6th Avenue - Ø¬Ø§Ø¯Ø© Ù¦ is nice, i can make this song big for you Raed Ghonem  go look at my cover picture on here it shows how to reach me

عندي استاد بدماغي
بضلو يتبارو لا وعيي وانايي
وما عم احرز ولا فكرة
لازم وسع المرمى ما سايع
بحاول دلني عالطريق الصح
ودايما البدل ضايع/ضائع
وانا وكل خلاياي 
عم نشجع الحلم
في التراس بمدرجات الجمجمة
عم يحسسوني اني اذا خسرت قدامي جرم
وكل ما علم رفرف قدامي
بيزعجني الهوا
وبضل العلم عم يكبر 
بس لساه عاجز عن اكتشاف الانا
بين كل متر ومتر في شلة
وفي بينن حدا
شاف دبح امو وغشي
 بارضو
بمكانو مالو ارض
بكلامو مالو فرض
عم حاول دور بهالزحمة
ع زر تفعيل خاصية الجذب
للكل يسمعني 
للكل قرص كبة
من كل عرس بعد انتصاري عليي
بس تعو افهموا علينا
منقسمين بين حق لاسرائيل ونكبة
بين بنت عورة صوتا 
بنت عادي تغني
 نعم، لا 
شيعي، سني
عادي ينقسم عقلي
عادي ينفصم جسمي
بين اوجاع نوبة كلية لازمها مشفى
 ورهاب مشافي من وبا_ء مجتاح كوكبي
رهاب كلشي ابيض  صفرت سني
حلمت اني
صفرت بأدن حلمي
ما بهمني اذا انطرش فقت سعيدة 
اني قريبة من ادنو عالقليلة 
مافي مليون مشترك مبعدو عني
جرس تنبيهات بوصل تراكاتي
 ما بيبعت اشعارات حزني 
الذكرى جوا دماغك مانا بشارع (فرعي) 
الفكرة بنقاشاتك العم تتحول ل(جدل) كل ما تعصبي
وبمنصف (اتستراد) نامي حلمي
 بكرا بتفيقي بتلاقي الفراق (مسار اجباري) 
وانو  كل هاد كان مشروع (ليلى_ة) 
وانا كل ليلة بطلع (آخر زفير) 
وبنام ع تهديد اني بكرا ما رح فيق
او (المربع) الساكنين فيه ح يكون (تحت الأرض) 
ونكون انا وكل جيرانا لاول مرة (متل الورد) 
دبلانين
والناس كلها تتغنى فينا فترة وبعدا ينتسى هالكوبليه
ويبقى شقفة من حيط غرفتي ما اتجاوب ع استفسارو (انتي اتغيرتي ليه) 
ويطلع ناجي وحيد كل عمرو بيسمع غنية ما فهما لوقتا
يجاوب الاعلام بجملة مفتاحية (راحت يا خال) 
(وبعرف انك لو كنتي وقتا عارفة مية مية  رح تفرق بالوداع)

Stad - استاد

Written & performed by @sootgilgamesh
Produced, mixed & mastered by @jundimajhulwatar
Artwork by @7oari

الكلمات


الجوع وسخ؟
الحصار اوسخ 
بنسى حالي كتير اوقات 
افكاري بنسخ
والفنا الاسى/ عشنا الظلم/احنا بمسلخ
عمرو بحكيلي افوت بالشخصي 
و انا بمسح
نص جيلي تمسح
تلاقيني بسرح 
حزين و بشرح 
كليم في المسرح
بديش حدا يعرفني 
بنفس الوقت بدي افتح
قلبي ارتاح 
حتى باوقات
بيجي عبالي
ازت حالي و اقدح
يما بمزح 
ابنك بشطح 
الدنيا بتجرح 
بما يكفي
صار الوقت نفرح x2

