"ଧାନ ଜମିର ପି.ଏଚ  ଅମ୍ଳୀୟ ହୋଇଥିଲେ କିମ୍ବା ବର୍ଷା ଯୋଗୁଁ ବିଲରେ ପାଣି ଜମିଲେ ସବୁଜ ରଙ୍ଗର  ନେଳି ଦେଖାଯାଇଥାଏ ।  ଧାନ ବିଲ ରେ ଅତ୍ୟଧିକ ରାସାୟନିକ ସାର ପ୍ରୟୋଗ କଲେ ମଧ୍ୟ ଏହା ହୋଇଥାଏ ଏବଂ ଏହା ଧାନର ବୃଦ୍ଧିରେ ବାଧା ସୃଷ୍ଟି କରିଥାଏ । 
ଏହାର ସମାଧାନ ପାଇଁ ଏକର ପ୍ରତି ୫୦୦ ଗ୍ରାମ କପର ସଲଫେଟ କ୍ରିଷ୍ଟଲ କୁ ଗୁଣ୍ଡ କରି ୧୦ ଟି ପତଳା କନାରେ ବାନ୍ଧି କ୍ଷେତରେ ପ୍ରୟୋଗ କରନ୍ତୁ, କିମ୍ବା ଏହାକୁ ଖତ କିମ୍ବା ସାର ସହିତ ମିଶାଇ କ୍ଷେତରେ ପ୍ରୟୋଗ କରନ୍ତୁ, କିମ୍ବା ୧ କିଲୋଗ୍ରାମ କପର  ଅକ୍ସି କ୍ଲୋରାଇଡ  କୁ ଖତ କିମ୍ବା ସାର ସହିତ ମିଶାଇ କ୍ଷେତରେ ପ୍ରୟୋଗ କରିପାରିବେ  ।

ଧାନ ବିଲରେ ଦେଖାଯାଉଥିବା ସବୁଜ ନେଳିର ସମାଧାନ ବିଷୟରେ ପରାମର୍ଶ

"ମାଟିଆ ଗୁଣ୍ଡି ପୋକର ପୂର୍ଣ୍ଣାଙ୍ଗ କୀଟଗୁଡିକ ମାଟିଆ ରଙ୍ଗର ଏବଂ ଛୋଟ ଓ ଲମ୍ବା ଡେଣିଆ ହୋଇଥାନ୍ତି । ଏହି ପୋକ ଦ୍ଵାରା ଆକ୍ରାନ୍ତ ଧାନ ଗଛର ପତ୍ର ଗୁଡିକ ହଳଦିଆ ହୋଇଯାଏ । ଗଛ ଉପରେ ଏହି ପତ୍ର ଗୁଡିକ ମଧୁ ଶିଶିର ତ୍ୟାଗ କରନ୍ତି ଓ ଧାନ ଗଛ ମୂଳରୁ ରସ ଶୋଷି ଖାଇଯାଆନ୍ତି । ଫଳରେ କିଆରୀରେ ଧାନ ଗଛ ଶୁଖି ଚକଡା ଚକଡା ହୋଇ ମରିଯାଏ । କ୍ରମେ ଧାନ କିଆରୀର ମଧ୍ୟ ଅଂଶରୁ ଏହା ମାଡି ଆସେ ଓ ଦୂରରୁ ସମୁଦାୟ କିଆରିଟି ପୋଡ଼ିଗଲା ପରି ଦେଖାଯାଏ । 
ଏହି ରୋଗର ପରିଚାଳନା ପାଇଁ ଜମିରୁ ପାଣି ନିଷ୍କାସନ କରି ୩ ରୁ ୪ ଦିନ  ଶୁଖାଇ ପୁଣି ପାଣି ମଡାଇ ଦିଅନ୍ତୁ । ଜମିରେ ପ୍ରତି ୧୦ ଧାଡ଼ି ଗଛ ପରେ କତି କରନ୍ତୁ ଯାହାଦ୍ଵାରା ଗଛ ମୂଳରେ ଆଲୋକ ପଡିପାରିବ । ପୋକ ଆକ୍ରମଣ ସମୟରେ ଯବକ୍ଷାରଜାନ ସାର ପ୍ରୟୋଗ ବନ୍ଦ ରଖନ୍ତୁ । ଆବଶ୍ୟକ ସ୍ଥଳେ ଅନୁମୋଦିତ କୀଟନାଶକ ଡ଼ାଇନୋଟିଫ୍ୟୁରନ ୨୦% ଏସ. ଜି. ୨୦୦ ଗ୍ରାମ କିମ୍ବା ଇଥୋଫେନୋପ୍ରକ୍ସ ୧୦% ଇ. ସି ୫୦୦ ମିଲିଲିଟର କିମ୍ବା ପାଇମେଟ୍ରୋଜିନ ୫୦% ଡବ୍ଲୁ,ଜି ୩୦୦ ଗ୍ରାମ କିମ୍ବା କ୍ଲୋଥିଆନିଡିନ ୫୦% ଡବ୍ଲୁ. ଜି ୨୪ ଗ୍ରାମ  କିମ୍ବା ଫ୍ଳୋନିକାମାଇଡ ୫୦% ଡବ୍ଲୁ. ଜି ୧୫୦ ଗ୍ରାମ  କୁ ୫୦୦ ଲିଟର ପାଣିରେ ମିଶାଇ ସିଞ୍ଚନ କରନ୍ତୁ ।

