*بين سخرية الكلمة وعظمتها هتلاقي من الشعر كلام يبطبطب *

وجع القلب

شعر

calm

قولي الغيرة باي أمارة....راجل و مجاش😏

مجموعة منوعة من أجمل أغانى أم كلثوم و وردة و فايزة و حليم و سيد مكاوى

كوكتيل رائع من اجمل اغاني وردة الجزائرية  HD Wonderful Cocktail Of The Most Beautiful Songs Warda

‫أغاني حب رومانسية حزينة هادئة

بلاش تمثيل عشان صياعتى و فشلى من غيرهم مكنش يجوز تحبينى

عمرو حسن وحشتيني

وبرغم كل تفاصيله...ما ينفعكيش
وبرغم إن كل الأماني فيه ومعاه...ما ينفعكيش
وبرغم نفسك ونَفسك اللي راحوا وياه...ماينفعكيش
وبرغم ابتسامته اللي قلبك طابع زيها ضحكه بتضوي في عيونك...ماينفعكيش
وبرغم شمسك الا مابتسطعش غير في صباحه وقمرك اللي مابيكملش غير وياه....ماينفعكيش
وبرغم إن توليفة القهوه في ريحته بتزبط يومك بقعده معاه...ماينفعكيش 
وبرغم الشخطبه واللخبطه اللي ملت روحك وبزياده...ماينفعكيش 
وبرغم ان في عز الشتا ربيع بيرقص في جننتك والدفى كله في حضن معاه...ماينفعكيش 
وبرغم كترة الالوان بجواره هتبقي بالهتان...ماينفعكيش
...... ماينفعكيش ومايشبهيكيش....
ولو كان الكمال وياه في النون الناقصه من روحك ومن دونه مافيش إحنا
ولا حتى بطفل يشبهله وبنت دعي ربه من قلبه في ليل مع نهار انه تشبه روحك
"يا أطهر ما فيا" ....ما ينفعكيش
ولو الحياه الطيبه وياه في ستر جروحه لجروحك شفى وضمادٍ وكأنها قد كان.. ماينفعكيش
ولو هتلاقي حزن الدنيا كله فرح وياه...ماينفعكيش
ماينفعكيش...لإن ببساطه الحب ده أنواع 
ومن حزن حظك وقع قلبك في حب ما بيكملش 
غير في الأساطيروقصر جميل 
و نسى إن الوحش هيفضل وحش يا جميله
و لو رقص كل يوم رقصه بأنغامك ولحن فريد على إيقاعه
بالتأكيد ماهو المايسترو ونوتة السيمفونية معاه...ماينفعكيش
وبعدين مين فينا سمع بوحش أجوز جميله 
غير في حدوته ملتوته يابنوته.....ماتشبهكيش
خلاص و لحد هنا انكتب للقصه دي نهايه من غير بدايه يا أميره
ماهو كده في تجارب وان اتعاشت...انكتبلها انه ماتكملش 
معلش...مافيش وفاق من المبتدى وتكافؤ للتفاصيل كانت هي البداية
والآن أصبحت القشه...وانقسم ضهر الحكايه
آه لقلب لاكمله فرح ولو حتى بالنوايا 
آه لقلب لاكمله فرح ولو حتى بالنوايا 
في الخفايا بس اتنفس أمل لعلاقه طرفها واحد 
وأما التاني كان غايب
ويا تجارب وحياة ما بتكملش
ودنيا ماتلقش بجلالتك ياعزيزه
ولا عمره الهوى كان ذل...ماينفعكيش
لا في التفاصيل دي عشره و عش وأسرة و ود
و زوج لحد الشيب سند
برغم الوهن و رعشة إيده بيطبطب ويتبسم في صُبحك
و يتغزل فيكِ كبنت إمبارح "يانصي الحلو" 
وتاه عنه نصاعة الأبيض في لون شعرك 
وكام سِنه سرقهم العمر من شروق ضحكك...ماينفعكيش
ولتعلمي أن.....
الأرواح هنا في ملكوته كما بتآن بتحن 
ودور على اللي يحن ويكمل نصها
الكامل بيكي أنتي يازهره فتملى بستانه بعطرك النرجس
فيسجد لربه على نِعمه ويسبح بسلسبيل عشقك
وكده وتبدي الحدوته من غير ملتوته يابنوته
بحكاية و تفاصيل كما تاليق بعظمتك... وفخامة قلب صان عزك
قبل ود حبيب ما يشبهكيش....ماينفعكيش
#ماينفعكيش
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

