لا تترك شيئًا دون أن تچعله يتذكرك بألفة.

وفي قلبك ماذا تركت؟!.mp3

ماذا تفعل عيناك هنا!

طبق الأرز

الأيام الصعبة

 كتبت القصيدة في فبراير 2021. في فترة خدمتي العسكرية، بعد الانتقال من مركز التدريب إلى القوة الأساسية


.

في الأيام الصعبة..
في الأيام اللي كإنها غُربة
ومش غُربة
الأيام اللي بقيت فيها هَزيل..
خسران وزني
ولوني الأصلي
وقلبي..شويه شويه.. بيفقد كل جميل
بافتكرك...
فا ترِق الشمس الحاميه على «الكـاب الميـري»
وبَحس ان ماحدش فـ الكون - وقتها - فرحان غيري
وان انتي جميلة
جميلة وأكبر من طاقتي..
أكبر من إني أغيّر «أعزَب» فـ بطاقتي
وان الجنيهات اللي فـ محفظتي.. وما تقضّيش مصاريفي
لما افتكرك.. هاتقضّي

وهاقولّك ايه..؟


الليل فـ «الخدمة» غبي وبَردُه ما يرحمش
لا «الأفارول» بيدَفّي
ولا بعرف اشِّد سلاحي تمام
م التلج فـ كفي..
بس انا زي ما سيبتك.. واكتر
أخشَن م الأول
خَدت على الرمل لحد ما شَرّبني خشوْنتُه..
خَدت على الليل ونجومه
وع القمر النعسان
واتعلمت فـ مُدّة بسيطة حاجات ما اتعلمهاش إنسان :
الصبر... ماهوش مفتاح
الصبر سلاح
ومافيش ولا حاجه تحوّأ فـ اللي اتعلم يصبر
واتعلِّم..
إن الأيام على قد ما هيَّ بتمشي بطيء
هاتعدّي

إمبارح
ودّعت صحابي اللي اترحَّلوا
وكإننا في المينا..
ودَعيت :
إن كان الحظ ها يتغابى معاهم
تبقى اسماعيلية.. سويس.. إنشالله حلايب
مش سينا..
وقولنا: مسير الحي ها يتلاقى
وحَضَنِتني أيادي.. يا دوب عرفِتني ايام معدودة
وشَدّت على كتفي كإن العِشرة ما بيننا سنين..

تحترم الأيام حُزني..؟
لا.. دي تزيدُه!
وأنا مكسور
مَسكاه الأيام من إيده
أمي النخلة.. الوتد الثابت في الأرض
اتهزّت
فا اتهزّيت..
وكتمت الآهه فـ حَلقي
لحد ما واحد صاحبي - بدون قَصد - لَمَس جرحي 
بكيت..
والصول لما عرِف حالتي
ادّالي أجازة
جريت
وكإني بسابِق خطوِة رجلي لحد البوابة..
وكإني بَزُّق فـ جسمي عشان يوصل أسرَع
وكإن فـ إيدي حِبال.. وبَشِدُّه بعِزم ما فيّا
عشان يبقى قُرَيّب مني
بَشِدّ البيت...
رايح لِلّي من قبل ما اقولّها ألف سلامة
هاتحضُنّني
وهاتقول: مالك؟ هَفتان كده ليه؟ .. واسمَرّيت!
هاتبوسني
وهاتبَلّل خَدّي الناشف بدموعها..
هاتحَسّس ع الضلع الناقص من صدري
وتملاه بضلوعها..
وانسى فـ زحمة حكاويها انا ليه أصلاً جيت!

سَنَدِتني النظرة الراضية اللي فـ عينها....
وسألت الكُتُب
المترَمِّيّه فـ كل مكان
عن سر الإنسان.
عن خوفه
هزيمته
صموده
عن الأحزان..
وازاي قدام جيش كامل يبقى أسد؟!
ويخونه حَنينُه لـ أُمه
فا يعرف إنه جبان! 
...

الأيام الصعبة - شعر - خالد سليم

ليلى .. المسلمة
  جدتها المسيحية بتفطر على ضربة مدفع رمضان
وجدها المسيحي كان بيصحيها تصلي الفجر 

اسمع قصة من اروع قصص التسامح 
و التعايش مع الاخر اللي ممكن تسمعها في حياتك .. مع المجربة ليلى

ليلى .. عاشت في بيت بيجمع بين ديانتين .. وجنسيتين .. من اروع القصص اللي ممكن تسمعها

Technical skills may get you hired, but soft skills will keep you hired.