ଧାନ ଫସଲରେ ମାଟିଆ ଗୁଣ୍ଡି ବା ଚକଡା ପୋକ ପରିଚାଳନା ପାଇଁ ପରାମର୍ଶ

"ଲେଡା ପୋକର ପ୍ରାପ୍ତ ବୟସ୍କ କୀଟ ଗୋଟିଏ ସବଳ ମଧ୍ୟମ ଆକୃତି ବିଶିଷ୍ଟ ଏବଂ ଧୂସର ମିଶା ମାଟିଆ ରଙ୍ଗର ଶଲଭ । ଏହାର ଆଗ ଡେଣା ଉପରେ କଳା ଚିହ୍ନ ଥାଏ  ଏବଂ ପଛ ଡେଣା ଦୁଇଟି ଦେଖିବାକୁ ଧଳା । ଶୂକ ଦେଖିବାକୁ ବାଦାମି ରଙ୍ଗର ।  ଶରୀର ଉପରେ ତିନୋଟି ଲମ୍ବ ଭାବରେ ଫିକା ବାଦାମି ବା ହଳଦିଆ ମିଶା ନାଲି ରଙ୍ଗର ପଟିଥାଏ । ଏମାନଙ୍କୁ  “ସେନାପୋକ” ବା “ପଲଟଣ”  ପୋକ ମଧ୍ୟ କୁହାଯାଏ । 
ଏହି ପୋକର ନିଯନ୍ତ୍ରଣ ପାଇଁ ସନ୍ଧ୍ୟା ସମୟରେ ଆଲୋକ ଯନ୍ତାର ବ୍ୟବହାର କରନ୍ତୁ । କିମ୍ବା, ଠିଆ ପାଣିରେ ହେକ୍ଟର ପ୍ରତି ୬ ଲିଟର ହିସାବରେ କିରୋସିନ ପକାଇ ଦଉଡି ସାହାର୍ଯ୍ୟରେ ଆକ୍ରାନ୍ତ ଫସଲ ଉପରେ ଘୋଷାଡିଲେ ଶୂକ ଗୁଡିକ ସେହି କିରୋସିନ ମିଶା ପାଣିରେ ପଡି ମୃତ୍ୟୁ ବରଣ କରିବେ ।   ଯଦି ୫୦% ବୁଦାରେ ଶତକଡା ୨୫ ଭାଗ ପତ୍ର ଖାଇ ନଷ୍ଟ କରିବା ଦେଖାଯାଏ ଅଥବା ରାତ୍ରୀ ସମୟରେ ବର୍ଗମିଟର ପ୍ରତି ୨-୩ ଟି ଶୂକ ଦେଖାଗଲେ, ତୁରନ୍ତ ପାଗକୁ ଦେଖି ଅପରାହ୍ନ ସମୟରେ ହେକ୍ଟର ପ୍ରତି କ୍ଲୋରୋପାଇରିଫସ ୫୦% ସହିତ ସାଇପରମେଥ୍ରୀନ ୫% ଇ. ସି. ୧୦୦୦ ମିଲିଲିଟର ୧୦୦୦ ଲିଟର ପାଣିରେ କିମ୍ବା ପ୍ରୋଫେନୋଫସ ୫୦% ଇ. ସି. ୧୦୦୦ ମିଲିଲିଟର ୧୦୦୦ ଲିଟର ପାଣିରେ ମିଶାଇ ଦ୍ରବଣକୁ ସିଞ୍ଚନ କରନ୍ତୁ । ପୋକମାନେ ଅନ୍ୟ କିଆରୀକୁ ନଯିବା ପାଇଁ କିଆରୀ ଚାରିପଟେ ଥିବା ହୁଡାରେ ହେକ୍ଟର ପ୍ରତି ୨୫ କିଲୋଗ୍ରାମ  କ୍ଲୋରୋପାଇରିଫସ ୧.୫% ଗୁଣ୍ଡ ବହଳିଆ ଭାବରେ ସିଞ୍ଚନ କରନ୍ତୁ ।