ماينفعكيش....فيروز...وحدن

"إهداء إليك ياصديقه"
والقفه ضاقت يا أما 
ومعدش فيها منفس
ومعدش فينا منفذ 
ولا كام باب مفتوح
 اتقفلوا بطموح
خد ولا دانا 
غير شعبطه في الروح
وادينا بنسد في جروح 
ونسدد تمن مفتوح
وأهو كله في اللوح
جاهز ومتستف
زمن ومكان
اتسرق من النفس أمان
كان ستر لدموعنا
كان ستر في ضلوعنا
أيام وبتعدي 
وشريط ومتكرر
أو يمكن سف
من أول الايام
وما بقاش منه
الا ليل واحد
لون بقيت الايام 
والعتمه اهي فينا
دي العتمه بقت لينا
ونس والسلام
القفه ضاقت ياأما
وخنقت طفل جوانا
كان له في الحياة غاية
غاوي حكاوي على القهاوي وبس
عن حلم كان ليه
عن حلم مات فيه
فقد معانيه 
والشغف ماليه 
مع الايام 
القفه ضاقت يا أماي
وأنا بنت في العشرين
+ حمول مالت 
بقوا خمسين
وشريط ضفاير انفرط
ده الشيب على الجنبين
والخطوه واقفه بأمل 
يعود بينا الزمن
تروي السواقي بعشم بورنا
فندور الطواحين
ونسعى ادى مانسعى
لا نكل ونميل 
ميلة جمل خايب
برك من حزن شمس تغيب
والله يا أما لو تعرفي
برغم عزي في الشقى
بلاقى في حضنك دفي
مايسعى لوصفه الوادي بنيله
 ولا المواويل
وكلمه بعيبه قولتيها حسره على أحوالي
تحز فيا إنما
 أرجع أميل 
وأضحك معاكي ضحك اللي توجع على حاله
ومن بره ولا فارق كان الكلام على ايه
وده بقى فين!!
والحقي دي اللي بقيت مين!!
يا أما...يكفيني الستر في دعواكي
ده السُتره بزماني ندره 
باتت مع الحواديت
وباتت معاه النفس
 تميل عن كل شئ ناقص
وبقى الرضى في النقص عاده
ده الكمال...بزي جديد
زي متعايئ بالرقع 
واهو عايشين
متعشمين في شوية صبر
جايب معاه فرج بروحين
روح تشد
و روح تكمل...بوش الزيف
وش حويط يتلون مع الاوباش 
 ويتبسم
أو يرسم جد 
بدون تحابيش من اقلاهم
وأعمالهم في أيامهم
تدين فتدان
بسيطه اهيه
مالهاش تعاويذ
ومحاسيب
 يرفعوا بيهم
ويخسفوا بيك 
ياأما دي القفه طفحت  
و مالت من الجبين
لا يد شلتنا 
ولا ودنه عفيه طاقتنا
بقينا اعتق من حجر صوان
وأشد
 من كترة الخرابيش
في بوحنا صمت غميق
وكلام و ان اتقال
لغز ما انحل ياأما
ولو رشقوه..في قلب رشيد
أهو حجر
وصار علم لكل الناس
اما احنا 
اتربطنا بإحبال نوايا
وشكوكها
وادينا متشعلقين
بنشر ندم
على معارف
كانوا كنوز والله
و مع الوقت اتعرى 
الفالصو 
واتبخر الحلوين
والسند 
كان هنا...راح فين
لقيته في الآنا قاعد
ولو دامت
كان فضل مين
تراب ياابني آدم ومبدأ
وإليه راجعين
ياأماي
 ضمي إلي الأماني...بهود 
دي ياما ارتوت وما روت
مسكين بالعجل فاكر
ابتدى الخلق
بيومين 
و يا دنيا 
يا ضمني هوانا 
يا تلفظي هوانا
دي العضمه  اتفشفشت
وما عدش في بعدين
ندواي بيه اللي انكسر
و نطبطب على الفاضلين
في سنينا جاين
مستنين قلبين
قلب حبيب مداوي
وقلب قديم
في الحزن مقيم
كان له في يوم صفحه بيضه
ودلوقت داست عليه تجارب
وسوء بشر...فايتين
أوض ضلمه
 وأهي تاهت المفاتيح
فامتحزنيش ياأما على أحوالي 
مسيرها تتعدل من رب كريم
عالم برزقي
يعني هيروح فين
ووالله ياأما 
لا كان الحل بجوازه هايله
وراجل
قال يعني...هيبقى الضهر
وبيت وعيال
غايبين...ولا تعلمي
جاين و مش جاين
و وظيفه في حكومه
ذات نفسها فايته 
بيومها التالي... التكيه 
ورايحين
فلا حاجه ثابته
غير فكره
في إن الضي موجود 
وإن السُكنه 
في قلب الليل
راحه 
لشمس نهار
مسيره يطول
ولكل فجر نور
فاضميني بقلبك ياأما
وسيبي اللي اتسرق من الساعه 
للساعه
ورب الساعه
 والخلق أهو موجود 
لقفه ضاقت
ومعدش فيها منفس
ولا رجعه عن إراده
في حلم
مستني المنفذ
#القفه
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