هل بس المذاكرة اللي بتخليك ناجح؟ ولا في مهارات تانية محتاج تتعلمها، وتبقى مَرن في فكرك وتصرفاتك عشان تتعايش وتقدر تكمل في النجاح ده؟ 

عشان أدركنا إن الSoft skills ضرورية، ولأن البودكاست هي مساحتك الآمنة والهادئة عشان توسع مداركك وتتعلم، 
فـ بنعلن إنطلاقة PE Podcast 🎙️


وفي ظل الظروف اللي بتتغير كل لحظة، وعشان لازم تتأقلم على التغيير ومفاجآت الحياة، هتكون معانا أول حلقة بتتكلم عن:
 «Adaptability»

PE Podcast Episode 1 (Adaptability)

بودكفر مع حسن وحسن ..الحلقة الأولى الموسم الأول
"أول مرة .. تيشرت كورة"
مونتاج مصطفى عصام
تصميم اللوجو أدهم أحمد

الحلقة الثالثة من بودكفر "فيديو فيلم"

نص:د.نهال زين
هندسة صوتية وآداء:زينب فرحات..صوت الونس.
________________________________________
عن الخروج من دائرة الأذى
************************
ليه الواحد ممكن ياخد سنين وسنين على ما يعرف يخرج من دائرة الأذى حتى لو واضح وضوح الشمس؟؟
عشان في دفاعات نفسية بنلجأ لها بشكل غير واعي زي الكبت أو الإنكار أو تقمص المعتدي..
وعشان في حاجات عميقة ليها علاقة بطباعنا وخبراتنا السابقة بتحرك مشاعرنا وأفكارنا وتصرفاتنا وبنشوف من خلالها العالم.. زي الخوف من الهجر والتخلي وزي الحرمان العاطفي أو إني غير جيدة بشكل كافي وماستحقش غير كدة..
ممكن عشان في ألاعيب كتير بيمارسها المعتدي زي إنه يقلب الطربيزة ويحملك المسؤولية أو يهز ثقتك في نفسك ويشكك في كل حاجة فتبقى مرتبك أو يقنعك إنك مش هتعرف تعيش من غيره ومش هتلاقي حد وهتبقي وحيد...
ممكن عشان ماتعلمناش الحب الصحي شكله إيه؟ لما أهلنا كانوا بيؤذونا وإحنا أطفال كانوا بيقولوا أنه ده عشان مصلحتنا وإنهم بيحبونا فاختلط علينا الأمر بين الأذى والحب..
ممكن عشان إحنا مش مدعومين كفاية عاطفيا مافيش مصادر دعم حوالينا أو مساحات آمنة نشارك فيها مشاعرنا أو ناس تقف جنبنا بشكل صحي..
ممكن عشان عانينا كتير من عدم التصديق واختبرنا في مواقف كتير سهولة لوم الضحية..
ممكن عشان في مرحلة ممكن نمر بيها اسمها التفاوض فبنتوقع أو بنتمنى إن نفس المقدمات لن تؤدي إلى نفس النتائج وإن يمكن الشخص المؤذي ده يتصرف بشكل مختلف المرادي..
في أسباب كتير أوي أوي أوي، عيب أوي نحكم على حاجات ماختبرناهاش.. مش عاوز تقدم تعاطف لحد مش مهم خلي تعاطفك لنفسك عادي أنا متأكدة إنك أولى بيه..

ليه بنتأخر في كسر دايرة الأذى

انا فاطمه..
هبدأ اتكلم معاكم عن مشاعر بحسها جوايا بصوت مسموع يارب اقدر اوصل مشاعري .. ونقدر نتفاعل مع بعض ♥️

الفقد..

3araft Al Hawa - Abn 3arby

ويبدأ عمنا الشيخ إمام سهرته في سنة 1984 وهو بيقول " نجيب سرور الله يرحمه بيسأل البحر بيقوله: البحر بيضحك ليه وأنا نازله أتدلع أملا القلل "
ومع شوية تقاسيم عود في البداية ويبدأ الأُغنية الجميلة .. 
استمتعوا! :)) 
==
البحر بيضحك ليه
وانا نازله ادلع املا القلل

البحر غضبان ما بيضحكش
أصل الحكاية ما تضحكش

البحر جرحه ما بيدبلش
وجرحنا ولا عمره دبل

  مساكين بنضحك من البلوة
زي الديوك و الروح حلوة
سارقاها من السكين حموة
و لسة جوا القلب أمل

قللنا فخارها إناوي
بتقول حكاوي و غناوي
يا قلة الذل أنا ناوي
ما شرب و لو في المية عسل

والبحر بيضحك ليه … ليه
وانا نازلة ادلع املا القلل

  ياما ملينا وملينا
لغيرنا وعطشنا ساقينا
صابرين وبحر ما يروينا
شايلين بدال العلة علل

  والبحر بيضحك ليه … ليه
وانا نازلة ادلع املا القلل

في بالي ياما وعلى بالي
واللي بيعشق ما يبالي
ما يهمنيش من عزالي
يا حلوة لو مرسالي وصل

والبحر بيضحك ليه ليه
وانا نازلة ادلع املا القلل

بيني وبينك سور ورا سور
وانا لا مارد ولا عصفور
في إيدي عود قوال وجسور
وصبحت انا في العشق مثل

والبحر بيضحك ليه
وانا نازله ادلع املا القلل

كلمات : نجيب سرور
غناء : الشيخ إمام 

#قاوم!

الشيخ إمام - البحر بيضحك ليه

بودكاست المجرب
ضد المتفزلكين والهبيدة
المثل بيقول اسأل مجرب .. ومتسألش طبيب
هنا..المجرب بنفسه

ليلى .. عاشت في بيت بيجمع بين ديانتين .. وجنسيتين .. من اروع القصص اللي ممكن تسمعها

ElMegarab | المجرب