ଧାନ ଫସଲରେ ଲେଡା ପୋକ ପରିଚାଳନା ବିଷୟରେ ପରାମର୍ଶ

ସ୍ୱଳ୍ପ ଖାଲୁଆ ଓ ମଧ୍ୟମ ରୁଆ ଧାନ ଜମିରେ ପିଲ ଆସିବା ସମୟରେ ବା (ରୋଇବାର ୨୦ ରୁ ୨୫ ଦିନ ପରେ) ଅଧିକ ଅମଳକ୍ଷମ କିସମ ପାଇଁ ଏକର ପିଛା ୩୫ କିଲୋଗ୍ରାମ ୟୁରିଆ ଏବଂ ଶଙ୍କର ଜାତୀୟ କିସମ ପାଇଁ ଏକର ପିଛା ୪୨ କିଲୋଗ୍ରାମ ୟୁରିଆ ସାର ପ୍ରୟୋଗ କରନ୍ତୁ । ସଠିକ ସମୟରେ ରୁଆଯାଇଥିବା ଧାନରେ କେଣ୍ଡା ଧରିବା ଆରମ୍ଭ ଅବସ୍ଥାରେ ବା (ରୋଇବାର ୫୦ ରୁ ୫୫ ଦିନ ପରେ ଦ୍ଵିତୀୟ ପିଲ ସାର ଭାବେ ଏକର ପ୍ରତି ୧୭.୫ କିଲୋଗ୍ରାମ ୟୁରିଆ ସାର ପ୍ରୟୋଗ କରନ୍ତୁ କିନ୍ତୁ, ବାଲିଆ ମାଟି ଜମିରେ  ୧୭.୫ କିଲୋଗ୍ରାମ ୟୁରିଆ ସହିତ ୧୩ କିଲୋଗ୍ରାମ ଏମ. ଓ. ପି. ସାର ପ୍ରୟୋଗ କରନ୍ତୁ ।

ଧାନ ଫସଲରେ ସାର ପରିଚାଳନା ବିଷୟରେ ସୂଚନା

ଧାନ ଫସଲରେ ମହିଷା ରୋଗର ପରିଚାଳନା ବିଷୟରେ ସୂଚନା

ରୁଆ  ଧାନ ୧୫ଦିନ ରେ ଘାସ ନିୟନ୍ତ୍ରଣ ପାଇଁ ଏକରକୁ ୮୦ ମିଲିଲିଟର  ପାଇରାଜୋସୁଲଫ୍ୟୁରନ୍ ଇଥାଇଲ (Pyrazosulfuron ethyl) କିମ୍ବା ୨୧ ରୁ ୨୫ ଦିନ ମଧ୍ୟରେ ବିଷପାଇରିବାକ ସୋଡିୟମ (Bispyribac sodium) ୮୦ ମିଲିଲିଟର  କିମ୍ବା ୨୧ରୁ ୨୮ ଦିନ ମଧ୍ୟରେ ୮୦୦ଗ୍ରାମ ୨, ୪ – ଡି. ଇଥାଇଲ ଇଷ୍ଟର (2, 4 D ethyl ester) କିମ୍ବା ୨୮ ରୁ ୩୫ ଦିନ ମଧ୍ୟରେ ୩୦୦ ମିଲିଲିଟର ଫେନୋକ୍ସାପ୍ରୋପ-ପି-ଇଥାଇଲ (Fenoxaprop–p-ethyl) ତୃଣନାଶକ କୁ ୨୦୦ ଲିଟର ପାଣିରେ ମିଶାଇ ସିଞ୍ଚନ  କରନ୍ତୁ