صار الوقت نعوض
كل التعب و الهزائم بدنا نطول 
كامش البسط من دانو بدي يحول
نرجع عسوكة راس الحارة و شادي يمول
كل موال ورا التاني 
يوم الجمعة الصبح طابور الجناني
نص كيلو فول و حمص
 جيب خبز بالباقي 
بديش المخيم رجعولي صحابي
العمر اللراح مين بردو؟
الناس الما شافت غير جراح
كيف بفضوا؟ كيف بقضوا اوقاتهن 
ما بصدوا. هاي لناسي اللحاربوا الكون و ما انهدوا
و هاي للشام القديمة 
محراك يرتجل بالقشلة يسب المدينة
يزن، اياس، مرام، و حويلة
نيراز، و العباسي و باقي الشبيبة
هاي كمان للبكراوي 
يوم ما شلح دعم الشباب مصاري 
و اعطاني اياهن لنسجل اغاني
انا و اب بكر البنص رب الحصار اجاني
هاي لماهر وين ما كان 
لاب آمل و حسان 
و البرغيس كمان
لسهرات جدل و رشدان
لاسامة موسى، و بيت موعد التلت اخوان
هاي لوسام سعدية
اول متلجي عرفتو. اختار القضية
كنا صغار نروح مشي من الكواكبي مع جميل شقير 
ايام الثانوية
و هاض الكلام حكي فاضي اذا بدك  
كل الاصوات خلصت، ضل صوتي يردك 
للواقع البائس، انا الواقعي الفاقس 
اللي كل ما صعبة فيه الحياة بعمل غنية ليشدك. 
سميها بلفت انتباه برفض انتماء الفرد للقبيلة البلهاء، 
من - الى الصحراء، هاي حمى الارجاء، 
 مشروع بيوت خرساء لولاد الخنساء، 
بلادنا بلاد البؤساء 
اللتعلمتوا منها الكل فيها بنساق. 
و انوا اللبروح مننساه، او منتمنى هيك بس بالروح مرساه، 
و قد ما تبوح بتنساب و قد ما تنوح بتنصاب بداء الامل، 
هادا بابي للندم على كل اشي كان صاححلي اعملوا و ما عملتوا 
بس انا مش فاضي للالم، عندي مسؤوليات متراكمة فوق راسي للابد، 
و الف هدف راكض وراه اولهن احرق البلد.

هاي من قلب مجروح لقلب مفتوح
لكل القلوب الحلوة اللي كل يوم بتروح
للحاضر الماضي الجسد و الروح 
للغايب الحاضر وين ما يروح
باقي..زي الحنظل انا باقي
حامل الدنيا عكتافي  البطحة تحت باطي
مش هارب. ساطي . بدفعهن اقساطي
ابتي انا مش نادم بعترف مش خاطي
و مش راضي.. اه لا مش راضي
من يوم ما قالت اختي ميتة جوع. دافن حالي باحقادي
مش فاضي . هيني بنكش ردم بيتي بدي كل غراضي
راسي مشتل هوى زارع فيه ناسي و صحابي
اللي راحو و اللي ضلوا.

6th Avenue - جادة ٦

Written & performed by @sootgilgamesh
Produced, mixed & mastered by @jundimajhulwatar
Artwork by @7oari

الكلمات


كتير سنين ولا دمعة! 
القلب صوان / الكبت صاير صنعة
ضليت اشيل عملت قلعة
حراسها مخاوفي من اني افجر بسرعة
طلع TN معاه حق 
“حياتي النزلة الوحيدة اللي ما قابلت طلعة”
كبتت جواي كتير لحد 
ما صار لازم كل هالمشاعر لبرة اطلعة
و الموسيقى علاج 
 هروب من الانتحار
قلوب العالم من قزاز 
و نفس الناس ولاد صغار 
 الكل برمي بحجار 
 الكلام بيإذي. اتعلم كيف تختار
الصحبة دائما مواقف 
و الحب 
عمره ما كان غزل و اشعار

و ضلينا اكلنا من نفس الصحن كتار 
اتفرطعنا بكل مكان هينا داير مندار
ولعنا في الدنيا و المصارف 
 خاوا رغم كل اللي صار

ضاقت الدنيا بعيوني و ضالل نفس 
كل ما اسحب فيه بتشردق 
جوة صدري حرس
حرس تعلمني كيف اجلد ذاتي 
و بذات الدرس عمبتعلم من اصول الخرس
قال.. ارحم حالك، تقول بايدك حالك
عاساس في حدا بيناتنا مع حالو ايد وحدة 
و كل ما تهجر حالك بتضل عحالك نفس الحالة
لحالك بصراعك مع الوحدة!
لهيك فضلت اقسى. 
اكون مسخ بالمنفى 
الماضي تاعي اوسخ مني 
بس بديش انسى
 ديرتي على اكتافي 
ازسى وين ما ارسى
عايش اعطي الدنيا مغزى 
غيري بدو منها فرصة