و القفه ضاقت يا أما......القفه

من القلب للقلب مرسال وحنين
 وجواب مفتوح ومفضوح
 بكلام كتير ما اتقال...ولا زال
 اه يا أنا من عزة النفسي اللي منعاني
 و حرماني من قرب لا لينا فيه لقا
 ونصيب كان شايف
 في البعد أفضل كتير على فكره...لبعض قلوب 
ولا كان يعلم 
ماقد نفذ للقلب صاب
 ولا باليد عنه متاب
 وصبر على المكتوب...فمحال 
وقلب مقسوم بين رضى بالمقسوم
 و عشق مكتوم
 فاض بالقلب وصار مفهوم
 بعين كل الناس
 إلا بمعشوق لاح بالهوى عنا
ما ضره لو كان قُبالنا 
وساكِنا وسكَناه 
ولا تاه في البعد عنا 
بيدورعلى أشباه للحب
 غايبين في ناس تانين 
في القرب والبعد رايحين جاين
 صدقه على روح 
اتشعبطت بطيف مجانين
الحب عندهم طرفه بالحواديت
 أو ضعف في الحوانيت
 لعشاق سكارى مخابيل  
يعيني انبسط لما اتمسخت
واتقسمت لكتير بالألوان
 وأبيض وأسود كمان  
تايه بترضيهم بألوانهم في أيامهم 
لحد مابديت بلياتشو هه سبع ألوان 
وبهتان في حرمانهم
 أرجوز ماله وطن  وعيال
كان ماله بس مرسلنا...وجوابنا
 ولا إحنا فوق المقام
أو
 تنصتوا لروحكوا
 فتعرفوا العنوان 
وحاولنا ننساكم والله لكن مانفعش
كان سجن الغياب مر
 في سجن الحضور ذل
فدعينا ربنا 
وفوضنا إليه الأمر
جايز في يوم تلعب ظروف
كانت بتلعنا فنلعنها
نتقابل فنتسامر
ونتشارك من الأول تاني حياه
بكل الهنا والآه
يجوز الآن...ويجوز
في زمن تاني مابعد الآن
ويجوز لسه النصيب شايف
طريق تاني إذا مشناه
كان النجاه والضل
من وجع قلب
لو مر ظل 
ندب بيعوي
 لأخر العمر
هنفضل بردو نراسالكوا 
ونبعت في جواب
 وبعض عتاب ...في أمل
 ماتهوا عن صدفه 
تجمعكوا بالعنوان
#مرسال
#شيماء_عبدالرحمن
#Facebook:https://www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