ଧାନ ଫସଲରେ ଘାସ ପରିଚାଳନା ବିଷୟରେ ସୂଚନା

ଧାନ ଫସଲରେ ଜୀବାଣୁ ଜନିତ ପତ୍ର ପୋଡା ରୋଗ ପରିଚାଳନା ପାଇଁ ଏକର ପ୍ରତି କପର ହାଇଡ୍ରୋକସାଇଡ (Copper Hydroxide) ୫୩.୮% ଡି. ଏଫ. ୬୦୦ ଗ୍ରାମ କିମ୍ବା ୨୦୦ ଗ୍ରାମ  ପ୍ଳାଣ୍ଟୋମାଇସିନ   (Plantomycin) ଓ  ୬୦୦ ଗ୍ରାମ କପର ଅକ୍ସି କ୍ଲୋରାଇଡ ( Copper Oxy Chloride) ୫୦% ଡବ୍ଲୁ. ପି. ନାମକ ଔଷଧ କୁ  ଏକର ପ୍ରତି ୨୦୦ ଲିଟର ପାଣିରେ ମିଶାଇ ସିଞ୍ଚନ କରନ୍ତୁ ।

ଧାନ ଫସଲରେ ଜୀବାଣୁ ଜନିତ ପତ୍ର ପୋଡା ରୋଗ ପରିଚାଳନା ବିଷୟରେ ପରାମର୍ଶ

"ଯଦି ଧାନ ଫସଲ ୫୦% ରୁ ଅଧିକ ନଷ୍ଟ ହୋଇଯାଇଛି , ତେବେ ଚାଷୀଭାଇ ମାନେ ନିଜ ଅଞ୍ଚଳରେ ଉପଲବ୍ଧ ଥିବା ପୁରୁଣା ତଳି କୁ ବୁଦା ପ୍ରତି ୪ ରୁ ୫ ଟି ପୁନଃ- ପ୍ରତିରୋପଣ କରନ୍ତୁ  ଏବଂ  ଗଛ ରୁ ଗଛ ୧୫ ସେଣ୍ଟି ମିଟର ଧାଡ଼ିକୁ ଧାଡ଼ି  ୧୫ ସେଣ୍ଟିମିଟର ବ୍ୟବଧାନ ରଖନ୍ତୁ ।  
ଯଦି ଧାନ ଫସଲ ସମ୍ପୂର୍ଣ୍ଣ ନଷ୍ଟ ହୋଇଯାଇଛି ତେବେ, ସେପ୍ଟେମ୍ବର ୧୫ ସୁଦ୍ଧା କମ ଦିନିଆ ଶୀତ ସହନଶୀଳ ଧାନ କିସମ  ଯଥା: ଅଞ୍ଜଳି ଅଙ୍କିତ, ଅନ୍ନପୂର୍ଣ୍ଣା, କଳିଙ୍ଗ-୨, ହୀରା, ବନ୍ଦନା ଏବଂ କଲ୍ୟାଣୀ-୨ କ୍ଷେତରେ ସିଧାସଳଖ ବୁଣାଯାଇପାରିବ ।