بديش منها شي
اذا بدي شي بمشيه

Ein Ghazal St. - شارع عين غزال

هاي مخي
فيك تأشرلي
ع شو هو المنطقي 
ب انو كل يوم تقلي
يلا نفيق
نفطر مشاكل عالريق
نناقش آراء
ونحافظ عالرواق
بالحديث
او شو هو المنطقي
ب انو اصلاً كل يوم نفيق
ونكفي

طب هاي..
نحنا هون بعصر السرعة
نحنا هون بالمارتون
ما بترتاح هون (العيشة) 
ولا حتى بال (living room) 
لا تجي تقلي ظروفي
في مبادئ معروفة 
مثلا ما فيك تحط السماعة
وتريح راسك عالمخدة
والكترة بتغلب الشجاعة
وما حدا بيقدر عالق&بة

او فينا نقول
اكتر من انها مبادئ
 هيي دروس
والدنيا بتدور
شكلو لسا ما (جاك) [الدور] 
ولا [بتمثلو] (روز) 

ف شايف كل هالقصور
هي سراب ل ما تشوف
 
قديش هالأرض قحلة
والطلعة مانها سهلة
فالداخل هون مولود
والخارج ابن دولة
سافر ولا تقرب عالجنوب
علمن كيف من بين الف مطلوب
منقبض عاللا حكم عليه

ما بكل الحروب
لازم كلنا نكون جنود
عادي قرر ما حارب
جراحي مالا محارم
باقي البشر
بتقبض رواتب
ع اول الشهر
انا بقبض مصايب
تخيل قديش 
كانت اختلفت حياتي 
وانحلت مشاكل.. 
بس لو كنت مُغاير

بس لو كنت متلي متلن 
ويلي متحكم فيني رأي واحد
بس لو كانت كل الاشخاص اللي راحت
لا مرقو ولا شفتن 
ك&خت مية و اثر فراشة 
كل المحاضر بكل الافادة
مقابل المجازر يلي الخضتن

ف ليش لفيق
شو هو الشي 
البيتطلب مني
ضل حاضر
وبطل غيب
وينو الطريق
اللي مستاهل
كون بوعيي
لسوق فيه
او اصلا وينو الطريق
البلا حوادث
وين المفارق
البتودي 
ع مكان فعلاً غير
مو بس ديكور جديد

عم جرب وصل لايا مخرج لايا ثغرة
اقدر منها لاقي بكرى
لو كان ابشع لو كان احلى
بس بدي يمرق

ما بدي موت 
ما بدي موت
مع كلشي صاير ما بدي موت
مافيني اتخيل كيف حدا متلي ما يكون موجود
 ما يقدر يحكي ولا يكون الو صوت 
 رهاب من المجهول وما بدي موت ما بدي موت




atoal yoom 2 - أطول يوم ٢

طلعوا مو كل ولاد الجرد ولاد حي 
عاطف عليك بكم لحن ليك خيي, خدهم لا تحيي 
نشلتك من الموت مو ليوم شوفك حيّة 
شايف سوريا مكرسحة بس جيت تعرج بحيي 
مالك دور هون طرطور ما طلعلك دور ببيروت 
قلت بتروح بتجرب باسطنبول 
تخبي وسخ وراك وتصير كفيف عن الحق 
خليك عم تدق رقاب, جيت اليوم ف رح خليك عم تلق 
بتعرفني صادق بس تف..عالأغلب طاعجك 
بس الطافر يتف روح اقطع الجاك 
من هون اقطع الشك 
لأني جذر نبتة شافت صخرة فشوفني غصباً عنك طالع شق 
خود ده .. تلّت
خلقة متلّت 
ياااخ شو بكره يللي بينسى وين ببلش 
بس دخلك.. الكذب كتاب و الطافر قارئ سهل يألب 
الشر فكرة و الناصر كاتب سهل يألف 
عندكم علم طالب تشريعها ؟؟ 
نسينا ذكوريتو تحسو كان طالب شريعة 
صرع راسنا ربي ضحية شيعة
مع انو ضحايا الحزب بسوريا هو يللي مشي بتشييعها  
ف انتربول قال !! هي كوشة فوبيا 
مشاكل بيض و عايشها (ليتدفى بالبيت باع الصوبيا(
صار في عنا six nine بالسين 
وصرت حاسس حالي ساذج لسنين 

