One Extra Step خطوة كمان- Conference January 2022

hymns

Safe zone

talks

The Call of Evangelism & The Extra Mile - Fr Daoud Lamei الدعوة للكرازة والميل الثانى

You have struggled with God and with men, and have prevailed جاهدت مع الله والناس وغلبت

The Shining Lamp - Fr Daoud Lamei السراج المنير - يوحنا المعمدان)

I Will Do To Him Just As He Has Done To Me - Fr Daoud Lamei كما فعل بى

Self Denial In Evangelism - Fr Daoud Lamei انكار النفس فى الكرازة.mp4

صلاة الصراخ ــ أبونا متى المسكين

نصب الصياد الفخ وقال الواد يلزمني
هاتوا رجله وشدوا الخيط تاتا تاتا
اوعي تخلوه يستنجد وينادي الدعم .. 

روحوا ويكون ف ايديكم
كام غيمة وسهام افكار
مليانة بحيرة ومتاهة وتجيب الهم .. 

والغيم ان يكتر
يحجب عن عينه الضي
والضلمة ان زادت
ساهل يلقط جواها الطعم .. 

الواد لو يصرخ يهزمنا
ف حذاري تدوه الفرصة
وان حاول يتذكر بنويته
اعموه واملوه باليتم .. 

صوروا ليه انه بطوله
وانه يا عيني هيتاكل
دي دياب ووحوش وحاجات
اضعاف اضعافه ف الطول والحجم .. 

الواد لو يشكر يهزمنا
خلوه يتذمر علي حاله
ويبات أيامه بيتشكي
وقولوله "ربك عايز" وارموه بالسهم .. 

الواد لو يمسك ف ايمانه
ويسيب الآية علي لسانه
هيمد عصاية سلطانه
ويجيب الميه من الصخرة
ويجيب من فوقه أكل ولحم .. 

الواد لو يصبر هيعدي
لو طار يتخبي ف برج الاسم ..
الواد لو أعلن دم الله
ولا حاجة هتنفع قدام الدم ..



حرب

ترنيمة انا هفرح بيك

ادعوك تعال ففي قلبي شوق غامر 
وبقربك يولد في عمري عمر اخر 

الهي انت احمدك ارفعك اشدو لك

سألوذ بحضنك من جهلي من شهواتي 
لن اخشى الموت فقد صرت انت حياتي 

القلب يغني فاسمع صوتك قد نادى 
واراك الحب اراك الفرحة والزاد 

النفس تهيم بك شوقا انت مناها 
وحياتي بقربك غالبة ما ابهاها

يتعانق حبك في قلبي مع نبضاتي
يسمعني لحنا فيه سلام لحياتي

قدوس أنتَ فعلمني حتي أراك
من يروي عمري و يشبع قلبي ألاك


سألوذ بحضنك | ماهر فايز

مد ايده قالي قوم
قالي يلا وهات ايديك ..
قوم جايبلك كل حاجة
يا نني عيني، روحي فيك ..

انت حلو
وتبقي احلي لو ضحكت ..
لو عينيك شافتني تاني
لو ل ميه راحتي رحت ..
هات ايدك وسنّد عليا
ليه بنمشي ومرة واحدة
القاك يا ولدي فجأة سبت ؟! ..

قوم حبيبي
قوم واغسل وش حزنك
فرحي ده لمين يا ولدي إلا ليك ؟! ..
صمتك دا عارفه وعارف امتي
يبقي عادي وامتي يبقي م اللي فيك ..

حضني بحر
وانت شاطر بتقول هأقرب
وبتبقي خايف وقت النزول ..
والنزول ساهل تملي وصعب خالص
واديني سايبك وباعت لقلبك ميه رسول ..

بقالنا مدة
مخبي عني كل حاجة
تاعبك انك تسكت وتشيل ..
كنت تحكي زمان وكنت
مديلي ودنك وبدأت تميل ..
يلا قولي رغم اني عارف
يلا احكيلي وبالتفصيل ..