ମଧ୍ୟବିତ୍ତ  କାଳୀନ ଧାନ କିସମ ବିଷୟରେ ସୂଚନା

"ପତ୍ର ମୋଡା ପୋକ ଦେଖିବାକୁ କମଳା ଧୂସର ରଙ୍ଗର । ଏହାର ଡେଣା ଧାରରେ ଢେଉ ଢେଉକା ବହୁତ କଳା ପଟି ଥାଏ । ଏହାର ଶୂକ ଗୁଡିକ ଫିକା ସବୁଜ ରଙ୍ଗର, ସ୍ୱଛ ଓ ଖୁବ କ୍ଷିପ୍ର । ଶୂକ ପତ୍ରକୁ ଉପରୁ ତଳକୁ କିମ୍ବା ଦୁଇଟି ପତ୍ରକୁ ମୋଡିଦେଇ ତା ମଧ୍ୟରେ ରହି ସବୁଜ ଅଂଶ କୋରି ଖାଇଥାଏ । କିଆରୀରେ ଠାଏ ଠାଏ ପତ୍ର ଖିଆ ଧଳା ଦାଗ ଦେଖାଯାଏ । ମୋଡା ପତ୍ର କୁ ଫିଟାଇ ଦେଲେ ସବୁଜ ରଙ୍ଗର ଶୂକ ବାଦାମି ରଙ୍ଗର ମଳ ସହ ବାହାରିଥାଏ  ।
ଧାନ ବୁଦା ପ୍ରତି ୨ ଟି ପତ୍ର ମୋଡା ପୋକ ଦେଖା ଦେଲେ ଏହାର ନିଯନ୍ତ୍ରଣ ପାଇଁ ଏକର ପ୍ରତି କ୍ଳୋରାଣ୍ଟ୍ରାନିଲିପ୍ରୋଲ ୧୮.୫% ଏସ. ସି. ୬୦ ମିଲିଲିଟର କିମ୍ବା ଫ୍ଲୁବେଣ୍ଡିଆମାଇଡ ୨୦ ଡବ୍ଲୁ.ଜି. ୫୦ ଗ୍ରାମ କିମ୍ବା କାରଟାପ ହାଇଡ୍ରୋକ୍ଳୋରାଇଡ ୫୦ ଡବ୍ଲୁ.ଜି. ୪୦୦ ଗ୍ରାମ କିମ୍ବା ଟେଟ୍ରାନିଲିପ୍ରୋଲ ୨୦୦ ଏସ. ସି.  ୧୨୦ ମିଲିଲିଟର ୨୦୦ ଲିଟର ପାଣିରେ ମିଶାଇ ସିଞ୍ଚନ କରନ୍ତୁ ।