اليوم فرط ناصر خلص قلب توست 
قديش بضحك انو بياخد وقتو يكتب بوست 
يبكي الناس عليه شوي و يقلهم اني الصوت 
ولك أنيج يا حمار 
اي سيين بيروت يللي جوزك فسكوت 

دخن و طير بس ابن الجرد ما بلف ,والله 
يمكن من مبدأ كبر و صار بتف و أوعى ! ولا لاا 
عم تنشر السلام .. ترفع قضايا 
خلص فهمنا سقت فان خلص مان او لااا لا 
هاد دس اييه 
نزلت من عيون شافت موت و حكت حق 
عكسك 
لما اجتك الرزقة سفقت الف دق 
يمكن أول حدا شافك بعد الجعفر, الألف دال 
هي ابجدية موقف 
صعب راسك يقرا الألف ياء 

السلطة بتخلي الألم داء 
وانت تفتح بالجرح كل ما شفت الألم داء 
عايشين فيك وبلاك بس ليش عايشين بلاك 
الم نشرح ؟؟ مبلا 
فأكفي شرك ولّا لاااء 

ولا لاء 

شو جنيت ! سبيت فينيقيا و شو بنيت إن صرت منن !!شو حكيت 
بيروت يللي بعدا بتكرهك .. بشو انبليت 
من ايمتى الجندي هيك ؟؟؟
عادي روق شريك .. لما تشوف الطافر و انتربول بقول يا حوينة اسم البوو فييه 
ان فضلك عليي باسم فالوتر يعود 
يمكن ما حدا عيسى بالقصة بس شايفك يهوذا 

غريب ليش ما عم تخلص .. لفهمك حاج تخبص 
عزيزي انت الغريق فحاج تقول عم تغطس 
غريب كيف لسا طافر 
خليك عم تجمع حصرم 
كنت جايبك معي فوق 
بس شوي شوي عم تسقط 
احيان الشخص بينسى فبحب ذكرك لو عرفان 
لولا جنود موسيقى سوريا كنت لليوم بعدك ع فان
نجعلا خاتمة احزان .. فسماع مني و حط بالجرن 
كلنا ضحايا فتعال نحكي وين الجرم

Jundi Majhul - Diss on Bu Nasser (wala laa) | جندي مجهول - دس على بو ناصر (ولّا لاء)

مراية بنص العاصمة
كلمات و أداء : ابن حواري
إنتاج : مولانا
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
الوجوه ضيقة الملامح بتوسع
مرسوم بالقلوب كيف القلوب بتوقع
الأرض مفتوحة بواب العيون مسكرة  
البرد شبعان بالهوا في تفاصيل مجزرة
عالساكت منتعب إذا مرتاح القائد
حصالة الشعب و البلد إناء فارغ
ميت متل خشب كرسي فباقي أمل
خيط للملك للرئيس للزعيم كفن
حانة الأمل مليانة كاس الزعيم 
 بحارب بضمة بحارب العلة بتنوين
حارة المظاهرة أنا إذا أنت شارع حديث 
بحارة و سفينة نوح أنا و أنت بحر صغير
بكندرة البعث صواتون عالأرض داست 
مقبرة الحي مليانة , القبور عاشت
هالمدينة سجن ضيق فيقت فيني حريتي
قتيلك أنا العايش فيكي بتنفس تهديدي
  
.
 