يلا اضحك
يلا اضحك وسيبلي شيلتك
خليك خفيف يلا وطير ..
ارمي همك يا حبيبي وافرح
مش انا برده الكبير ؟!!

تحريرا في ١٩ من أبريل ٢٠٢٣م

يلا قوم

معرفش بكرة مخبي ايه
معرفش آمن ولا خطر ..
معرفش بكرة مين معايا
ومين عليا بين البشر ..

معرفش بكرة هابقي فين
وجيبي فيه ولا افتقر ..
معرفش بكرة بس عارفك
يارب جنبي طول السفر ..

معرفش بكرة بس عارفك
وعارف انك سندي الكبير
وانك ابويا واقف ف ضهري
وانك أماني طول المسير

معرفش بكرة بس عارفك
وعارف لا يمكن ابدا تخون
وعارف ياربي حبك دا ثابت
لو مهما تلعب بيا الظنون

معرفش بكرة بس عارفك
وانك بتقدر علي كل شيء
ومفيش امور تستعصي ابدا
وانك كفاية في كل الطريق

معرفش بكرة بس عارفك
وعايز اعرف اكتر واكتر
ويبقي اتكالي عليك تملي
وعايز ايماني يبقي اكبر.

تحريرا في ٢٨ من أبريل ٢٠٢٣م


معرفش بكرة

مالك يا حبيبي احكيلي
وشك مخطوف ومكرمش ..
ودماغك شاردة ومقلوبة
تايه في العتمة وبتلوش ..

شكل الموضوع اياه
قام تاني وزود في عياره ..
ارتحت وقلت هتنساه
وباين له رجعلك بأفكاره ..

وسؤال بيجر سؤال
وياريت بتجر ياريت ..
والذكري بتحضر ف الحال
وأماني تنسي وعديت ..

أنا حاسس وإن يوم حستني
مش حاسس ولا سائل فيك ..
أنا ابوك واعرف تفاصيلك
من صوتك أو شكل عينيك ..

أنا جنبك وإن كنت مفكر
أنا سايبك بتعاني لوحديك ..
دي دموعي بتسبق دمعاتك
وجناحي أنا فارده مخبيك ..

صمتك أنا سامعه بيصرخ لي
وصراخك يوجعني عليك ..
وآهاتك بتوجّع فيا
زي تمام ما بتوجع فيك ..
دا لا يمكن اقسي واتفرج
ولا اشيل وياك اللي بيحنيك ..
اتشدد يا حبيبي في قبرك
وقيامتي بروحي هتحييك ..

تحريرا في ٢٩ من أبريل ٢٠٢٣م

#إهداء_لصديق_غالي
وإهداء من القلب لكل حد تعبان بسبب مواقف قديمة،
محبة وسلام من قلب الله وحضنه الابوي 🌹🌿🤍

مالك ؟

كل مفتوحُ العينين في الحق هو لك عابِد
و ليس كل من نطق اسمك ربي قد شاهَد
فكل راءٍ هو عارفٌ بك و في قربك وهو ساجِد
و ليس كلُ من عَلِم و قطع مسافة لك واجِد

يا ربُ افتح لي عيني - ماهر فايز

الخطايا الجسدية-أبونا أثناسيوس محروس

هيغير شكلك | ماهر فايز

ربنا بيعمل إيه لما يجي يعزينا - الأخ ماهر

إذا دخل يسوع إلى ألم سيحول مياه ماره إلى مياه حلوه 
ادعي يسوع إلى حرمانك، إلى وجعك، إلى ألمك، هيخلي الأتون زي الجنة، هيصنع من ألمي معنى عظيم، ويجعل لألمي قيمة أبدية، ويحفر في مكانا لاستعلان المجد الأبدي


You have struggled with God and with men, and have prevailed جاهدت مع الله والناس وغلبت

St Paul Coptic Service