ଧାନ ଫସଲରେ ପତ୍ରମୋଡା ପୋକ ପରିଚାଳନା ବିଷୟରେ ପରାମର୍ଶ

ଗୋଟିଏ ଗାଈକୁ ଖାଦ୍ୟ ଭାବରେ ଆମେ ଦାନା, ଘାସ, ନଡା ଓ ପାଣି ଦେଉଛୁ । ସାଧାରଣତଃ ଆମେ ଏହି ୪ ଟି ଜିନିଷ କୁ ଖାଦ୍ୟ ଭାବରେ ଦେଉଛୁ । ଗୋଟିଏ ଜର୍ସି ଗାଇକୁ ଶରୀର ଠିକ ଭାବରେ ରହିବା ପାଇଁ ପାଖାପାଖି ୨ କିଲୋଗ୍ରାମ ଦାନା ସହିତ ପ୍ରତି ଲିଟର କ୍ଷୀର ପାଇଁ ୪୫୦ ଗ୍ରାମ ଦାନା ଦରକାର । ଯଦି ଗୋଟିଏ ଗାଈ ୧୦ ଲିଟର କ୍ଷୀର ଦେଉଥାଏ ତେବେ ଦେହ ପାଇଁ ୨ କିଲୋଗ୍ରାମ ଏବଂ କ୍ଷୀର ଉତ୍ପାଦନ ପାଇଁ ୪.୫ କିଲୋଗ୍ରାମ । ସମୁଦାୟ ୬.୫ କିଲୋଗ୍ରାମ ଦାନା ଖାଇବା ଆବଶ୍ୟକ । ଏହାକୁ ୨ ବା ୩ ଭାଗରେ ଦିଆଯାଇପାରିବ । ଘାସକୁ ଗାଈର ଶରୀର ଓଜନର ୧୦ ଭାଗରୁ ୧ ଭାଗ ଅର୍ଥାତ ଗୋଟିଏ ଗାଈକୁ ଦିନକୁ ୨୫-୩୦ କିଲୋଗ୍ରାମ ସବୁଜ ଘାସ ଖାଇବାକୁ ଦେବା ଦରକାର । ନଡା କୁ ୪୦ ଭାଗରୁ ୧ ଭାଗ ଅର୍ଥାତ ୭-୮ କିଲୋଗ୍ରାମ ଦେବା ଆବଶ୍ୟକ । ନଡା ଏବଂ ଘାସକୁ ଖାଇବାକୁ ଦେବା ସମୟରେ ଛୋଟ ଛୋଟ ଖଣ୍ଡ କରି ନଡା ୨ ଭାଗ ଓ ଘାସ ୧ ଭାଗ ହିସାବରେ ଖାଇବାକୁ ଦେବା ଆବଶ୍ୟକ । ଏହାଦ୍ଵାରା ଗାଈର ହଜମ ଭଲରେ ହୋଇଥାଏ । ପାଣି ମଧ୍ୟ ଗାଈ ଶରୀର ପାଇଁ ଅତ୍ୟନ୍ତ ଆବଶ୍ୟକ ହୋଇଥାଏ । ପାଣି ଗାଈର ଶରୀରକୁ ଥଣ୍ଡା ରଖିବାରେ ସାହାଯ୍ୟ କରେ, ଖାଦ୍ୟ ହଜମରେ ସହାୟକ ହୁଏ, ଝାଡା ଠିକ ଭାବରେ ହୋଇଥାଏ ଏବଂ ଶରୀରରେ ଯେଉଁ ବିଷ ପ୍ରକ୍ରିୟା ସୃଷ୍ଟି ହୁଏ ତାକୁ ବାହାର କରିବାରେ ସହାୟକ ହୋଇଥାଏ । ତେଣୁ ଗୋଟିଏ ଗାଈକୁ ଯଥେଷ୍ଟ ପାଣି ଦେବା ଆବଶ୍ୟକ । ଗୋଟିଏ ଦୁଧିଆଳୀ ଗାଇ ଯଦି ୧୦ ଲିଟର କ୍ଷୀର ଦେଉଥାଏ ତେବେ ତାକୁ ୭୦-୮୦ ଲିଟର ପାଣି ଆବଶ୍ୟକ ହୋଇଥାଏ ଓ ଏହାଦ୍ଵାରା ଗାଈର ହଜମ ପ୍ରକ୍ରିୟା ଭଲ ହେବା ସହିତ କ୍ଷୀର ଉତ୍ପାଦନ ଭଲ ହୋଇଥାଏ ଓ କ୍ଷୀରର ମାନ ମଧ୍ୟ ବୃଦ୍ଧି ପାଇଥାଏ । କମ ପାଣି ପିଇବା ଦ୍ଵାରା କ୍ଷୀର ଉତ୍ପାଦନ ଓ କ୍ଷୀରର ମାନ ମଧ୍ୟ କମିଥାଏ । ତେଣୁ ଗାଇକୁ ଯଥେଷ୍ଟ ପାଣି ଦେବା ଆବଶ୍ୟକ । ଗାଈକୁ ଖାଦ୍ୟ ସହିତ ୪୦-୫୦ ଗ୍ରାମ ଲୁଣ ଦେବା ଉଚିତ । ଗାଈ କ୍ଷୀର ଦେବା ଯୋଗୁଁ ତା ଦେହରୁ କ୍ଷୀର ସହିତ ଲବଣ ଅଂଶ ମଧ୍ୟ କମିଥାଏ ତେଣୁ ଘାସ ସହିତ ମିନେରାଲ ମିକଶ୍ଚର ମିଶାଇ ଦେଲେ ଗାଈର ଶରୀର ଠିକ ରହିବା ସହିତ ହାଡ ମଜବୁତ ହୋଇଥାଏ ଓ ଠିକ ପରିମାଣରେ କ୍ଷୀର ମଧ୍ୟ ଦେଇଥାଏ । ଘାସରେ ଭିଟାମିନ &lsquo;କ ଥାଏ ଯାହା ଶରୀରକୁ ଚିକ୍କଣ ରଖିବାରେ ସହାୟକ ହୁଏ ଏହାଦ୍ୱାରା କ୍ଷୀର ଚିକ୍କଣ ରହିବା ସହିତ ଥନହରା ରୋଗର ଆଶଙ୍କା କମ ରହେ ଏବଂ ଗଣ୍ଠି ଫୁଲା ମଧ୍ୟ କମ ହୁଏ । ତେଣୁ ଗାଈ ମାନଙ୍କୁ ଯଥେଷ୍ଟ ପରିମାଣରେ ଘାସ ଦେବା ଫଳରେ ରୋଗପ୍ରତିରୋଧକ ଶକ୍ତି ବୃଦ୍ଧି ପାଇଥାଏ । ଘାସ ଖାଦ୍ୟ ହଜମ କରିବାରେ ସାହାଯ୍ୟ କରିଥାଏ । ଘାସ ଓ ନଡା ଖାଇବା ଦ୍ଵାରା ଗାଈ ପେଟରେ ସୃଷ୍ଟି ହେଉଥିବା ଏସିଡ କମାଇବାରେ ସାହାଯ୍ୟ କରି ଖାଦ୍ୟକୁ ହଜମ କରାଇଥାଏ । ଏହାଦ୍ଵାରା ପାଟିରୁ ନାଳ ଅଂଶ ମଧ୍ୟ ବାହାରେ ଯାହା ଖାଦ୍ୟକୁ ଭଲ ଭାବରେ ହଜମ କରିଥାଏ । ଘାସ ମଧ୍ୟ ଦେହକୁ ଥଣ୍ଡା ରଖେ । ଘାସର ଅନେକ ଉପକାରିତା ରହିଛି । ଗୋଖାଦ୍ୟ ମଧ୍ୟରେ ଘାସର ଏକ ପ୍ରମୁଖ ଭୂମିକା ରହିଛି । ଘାସର ଅଭାବରେ ପ୍ରଜନନ କ୍ଷମତା ମଧ୍ୟ କମିଥାଏ । ତେଣୁ ଯଦି ଗାଈକୁ ଦିନକୁ ୨୦-୨୫ କିଲୋଗ୍ରାମ ଘାସ ଖାଇବାକୁ ଦେବା ତେବେ ଗାଇର କ୍ଷୀର ଉତ୍ପାଦନ ଠିକ ରହିବା ସହିତ ପ୍ରଜନନ କ୍ଷମତା ମଧ୍ୟ ଭଲ ହେବ ।