11. مراية بنص العاصمة | مع مولانا

نحنا !
كلمات و أداء : ابن حواري
إنتاج : مولانا و جندي مجهول
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
عم نمشي عكس النور 
و بآخر الطابور في تحقيق 
في تدريب لغوي 
منضدة و ساطور 
حافظ النشيد 
من أول ترديد
رقيب أول ع صفي 
حتى نحافظ عالعتيد 
ف هاد ال بالمجزرة كتفك ولا كتفي ؟
وينو العريف ؟ 
عامل ضابط عالأسامي 
فاستشهد فلان 
طبشور و لواح 
أشلاء و أراضي
كنت عامل ضابط عالأسامي
فاستشهد فلان 
طبشور و لواح 
أشلاء و أراضي  

والباحة لسا عم تخلف ورانا الفراغ 
و نحنا ورانا السراط نحنا الروانا العطاش 
أحاديث نحنا و ما حدا روانا للصراع 
نحنا الصراع عالعطش و الفقه بخلع البلاط  
فلا تيجي بحارتنا تجرب تفتح بسطة فيجة 
عم تمتهن الموت و جاي تعلمنا عالعيشة
عم تمتهن الموت و جاي تعلمنا عالعيشة
 
نحنا حكاية ما بتمل منا 
طلقة ورا طلقة  
نحنا الولادة 
جبهة ورا جبهة

نحنا المتنفس سكوت
يلي ربينا عالخذلان 
نحنا غابة الذئاب لما بدنا والغزلان
نحنا ولاد القهر نحنا تواءم أرواح البلد يلي ربينا نفطر أمل نتعشى نسيان
  عم نمشي عكس النور بس عم نشلح الظلمات
لنلحق نخلق نور فينا و نشرح الخطوات
ما بتشبع الطرقات , كلها عم تضم بعضها
أنت و بالفرشة صار في أكتر من عصر نهضة
مو بس ثورة نحنا ولا أسد كرسي 
هون القصد مخصي 
مصر جابلها النوم سي سي 
بعد الوأد بمرسي
و هون القصد مخصي 
أنا و إنت منكمل لما منفهم نقصك نقصي
ليك بالمي العكرة رح صيد 
يلي معكرها 
بالصيت
هاد انسحاب لحظي 
من الفكرة 
ف منرجع 
نحنا كلشي امسيز ما غنت للبيبسي
ولا تمسحت بالكرسي
فشفلك بيناتنا مطرح
زرعنا بغيباتنا نطرة 
نحنا تسونامي بس بيشفق ع سومطرة
 فحوى القصيدة والقافية البآخر سطرها
نحنا كل الشتات بغرفة صغيرة طاير سطحها
لك غرفة صغيرة من طنجرتك 
منقدر نطعمي المدينة الغرقت بالمستنقع 
نحنا الخروج عن النص و النقطة ع السطر 
بخطابات الديكتاتور نحنا يلي منقطع السطر
نحنا الخروج عن النص و النقطة ع السطر 
بخطابات الديكتاتور نحنا يلي منقطع السطر
منخطف دموع الحكومة ع قبور الماتوا من الضحك
نحنا العتمة الما بتنجلي , و آخر لقمة بالصحن
نحنا العتمة الما بتنجلي , و آخر لقمة بالصحن
نحنا العتمة الما بتنجلي , و آخر لقمة بالصحن
و تدور في رؤوسنا الكوكب و الشمس و الحذر 
و إن يقطعوها يدور في قلوبنا الله و الغزل
نرى في وضوحنا ما خبئ القدر
و في عيوننا نخبئ الأوطان و المنفى و الأجل
نحن أسرى شمسنا والقيد كل حجر
تنام في عيوننا اللذات و النهم 
على سرير الرب لا تكبر الأحلام
ففي منزل الرب رأينا الله لا ينام
منشوف قصة الضب مو دليل نبوة 
نحنا منفرد الطاقات ولائم إنت هاوي ضب
منفتح الطاقات بحيث تلائم نبي هاوي بجب
لحتى يطلع منها مين يحارب نبي تاني ظن 
حالو نبي تالي مسيلمة الكذاب قاري 
برامج دين باستوديوهات روتانا تاري
الدين برامج اقلب المحطة انساني صفحة 
بعدت المحطة قطاري تأخر 

هاد انسحاب تاني من الفكرة 
فمنرجع 
نحنا العشنا بالمستنقع و ما غنينا بيوم ولا تغنينا بصرماية سيادة الضفدع
إناء خيو ؟ إنضح !
بما فيك 
في زيو بنطح ! بعاديك 
حط زيو أقبح 
كما ديك ! 
حط خيو صيح 
على هنيك ! 
في زبالة أنضف بلا العسكر 
الله أبيض الدولة سودا بلد ديب 
نحنا المسرح لما ليلى ما تتفق مع الديب 
 نحنا القصة لما نحنا نصير نصيد

