش نحبك ؟ لمتاش 


[ لمْـتَــاش نـحـبّـك فـي الـخَافِـي ][ بُوشـناق ]

كلمات المبدعة : إسراء مجدي 

-ازى الحال ؟

-انا عايش اهو , و انت ازيك ؟

-انا مش عايش ..

-دا انا جاى ارتاح اصلاً عندك .. بتقول كدا ليه !

-متاخدش ف بالك عديها .. ترتاح من ايه ؟

-ولا حاجة يا عم .. الدنيا رمتنى ف فوم غسيل .. و بقيت من وقتها متفرفِت .. و لسانى مع الناس بقى يفلِت .. و البنت اللى زمان حبيتها .. بعتتلى جواب انها سافرت .. و كلام معظمه كان مش مفهوم .. تفتكر انا ممكن اشوفها ف يوم ؟

- متحطش أملك ع الأيام .. مبقتش تأكّل عيش دلوقت .. ولا حتى بقت تصرف أحلام .. انساها و حاول تتعايش .. و ان كنت زمان بتموت فيها .. دلوقتى اعمل نفسك عايش .

-على رأيك كله مسيره يروح .. انا بس اللى مأثر فيا .. انى معاها اتردتلى الروح .. انا كنت زمان مقدرش ابوح .. حتى لنفسى !.. و معاها بقيت واحد تانى .. تفتكر انا كدا ابقى أنانى ؟

-مش دى الفكرة .. الفكرة انها أخدت منك باسبور كان واخدك على"بكره" .. و اهى سافرت و انت اللى مكانك .. و خلاص سلِّمت سيناريو الدور .. ازاى هتكمل أيامك .. و تقابل بكره بدون باسبور ؟

-هو انت مفكر انى كمان هلحق بكره ! .. انا يابنى خلاص مش عايز اعيش .. انا بدخل انام مستنى الموت .. و بقوم الصبح مابعرفنيش .. انا اصلا جاي اخدك بالحضن ..علشان تتعود ماتشوفنيش .

-يعنى انت خلاص رايح مش جاى ؟ .. طب ما تأجّل .. أو خدنى معاك

-انا حاجز تذكرة مستعجل .. و هروح و امّا اوصَل هستناك

-طب خدنى ف حضنك كام ساعة .. و كفاية كلام

-انا هاخدك بالحضن بسرعة .. علشان مستعجل .. يلا سلام .

......
الامكانيات بسيطة جداً و أكيد مش أحسن حاجة كانت مجرد تجربة :) 

أول تجربة :)

كلمات : جميل بركات 
موسيقى : مروان أنوار 

www.facebook.com/gamil.barkat
www.facebook.com/gm.barakat
واحدة بعد نص الليل
مافيش حاجة جديدة لسة حواليها..
بتتغرج على الغيلم القديم إياه 
وماسكة ريموتها في ايديها
تقلب حبة في القنوات .. 
ساعات تضحك .. 
وتتنهد ساعات و ساعات

جرس تليفونها بيرن 
بصوتها الناعم الهادي 
ترد ..ألووو .. محدش رد .. 
كمان مرة .. محدش رد .. 
وتالت مرة ..سمعت صوت.. 
بلهفة وشوق يناديها ... 
وحشتيني ..

تلف الأوضة حواليها 
ودقات قلبها بتزيد
وحبست دمعة ف عنيها
ورجعت كام سنة لبعيد 

حبيبتي بجد ... أنا هو ..
أنا الوردة .. وأنا الدبدوب..
وأنا قاعدتنا في مدرج 
وكراسة ماليتها قلوب 

أنا مواصلاتك الزحمة ..
أنا المجنون في الرحلة
انا الغيرة في عين 
صاحباتك الرخمة
أنا التليفون بتاع بالليل 
تتام عينك عليه وتصحى

انا أول دفى علم 
على شفايفك
و أنا الواد اللي راح متخفي 
وعامل نفسه م المعازيم 
في كتب كتاب بنات خالتك
وانا المكتوب حروف أسمي 
بقلمي الجاف على كفك 
انا الطفل اللي نام ع الزرع 
في جنينة على رجلك 
وانا جاكت في عز البرد 
رميته بشوق على كتفك .. 
وانا اللي في وسط 
زحمة ناس صرخت وقلتها 
بحبااااااك... 
أنا راجع عشان قلبك ...
انا راجع عشان أخدك ...

وقع ريموتها من إيدها 
وصحيت فجأة من نومها 
فقعدت تبكي و بتضحك
على روحها ... 
دي شافت حلم...
.وفجأة 
جرس تليفونها 
راح رانن ... 
__________
جميل بركات


واحدة بعد نص الليل

الفاتورة-أحمد الطحان

شريان فلسطيني المسحراتي أمين حداد و سامية جاهين

اصطباحية عمو سيف

"نهارك زي قلبك يا عمو سيف. مستنيينك تقوم تكمل معانا المشوار وتملا حياتنا "قصاقيص ورق

رسالة لعمو سيف - قصيدة قصاقيص ورق

وحدك - محمود درويش

سيد رجب يحكي قصة حرب الزناتي خليفة و دياب بن غانم من السيرة الهلالية 

الحرب اللي دارت بين الزناتي خليفة و دياب بن غانم ..
استمرت تلات اسابيع ..
تلات اسابيع تمُّوا الكفاحِ ..
والخلق بالعين شايفين .. ليل نهار داير الصياحِ ..
الحرب داير ليل نهار ..
يا ليالي العز عودي .. و دموع تجري كأنهار ..
لمّا كلّت الجهودِ