ଗାଈର ଖାଦ୍ୟ ପରିଚାଳନା

Reliance Foundation, founded in 2010, is the philanthropic foundation of Reliance Industries Limited and one of the largest private foundations in India. Its objective is to promote sustainable growth in India.

Since 2013, One of the programme in Reliance Foundation “Information Services” is disseminating information on weather based livelihood (agriculture, livestock, inland / marine fisheries), Government / Bank schemes, subsidies, Insurance, disaster management, health, social, education, employment and civic services advisories and providing necessary linkages to rural communities with the technical support of Government Departments, Universities, Research Institutions, Hospitals, Banks using different communication platforms such as mobile platforms, local cable TVs, print, electronic media, multi-location audio / video conferences.

The programme is also providing ground services such as medical camps, livestock camps, plant diagnostic camps, soil testing camps, demonstrations and trainings.

Presently RFIS programme is in partnership with approximately 500 knowledge providers (departments / organizations / institutions not individuals) for providing right information to right individuals from right sources. More than 30, 00,000 individuals have been receiving personalized advisories onto their mobiles in different thematic areas. More than 25,000 villages are receiving advisories or are participating in interactions on day to day basis with various programmes or broadcast modes (local cable TV, Radio and Print Media). The entire eco-system is supported by cloud telephony based Toll Free Help Line Number (1800-419-8800) in the form of providing necessary clarifications from knowledge providers to knowledge seekers.

Popular tracks tagged #ଧାନ