09. نحنا | مع مولانا و جندي مجهول

"كلها كلها قلها كلا "

@el-rass-the-head كلها كلها - الراس
Chyno إنتاج و هندسة صوت : نصر شربجي 
تنفيذ و أداء و كتابة:  الراس

"من ألبوم "الضالين

@GheirQissa بالتعاون مع

"The Whole Thing" - El Rass
Produced and Mixed by Nasser "Chyno" Shorbaji
Performed and Written by El Rass

From the album " #El_Dahleen "

Mastered by Lopazz at Mixmastering, Germany

Artwork by: Ahmad Tarek (www.instagram.com/tycho23)

--------------------------------------------------------------------------------------------
:الكلمات

ما بحكي باسم حدا بطلع بس من ياللي ببالي
ما بنطق عن الهوا هي من عقلي مش خيالي
ما بتلقم الراي ماني دابة ماني الة ماني ظاهرة ماني حالة
اكبر من كل خانة
بتفرض عليي السؤال بحول سؤالك سؤالي
 وبجاوب عحالي
ليش بحسب ولاءك رءاسي وحكومي ونيابي
فيك ترجع من سوريا شهيد وفيك ترجع جثة ارهابي؟
مين بيبعت ذخيرة وبطيزها دغري كاميرا
نكتة سمجة صورتنا ماننا سكسي الا اذا دمي غمرها
هشتاغ حجاب هشتاغ جهاد
 نحن اشباه اجساد اوجاعنا حاجات شاشات تيدور استهلاك
بس بعدني عم اشكيلك ليك
ليش الدبح عالتكبير اقسى عليك
 من عتمة زنازين من غزوة براميل
الفرق بالاخراج اكلتلك راسك هوليوود
 بلعتلك عينيك
طب كيف في دول بتمول دولتنا من ميل
 ومن نفس الاموال بتعبي
 جيب جمعيات بتربي الناس عانتماء بيناقض كل فكرة لبنان
دخلك شو فكرة لبنان؟
 ارزة او انسان؟
ومنين بجبلك عنفوان وشموخ
 اذا ما موعود غير بفلوكة كاوتشوك
بزعران كلبشوني
يقبشوني عضلات وطن هني بس اوطاننا مجنونة
في لحية امنية ولحية تهديد امني
معتدل اذا غني
في زيت وسمنة
لتسليك الخازوق انواع للدهون
مذاهب بتتميز بالضحك عالدقون
بيتقاسموا الادوار يوم انا فرعون يوم انا المظلوم
 وتدوم وتدوم وتدوم وتدور وتدور
والبيموتوا شبه بعضن  هون هونيك
 والبيعبوا كروشن نفسهم هون ومن هونيك
لازم تخلق محظوظ حتى تظلك سمباتيك

 لداعش لاخواتها للطوايف كلها كلا
 بيتاجروا بالتاويل والحقيقة نحن كلها
للمحتل قد ما طول النا الارض كلها 
لنصابين السلطة واحزابن كلها
كلها كلها قلها كلا
بدنا نصير بدنا نتعلم بدنا نحب بدنا نتسلى
بدنا نطير بدنا نتجادل بدنا نشبع ونتحلى
بدنا نرفض دون خوف بدنا نبدع ونتجلى
الوفي بينقد وطن بالعقل متسلح
ما تغرك المظاهر مسّيح الجوخ تخلى

مين بيركض صوب الموت غير الميت؟
فلا تسال ليش قتلنا مين قاتله ؟
اذا الظلم خطف روحه وحرمانه ربى جنونه
اذا اسود علم داعش متل الاسود تحت عيونه
اذا الدم اللي عالشاشة لحقه عتخته بمنامه
وقديش الشيخ بيقبض عالحماسية بكلامه
نحن بنكره الغرب ولا الغرب اللي غزانا 
كيف اللي حرق فرحنا بده يشاركنا بعزانا
كيف بتحارب الارهاب اذا بتقسم الناس
بيءة حاضنة بيءة خايفة واشرف ناس 
نصيحة حطها حلقة 
الهوية مسلسل ومن نصك ناقص حلقة
اذا الوطن باوجاعي ما بيعترف
الغربة رح احترف
وسهل الغربة بالاوطان تقلب عنف

Kulla Kulla - El Rass // كلها كلها - الراس

لألبوم القصير بعنوان "تنقيط صوت" من انتاج "جندي مجهول" بالإشتراك مع الرابرز :
ابن حواري 
ناصر سلّام  
عقضحي 
سربست .