فن الحكي | سيد رجب يحكي من السيرة الهلالية

 سيناريو :لؤي حُسني 
أخراج صوتي :محمود عماد الدين

أوتوبيس .

https://www.facebook.com/rony.ashraf.16 :اداء 

https://www.facebook.com/ahmed.elrawii?fref=ts :كلمات

.."هذه الرسالة وجعها إجباري

Background and poem text: https://www.brainpickings.org/2016/04/27/sylvia-plath-reads-spinster/

CONTEXT / POEM TEXT

Sylvia Plath reads "Spinster"

هذه قصيدة "محمد عبيد"(الأميرالاى محمد عبيد لعب دورا هاما في الثورة العرابية, و استشهد في معركة التل الكبير) لفؤاد حداد بصوته

((محمد عبيد))
زرع الأمل والامانى له تاريخ وأصول
احمد عرابى ربط فوق الليالى خيول 
ساعة ما بتشب يلقاها القمر مذهول
يلقى انتباه البروجى وزهرة الأرغول 
والملحمة الفلاحة والبدوية 
بنت العرب فى ساحة الفداوية
أم العيون الندية تلتفت وتقول 
شوف البطل 
الفارس المصرى الشهم
زارق من الدوامة زى السهم 
وجبينه صاحب هم بيفكر
ويغازل النور اللى يتفجر 
أتم أوضح من هلال أبو زيد
شوف البطل اسمه محمد عبيد
اسامينا فى الشهداء طرب غالى
نوارة الأيام وحنتها
وعصرت قلبى لما غنتها
شوف البطل
مصرى وشفايفه تشبه الوليفين
والأرض قايمه معاه على الجنبين
والأمهات بحرى البلاد تناديه
دهب الحريم عيط عشان يفديه
لأجل الولاد خلى البطل يضرب
يكسر صفوف الإنجليز يضرب
يا بنايين نضرب معاه الطوب
الفجر لمحمد عبيد مكتوب
في الجنة عرض السيف مع دراعه
شوف البطل فى هجومه ودفاعه 
الفارس المصرى الأصيل الحر
يرجع على التل الكبير ويكر 
رمق الشهادة فى الطريق المر
يفضل على طول الزمن منصور
وما يتقلعشى من السلاح والمهر 
ولا من شبابه لحد نفخ الصور
الملحمة أخلد من التماثيل 
كان حى ماله فى الشجاعة مثيل
كان جسم فى تراب الوطن مثواه
كان قلب كل المؤمنين جواه
عظم شهيدك كل دم يسيل
على ارض مصرية عظيم الجاه
قول كل حرف فى اسمه وأتهجاه 
محمد عبيد
والاوله غنى الأمل وجهاده
والتانية واصل غنوة استشهاده
والتالته علمها الولاد يتهادوا 
سيرة محمد عبيد المصرى فى الفرسان
واعزف على كل آلة وقول بكل لسان
ايمانى بالنصر قوة مصر بالإنسان

http://www.facebook.com/Haddad.ElTo7fageyya

قصيدة أسامينا في الشهداء  - فؤاد حداد

بهاء جاهين - قصيدة كلام من أم

Bahaa Jaheen

كلنا سوا | كل يوم بقول

زياد الرحباني و سلمى مصفي

زياد و سلمى | ما بتفيد

صلاح جاهين - الشاى باللبن

يبكي و يضحك لا حزنا و لا فرحا كعاشق خط سطرا في الهوى و محا


يبكى ويضحك -  زين محمود

ما تفتكرش إني باتعب لما بتسافر
أنا بس بانساك .. واعافر
في الدنيا من غير أخ
ما تفتكرش إني شاعر
انت مش فاهم
أصل الغُنا زهرة
زهرة في كل المواسم
يا خسارة ما بتطلعش
ما تفتكرش إني نعش
أو كبايات فاضية
أنا كبايات عصير قصب مليانة ع الآخر
والخلق ما بتشربش
ما تفتكرش إني تاجر
نُور و رُولمان بِلْي
مصفحات .. من عيون الناس بتتفجَّر
وانت العيون والبضاعة وزيطة المتجر
والأرض بنشارة خشب مفروشة تِتْدارى
دم الشجي ما يبانش
وإن كنت فاكر
يا نني عيني إني باتعب لما بتسافر
كل الحمام هاجِر
كل النسايم خناجر
كل العيون طالعة في الصورة ..
ولا بتلمعش
فكرتني بالذي من مَطْرَحُه اتَّاخِر
علشان يقَعَّدني أكتب شعر وأذاكر
فكرتني بالمباخر .
.بالجمر تحت البحور
من عشق شمس بنوت بتتبخر
أنا مش باحبك .. بس باتبخر
وأقدر أعيش .. أقدر
لما تاخدني المراكب
وانت مش راكب ..
واخبِّي تحت المراتب قلبي حُق بُخور
ما تشدنيش من شعري يا عصفور
أنا مش ح أطير والحبيب من كل نور غايب
الأرض زُهرية فاضية واللبن رايب
والليل معبِّي ف زكايب في انتظار النور
(بهاء جاهين – من ديوان "كوفية صوف للشتا" – دار ميريت - 2003)

Bahaa Jaheen

Sarwardy