مرسال...في حضرة العود و أوتار الكمان

و ما أدراك ما الفوبيا - عمرو حسن

هشوفك صدفة معرفكيش - ابراهيم فرج

كان تفرق ايه لو كملنا
و الصبر كان باب حكايتنا
كان تفرق ايه
و أخطائنا نعديها بزقه 
و العيشه تحلى بدُقه
و عيوبنا نجملها بورده
كان تفرق إيه
لو شبكنا إيدينا في إيد واحده
وساعدنا ظروفنا 
بدعوه في سجده
كان يمكن تكمل
كان تفرق ايه
 لو نبقى اتنين في حكاية واحده
 ولا نبقى اتنين في نهاية واحده
كان تفرق إيه
و الله ما تفرق
غير إننا
كنا أضعف عاشقين على وجه الأرض
فنهينا القصه ودقة قلب 
من غير ولا كلمة حب ببساطه
اختارنا الاسهل من الاول...اختارنا الوحده
جربت الوحده تشبه واحده 
بسمتها تملى نهار
 و إن كان لها الحزن بواب مدينتها
ترقص في الليل مع أشباح وحدتها
على تراطيف صوابعها
 تشغل شالها الأسود
 من نجمه في ليله ملهاش قمره
على صوتها الناي تقسم غنوه
بخيبه في عينها
كنت ساعتها لو تعرفها...يمكن تلعن أم الوحده
كان تفرق ايه
و ندور ونلف من الاول
على ناس غيرنا 
يكمل بيهم نص في ديننا
نلقى معاهم فرحه ولمه
وعزوه تشيلنا في أخر شبنا
ناس تشبهنا
بس العيب كان منا
فالكِملنا في بعد
ولا في القرب كَملنا
بقينا متعايشين
ومش عايشين
عاشقين من غير عاشِقين
كان تفرق ايه
غير خوفنا 
وتعذيب روحنا
فروحنا ولا رجعنا
اتنين تاني بنفس القرب
في حاجات في البعد
لو تعرف بدوب
و ما ترجعش بنفس القبل
لنفس الحب
و إن ألم البعد كان قادر عنا
فكتبلنا أحداث تانيه
من غير بعض
ومحي اي شئ من الحب
كان تفرق ايه غير خسارتنا
لإتنين ...إحنا وبس
و اهو دلوقتي بقينا قاعدين
فاتحين شباك وحدتنا
على أمل ساذج نشغل
بيه سنواتنا الجايه..قال ايه
بيت و عيال
و حقنا الشرعي 
في فنجان قهوه
وقت الذروه لحضن
يطمن خوفنا
ويطيب قلب
فاته الضل
و اهو داب وشه 
من عجز في عينا
وخوف من الضم
 وشيل مسؤليه وهم
بقينا حاسدين
لكل عاشقين عايشين
بخوفهم ومش خايفين
من القرب مكملين حبهم
بعيل واتنين عشان عاشقين
مش اتنين عابرين في الهوى
لا نفعوا أحباب 
ولا حتى متفقين
مع اتنين تانين
اتنين خايبن
طرفين ناقصين 
على طول الخط
كان تفرق ايه
غير إن مكانا في الوحده 
كان انسب لنا كتير واسلم
احتوى كل الهم 
بزيف مش اكتر
عشان يتسعلنا الوضع
بشئ من مسكن يحلي الامر
فخلينا في توهنا وهو ده الوضع
ورد الباب على وجع القلب
كان تفرق ايه
#تفرق_إيه
#شيماء_عبدالرحمن