A's Lisan - Nasser Sallam | قصّ لسان - ناصر سلّام

مِش عارِف إذا هو مُخّي اللي بِصْبُغ رام الله رمادي
بَس هو المسؤول إنّي بقدَر أتخيّل ضَجر أحفادي
حَدرا بَدرا باجي، نَمط أحلامي كوابيس خَطر إنساني
خَبر الثّاني عَشَر لاوِ النَّظَر
وَتَرْ تُرْكماني
ترجمة اللعثمة مستحيل تكون ميّة بالميّة
الهويّة ما بِتزَوْدَك بِنِيّة الميّت
الكلية مرتخية، الباكتيريا شغّالة 
البطن بتَرقْوَص في هستيريا فعّالة 
حلاوة مع القهوة بَتْفَرَّج على بروتوكول جثّة لَحَدّ ما يصَفّي النّوم نكتة
ما فشي هون سُكنة 
المعيار كثير أعلى 
بهمّش مين معنا
متفوف عالكل 
حُبّي Welcome home 
صهيون رُتبة رابعة بيتَّبّع عراقل
بيتطبَّع عالرّاحل، و العاطل وقّع عالضّايل
قَطَّع المَصاقِل، جاب أحسن من خازوق عثماني
ذنوب النازي بتفوت مكّاوي بِنذوق حمحاوي

نَطّ على المُنتَصف
صاح: الشّعب كُندَرا
أَضَقّ مِن المُقتَضى
صاح: غَلّوا الكُزْبَرة
 نَطّ على المُنتَصف
صاح: الشّعب كُفَّر
أَضَقّ مِن المُقتَضى
راحَت عَليْه الكُزْبَرة	

طَلى الآية بالذّهب و وَشمها معنويّاً
بَططاية استيطانيّاً
ديوك صيصانيّاً
مُخ فالِت، نابِت بديل 
بِتْفَضِّل تكون الثّالث ولّا الأخير؟
مناخير كبيرة لدرجة بتحسّها تَعدَّت على خصوصيّتك
دير تَشفير جَسَّد لُغُز نِيّتك
تَوْزيع عُبودِيّتك في مقادير مشوّهة
لقد تمّ خَلْع مواسير الفوّهة
أوَرَد آيةً تُتلى بِواقِعٍ مُخْتَلِف
متقدِّم مُتخلِّف، زَوْبعة 
لوْ سعى لحصل، هكذا يُقال
متناسينَ مجتمع تلامذة نضال ضد كل شيْءٍ يؤذي لكنَّهُم جَهلوا فَفَعلوا ما فَعلوا 
ملَّةٌ ارتجلوا 
قتلوك زمان مع طفولتهم
مرحلة أولى
مرحبا بشوفك هون ثاني مرّة بَدَخْلَك في نُبوئتْهُم
هذا هو

نَطّ على المُنتَصف
صاح: الشّعب كُندَرا
أَضَقّ مِن المُقتَضى
صاح: غَلّوا الكُزْبَرة
 نَطّ على المُنتَصف
صاح: الشّعب كُفَّر
أَضَقّ مِن المُقتَضى
راحَت عَليْه الكُزْبَرة

Maqta3 3anaween  مقطع عناوين // Prod. Julmud إنتاج جُلمود

offical video clip link :  
https://www.youtube.com/channel/UCtqXhicJCJPFzwm0kzPmUBA
artwork by : https://www.instagram.com/occupiedshatha/
PROD. @jundimajhulwatar
15/10/2020 date

6th Avenue - جادة ٦

Soot Gilgamesh | صوت جلجامش

Recent comments

YAWAD

آية الله

Sharef AL Alem

moh

Related tracks