Спортын Сэтгэл Зүйч, Дасгалжуулагч, Монгол ТВ-ийн хөтлөгч Баасансүрэнгийн Мандуул нь бидний энэ дугаарын эрхэм зочин юм. Бүгд Найрамдах Куба Улс дахь Олон Улсын Биеийн Тамир Спортын Их Сургуулийг Спортын Сэтгэл Зүйч болон Сагсан Бөмбөгийн Дасгалжуулагч мэргэжлээр сурч төгссөн Мандуул нь мэргэжлээрээ ажиллах хугацаандаа Монголын сагсан бөмбөгийн үндэсний эмэгтэй шигшээ багийн ахлах дасгалжуулагчаар ажиллах саналыг хүлээн авч 2014 онд Азийн Наадамд анх удаа  түүний дасгалжуулсан баг Шилдэг Наймд шалгарч байсан түүхтэй. Улмаар 2015 оноос Мандуул нь ТВ-ийн салбарт хөл тавьж хамгийн сүүлд гэхэд хоёр хөтлөгч хамтдаа хөтөлдөг байсан Дэлхийн хэмжээний шоуг ганцаараа хост хийж хөтлөгчөөр нь ажилласан болохыг бид бүхэн сайн мэдэх билээ. 

Мандуул ах бид хоёр энэ дугаартаа 
- Куба улсад очиж суралцсан түүний цаг хугацаагаар аялсан мэт түүх
- Спортын гол 4 багана болон тэдгээрийг бид өөрсдийн амьдралдаа хэрхэн нэвтрүүлж болох тухай
- Куба улсад эзэмшсэн мэргэжил болон ааваасаа сурсан эрдмээ ашиглаж Монгол үндэсний шигшээ багийг дасгалжуулсан түүх
- Бид эрүүл, урт удаан, эрч хүчтэй амьдрахын тулд тогтмол хийж болох хамгийн хямд хамгийн боломжтой спорт түүнийг хэрхэн амьдралдаа зуршил болгох 
- Сониуч байхын, байнгын асуулт асуудаг байхын хамгийн том хүч болон дасан зохицох тухай гэх мэтчилэн бусад олон гайхалтай сэдвүүдийн хүрээнд ярилцсан билээ. 

Ингээд хэдүүлээ хамтдаа энэхүү ухаарах ёстой зүйлсийг эрт ойлгуулах, тархи дэлбэлж, магнай тэнийлгэх дугаар луугаа хамтдаа үсэрцгээе!

Зөв амьдрах ноу хау - Б.Мандуул | Нямын Найм #63

Монголын хамгийн удаан үргэлжилж буй амьдралын хэв маягийн подкастад тавтай морил! Та манай подкастыг Apple Podcasts, Google Podcasts, Castbox гэх мэт дурын подкаст тоглуулагчаараа захиалж (subscribe) сонсоорой. Мөн манай Youtube хуудсыг дагаарай.

Зөв амьдрах ноу хау - Б.Мандуул | Нямын Найм #63

Seheeten Podcast