تفرق إيه مع بكاء الكمان... شيماء عبد الرحمن

باعتبار اني بكره هموت - ابراهيم فرج

قصيدة -منيم شارج - عمرو حسن - لايف

قناة دوم تك

يا بنت قلبى | الــغـــشيم فــي حـــبك ♥🙂 | احمد ر

وادفع من طيبتك 
قعده لوحدك
ياه لسذاجتك
وزع احضان
والتمن اهو كام
لساك نايم
ومونس حيطك
آه يا حزين
واللي المفروض
يبقوا في ضهرك
راجعين من تاني
لعوايدهم
وفي مشاكلهم
واقفين جنبك
اتبه في بختك
و إنت لوحدك
حاضن همك
داير ورا البايعين
ياحزين
بتقولي أمين
قاصفوا من عمرك
ورد السنين
جناينهم طرحة شوك
و بتإذيك
ياه على فل
زهره جميله
منداسه بأقدام الكل
و اه ياحزين
مقسوم لاتنين
اهي
ضحكه و ملفوف 
فيها خيابتك
والضحكه التانيه
ستاره لندب قديم 
ايه ياجدع
 كل العجب فيك
عرض جبينك
مركب وشراعه
 نجى حياتهم
و الموج كان ليك
غرقان من يومك فيه
و اديك اهو
بقيت بتقدر...على السكات
و اللي فات...سبته فات
لا بتشتكي...قاعد في صمتك بالساعات
عامل من قلبك زاد 
وانت المحروم
من كل ملاذ 
تلجئ ليه 
ايه ياحزين
 كان تمنك كام
نلاقاك في مزاد
 ترخص فيه
انتيكه 
في معظم حكايتهم
تحفه 
من برا حياتهم
 و وقت العوزه
بأعلى الأتمان 
يعرضوا ليك
عن خدماتهم
تروح العوزه
تبقى لك خدماتهم
وهم كبير
ما انت حزين
وش كئيب
حدوته سخيفه
لمهرج
 مسحوا حقيقته
بزيف
  لايق فيهم
والتضليل
في عتابهم ليك
وفي نصايحهم
لأ فالحين
سابكين الدور
ايه 
فوق الحبه
هم تقيل
فاق البكا
بكتير وكتير
حتي الدمعه
لقتها عصيه
..........................
كل البكا المتأجل
راسم هنا 
من نن عيني
 حزين
سواده غميق 
شايفين
من شدة الكتمان
ظهر الوجع في الجسم
 رعشه 
بدون عرض 
يتقال
والمسألة تنحل
بشريط مسكن
والبكا من جوه
 على أتفه الأسباب
فإياك في يوم
تظهر جدع
وتخبي دمع
حابسك ورا القضبان
مع مسكن زايل
والمزمن من الأمراض
وتخلي من براح حضنك
تكيه 
لشوية اوباش
سكليه
ما بين الخلق
صاروا 
أوليا وقداس
من صدق كذبهم
والوش بالألوان
تلاقاك أنت الوحيد
كذاب
من وسطهم
إنت الوحيد متساب
على جنب والأسباب
حظ مقندل
وصدق جنابك
قوم وتنهدل 
وكفايه بقى
من طيبتك
أكيال
وسك بابك
على وش
دي أشكال
كفياك عبل
جعلوا من شخصك
 عبث
على كل حال ليهم
عادي وراضي
من غير وجه اعتراض
................................
كن قنقدا 
تبقى سعيدا
عارف بقيمة البعد
فيدوقوا طعم القرب
و إزاي مرارة الجرح
 تعلم فيهم
معنى الطيبه 
دي تسوي كتير
بس الضعف
ده كان منكوا
رخصه وميزه
قوة فينا
وبتربينا
عبر الزمن
عمرك في يوم
 تلقى من الرخيص
إنسان جدع
وعجب
#آه_ياحزين
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

فيبروميالجيا...آه ياحزين

انت اخترت جامده جدااااااااا تامر عاشور - YouTube

اغاني هادئة

writer
وقت الألم...كان القلم ✍️صاحبي في مسيرتي 

فيبروميالجيا...آه ياحزين

SHimaa Abd Elrahman